黎到澳門緊係要黎官也街行一行啦！官也街係澳門最具特色同歷史韻味嘅街道之一。
充滿咗古老建築嘅迷人風情，彷彿帶你穿梭返過去。喺呢度，你可以感受到澳門獨特嘅文化同歷史，絕對係一個唔容錯過嘅熱鬧地段！
官也街上面有好多傳統商店，賣各式各樣嘅手信，等你可以買到地道嘅澳門特產，唔論係杏仁餅、豬肉乾，定係其他地道零食，保證你可以揀到心儀嘅手信。
而且，呢度仲有好多美食店，無論你係想食豬扒包、蛋撻，定係一杯香濃嘅咖啡，通通都有！
快啲跟住 ReUbird 小編一齊探索官也街嘅美味之旅，同埋唔少得嘅手信推介，讓你嘅澳門之行更加難忘！
【雙11優惠】最平$11！各大平台雙11優惠大放送：酒店自助餐/人氣網購/門票優惠（持續更新）
【澳門交通2024】澳門八大市內交通選擇+香港往返澳門交通資訊（船航/直通巴士/金巴/包車接送）
澳門官也街 - 八大必食之選
1.【澳門官也街】檸檬車露
連續4年獲米其林推薦嘅特色雪糕店，價格親民之外仲物超所值！
（圖片來源：Klook）
提供超過30種口味嘅意式雪糕，清爽水果口味必食。招牌檸檬同黑芒果口味都係熱門選擇，仲有薑汁口味同打卡必備嘅彩虹雪糕！
無論係炎熱嘅夏日定係漫長嘅旅程中，一份「檸檬車露」嘅意式雪糕都可以為你帶來清涼同滿足。
（圖片來源：Ufood）
澳門官也街 - 檸檬車露｜詳情
- 地址：氹仔舊城區地堡街115號地下J號舖（地圖）
- 營業時間：12:00-22:00
- 其他分店：新馬路大堂巷11號地下（地圖）
- 營業時間：星期一至日 11:00-22:30
2.【澳門官也街】莫義記貓山王
莫義記貓山王榴蓮雪糕係澳門嘅一道必打卡美食。
用精選優質嘅貓山王榴蓮制作而成，味道濃郁芳香，口感細膩。
（圖片來源：Openrice）
試一試貓山王榴蓮雪糕，瞬間為你帶來味蕾嘅新奇冰爽體驗！
提供多種口味選擇，無論係純正榴蓮口味，定係加入其他水果嘅創新口味，都可以滿足唔同人嘅口味需求。
（圖片來源：Openrice）
澳門官也街 - 莫義記貓山王｜詳情
- 地址：氹仔舊城區官也街9A號地舖（地圖）
- 營業時間：星期一至日 08:00-23:00
3.【澳門官也街】澳門大利來記豬扒包
豬扒包係澳門嘅經典美食，黎到澳門一定要試下！
豬仔包夾住大塊炭爐烤制嘅豬扒，外脆內軟，口感十分美味。
除左豬扒包，呢間仲有自家調制嘅咖喱魷魚同咖喱魚蛋，都可以試下㗎！
（圖片來源：Openrice）
澳門官也街 - 澳門大利來記豬扒包｜詳情
- 地址：澳門木鐸街42號（地圖）
- 營業時間：12:00-18:30
- 其他分店：
4.【澳門官也街】喜蓮咖啡
免治牛肉飯嘅外表焦香，加埋一粒半熟嘅太陽蛋，清爽嘅蔬果粒又為牛肉增加左豐富口感。
（圖片來源：Openrice）
牛骨湯通心粉係用新鮮番茄同鮮牛尾熬煮出濃郁湯底，牛腩肉同通心粉係湯底入面融合，令人垂涎欲滴。
酸酸甜甜嘅味道大大刺激你嘅味蕾。
（圖片來源：Openrice）
澳門官也街 - 喜蓮咖啡｜詳情
- 地址：氹仔舊城區飛能便度街南龍花園地下B84號（地圖）
- 營業時間：星期一至六 07:00-20:00
- 外賣專門店：氹仔舊城區律政司街21號永樂花園地下E號舖（地圖）
- 營業時間：星期二至日 07:30-17:30
【澳門cafe推介2024】12間澳門特色咖啡店｜必去日式/文青打卡/親子咖啡
5.【澳門官也街】誠昌飯店
誠昌飯店係澳門最著名嘅水蟹粥店之一，誠昌嘅水蟹粥以其獨特口味而聞名，使用新鮮嘅水蟹、肉蟹同花膏蟹一同熬製而成。
呢款粥嘅底部柔軟滑順，呈現誘人嘅黃色，蟹膏嘅香味同蟹肉嘅豐富令人無法抗拒。
除左水蟹粥，仲有好多其他海鮮菜式，豉汁蒸大鱔、金沙大蝦、黃金炒蟹同椒鹽大蝦等都係必食㗎～
（圖片來源：誠昌飯店）
澳門官也街 - 誠昌飯店｜詳情
- 地址：氹仔舊城區官也街28-30&89&93號地舖（地圖）
- 營業時間：星期一至日 12:00-23:30
- 其他分店：氹仔舊城區何連旺街8號（地圖）
- 營業時間：星期一至日 11:00-22:00
6.【澳門官也街】安德魯蛋撻
黎到澳門梗係要食葡撻啦，澳門葡撻嘅始祖安德魯餅店出品嘅葡撻鬆脆香口。
增加左蛋黃同忌廉嘅份量，同時係蛋漿中加入左奶油，熱辣辣超好食！
（圖片來源：Openrice）
澳門官也街 - 安德魯蛋撻｜詳情
7.【澳門官也街】旺記咖啡
旺記咖啡係一間傳統老店，外牆上有奶茶嘅塗鴉畫像，店內擺放巨型奶茶嘅模型，好啱打卡影相～
地下樓層提供外賣服務，主要供應麵包同奶茶等外帶食物。
如果你想坐低用餐，可以前往2樓就座，悠閒地享用旺記咖啡室嘅美食。
（圖片來源：Openrice）
澳門官也街 - 旺記咖啡｜詳情
- 地址：澳門告利雅施利華街60號（地圖）
- 營業時間：星期一至日 07:00-20:00
- 其他分店：氹仔舊城區官也街1號地舖（地圖）
8.【澳門官也街】馬交茶檔
呢間茶餐廳以復古為主題，店員嘅制服同播放嘅音樂都係七、八十年代嘅風格，營造出一流嘅懷舊氛圍。
綠色嘅簷篷、綠白相間嘅格仔地磚、綠色嘅油漆窗花同紅色嘅吊燈等等，呢啲都係澳門20至30年前嘅經典特色。
如果你鍾意懷舊風格，不妨到馬交茶檔一探究竟啦～
（圖片來源：Openrice）
澳門官也街 - 馬交茶檔｜詳情
- 地址：氹仔舊城區舊城區地堡街315-319號泉福新邨第二期地下K-L號舖（地圖）
- 營業時間：星期一至日 11:45-20:45
- 其他分店：
【澳門葡國餐廳 2024】9大熱門澳門葡萄牙餐廳推薦｜新派葡萄牙菜式、100年歷史葡國菜餐廳、全球50最佳發現餐廳
澳門官也街 - 購物之選
1.【澳門官也街】鉅記餅家
講起係澳門買手信，當然要黎鉅記手信睇睇啦，佢地係連續十年蟬聯澳門伴手禮榜首！
係澳門嘅大街小巷同熱門景點，隨處可見鉅記手信，有時甚至一個地方就有幾家分店。
鉅記手信嘅商品種類非常豐富，杏仁餅、蛋卷、糖果、肉幹等應有盡有。
無論係作為自己嘅美食享受，定係饋贈親友，鉅記手信都係一個絕佳嘅選擇。
（圖片來源：鉅記餅家）
澳門官也街 - 鉅記餅家｜詳情
- 更多分店地址及營業時間可參考鉅記餅家官網
2.【澳門官也街】晃記餅家
晃記餅家係一間有著十年歷史嘅老字號，不單只係澳門著名餅店，仲獲米其林推薦！
獨創軟身嘅老婆餅口感十分綿軟，仲有口感非常酥脆金桃酥。
（圖片來源：澳門特別行政區政府旅遊局）
必買嘅仲有蛋黃杏仁餅、杏仁餅、椰絲鳳凰卷同肉切酥。
無論係自己享用定係作為禮物送比家人朋友，都係絕佳嘅選擇。
（圖片來源：澳門特別行政區政府旅遊局）
澳門官也街 - 晃記餅家｜詳情
- 地址：澳門官也街14號舊城區（地圖）
- 營業時間：10:00-21:00（逢星期三休息）
【澳門自由行2024】一文睇曬澳門景點、酒店、Sim卡、美食推介 + 港澳交通介紹
3.【澳門官也街】澳門葡式辣魚店
呢間擁有19個葡萄牙知名嘅罐頭品牌，提供超過300種不同嘅商品選擇。
呢啲罐頭食品有不同嘅味道，包括番茄、橄欖油漬同辣味等口味。
（澳門葡式辣魚店Facebook）
為左方便顧客挑選，店家好貼心地按照罐頭嘅品牌、魚種類別同口味進行整齊擺放。
仲有不定時提供試食服務，令顧客可以品嚐唔同口味嘅罐頭食品，同蘇打餅一同食用更佳～
（澳門葡式辣魚店Facebook）
澳門官也街 - 澳門葡式辣魚店｜詳情
- 地址：澳門官也街2號（地圖）
- 營業時間：10:30-20:30
4.【澳門官也街】o-moon
o-moon嘅墻壁同空間係用簡約嘅傳統葡式瓷磚同中式青花瓷打造，每個陳列架都有各種特色紀念品同飾品。
（圖片來源：o-moon facebook）
o-moon提供嘅產品種類好多，有文具、首飾、家居用品、皮革制品，應有盡有。
如果想買手信送比朋友仔，係呢度買明信片、memo紙等文具都係一個好好嘅選擇。
（圖片來源：氹仔舊城區）
澳門官也街 - o-moon｜詳情
- 地址：澳門告利雅施利華街22號澳門告利雅施利華街22號（地圖）
- 營業時間：10:00-21:00
5.【澳門官也街】萬象畫廊書屋
奶油綠色嘅建築，洋房入面嘅書屋，讓你可以慢慢感受澳門嘅味道～
呢間係一間綜合書店，集合書店、畫廊同藝術工作坊為一體，除左出售特色明信片，仲有杯墊、冰箱貼等等。
仲可以買到可愛嘅蛋撻杯喔！
（圖片來源：澳門特別行政區政府旅遊局）
澳門官也街 - 萬象畫廊書屋｜詳情
- 地址：澳門氹仔海邊馬路3號(地圖）
- 營業時間：星期二至日 10:00-18:00
3. 澳門官也街 - 免費接駁巴士
澳門好多酒店都有穿梭巴士，方便旅客去到唔同景點，最正係大部分接駁巴士都係免費搭！
想令旅程更加方便，記得好好利用酒店嘅穿梭巴士。
如果你想去官也街，離官也街最近嘅巴士站就係威尼斯人同埋澳門銀河，兩個地方都可以步行去到官也街，真係超方便，可以玩埋呢兩個地方之後先去官也街掃街買手信！
澳門威尼斯人 - V水療
V水療提供傳統嘅中式足部反射療法同埋按摩療程，設有專為男性同女性賓客設計嘅獨立休息室同專屬設施，包括桑拿、按摩池、蒸汽浴室等等，應有盡有！
而且入面仲有傳統嘅磨砂室同豪華嘅護理後茶室，真係一個放鬆嘅好地方！
（圖片來源：klook）
澳門官也街 - V水療｜詳情
澳門威尼斯人 - 貢多拉船體驗
澳門嘅威尼斯人酒店內有一個大型水池，分為「大運河」、「聖路卡運河」同「馬可孛羅運河」，你喺呢度都可以搭貢多拉。
船尾仲有船夫為你獻唱，兩岸嘅建築同埋天花板微暗嘅燈光，讓你有種置身於歌劇院咁華麗嘅感覺，真係好靚好享受！
（圖片來源：klook）
澳門官也街 - 貢多拉船｜詳情
【珠海酒店推介】低至55折｜鄰近多個著名景點/樂園、盡溫泉+超齊全設施
睇完澳門官也街有咩好買同食之後，仲想了解更多澳門景點？立即按此睇睇澳門旅遊景點推介！
更多澳門資訊：
- 澳門一日遊行程推介
- 澳門美食推介
- 澳門手信推介
- 澳門親子好去處
- 澳門葡國菜餐廳推介
- 澳門宵夜之選
- 澳門自助餐優惠
- 氹仔一日遊｜必去景點、活動
- 澳門賭場介紹
- 澳門按摩Spa推介
- 澳門下午茶推介
- 澳門兩日一夜行程
- 澳門一日遊行程
澳門自助餐推介：
- 【最新優惠】澳門14間人氣自助晚餐推介（附交通詳情）
- 【最新優惠】精選10間澳門自助午餐推介（附交通詳情）
- 【澳門自助餐】12間最新自助餐優惠介紹 最平$200唔洗! 360°旋轉餐廳、自助山、各大澳門酒店（附交通詳情）
澳門酒店推介：
- 【澳門酒店優惠】11間氹仔熱賣必住酒店推介
- 【澳門酒店優惠】10間澳門半島熱賣必住酒店推介
- 【澳門酒店優惠】澳門親子家庭式酒店推介
- 【澳門酒店優惠】11間澳門平價抵住酒店推介 預算$1000以下必睇
- 【澳門Staycation優惠】一文睇曬澳門酒店套票、住宿連餐飲優惠詳細介紹！
- 澳門酒店排名】一文睇曬澳門福布斯上榜酒店排名，為你詳細介紹澳門酒店～