尖沙咀係香港著名嘅旅遊區，想搵尖沙咀親子好去處其實一啲都唔難！今次帶大家走勻尖沙咀有啲咩親子好地方去！
親子活動係一個寶貴嘅時刻，建立親密嘅關係同時為小朋友提供學習同成長嘅機會。
除此之外，可以幫助小朋友學習表達情感，培養同理心。即刻睇睇尖沙咀親子好去處有咩玩！
尖沙咀親子好去處：
尖沙咀親子好去處｜1. 香港樂高®探索中心
樂高®賽車場
小朋友製造出屬於自己獨一無二嘅樂高賽車後，可以拎去隔離嘅賽道比拼一下邊個嘅賽車速度快啲～
速度測試跑道會精準計算車速同秒數，測試完之後可以再拎去改裝，提高速度。
（圖片來源：LegoLand）
迷你天地
用咗超過1,000,000塊樂高積木搭建而成嘅迷你世界，可以呈現到香港唔同地標、風景。
由中銀大廈至香港終審法院，由大澳漁村到廟街，隨著白天到黑夜嘅變化，探索呢個互動嘅城市。
（圖片來源：LegoLand）
魔法轉盤
入到魔法師默林嘅魔法屋，可以玩機動遊戲，喺轉盤上面快速踩動踏板，令座位向前移動。
（圖片來源：LegoLand）
古堡歷險
另一個有趣嘅機動遊戲設施就喺古堡歷險入面，坐上勇士座駕用鐳射槍瞄準邪惡妖魔鬼怪，就會成功得分喇～
（圖片來源：LegoLand）
香港樂高®探索中心｜詳情：
- 地址：香港九龍尖沙咀梳士巴利道18號K11 MUSEA地庫1樓B131-133號
- 開放時間：
- 星期一至五11:00-19:00（最後入場時間18:00）
- 星期六日及公眾假期10:00-19:00（最後入場時間18:00）
- 價錢：$235 / 1人
- 優惠：按此預訂可享優惠
尖沙咀親子好去處｜2. IRREGULart - 拼豆及小夜燈工作坊
位於尖沙咀東匯大廈14樓嘅 IRREGULart，係一個超適合一家大細嘅藝術天地！
呢度專為一家大細設計多元化藝術手作工作坊，環境舒適、交通方便，小朋友同父母一齊動手，玩得開心～
（圖片來源：Klook）
趣味拼豆手工製作
趣味拼豆手工製作係兒童最愛！PERLER BEADS 已有超過25年歷史，風靡全球20多國。
唔使跟模板，隨意發揮想像力，任何圖案都可以拼出獨一無二作品。無論自己保留定送親友，都係珍貴紀念品！
（圖片來源：Klook）
玻璃彩畫發光小夜燈
用鮮豔玻璃彩喺透明膠片上描繪風景、花鳥、吉祥圖案，完成後仲會發光，實用又夢幻！
小朋友可以帶返屋企做床頭燈，每晚都見到自己嘅創作。
（圖片來源：Klook）
IRREGULart 讓小朋友遠離屏幕，透過動手創作激發創意同自信，同時增進親子感情。
週末一家大細嚟尖沙咀玩手作，絕對係性價比最高嘅親子活動！
IRREGULart - 藝術工作坊｜詳情：
- 地址：尖沙咀寶勒巷27號東匯大廈14樓全層
- 開放時間：逢星期一至日 11:00/14:00/16:00/18:00
- 價錢：$292 / 1人
- 優惠：按此預訂可享優惠
尖沙咀親子好去處｜3. 香港科學館
能量穿梭機
能量穿梭機位於科學館展覽廳正中央，係一座高22米，貫穿四層展覽場地嘅巨型展品。
呢一座咁矚目嘅機械架構會同展示能量同運動嘅轉化， 運作緊嘅時候會產生一連串賞心悅目嘅聲響同視覺效果。
呢個展品目前係世界同類型展品中最大型嘅一件，喺香港科學館一個重要標誌。
（圖片來源：香港科學館）
鏡子世界
鏡子世界係由好多塊平面鏡去組合而成嘅效果，本來平平無奇嘅鏡子經過咗巧妙嘅設計同拼合，會產生奇特嘅影像。
同小朋友嚟到可以一齊探索背後嘅奧秘，透過實際參與、親身體驗同觀察，可以開啟小朋友對科學嘅好奇心～
（圖片來源：香港科學館）
磁電廊
嚟到磁電廊，可以近距離觀察由等離子體放電現象所產生嘅閃電，同舞動嘅光弧互動。
參觀科學館絕對係一個好好嘅親子活動，家長同小朋友可以一齊探索、學習，增強家庭互動同教育嘅機會。
（圖片來源：香港科學館）
兒童天地
小朋友擁有無限嘅潛能，去觀察、學習、想像、發明、聆聽、探索等等。遊戲喺學習同發掘新事物嘅最佳方式。
喺兒童天地，小朋友可以透過輕鬆有趣嘅展品去發掘大自然同身邊事物無限奧秘～
（圖片來源：香港科學館）
香港科學館｜詳情：
- 地址：香港九龍尖沙咀東部科學館道二號
- 開放時間：
- 星期一、二、三及五10:00-19:00
- 星期六、日及公眾假期10:00-21:00
- 星期四休館
- 價錢：HKD $0-20
- 電話：+852 2732 3232
尖沙咀親子好去處｜4. 合味道紀念館
我的合味道工作坊
合味道工作坊可以比參加者製作世上獨一無二嘅合味道杯麵，可以親手設計麵杯，又可以自己選擇湯底配料。
味道組合多達5460種，同小朋友一齊製作杯麵可以玩又可以食，創作獨一無二嘅回憶～
（圖片來源：合味道紀念館）
出前一丁工作坊
出前一丁工作坊會俾參加者感受由搓麵粉、壓麵團、壓薄麵布到切麵都會比參加者落手落腳去做。
然後會用「瞬間熱油乾燥法」炸乾麵條，包裝都會係由參加者自己設計，真正自己整一個出前一丁出嚟！
（圖片來源：合味道紀念館）
榖物麥片工作坊
穀物麥片工作坊係全球獨家限定，可以比參加者了解穀物麥片嘅製作過程。
（圖片來源：合味道紀念館）
展覽區
大家玩完工作坊之後，可以去到展覽區了解日清企業，透過館內以食品為主題嘅教育、娛樂同互動元素，激發每位訪客嘅創意同好奇心。
（圖片來源：合味道紀念館）
合味道紀念館｜詳情：
- 地址：九龍尖沙咀廣東道33號中港城2樓26-35號
- 開放時間：
- 星期一、二、四至日11:15-19:15
- 星期三休館（如星期三是公眾假期，其後一天將會休館）
- 價錢：
- 我的合味道工作坊 HKD$60
- 出前一丁工作坊 HKD$120
- 穀物麥片工作坊 HKD$60
- 電話：+852 3406 6600
尖沙咀親子好去處｜5. 九龍公園
九龍公園佔地13.3公頃，為市民提供全面嘅動靜態康樂設施。
由於地形所限，動態康樂場地會集中係公園北面，而靜態康樂場則主要集中南面。
（圖片來源： 九龍公園）
靜態公園入面包括左各種花園、保育地、瞭望台等等，每個場都好適合小朋友放電，亦都係親近大自然最好嘅方法。
小朋友喺入面可以欣賞同認識各種鳥類，環境保育都可以從小去做好基礎。
（圖片來源： 九龍公園）
大家都可以帶埋小朋友嘅泳衣去泳池玩㗎～
（圖片來源： 九龍公園）
最後放電場地當然唔少得兒童遊樂場，親子一日遊都可以喺呢度做個總結～
（圖片來源： 九龍公園）
九龍公園｜詳情：
- 地址：九龍尖沙咀柯士甸道22號
- 開放時間： 詳情按此
- 價錢：免費入場
- 電話：+852 2724 3344
尖沙咀親子好去處｜6. Bake Your Own 自助烘焙體驗
想喺尖沙咀搵到可以一邊食一邊玩嘅親子活動？
Bake Your Own 係尖沙咀鬧市入面一個超方便嘅自助烘焙空間 —— 唔使預約、唔使準備材料、唔使事後清理，想焗就焗，隨時過嚟都可以玩！
（圖片來源：Klook）
呢度提供多款香港人氣甜品選擇，包括朱古力麻糬曲奇、特濃軟心芝士撻、造型檸檬撻、芒果麻糬、櫻花蜜桃捲 等。
（圖片來源：Klook）
每人一份，自助模式超有趣，跟住平板電腦嘅詳細食譜，自己取材、製作到包裝，一手一腳完成。
駐場烘焙大使會全程協助，唔使驚失敗。完成後即食或者打包帶走都得，成就感爆棚！
（圖片來源：Klook）
小朋友可以體驗烘焙樂趣，親手整出熱騰騰甜品，即食或打包帶走分享，成就感爆棚！
（圖片來源：Klook）
經指定網站預約即享限定優惠，帶埋小朋友一齊嚟整甜品，製造滿滿甜蜜回憶啦～
Bake Your Own 自助烘焙體驗｜詳情：
- 地址：尖沙咀彌敦道132號美麗華廣場1期407舖
- 開放時間：逢星期一至日 12:00-21:00
- 價錢：$340起 / 1人
- 優惠：按此預訂可享優惠
尖沙咀親子好去處｜7. IRREGULart - TUFTING
嚟到 IRREGULart 藝術文化工作坊，同小朋友一齊享受親子創作樂趣。
（圖片來源：Klook）
呢個活動最適合一家大細齊上手，用 tufting 槍將柔軟彩色毛線一針一針「射」入畫布，共同設計屬於你們家庭嘅獨特地毯或掛毯。
可以整可愛動物、卡通人物、家庭合照圖案，或者抽象色彩創作，充滿樂趣同回憶！
（圖片來源：Klook）
Tufting 過程非常治癒，毛線穿過畫布發出嘅輕柔聲音，幫助大人細路放鬆心情，忘卻壓力。
觸感棉軟、色彩豐富，小朋友會好投入，邊玩邊發揮創意，同時培養專注力同手眼協調。
（圖片來源：Klook）
大人則可以享受陪伴嘅溫馨時光，增進親子感情。
專業導師全程耐心指導，由零基礎到有經驗都啱，2-5小時內完成作品，即日帶走滿滿成就感同快樂。
（圖片來源：Klook）
埸地仲提供多種尺寸選擇，經指定網站預約即享優惠，一家大細齊齊體驗療癒手作，創造美好家庭回憶！
IRREGULart - TUFTING｜詳情：
- 地址：尖沙咀寶勒巷27號東匯大廈14樓全層
- 開放時間：逢星期一至日 11:00/14:00/16:00/18:00
- 價錢：$398起 / 1人
- 優惠：按此預訂可享優惠
尖沙咀親子好去處｜8. 香港歷史博物館
帶小朋友認識香港「根」同「故事」，尖沙咀嘅香港歷史博物館絕對係親子必去好去處！
博物館位於漆咸道南100號，交通超方便，入場免費，環境寬敞舒適，適合一家大細慢慢探索。
（圖片來源：香港歷史博物館）
全新更新嘅常設展「香港故事」分為「同根同源」、「中西匯流」、「共赴國難」同「國際都會」四大主題，超過10個展館。
透過超過2,800件珍貴文物、歷史照片、實景模型同互動多媒體裝置，帶小朋友穿越時光隧道！
（圖片來源：香港歷史博物館）
由4億年前嘅遠古香港，到東漢陶屋、傳統漁村、開埠後嘅繁華，再到現代國際都會，一路睇住香港點樣由小漁村變成今日國際大都會。
（圖片來源：香港歷史博物館）
小朋友普遍鍾意互動元素同立體模型，大人可以一邊講解歷史一邊增進親子感情。
博物館仲有免費導賞團，家長可以提前報名，畀小朋友上堂生動歷史課～
（圖片來源：香港歷史博物館）
嚟尖沙咀玩不坊安排半日時間嚟呢度，結合科學館或附近公園，完美親子一日遊。
無論係培養小朋友嘅歷史文化意識，定係全家一齊感受香港情懷，都超值得！
香港歷史博物館｜詳情：
- 地址： 香港九龍尖沙咀漆咸道南100號
- 開放時間：
- 星期一、三至五 10:00-18:00
- 星期六、日及公眾假期 10:00-19:00
- 星期二休館
- 價錢：免費
- 電話：+852 2724 9042
尖沙咀親子好去處｜9. 香港太空館
想帶小朋友探索浩瀚宇宙、激發科學好奇心？香港太空館絕對係親子必去好去處！
館內超過500件展品，超過七成互動式，專為小朋友設計。
（圖片來源：香港太空館）
空館分為展覽廳同天文館兩大部分。展覽廳內有太陽系模型、太空人服裝、衛星同火箭實物展示，仲有大量互動遊戲同觸摸屏，小朋友可以親手操作模擬駕駛太空船、了解黑洞同星際旅行等知識，寓教於樂，邊玩邊學。
（圖片來源：香港太空館）
圓頂天文館係全港最大，設有先進天象廳，定期放映精彩全天域電影，例如《星空奇遇》、《月球探秘》等，躺在舒適座椅上彷彿置身浩瀚星河，視覺同聽覺都極具震撼力！
（圖片來源：香港太空館）
館內仲有兒童活動、工作坊同35周年紀念展，定期舉行科學演示同比賽。
（圖片來源：香港太空館）
活動適合3歲以上小朋友，家長可以一邊解說一邊增進親子感情。館內環境舒適，有休息區同親子設施，雨天或炎熱日子都係理想室內活動。
香港太空館｜詳情：
- 地址： 香港九龍尖沙咀梳士巴利道10號
- 開放時間：
- 星期一、三至五 13:00-21:00
- 星期六、日及公眾假期 10:00-21:00
- 星期二休館
- 價錢：詳情按此
- 電話：+852 2721 0226
尖沙咀親子好去處｜10. 香港藝術館
香港藝術館位於梳士巴利道10號星光大道旁，維港海景開揚，落地玻璃窗打卡一流，亦係畀小朋友接觸藝術、培養審美同創意嘅好地方～
（圖片來源：Wikipedia）
港藝術館係本港首間公營藝術館，收藏超過17,000件珍品，包括中國古代文物、書畫、外銷藝術品同現代香港藝術家作品。
展覽廳設計現代，設大量互動元素同兒童專區。
（圖片來源：Wikipedia）
「小腦袋‧大發現」系列專為2-6歲幼兒設計，有HKMoA字母卡同「跟著畫家找找看」遊戲，讓小朋友透過輕鬆尋寶同填色活動，認識不同年代藝術品，培養專注力、觀察力同想像力。
（圖片來源：ohpama）
5樓新視閣不時舉辦童趣裝置展同互動工作坊，例如懸掛小鳥雲朵裝置同填色打卡區，作品更可即時上屏展示，超有成就感！
（圖片來源：mehk）
家長可以同小朋友一邊欣賞展品一邊討論，邊玩邊學，增進親子感情。
嚟尖沙咀，記得帶小朋友嚟呢度開闊眼界，感受藝術魅力！
香港藝術館｜詳情：
- 地址： 香港九龍尖沙咀梳士巴利道10號
- 開放時間：
- 星期一至三、五 10:00-18:00
- 星期六、日及公眾假期 10:00-21:00
- 星期四休館
- 價錢：免費入場（專題展覽除外）
- 電話：+852 2721 0116
延伸閱讀
1. 【荃灣Playhouse推介】30,000尺超大場地，入場只需最低$80起！（按此查看）
2. 【沙田Playhouse】近萬呎場地，獨家優惠$130任玩入場門票，親子放電之選（按此查看）
3. 【九龍灣Playhouse】三萬尺大型Playhouse，玩足全日！（按此查看）
4. 【荔枝角Playhouse】$88即可入場！夢幻主題 X 大型波波池（按此查看）
5. 【愉景灣Playhouse】9個主題遊樂設施，亞洲最高嘅七彩滑梯（按此查看）
6. 兩大石門Playhouse推介｜只需$130起！親子樂趣，發揮無限想像力（按此查看）
7. 【Megabox Playhouse】過萬尺超大場地，集遊戲、教育以及家庭樂於一身！（按此查看）