Whatsapp Share
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【3日2夜好去處】短線旅行好去處  3日2夜快閃去邊度

【3日2夜好去處】短線旅行好去處 3日2夜快閃去邊度

短線旅行去邊度好?

#旅行 #拍拖好去處 #親子活動

by Juliette

📷Travel |🐾Photography


香港人日忙夜忙,想趁住長週末去個短途旅行又唔知去邊好?咁就一定要睇睇以下3日2夜好去處精選!唔好以為短途旅行就無地方好去,其實3日2夜已經夠玩好多地方,即刻睇睇以下推薦啦!

【3日2夜之台灣篇】

台北文青遊

無論你去過台北多少次,都一定唔會厭倦。單係台北夜市嘅平價美食,就已經可以令到你3日2夜嘅短途旅行值回票價。飲完珍珠奶茶、食完三色芋圓同滷肉飯,就可以行下台北文創景點嘅集中地啦!當中唔單有各種本土製造嘅玩物,更加有好多文青cafe可以坐。文青們更可以走入幾米的繪本世界,感受幾米文字下嘅世界。

 

墾丁 - 陽光與海灘

熱愛水上活動嘅人,墾丁一定係3日2夜假期必去之地!藍天白雲,水清沙幼,喺墾丁唔再係遙不可及的東西。日頭係海灘潛水滑浪曬太陽,傍晚於墾丁大街上買手信感受慢活生活,十分愜意!再加上墾丁屬沿海地區,海鮮供應十足,價錢相宜,簡直係天堂。而呢度都係唔少外國人嘅度假聖地,有機會嘅話都可以住下當地嘅青年旅舍,可以識到一班來自唔同國家嘅朋友!

 

【3日2夜之泰國篇】

泰北清邁

冇咗首都曼谷果種繁華,清邁帶比人更多嘅係樸素同清靜。如果你之前去開曼谷多,3日2夜嘅短假期都考慮一下泰北清邁。清邁古城有超過700年歷史,至今仲保留住完整嘅一座城門—塔佩門,值得去感受下歷史古蹟!而清邁大學之間嘅寧曼路就集合咗各式情調嘅店鋪、咖啡店、酒吧同大型購物中心,日頭行完景點,夜晚就可以去呢度chill下~

 

曼谷 - 購物天堂

繁華嘅曼谷絕對係購物狂嘅天堂!唔單有富有時代感嘅大商場,仲有懷舊市集同夜市,大把靚嘢可以買!同時之間,有千佛之國之稱的曼谷景點眾多,交通方便,購物之餘都可以遊覽唔同嘅歷史古蹟or博物館。日頭參觀完景點,夜晚仲可以享受下純正嘅泰式按摩,包你夜晚訓得好!相信在短短3日2夜短途旅行中一定收穫不少~

 

【3日2夜之星馬篇】

新加坡美食之旅

想感受東南亞風情,食盡南洋美食,新加坡就一定係3日2夜短途旅程首選啦!新加坡面積較細,旅遊地點夠曬集中,3日行程絕對可以行得曬。乘坐新加坡地鐵,遊覽環球影城、獅子噴泉,再食下當地出名嘅肉骨茶同海南雞飯,開開心心享受短途旅程!

 

馬來西亞檳城

想遊山玩水行下夜市又唔想去太遠,可以考慮一下去四面環海嘅檳城。檳城係馬來西亞第二大城市,而最出名嘅莫過於位於喬治城嘅舊城區啦!喺舊城區唔單可以見到各式各樣嘅壁畫,仲可以食道又平又好食嘅嘅椰漿飯、肉骨茶、海南雞同娘惹餐。漫步完舊城區,仲可以去下附近嘅小印度城,感受印度風情,亦都可以參觀當地清真寺,感受當地多元嘅文化!而檳城嘅旅遊景點一樣係好集中,3日2夜行程非常足夠~

 

放假除咗可以去行山,其實都可以去下臨近國家短途旅行。唔知大家睇完呢篇3日2夜好去處,又plan定下一個短假期去邊度旅行呢?

 

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!

關鍵詞:
香港 【3日2夜好去處】短線旅行好去處 3日2夜快閃去邊度  香港   香港   香港