澳門係其中一個熱門短 Trip 嘅旅遊勝地，好多家庭都想帶小朋友去澳門遊玩幾日，但係又唔知有邊啲小童親子好去處？
呢篇文章 ReUbird 將會詳細介紹適合親子小朋友遊玩嘅澳門活動及景點，仲會提供來往澳門嘅交通懶人包！
最新Promo Code及全年信用卡優惠懶人包！幫你慳更多！（持續更新）
- 新濠天地 KIDS' CITY 童夢天地
- 澳門水舞間水上匯
- 新濠影滙水上樂園
- 新濠影滙滿紛樂園
- 澳門 Sandbox VR 虛擬實境體驗
- 澳門大賽車博物館
- 澳門新濠影滙傳奇英雄科技城
- 新濠影滙之星8字形摩天輪
- 澳門 teamLab 超自然空間
- 澳門旅遊塔
- 澳門飛索
- 澳門科學館
- 大潭山滑草場
- JW兒童樂園
- 觀音像海濱休憩區遊樂場
- 波力主題咖啡
- 燒灰爐兒童公園
- 石排灣郊野公園
- Kids Cavern
- 威尼斯兒童地帶 - 歷險Q立方
- 益隆炮竹廠舊址步道
- 澳門倫敦人 – 漢普閣
- 澳門四季酒店自助餐 – 鳴詩餐廳
- 澳門上葡京酒店自助餐 – 自助山
- 澳門勵庭海景酒店自助餐 – 珀克餐廳
- 澳門巴黎人酒店自助餐 – 巴黎人Le Buffet
- 澳門旅遊塔 – 360°旋轉餐廳
- 新濠影滙
- 澳門巴黎人
- 澳門十六浦索菲特大酒店
澳門親子兒童/小朋友好去處
1. 新濠天地 KIDS' CITY 童夢天地
澳門童夢天地係一個室內外都有嘅玩樂天堂，佔地17,000平方米，分為四大主題區：星夢、電玩、創意及探索，適合唔同年齡嘅小朋友參與。
樂園提供各種刺激又益智嘅新奇玩意，可以激發孩童無窮想像、啟迪創意、幫助小朋友發展溝通技巧及協調能力。
（圖片來源：Klook）
樂園內擁有全澳門最多嘅扭蛋機，令小朋友可以體驗層出不窮、得意好玩嘅驚喜。
此外，樂園提供各種服裝，讓小朋友可以大變身，成為自己心目中嘅超級英雄或童話公主。
（圖片來源：Klook）
小朋友可以同父母一齊動手玩遊戲，亦可以參加DIY手工創意坊，發揮才華奇想。樂園設施設計充滿未來感，例如衝天迴旋及巨型滑梯等，讓小童係體感遊玩中體驗不一樣嘅運動體驗。
此外，樂園會舉辦各種主題嘅慶祝活動，為小朋友帶來歡聚嘅笑容。節假日更有小丑、舞台表演及遊戲，讓小朋友們玩得開心無比。
（圖片來源：Klook）
澳門親子遊 - 新濠天地 KIDS' CITY 童夢天地｜活動詳情
（價錢/營業時間有機會變動，詳情請參考網頁資料）
2. 澳門水舞間水上匯演
放假同全家人去澳門玩，點可以錯過呢個震撼全球、堪稱一生人必睇一次嘅特技神作？
講緊嘅就係籌備多時、以全新篇章震撼回歸新濠天地嘅《水舞間》水上匯演！
今次嘅舞台製作全新升級，融合咗極高難度嘅高空雜技、高潮迭起嘅戲劇故事，以及現時全球最尖端嘅頂級水效科技。
（圖片來源：Klook）
一開場，就好似全情踏入咗一個浪花飛舞、燈影交織嘅奇幻慶典之中，超巨型嘅舞台幾秒鐘之內就可以由乾地變成深水海洋，視覺震撼到連大人細路都會一齊尖叫。
帶住小朋友一齊睇，唔單止可以近距離感受特技演員挑戰極限嘅熱血精神，仲可以沉浸喺璀璨嘅燈光音效之中。
呢場神級視聽盛宴，絕對會成為你哋今次澳門親子之旅最難忘嘅回憶。
（圖片來源：Klook）
澳門親子遊 - 澳門水舞間｜活動詳情
（價錢/營業時間有機會變動，詳情請參考網頁資料）
3. 新濠影滙水上樂園
新濠影滙水上樂園係全澳門最大嘅水上樂園之一，適合所有年齡層去遊玩，家長可以同小朋友係室內及室外嘅園區度過愉快嘅玩水時光！
室內水上樂園以太空為主題，室內恆溫30度，設有16個令人興奮嘅遊樂設施。
包括：結合刺激攀升同衝刺下水嘅極速水上過山車、室內衝浪模擬器、7個滑水道、2個造浪池、橫跨室內外嘅「天際星空池」、246米星空激流之旅、3.7米深潛水池，以及平臺跳水及攀岩歷險嘅「天崖海角」等等，俾親子享受刺激同快樂。
（圖片來源：Klook）
水上樂園嘅室外園區設有激戰20米高嘅「沖天水龍捲」，5條滑水道，多條滑梯及瀑布連嬉水點共62個。
仲有矚目全場嘅「黃金大水桶」定時傾倒，孩童專屬嘅嬉水樂園、以熱帶森林河流為主題嘅「綠野遊蹤」漂流之旅。
（圖片來源：Klook）
水上樂園非常適合一家大細同行遊玩，室內外設有飲品補給站、小食站及餐廳。
亦有提供免費儲物櫃及免費毛巾，另外設有4個親子更衣室，提供洗浴用品、吹風機、泳衣烘乾機等淋浴設施，令每個家庭係享受遊樂設施嘅同時能感受到舒適及便利。
（圖片來源：Klook）
澳門親子遊 - 新濠影滙水上樂園｜活動詳情
（價錢/營業時間有機會變動，詳情請參考網頁資料）
4. 新濠影滙滿紛樂園
新濠影滙滿紛樂園係澳門最獨特嘅室內遊樂場，佔地四層、可容納500人，設有五大主題區，包括山岩、叢林、海底、外太空同太空站。
樂園充滿多元玩樂體驗，適合2至17歲嘅小童參與，部分設施有高度或年齡限制、需當日到場預約體驗時段及需家長陪同。
（圖片來源：Klook）
海底主題區擁有佔地2,400平方呎嘅泡泡紛FUN堡，集合50組遊戲點嘅大型綜合遊樂設施，包括阻礙挑戰、滑梯及波波池，充滿冒險精神。
另外有高達5米嘅浪花彈彈塔，適合鍾意刺激驚險感嘅小朋友乘坐；山岩主題區有猴子繩堡、竹林登梯及赤手登峰等遊戲，讓小朋友挑戰身手，攀登超過6米高嘅6條攀岩路線。
（圖片來源：Klook）
叢林主題區有奇趣樹屋、叢林反斗車及樹屋餐廳，小童可以自由穿梭其中、駕駛小汽車及享受輕食；外太空主題區有星球波波池，小童及父母可以一齊玩耍。
（圖片來源：Klook）
太空站主題區有太空彈彈網及炮彈發射台，讓小朋友體驗太空無重狀態，了解物理重力運作。
此外，樂園內設有三間派對間，提供生日小明星和星級客人獨特嘅派對體驗。
（圖片來源：Klook）
澳門親子遊 - 新濠影滙滿紛樂園｜活動詳情
（價錢/營業時間有機會變動，詳情請參考網頁資料）
探索內地親子好去處
5. 澳門 Sandbox VR 虛擬實境體驗
想同屋企人或者朋友嚟一場超好玩、又可以瘋狂大笑嘅驚險冒險？
咁就要去澳門玩全亞洲最頂尖嘅 Sandbox VR 虛擬實境體驗！
（圖片來源：Klook）
呢度絕對唔係平時坐喺度、望住個大Mon嘅普通遊戲，佢引進咗荷里活電影級數嘅「全身動作捕捉技術」同埋高科技感應裝備。
需要著上特製嘅感應背心、綁上腳踝感應器，一戴上 VR 頭盔，可以揀頂住排山倒海嘅喪屍大軍，又或者去外星迷宮攜手破解層層機關，成個過程既刺激又考驗默契。
（圖片來源：Klook）
澳門親子遊 - 澳門 Sandbox VR 虛擬實境體驗｜活動詳情
（價錢/營業時間有機會變動，詳情請參考網頁資料）
6. 澳門大賽車博物館
如果屋企有個鍾意跑車嘅小朋友，或者你自己本身係個熱血車迷，去澳門就絕對唔可以錯過澳門大賽車博物館。
呢度係澳門格蘭披治大賽車嘅發源地，博物館自翻新擴建後，樓高四層，面積比以前大咗足足六倍，仲榮獲國際環保金級認證。
館內珍藏咗自 1954 年起，幾十年嚟喺東望洋賽道上飛馳過嘅傳奇賽車同電單車。
睇住滿場閃閃發亮、充滿歷史痕跡嘅戰車，無論大人定細路都會瞬間雙眼發光，瘋狂打卡。
（圖片來源：Klook）
館內介有超級好玩嘅多媒體互動體驗，設有極之逼真嘅賽車模擬器，可以親身「坐上」駕駛艙，喺屏幕前踩盡油門、挑戰極速，體驗車手喺比賽時嘅刺激與快感。
除咗睇車同玩模擬器，館內仲有一個超級重磅嘅驚喜，旅遊局特別同香港杜莎夫人蠟像館聯乘，在館內展出咗 8 位神級賽車手嘅極逼真蠟像。
當中包括大名鼎鼎嘅傳奇車神冼拿、咸美頓、維特爾，以及莫他拿等。
可以同呢班國際車壇巨星「近距離接觸」兼合照！
（圖片來源：Klook）
澳門親子遊 - 澳門 Sandbox VR 虛擬實境體驗｜活動詳情
- 地址：澳門高美士街431號（地圖）
- 入場時段：10:00-12:00、12:00-14:00、14:00-16:00、16:00-18:00 (最後入場時間：17:30)
- 優惠及預訂：按此預訂即享優惠
（價錢/營業時間有機會變動，詳情請參考網頁資料
7. 澳門新濠影滙傳奇英雄科技城
傳奇英雄科技城係澳門一個非常受大人細路歡迎嘅主題公園，以高科技及體育競技為主題，提供各種令人興奮嘅遊戲及體驗。
無論係大人定係小童都可以係這裡感受到前所未有嘅超現實奇蹟，體驗虛擬實境、擴增實境、運動追蹤、全息投影、映射投影、4D超立體巨幕、體育娛樂等等。好啱暑假帶小朋友黎放電。
（圖片來源：Klook）
場內有超過60幾款遊戲可供家庭選擇，其中包括VR碰碰車、Gyro 360°「洗衣機」及韓式夜光保齡球場等熱門項目。
呢到多樣有趣嘅虛擬實境遊戲帶黎無與倫比嘅沉浸式體驗，係一個釋放壓力、享受尖端科技娛樂嘅理想場所。
（圖片來源：Klook）
澳門親子遊 - 澳門新濠影滙傳奇英雄科技城｜活動詳情
（價錢/營業時間有機會變動，詳情請參考網頁資料）
8. 新濠影滙之星8字形摩天輪
新濠影滙之星8字形摩天輪係澳門嘅一個特色景點，亦係全球唯一及最高嘅8字形摩天輪，高懸於130米。摩天輪位於澳門新濠影滙兩棟雙胞胎酒店中間，從遠方望去，好似一個巨大嘅8字懸掛係空中，故得其名。
摩天輪有17個大型復古科幻為主題嘅觀景廂，每個包廂可容納多達10人，適合一家大細乘坐，每次運轉約需18分鐘。
（圖片來源：Klook）
摩天輪係澳門必去嶄新地標，宜家更推出期間限定嘅B.Duck主題車廂，每車廂限最多8人，最適合帶小朋友係整個鴨鴨車廂打卡，轉足兩圈，為親子旅行創造獨特回憶。
（圖片來源：Klook）
影匯之星8字摩天輪係新濠影滙嘅標誌性景觀，係去澳門旅遊嘅親子好去處。
快啲趁今次嘅澳門之旅帶同小朋友登上摩天輪，俯瞰澳門五光十色嘅城市風光，欣賞澳門壯觀迷人嘅夕陽及夜景，盡情享受親子美好時光啦！
（圖片來源：Klook）
澳門親子遊 - 新濠影滙之星8字形摩天輪｜活動詳情
（價錢/營業時間有機會變動，詳情請參考網頁資料）
9. 澳門 teamLab 超自然空間
澳門 teamLab 超自然空間係一個結合科技與藝術的沉浸式體驗，位於澳門威尼斯人金光會展中心。
全新嘅常設展區高達8公尺，佔地面積5,000平方公尺，包含攝影展區同互動遊樂區兩個主要區域。
（圖片來源：Klook）
係攝影展區，你可以欣賞到無數個懸掛於天花板吊燈，營造出奇幻嘅氛圍，令你彷彿置身係一個夢幻世界中。
家長可以帶小朋友探索豐富的沉浸式空間，進入夢幻世界，創造獨一無二嘅回憶。
（圖片來源：Klook）
係互動遊樂區，你可以探索豐富嘅沉浸式空間，其中包括數位花園、樹林、海洋同動物等主題場景。
你可以觸摸、互動、探索以及創造，感受科技與藝術結合嘅奧妙，彷彿走入咗一個充滿魔法與夢幻數位藝術世界。
ReUbird 為你詳細介紹澳門 teamLab 8大必睇亮點+門票優惠，即刻按此連結了解更多！
（圖片來源：Klook）
澳門親子遊 - 澳門 teamLab 超自然空間｜活動詳情
（價錢/營業時間有機會變動，詳情請參考網頁資料）
10. 澳門旅遊塔
澳門旅遊塔係澳門一個地標性建築，位於澳門半島南灣湖畔，係東南亞最高嘅觀光鋼塔，高度達233米。
只要乘坐玻璃子彈升降機，唔駛60秒就可飆升至全新高度，係第58層及第61層嘅觀景臺上，俯瞰澳門島嶼及珠江三角洲嘅迷人景色，甚至可以向遠處望去，睇到香港嘅景色。
親子仲可以企係澳門旅遊塔嘅透明玻璃地板上，360度欣賞澳門全景，讓整個澳門嘅美麗景色盡收眼底。
（圖片來源：Klook）
除咗可以帶小朋友去澳門旅遊塔見識澳門美景，係塔頂嘅自助餐廳享用午餐、晚餐或午茶時光，都可以享受遠眺全澳門嘅美景。
此外，家長可以帶小童去澳門旅遊塔嘅喜悅閣買紀念品，係由社會服務機構澳門扶康會嘅身障人士製作嘅澳門特色手工藝品，係一個值得逛逛嘅地方。
（圖片來源：Klook）
澳門親子遊 - 澳門旅遊塔｜活動詳情
（價錢/營業時間有機會變動，詳情請參考網頁資料）
11.「澳門飛索」世界首個沉浸式城市高空滑索娛樂景點
澳門飛索ZIPCITY MACAU 係世界首個融合城市景觀同高空滑索體驗嘅沉浸式景點。
呢條長達388米嘅滑索，係全球排名第三嘅超長滑索，起點位於一座特別建造嘅60米高塔上。
（圖片來源：Klook）
共有5條滑索，最高時速高達55英里，可以同時容納5名乘客同時飛行。
遊客可以選擇日間或夜間的飛行體驗。
（圖片來源：Klook）
日間飛行可以360度鳥瞰澳門葡京人區域嘅壯麗城市景致，遠眺澳門標誌性的建築物。
夜間飛行就提供左震撼人心嘅沉浸式視聽體驗，結合高空滑索、震撼音效同燈光效果。
（圖片來源：Klook）
兩種飛索旅程體驗都同樣刺激震撼，俾體驗者享受地心吸力嘅冒險旅程。
所有參加者需要簽署免責及同意書。父母或監護人須代表18歲以下參加人士簽署。
（圖片來源：Klook）
參加者嘅體重限制喺30公斤以上，至100公斤或以下、高度限制喺90厘米至200厘米以內先可以進行活動。
（圖片來源：Klook）
澳門親子遊 - 澳門飛索｜活動詳情
（價錢有機會變動，詳情請參考網頁資料）
12. 澳門科學館
澳門科學館集科學教育、互動體驗同休閒娛樂於一體。
呢座五層高嘅建築物由三大部分組成，包括展覽中心、天文館同會議中心。
（圖片來源：澳門科學館）
館內設有14個長期展廳，涵蓋從太空科學、航海科學到智能機械等多個領域。
大人同細路都可以喺呢度親身感受科學嘅魅力，學到課本上無法學到嘅知識。
（圖片來源：澳門科學館）
館內有全球最高解像度嘅立體天文館。呢度好似置身於星空之中，感受宇宙嘅深邃與浩瀚，館內都設有大型放映幕。
館內設有餐廳、咖啡廳、免費WiFi、儲物櫃等便利設施，方便遊客喺呢度盡情參觀。
（圖片來源：澳門科學館）
澳門親子遊 - 澳門科學館｜活動詳情
13. 大潭山滑草場
大潭山郊野公園位於氹仔東面，範圍涵蓋雞頸馬路、嘉樂庇總督馬同和司徒澤雄神父馬路之間嘅山林區域。
公園內設有多項精彩設施，包括眺望台、觀景亭、兒童遊樂區、燒烤區、人造草滑草場、步行徑和茶花園等。
（圖片來源：澳門自然網）
其中滑草場最啱一家大細玩，可以坐喺滑草艇上，由高處暢快滑下，係親子互動嘅好去處。
附近仲有好多其他設施俾家庭用，如眺望台可以欣賞公園全景、觀景亭提供清幽嘅休憩空間。
（圖片來源：澳門特別行政區政府旅遊局）
兒童遊樂區同燒烤區都有，好適合親子郊遊。
（圖片來源：澳門自然網）
澳門親子遊 - 大潭山滑草場｜活動詳情
- 地址：大潭山郊野公園（地圖）
- 營業時間：
- 5月-10月：星期二至五 14:00-18:00 星期日 09:00-18:00
- 11月-4月：星期二至五 14:00-17:00/星期日09:00-17:00
- 門票：免費入場（身高少於1米或5歲以下小童須由成人陪同）
- 官方網站：按此連結
14. JW兒童樂園
JW 兒童樂園係一個超大規模、設施齊全、服務周到嘅親子天堂。
總面積達 86 萬平方呎嘅超大規模樂園，一入門就可以睇到旋轉滑梯同波波池。
（圖片來源：澳門銀河）
場內仲設有小型繩網同充氣城堡，城堡內會播放夢幻般嘅燈光影像，十分適合小朋友影相打卡。
除左遊樂設施，樂園內都有豐富多元嘅電子遊戲機。
（圖片來源：澳門銀河）
如拍拍機、跳舞機、打鼓機、賽車機等，俾大人們瞬間回到童年時光，都俾小朋友感受唔同年代嘅樂趣。
樂園內特設電影廳同家長休息空間，俾家長都可以喺呢度放鬆休息。
（圖片來源：澳門銀河）
澳門親子遊 - JW兒童樂園｜活動詳情
15. 觀音像海濱休憩區遊樂場
觀音像海濱休憩區遊樂場有絕佳嘅大海景色，俾小朋友喺玩樂之餘都可以沉浸於大自然嘅美景中。
遊樂設施非常齊全，有高層攀爬架滑梯，仲有各式各樣嘅繩網陣，同埋大人細路都鍾意嘅氹氹轉、海盜船搖搖板同鞦韆等。
（圖片來源：澳門自然網）
最正嘅係有碰碰車，大人細路一齊玩耍，感受速度同激情。
場內仲有自助販賣機休憩室同小餐廳，可以喺玩樂嘅間隙稍作休息。
（圖片來源：澳門自然網）
附近嘅400米海濱步道好適合散步，一邊欣賞沿途嘅海岸美景。
呢度根據唔同年齡段劃分左唔同嘅遊樂區域，引入新穎嘅共融式遊樂設施，俾小朋友玩得更開心！
（圖片來源：澳門自然網）
另外健身康樂區都好豐富，包括門球場、滾軸溜冰場同多功能球場，滿足運動需求！
（圖片來源：澳門自然網）
澳門親子遊 - 觀音像海濱休憩區遊樂場｜活動詳情
- 地址：澳門孫逸仙大馬路（地圖）
- 開放時間：全日
16. 波力主題咖啡
想帶小朋友去一個又好玩又好食嘅地方？POLI CAFE 絕對係一個唔可以錯過嘅選擇！
呢間餐廳係港珠澳首間以救援小英雄POLI為主題，仲專門獲得韓國授權，真係好具特色，適合全家大小。
（圖片來源：klook）
佢哋可以喺度盡情玩樂，家長就可以輕鬆坐低食嘢。
（圖片來源：openrice）
食物方面，POLI CAFE 嘅兒童餐選擇非常多樣化，主菜、蔬菜、甜品定果汁都有。
份量都唔少，小朋友肯定食得開心，價錢非常合理，味道亦唔錯，真係好抵食！
假日嘅話，因為人流比較多，最好提前預約，咁可以確保有位啦。
（圖片來源：klook）
澳門親子遊 - 波力主題咖啡｜活動詳情
- 地址：望廈馬交石斜坡1-3號新益花園第三座地舖（地圖）
- 開放時間：
17. 燒灰爐兒童公園
燒灰爐兒童公園雖然唔大，但係佢嘅設施卻相當齊全，非常適合家庭一齊來玩！
公園入面有公廁、卵石徑、休憩桌椅，當然最吸引就係兒童遊樂場。
（圖片來源：澳門自然網）
公園嘅特色之一就係有倉鼠籠，仲有一個比較高嘅滑梯，等小朋友可以挑戰自己，玩得盡興。
而且，最受小朋友鍾意嘅莫過於兒童電動車場啦！
呢個電動車場開放時間係由早上8時到晚上8時，每15分鐘收費5元，適合3至6歲嘅細路。
（圖片來源：澳門自然網）
小朋友可以喺度駕駛，邊玩邊學習交通規則，真係一個有趣又有益嘅親子活動。
無論係想同小朋友享受親子時光，定係想佢哋喺安全嘅環境中玩樂，呢裡都係一個唔錯嘅選擇。
（圖片來源：澳門自然網）
澳門親子遊 - 燒灰爐兒童公園｜活動詳情
- 地址：澳門西灣街（地圖）
- 開放時間：06:00-24:00
18. 石排灣郊野公園
石排灣郊野公園真係一個好適合親子遊嘅地方。
公園環境優美，自然景色好靚，讓小朋友可以親近大自然，學習到好多關於植物同動物嘅知識。
（圖片來源：澳門自然網）
入面有好多野生動植物，仲有藥用植物園同趣異植物園，家長可以同小朋友一齊探。
公園設有兒童遊樂區，讓小朋友有地方可以盡情玩，跑來跑去。
仲有好多步道，適合全家人一齊散步或者野餐，享受家庭時光。
（圖片來源：澳門自然網）
最特別嘅係有大熊貓館，讓小朋友了解大熊貓嘅生活習性同保育知識。
石排灣郊野公園唔單止有好玩嘅設施，仲有教育意義，真係一個適合親子家庭一齊享受歡樂時光嘅好去處！
（圖片來源：澳門自然網）
澳門親子遊 - 石排灣郊野公園｜活動詳情
- 地址：路環石排灣馬路（地圖）
- 開放時間：06:00-22:00
19. Kids Cavern
Kids Cavern係一間大型嘅嬰幼兒用品、服飾同玩具店，真係一個小朋友嘅玩樂天堂。
入面嘅玩具款式多到數唔完，特別有好多香港極罕見嘅玩具款式，價錢又唔貴。
（圖片來源：tripadvisor）
有超多麵包超人玩具，TOMICA車仔專櫃就更加齊全，唔同款式都有，肯定會吸引到車迷嘅小朋友。
Kids Cavern嘅外牆七彩繽紛，入到去就有種好似來到小朋友天堂嘅感覺。
（圖片來源：tripadvisor）
店內佈置好似童話王國，包括大型糖果屋、公主主題飾品區、機動戰士高達主題店、LEGO概念專櫃同Sanrio專門店，唔洗買嘢都可以影到靚相，小朋友已經玩得開心！
入面有好多1比1嘅超級英雄模型，包括蜘蛛俠、鐵甲奇俠等，男仔都會覺得好吸引。
（圖片來源：tripadvisor）
澳門親子遊 - Kids Cavern｜活動詳情
- 地址：射擊路上葡京綜合度假村二樓（地圖）
- 開放時間：10:00-22:00
20. 威尼斯兒童地帶 - 歷險Q立方
威尼斯兒童地帶嘅歷險Q立方真係一個好好玩嘅地方，適合所有小朋友嚟探索！
入面有啲令人驚嘆嘅攀爬設施，唔單止有高達六米嘅複合攀爬牆，仲有垂直滑梯、小型滑梯、V字形繩橋，甚至有好多跨越同攀爬嘅障礙物，真係玩到停唔落手！
呢個遊樂場嘅設計唔止係為咗讓小朋友玩得開心，仲可以幫助佢哋提升身體能力同增強自信心，對成長好有幫助。
而且，青少年都可以喺度上網、玩電玩，或者同朋友打氣墊台球，增進情感交流，真係一個好好嘅社交場所。
呢度有主題派對遊戲間，適合家長同小朋友一齊慶祝生日、節日或者其他特別活動。舉辦派對又方便又好玩，大家可以喺一個充滿歡笑嘅環境中享受快樂時光。
澳門親子遊 - 歷險Q立方｜活動詳情
- 地址：澳門威尼斯人（地圖）
- 前往方法：搭乘南翼套房電梯至5樓（酒店住客入口）； 或是經由大運河購物中心3樓，大運河街957號舖旁樓梯直上（日間訪客入口）
- 開放時間：11:00-19:00
21. 益隆炮竹廠舊址步道
益隆炮竹廠舊址步道位於澳門氹仔舊城區一帶，前身係澳門歷史最悠久、營運時間最長嘅炮竹工廠之一，而家經活化之後變成一條融合歷史建築同自然樹木嘅休閒步道。
（圖片來源：澳門旅遊局）全長大約 400 米，路線平坦易行，沿途可以見到漿引區、水道、池塘、鑿炮房、貨倉等舊有建築遺跡，加上高高大大嘅老樹同紅磚殘牆，成個畫面好有廢墟感但又好有味道，打卡位一個接一個。
（圖片來源：澳門旅遊局）
園區入面除咗步道，仲有展覽館介紹澳門炮竹業歷史，同文創禮品店、咖啡店可以慢慢行慢慢歎，非常適合週末花一兩個鐘散步、影相、了解下澳門另一面嘅工業故事。
（圖片來源：Ytrip）
澳門親子遊 - 益隆炮竹廠舊址步道｜活動詳情
- 地址：澳門氹仔施督憲正街西側（近胡琴巷，鄰近龍環葡韻住宅式博物館）
- 前往方法：
-
-
由氹仔舊城區步行前往，沿告利雅施利華街或施督憲正街步行約 5–10 分鐘即達
-
由路氹金光大道各大酒店乘坐的士前往，車程約 5–10 分鐘，於「益隆炮竹廠舊址」或「龍環葡韻」附近落車後步行數分鐘
-
澳門親子兒童/小朋友自助餐推介
1. 澳門倫敦人 – 漢普閣
漢普閣擁有清靜嘅英式餐廳環境，為食客帶嚟優雅、愜意及溫馨嘅空間，餐廳提供源源不絕嘅現煮海鮮如冷盤龍蝦鉗、胡椒蟹、芝士焗龍蝦。
即席切肉及即席烹調區供應琳琅滿目的鮮活海鮮，包括肉汁豐富嘅龍蝦、鮮嫩可口嘅扇貝同新鮮生蠔等，盡顯海洋清甜之味。 
仲有多款特色技巧嘅熱食同甜品，為呢餐完美畫上句號。
澳門親子自助餐 - 澳門倫敦人 – 漢普閣｜活動詳情
（價錢有機會變動，詳情請參考網頁資料）
2. 澳門四季酒店自助餐 – 鳴詩餐廳
鳴詩餐廳位於澳門四季酒店，超豪華五星級殿堂級自助餐供應自助晚餐。
餐廳採用當地頂級食材，食客可以喺餐廳嘅開放式廚房外欣賞廚師精心烹制特色菜肴。
自助餐可以食到西式燉飯、燒烤肉類、冷熱盤等，亦有新派葡萄牙和澳門Fusion菜式，當中生蠔、龍蝦就最受食客歡迎。
除咗海鮮之外，鳴詩餐廳嘅甜品都非常吸引，蛋糕仔、泡芙小巧精緻，打卡一流～
澳門親子自助餐 - 澳門四季酒店自助餐 – 鳴詩餐廳｜活動詳情
（價錢有機會變動，詳情請參考網頁資料）
3. 澳門上葡京酒店自助餐 – 自助山
自助山從世界各地搜羅各式上乘嘅時令食材，呈獻款式多款中式佳餚、東南亞美食以及環球滋味。
呢到仲擁有餐廳內唯一嘅戶外燒烤區，由專人為你烤製各式頂級海鮮同肉類。
大廚們仲會將烤乳豬、蒜蓉蒸鮑魚及即煮生猛大龍躉等特色佳餚呈獻到你面前，每款都色香味俱全。
澳門親子自助餐 - 澳門上葡京酒店自助餐 – 自助山｜活動詳情
（價錢有機會變動，詳情請參考網頁資料）
4. 澳門勵庭海景酒店自助餐 – 珀克餐廳
澳門勵庭海景酒店嘅珀克餐廳環境優雅，洋溢著濃厚嘅東歐文化氣息。
全日供應自助午及晚餐，提供多款特色又吸引嘅亞洲特色美食同多國風味盛宴。
唔使$200就可以喺自助午餐任食海鮮、全部主菜以及沙律甜品。
唔可以唔試嘅一定係烤蠔、片皮鴨、德國豬腳。
澳門親子自助餐 - 澳門勵庭海景酒店自助餐 – 珀克餐廳｜活動詳情
（價錢有機會變動，詳情請參考網頁資料）
5. 澳門巴黎人酒店自助餐 – 巴黎人Le Buffet
巴黎人自助餐打造猶如觀看劇場表演嘅用餐體驗。
廚師們會喺現場展示高超嘅烹飪技巧，即席烹飪新鮮食材，呈現薈萃歐陸風情嘅味覺、視覺、聽覺三重饗宴。
餐廳提供琳瑯滿目嘅新鮮海鮮吧、現場即開新鮮生蠔、手握壽司及刺身，即點即制嘅精緻菜品，包括北京片皮鴨、滋味烤肉及特色手工拉麵等。
仲有甜品區標誌性嘅旋轉木馬造型，承載住多款精緻甜品，啱晒打卡～
澳門親子自助餐 - 澳門勵庭海景酒店自助餐 – 珀克餐廳｜活動詳情
（價錢有機會變動，詳情請參考網頁資料）
6. 澳門旅遊塔 – 360°旋轉餐廳
澳門旅遊塔嘅360°旋轉餐廳提供咗地道葡國風味美食，鮮美嘅海鮮、即點即制嘅意粉等等。
大家到訪澳門旅遊塔時，可以將360°旋轉餐廳安排入行程！
係享受美食嘅同時，餐廳每半個鐘頭轉一圈，你可以慢慢咁欣賞澳門嘅風景。
你仲可以以$33加購澳門旅遊塔入場券，食飽後就可以係旅遊塔上漫步俯瞰澳門景色。
澳門親子自助餐 - 澳門旅遊塔 – 360°旋轉餐廳｜活動詳情
（價錢有機會變動，詳情請參考網頁資料）
澳門親子住宿推介
1. 澳門倫敦人 – 漢普閣
放假想帶全家人去澳門搵間高質酒店鬆一鬆，又懶得度行程？咁直接入住新濠影滙絕對係最完美嘅！
坐落喺路氹城心臟地，以經典荷里活影城為概念，直駁澳門輕軌系統，加上酒店提供免費穿梭巴士往返機場同碼頭，無論帶住老人家定小朋友出入都非常輕鬆。
作為全澳數一數二嘅親子友善酒店，可以直接加購門票必衝全澳最強嘅「新濠影滙水上樂園」瘋狂玩水放電。又或者可以去「傳奇英雄科技城」體驗高科技電子體育。
大人想 Chill 吓，介可以去擁有港澳首間「杜比影院」嘅影滙戲院睇場震撼大片，或者去特色戶外酒吧「蒲點」聽住頂級音響、睇 DJ 演出。
玩到攰，呢度嘅餐飲品質同樣備受激讚。度假村內設有 7 間頂級餐廳，當中包括專做高質中國菜兼榮獲米芝蓮星級肯定嘅「玥龍軒」。
澳門親子住宿推介- 新濠影滙｜活動詳情
2. 澳門巴黎人
位於金沙度假區核心地段嘅澳門巴黎人，完美還原咗巴黎嘅迷人風情。
酒店最標誌性嘅，莫過於依照巴黎艾菲爾鐵塔 1/2 比例建造嘅巴黎鐵塔，每晚都會上演耀眼奪目嘅光影秀。
鄰近銀河綜藝館，有室內通道連接其他度假村，仲有提供免費穿梭巴士往返機場同景點。
酒店擁有超過 2,500 間嘅客房，預訂時記得揀鐵塔景觀房，拉開窗簾就可以睇到將鐵塔，浪漫氛圍直接拉滿。
澳門巴黎人亦都係獲得無數好評嘅親子友善天堂，可以直接去「澳門巴黎人水世界」瘋狂打水仗，或者去專為兒童打造嘅「Q立方王國」盡情放電。
最正嘅係，酒店住客可以免費參觀巴黎鐵塔 7 樓觀景台，喺金光票務售票處出示有效房卡，仲可以用七折超級優惠購買超人氣「澳門 teamLab 超自然空間」嘅門票，帶住小朋友一邊打卡一邊探索沉浸式藝術。
澳門親子住宿推介- 澳門巴黎人｜活動詳情
3. 澳門十六浦索菲特大酒店
如果去澳門玩想方便去大三巴、議事亭前地等世界文化遺產景點，咁坐落喺澳門市中心嘅澳門十六浦索菲特大酒店絕對係你嘅高質首選。
呢間酒店配套設施齊全到讓人窩心，帶住小朋友入住，酒店唔單止會主動提供兒童專屬嘅拖鞋、浴袍同牙刷，甚至連嬰兒車都可以按要求準備。
現場更設有戶外大泳池同專為小朋友打造嘅兒童游泳池，等大人可以喺池畔酒吧 Chill 住歎杯雞尾酒之餘，小朋友又可以安全痛快地玩水放電。
玩完一日，呢度嘅餐飲同服務品質同樣唔會令你失望。
酒店內設有 3 間高質餐廳，當中焦點首推專做精緻法國菜嘅名店Privé，等你可以同另一半喺充滿法式浪漫嘅氛圍下大過口癮，而每日早上更有豐富嘅自助早餐供應。
澳門親子住宿推介- 澳門十六浦索菲特大酒店｜活動詳情
香港來往澳門交通
1. TurboJet 噴射飛航
噴射飛航係港澳地區首家提供24小時渡輪服務嘅船公司，擁有超過五十年嘅船務經驗。
乘客可以係船上購買食品、飲品及免稅商品，讓旅程更加愜意。
噴射飛航提供多條路線，方便快捷，可以輕鬆來往香港及澳門，並保證乘客嘅旅程舒適。
從香港出發嘅話需前往上環港澳碼頭前往氹仔或外港，航行時間約60分鐘。
（圖片來源：Klook）
TurboJet 噴射飛航 ｜乘搭詳情
（價錢有機會變動，詳情請參考網頁資料）
2. 港澳金光飛航
除咗乘搭噴射飛航，仲可以考慮乘搭金光飛航。
金光飛航係一家採用來自澳洲嘅高速雙體船嘅船公司，航行穩定安全。只需55分鐘即可從香港港澳碼頭抵達澳門氹仔。
係澳門氹仔落船後，可以乘坐免費豪華接駁巴士前往澳門金沙、澳門百利宮、澳門威尼斯人酒店及金沙中心，十分方便快捷。
金光飛航嘅船艙採用現代化設計，設有可調整嘅豪華真皮座椅，乘客可全程享受寬敞舒適嘅乘坐空間。
此外，船艙提供免費WiFi，乘客可以隨時上網查詢旅遊資訊或同親友保持聯繫。
（圖片來源：Klook）
港澳金光飛航｜乘搭詳情
（價錢有機會變動，詳情請參考網頁資料）
【港澳直通巴】3大香港去澳門直通巴士介紹｜多個上落地點：太子、尖沙咀、觀塘、鑽石山、葵芳
澳門點止咁少好去處？想知更多澳門親子兒童/小朋友好去處，即刻按此了解更多！
更多澳門吃喝玩樂推介：
- 【澳門Staycation優惠2024】一文睇曬澳門酒店套票、住宿連餐飲優惠詳細介紹！
- 【澳門自助餐2024】12間最新自助餐優惠介紹 最平$200唔洗! 360°旋轉餐廳、自助山、各大澳門酒店（附交通詳情）
- 【2024最新優惠】精選10間澳門自助午餐推介（附交通詳情）
- 【最新優惠】精選6間澳門人氣下午茶 High Tea 推介
- 【澳門按摩2024】嚴選澳門12大必試水療Spa按摩，更有「福布斯」蟬聯五星SPA！
- 【澳門酒店優惠推介】11間澳門CP值極高嘅平價酒店＋獨家訂房秘技大公開
- 【20+澳門美食推介2024】低至65折! 正宗葡國菜/超高分餐廳等你黎食～
- 【澳門葡國餐廳 2024】9大熱門澳門葡萄牙餐廳推薦｜新派葡萄牙菜式、100年歷史葡國菜餐廳、全球50最佳發現餐廳
- 【澳門好去處2024】15大室外室內人氣必玩澳門好去處！（附澳門交通資訊）
- 【澳門一日遊 2024】澳門行程懶人包｜打卡、美食、人氣活動
- 【澳門氹仔一日遊】氹仔必去景點、美食、活動推介（附澳門交通懶人包）
- 【澳門景點2024】12大特色打卡澳門旅遊景點推介｜歷史古蹟、特色街巷、絕美夜景