載入中...

×
登入 註冊

聯絡我們 關於我們
 篩選
 排序方式
排序方式 清除
價格(從低到高)
熱賣活動
篩選 清除
 名稱 / 關鍵詞 :

香港 2-100人遊艇預訂推介

租船服務 - 船P、遊船河

ReUbird 集合了超過30隻不同種類的西式遊艇,可睇晒船隻設施、上落碼頭及租船價錢,讓你租船,租遊艇,搞船P或遊船河都更輕鬆更方便!

香港各區 遊艇派對

搜尋條件   遊艇派對   搵到31個結果 :

1 2 ...  


🤗 精選推介 🤗

二人世界

二人世界

拍拖好去處

拍拖好去處

親子活動

親子活動

BBQ燒烤場

BBQ燒烤場

Team Building

Team Building

室內玩樂推介

室內玩樂推介

香港戶外活動

香港戶外活動

至抵Party Room

至抵Party Room

專業到會服務

專業到會服務

打麻雀 Party Room!

打麻雀 Party Room!

【第一次搞船P詳細教學】預訂遊艇須知和解答新手必問問題



搞船P租遊艇遊船河但唔知點入手?ReUbird 會詳細教你點樣計劃整個遊艇派對,輕鬆搞個西貢船P啦!由教你分淡旺季揀船到應唔應該去西貢玩船P,ReUbird教解得一清二楚。



1.初步確認同行人數及出發日期

揀船之前,你要先睇下究竟有幾多個人會參加呢次活動同埋出發日期



出發日期:平日平d,假日貴少少


船P 可平可貴。船P嘅旺季由5月中已經開始,直到9月尾d船都好易就full,尤其星期六日及公眾假期。船P價格受到需求影響,所以早少少預訂嘅話價錢通常會冇咁貴。


同行人數:預訂一隻size 適合嘅遊艇


至於人數方面,如果想每個人都可以畀平d就要揀一隻啱啱好 fit到同行人數嘅遊艇。如果太少人book一隻太大嘅遊艇就會好貴,但如果太多人book隻太細嘅遊艇就會好逼同埋危險,設施都會唔夠玩。


2. 租船時段:日間 / 晚間 / 過夜時段

第一次搞船P的確會唔清楚點搞,但只要跟住ReUbird一切都無難度喇!第二樣重要嘅事項係,你需要決定預訂嘅時段。船P預訂時段主要分為日間、晚間和過夜


日間:適合玩耐d和玩水上活動


如果你想玩耐d同埋鍾意水上活動嘅話,小編建議你揀日間時段,通常租7-8小時,由 9點 / 10點開始,可以玩耐d。雖然會熱dd,最重要係可以見到陽光,玩快艇滑水。


如果有興致嘅話,之後你可以考慮落船去食海鮮!


晚間:能見度較低,但有另一番氣氛


晚間時段由7點開始,大多約11點落船。夜晚能見度較低,唔太適合玩水上活動,反而適合玩釣墨魚、釣魚等等。


通宵過夜:狂歡之選


過夜就再玩得癲d,成晚都開Party咁。不過,第一次搞船P唔係太建議過玩夜,可以玩咗幾次之後先試下。同埋通常過夜會比較貴,所以要注意翻喇!


3.租船計算方法: (a) 按人頭收費和 (b) 包船價


(a) 按人頭收費:過咗標準人數就有額外收費


第一種係按人頭收費,以上船人數計價。呢類船隻包指定人數(或者叫做標準人數),有一個最低消費金額,假如船P上船人數高於標準人數需要額外收費 。


舉個例子,本身A船最多可以坐57人,而船嘅指定人數係30人,租船費用為 $9000蚊,30人以上每位就要另加$300。無論你係4個人定係30個人上船,一開始都係畀 $9,000蚊。但如果你有35個人,由於上船人數(35人)高於標準人數(30人),所以租船費用就會變成 $9000(30人)再另外加 $300 x 5 (額外 5 人)= $1,500,合共 $10,500。


(b) 包船價


第二種就係包船價,無論上船人數有幾多個都好,只要唔超過船隻嘅最多人數冇額外收費。


4. 租遊艇嘅目的-今次船P想玩d咩?

呢條問題雖然無聊,但係小編係認真問架!你訂遊艇嘅目的是係為左搞宴會定係想暢玩水上活動?有d人搞船P可能只係想觀覽下海上景色,未必想落水。相反,有d人係想狂玩船上活動,例如水上活動或者夜釣墨魚,去西貢釣墨魚就最出名架喇!

 

(a) 市區船-適合只想租船嘅朋友,享受船上暢飲和日光


如果你係想搞宴會,未必想有咁多水上活動嘅話,你可以考慮市區船喇!市區船種類較多,由一般遊艇到超級豪華遊艇都可選擇,喺維港開P或者舉行宴會就最適合不過喇!


你可以選擇灣仔上船,或者喺中環或維港碼頭。


對比起西貢船,大部分市區船會有一個租船嘅底價,如果有需要可以額外加錢添加水上活動和到會餐飲。如果你係想同朋友知己喺船上面暢飲同埋享受日光, 市區遊艇就最適合喇(因為好多提供單獨的租船服務)。你仲可以考慮ReUbird 嘅到會服務,性價比超高!


(b)西貢船-適合想瘋狂玩水上活動連預訂到會美食嘅朋友!


而如果你係想玩水上活動嘅話小編強烈建議你揀西貢船玩船P。首先唔少西貢船多數都會免費附加水上遊戲,例如快艇滑水等等。唔少西貢船都會提供到會午餐+水上活動的船河套餐,價錢相對優惠d。


更重要嘅係,大部分船都只會提供船河套餐(即租船+水上活動),唔可以只係租船。所以,如果你只係想租船嘅話,你可以考慮市區遊艇會好d。


5. 留意船嘅種類


唔同嘅船有唔同特色,所以租船之前要了解清楚。整體而言,遊艇可以分為小型遊艇、普通遊艇、西式遊艇、豪華遊艇和大型活動船。除了外型之外,每種船嘅用途都會有唔同。


西式遊艇和遊艇最適合玩水game同埋開船P。而普通遊艇價錢最實惠,租船只需要數千元到一萬幾左右;而西式遊艇睇落去相對 Grand d,高級d,當然價錢會再貴少少,大約一萬到三萬。豪華遊艇就會再貴少少。


大型活動船同埋豪華遊艇嘅船艙超級寬敞,裝潢同外觀都相當豪華,搞高級私人派對、宴會、記召或發佈會等活動十分適合,為你嘅活動注入新鮮嘅活力! 

炎熱嘅暑假有咩精彩嘅玩樂活動?同「水」一定離唔開。不可否認適合夏日狂歡一定唔少得 !! 船P!!游水、遊船河、釣墨魚、Wakeboarding、滑浪都係暑假必玩水上活動。Reubird 有超過 30 隻遊艇任你選擇,求婚派對、生日派對、週年晚宴都適合。唔好以為船P 只係有錢人嘅玩意呀,而家經 Reubird 預訂的遊艇都有8折優惠,全部都好抵玩!Reubird 畀你一次過睇曬所有船上設施、水上玩具水上活動同價錢,仲有遊艇到會服務,讓你嘅遊艇派對玩得又輕鬆又開心!

當然,船P可能對於部分人(包括小編)有d貴,所以你可以考慮一d平d嘅選擇,例如可以經ReUbird 預訂 Party Room。平均消費每人 $200 樓下,值得考慮。

如何加入成為ReUbird的合作商戶?

立即申請成為ReUbird的合作商戶,在平台把你的服務和產品提供給客人