Playhouse成為家庭同小朋友之間嘅共同遊樂場所，促進親子互動同家庭連結，等小朋友遠離電子設備，喺Playhouse入面進行創造性嘅遊戲同想像！
每間Playhouse嘅設計同特點都有唔同，但絕對喺可以俾小朋友喺安全、有趣嘅環境入面盡情玩樂。
Playhouse嘅設計結合咗角色扮演區、創意區、攀爬、滑梯同木粒沙池等等等等～
豐富嘅遊樂設施而且價錢實惠，呢兩間大型Playhouse絕對係不能錯過嘅地方！
玩唔單止對小朋友本身有利，更加可以提高小朋友嘅認知能力～今次就等ReUbird小編為大家介紹兩間係石門嘅playhouse：
香港Playhouse推介｜1. 2Gather Playhouse
2Gather Playhouse 係一個近萬尺嘅Playhouse，地理位置方便，位於港鐵石門站C出口步行1分鐘就到達。
入面有多個玩樂專區，包括旋轉木馬、繩網攀爬區、跳彈床、動力沙池區、露營體驗區、煮飯仔體驗區、化妝體驗區、駕駛區、海綿池攀石投影區、Babygym以及大型釣魚區等。
場內設有飲食區，並提供犀牛犀牛（石門店）台式茶飲捲餅吐司專賣店之餐品，可自由選擇購買。
圖片來源：2Gather
玩廚房可以增加小朋友嘅創造想像、社交互動同埋培養烹飪興趣。
圖片來源：Klook
Playhouse設有落地玻璃，光線充足，面向一個大球場等陽光照射入嚟， 色彩鮮艷，仲有粉嫩設計嘅充氣池，打卡影相都會影得靚啲！
圖片來源：Klook
唔知道你地知唔知旋轉木馬可以培養小朋友協調能力同埋刺激平衡感～？
圖片來源：Klook
唔少得嘅係小朋友最鍾意玩嘅車車，跟住地下嘅賽道行都可以訓練小朋友嘅控制能力㗎～
圖片來源：Klook
色彩繽紛嘅攀爬設施同埋透明管道滑梯佔樂園約三分之一範圍，小朋友可以爬上爬落玩繩網同埋瀡滑梯～
圖片來源：2Gather
呢度可以比小朋友體驗到由動力轉化成電能！
圖片來源：Klook
玩沙可以透過手眼協調，刺激大腦發展，將無形嘅沙，做成沙雕者城堡，更加可以比小朋友思考點樣將沙由平面砌到變成立體！
圖片來源：Klook
2Gather Playhouse資訊：
- 地址：沙田安群街3號京瑞廣場1期162號舖（港鐵石門站C出口步行1分鐘即達）
- 面積： 9000平方呎
- 價錢： $130起，一大一小（價錢為1小時體驗）
- 開放時間：星期一至星期日 10:30-20:00
- 預訂連結：按此預訂可享優惠
香港Playhouse推介｜2. Kiztopia Playhouse
Kiztopia Playhouse進駐香港首間海外旗艦店，多達15個遊戲體驗區域，從遊戲中學習全方位遊樂環境，一站式全新體驗結合左玩、學習、嘢食和親子玩樂。
場地提供充滿樂趣同埋學習環境機會，適合小朋友同家人共度美好時光！
呢個滑梯喺幼兒區，估唔到幼兒都有一個專屬嘅滑梯可以玩。
圖片來源：Klook
滑梯下面有好大個波波池呀～喺波波池入面游水真係開心。
圖片來源：Klook
呢個咪就係巨型攀爬架！玩之餘仲可以增強佢哋嘅身體協調能力同埋健康添！
圖片來源：Klook
小朋友喺入面玩、探索，唔同嘅攀爬設施都可以滿足不同年齡嘅小朋友需求同喜好。
圖片來源：Klook
小朋友透過扮演各種角色，模擬現實生活中情景可以培養佢哋嘅社交同埋問題解決能力，場景小至超市，大至有醫院同消防站～
圖片來源：Klook
小朋友化身成為工程師去維修你哋架車啦！
圖片來源：Klook
木粒沙池比傳統沙更安全，唔容易黏附喺身上或者衫，並且不含有害物質，令小朋友有一個良好嘅玩樂環境。
圖片來源：Klook
超級市場入面嘅購物種類都應有盡有～
圖片來源：Klook
場地同玩樂設施都超級大，面積有12,000平方呎！！
圖片來源：Klook
Kiztopia Playhouse資訊：
- 地址：新界沙田新城市廣場一期 PLAY PARK LB08-LB09
- 面積：12,000平方尺
- 價錢：$180起，1大1小(價錢為1小時體驗)
- 開放時間：星期一至星期日 10:00-20:00
- 預訂連結：按此預訂可享優惠
有研究顯示，每日玩遊戲會對小朋友嘅感情發育有好處，同時可以改善兒童智力同身體健康。
快啲約埋親朋好友一齊同小朋友去石門Playhouse玩啦！
如果你有興趣發掘更多香港嘅Playhouse，可以到 網站連結 尋找各區嘅室內遊樂場，帶埋你嘅小朋友一齊去放電啦！