Whatsapp Share Whatsapp Share
×
搵活動 夾時間神器 關於我們 到會美食 玩樂雜誌 登入 註冊
×
搵活動 夾時間神器 關於我們 到會美食 玩樂雜誌 登入 註冊
×
 Hong Kong hk 香港 玩樂雜誌 【尖沙咀好去處】尖沙咀必去文青小店、工作坊、娛樂、打卡聖地
ReUbird 玩樂雜誌   #打卡好去處 #室內玩樂 #party-room #懶人包
【尖沙咀好去處】尖沙咀必去文青小店、工作坊、娛樂、打卡聖地

ReUBird緊貼最新資訊,為你搜羅尖沙咀中心地段既好去處,淨尖沙咀都可以玩到唔想走!


by Wing Yi

📷Photography | 🌈Travel | 🎤K-Culture | 🥞Foodie


尖沙咀好去處有好多,因為尖沙咀係香港最繁華既旺區之一,集娛樂、飲食同零售在一身,啱晒一眾潮男潮女到尖沙咀拍拖、去街。除左耳熟能詳既維港、星光大道、海港城等等尖沙咀標誌性旅遊熱點,原來仲有好多隱世打卡位同逛街好地方,你又知幾多尖沙咀好去處?


以下會分為五個範疇介紹尖沙咀好去處,啱晒唔同喜好既朋友仔,分別係:

文青篇手作篇打卡篇
室內玩樂篇周圍逛篇


跟住我一齊玩轉成個尖沙咀啦!


1. 文青篇 | 尖沙咀文創好去處


喺繁華既尖沙咀,想沾下啲文化、藝術既氣息?等我介紹下尖沙咀既文青好去處,鼓動你既藝術細胞啦!


1.1 文化屋雜貨店 Bunkaya Zakkaten



大型商場行到好悶?呢間尖沙咀既文化屋,就啱晒文青既你啦!唔好睇小呢間文化屋,原來佢大有來頭。文化屋來自日本原宿,已有四十幾年歷史,喺日本已經有唔少分店,大受歡迎,09年就進駐香港開設分店。




文化屋裏面收藏左好多從日本直送既日系懷舊雜貨,入到尖沙咀呢間文化屋,猶如時光倒退,回到明治時代既日本。店裏亦有好多係日本原店社長喺世界各地搜集既特色玩意,吸引唔少潮人前來朝聖!


地址: 尖沙咀金巴利街22號1樓 [利寶花店入口 上樓梯]

營業時間: 星期一至日 13:00 - 21:00

Facebook專頁: 按此

電話: +852 2721 2227


1.2 優質生活百貨 28 Garden



呢間專賣精緻花藝品同復古家具既尖沙咀小店,瀰漫住濃厚既復古風。小店裏既木製品散發住淡淡既壇香味,令人身心舒暢。




而且店內商品價格親民,大部分只售廿八蚊,貫徹小店名稱28Garden,實在係買平價工藝品既好去處啊!呢件熊仔擺設都只係廿八蚊咋!快啲黎帶佢返屋企!


地址:  尖沙咀金巴利道35號金巴利中心8樓802室

營業時間:

  • 星期一至六:12:00pm - 8:00pm
  • 星期日:不定時

Facebook專頁: 按此

電話: +852 6073 0120


1.3 香港藝術館


相片來源: TheStandNews

位於尖沙咀海旁既香港藝術館進行左大型擴建後,喺2019年11月重開,展覽空間擴至1萬平方公尺,展出近1萬7千件古今中外的藝術品。



相片來源: OrangeNews

某啲展館仲係採用大型玻璃幕牆,睇展品之餘,仲可以邊睇埋維港景色啊,一次過滿足你兩個願望啊!部分展館免費入場,但就需要先喺網上預約系統領取電子入場券,仲唔快啲行動?


地址: 九龍尖沙咀梳士巴利道10號

開放時間:

  • 星期一至三、五 10:00am – 6:00pm
  • 星期六、日及公眾假期 10:00am – 7:00pm
  • 星期四(公眾假期除外)、農曆年初一及二休館

官網: 按此

電話: +852 2721 0116


2. 手作篇 | 尖沙咀DIY好去處


平時逛市集見到唔少手作玩意,有無諗過自己都可以親手製作小物、蛋糕,拎去送比屋企人、男女朋友又得,放喺屋企留念都得,真係好有意義啊!尖沙咀就有唔少進行DIY工作坊既好去處啦!


2.1 經典玻璃陶瓷DIY Charmant



平時用既杯具都係市面買返黎,有無諗過可以自己設計返隻屬於自己既玻璃杯呢?呢間位於尖沙咀既樓上工作室就可以滿足到你既願望!



相片來源: Ulifestyle


彩繪完只需烤焗30分鐘就大功告成,即日整即日攞走都得啊!有與趣既朋友可以喺FB專頁查詢同預約上工作坊既時間同費用!


地址: 尖沙咀百利商業中心15樓1531室

電話: +852 6747 7915

官網: 按此


2.2 蛋糕DIY Bakbe:烘焙出你甜蜜既心意



呢間位於Mira Place既自助蛋糕培烘工作室,夢幻粉紅既裝潢,寬敞既計設,環境舒適度滿分!




除左蛋糕,仲有唔同既甜品製作班,有得整又有得食,一舉兩得!價錢同時間可以到官網查詢。


地址: 九龍尖沙咀美麗華廣場二期1樓170號舖

營業時間: 每日11am – 10pm

官網: 按此

電話: +852 3165 8279


2.3 香水DIY 99ml:調制專屬你既品味



工作室使用法國香水為原料,仲有得即場鐳射雕刻。而工作坊有專業香水師指導,由香水調配到設計香水瓶,全部都可以親身體驗!不妨黎試下揀你既專屬氣味,整返支獨一無二既香水。




地址: 九龍尖沙咀加連威老道23號1樓

營業時間: 星期一至日11:00-21:00

Facebook專頁: 按此

電話: +852 2295 6333


3. 打卡篇 | 尖沙咀打卡好去處


黎到尖沙咀,梗係要影返幾張靚靚相,打返張卡啦!


3.1 海運觀點:維港景色盡收眼底



位於尖沙咀海港城既免費觀景平台,係飽覽維港景色既好去處。天氣好既時候,不妨去海運觀點睇日落,打返張卡!


地址: 九龍尖沙咀廣東道3-27號

開放時間: 早上 07:00 – 晚上 24:00


3.2 1881 公館:活化水警總部舊址



前身係水警總區總部,有逾130年歷史,經活化後搖身一變為酒店及商場。作為香港法定古蹟之一,1881公館保留殖民時期既建築特色,絕對係拍拖、打卡聖地啊!


地址: 九龍尖沙咀廣東道2A

官網: 按此

電話: +852 2926 8000


4. 室內玩樂篇 | 尖沙咀室內放電好去處


4.1 Sandbox VR:驚險刺激格鬥之旅


相片來源: Honeycombers

喺尖沙咀行街、打卡完,想揾下啲刺激感?不如去體驗下超真實VR格鬥啦!呢間尖沙咀Sandbox VR,比你體驗比坐雲霄飛車更驚險既旅程。宜家去官網就可以預約,亦接受現場walk-in。




尖沙咀店獨有既VR格鬥遊戲《海魔的詛咒》有得玩啦,你可以搖身一變,成為寶藏獵人!遇到海魔妖怪既入侵,有無信心可以完成任務,盡情探袐?約埋三五知己,一齊喺VR場地內盡情叫破喉嚨,感受脈博既震顫啦!


地址: 尖沙咀金馬倫道太興廣場4樓 

電話: +852 2311 9995

官網: 按此


4.2 Party Room:與朋友分享温馨時刻



講到玩樂好去處,又點少得Party room呢?一班朋友揾地方聚腳,想玩多元既玩樂設施,Party Room的確係一個好選擇!大部分Party room設施齊全,除左基本配備例如Boardgame、唱K機同麻雀枱,部分仲會有氣墊球、桌球等等玩樂設備,更有唔同特色既房間,滿足埋你打卡既欲望。




尖沙咀有唔同特色既Party room,任君選擇,梗有一間啱晒你同班friend盡情狂歡!想知多啲關於尖沙咀既Party room?即刻上 ReUBird 揾你心水既Party Room啦。


5. 周圍逛篇 | 尖沙咀行街好去處


5.1 大型商場

講到尖沙咀既行街好去處,又點可以唔提大型購物中心?尖沙咀大型商場林立,品牌商店一應俱全,shopping行到攰又可以去餐廳飲飲食食。有時亦會有大型擺設或者大型活動,絕對係潮男潮女行街既聖地!以下為你介紹位於尖沙咀心臟地帶既其中四個大型購物中心,準備好喺尖沙咀血拼一場味?



The One



地址: 九龍尖沙咀彌敦道100號

官網: 按此



I Square



地址: 九龍尖沙咀彌敦道63號

官網: 按此



Mira Place



地址: 九龍尖沙咀彌敦道118-130及132號

官網: 按此



新港中心



地址: 九龍尖沙咀廣東道30號

官網: 按此



5.2 重慶大厦:正宗印度店舖、餐館


相片來源: Qunar


位於尖沙咀既重慶大厦,於1961年落成,已經有60年歷史!大厦以東南亞人聚居處而聞名,各種族人和平共處,充分反映香港文化共融既特點。



相片來源: KKnews


大厦裏面有唔同既東南亞特色餐廳同超市,充滿濃厚異國風情!喺清真餐廳品嘗過東南亞特色料理,再喺穿插喺唔同特色雜貨店度行街,帶你認識東南亞地道面貌,感受異國風土人情,絕對係一種難忘體驗!


地址: 九龍尖沙咀彌敦道36-44號



尖沙咀有咁多隱世好去處,快啲約個時間,同朋友一齊遊走尖沙咀,尋找屬於你鬧市中既綠州!


熱門文章




關鍵詞:
香港 【尖沙咀好去處】尖沙咀必去文青小店、工作坊、娛樂、打卡聖地  香港   香港   香港