萬眾期待嘅「澳門TeamLab超自然空間」終於開幕啦！
展覽係一個由全球知名團隊打造、結合科技同藝術嘅互動體驗空間，全場佔地面積達5000平方米，喺呢度你可以一嘗沉浸式感官體驗，就好似走入咗一個奇幻世界咁。
小編親身體驗過覺得非常值得去，除咗好適合打卡，互動位仲要勁多，真係會玩到唔想走！
最特別嘅係場內冇地圖，每個展區都要靠你自己去搵，神秘感十足。
而且每個展區都各有特色，你可以喺度慢慢探索同埋打卡影相。
今日就同大家介紹澳門TeamLab嘅8個必睇亮點，附上門票優惠同地址。如果想知多啲關於澳門TeamLab就要睇埋落去啦~
澳門TeamLab超自然空間
詳情：
- 地址：氹仔望德聖母灣大馬路，澳門威尼斯人金光會展F廳（地圖）
- 營業時間：星期一、二、四至日11:00-19:00
- 門票價錢：HK$180起
（價錢/營業時間有機會變動，詳情請參考網頁資料）
澳門TeamLab 8大必睇亮點：
- 澳門teamlab -「花與人的窪谷」
- 澳門teamlab -「漂浮的花園」
- 澳門teamlab -「無相之雲」
- 澳門teamlab -「無窮無盡的水晶宇宙」
- 澳門teamlab -「自由飄浮」
- 澳門teamlab -「光之雕刻」
- 澳門teamlab -「運動森林」
- 澳門teamlab -「EN TEA HOUSE」
1. 澳門teamlab -「花與人的窪谷」
「花與人的窪谷」係一個展現多個季節變換嘅作品，花朵生長嘅位置會隨著季節而改變。
（圖片來源：teamlab）
觀眾可以一睹花朵循環著誕生、成長、開花、凋謝、死亡嘅過程。
當觀眾靜止不動，附近嘅花會增多並持續綻放，但如果觀眾觸摸或踩到啲花朵，花就會即刻凋謝死去。
（圖片來源：teamlab）
2. 澳門teamlab -「漂浮的花園」
「漂浮的花園」吊有超過8,000朵盛放嘅蘭花，就似走進一座優美嘅秘密花園，打卡一流！
儘管空間充斥住花朵，但花朵會漂浮上升以及鏡射嘅效果，創造出一個具有層次感嘅空間。
（圖片來源：teamlab）
每當觀眾靠近蘭花簾幕，花朵就會慢慢升起，形成一條路。
當進入空間後，蘭花又會下降。
當你同其他人係空間中相遇個陣，個別空間會相互連接，形成一個新嘅空間。
（圖片來源：teamlab）
3. 澳門teamlab -「無相之雲」
呢個作品不停生產著氣泡肥皂，令人有置身雲層嘅感覺，融合咗生命同能量奇妙雕塑。
係「無相之雲」嘅作品空間中，一個巨大嘅白色肥皂泡誕生，靜靜咁漂浮係半空中。
（圖片來源：teamlab）
肥皂泡可以係破壞後自我修復，就好似生命一樣具有自癒嘅能力。
然而，當被破壞超過其修復範圍時，佢將漸漸崩潰，就好似生命無法承受無止境嘅傷害。
溫馨提示，無相之雲會有機會濕身，如果唔想濕身，可以免費借用主辦方提供嘅雨衣。
（圖片來源：teamlab）
4. 澳門teamlab -「無窮無盡的水晶宇宙」
「無窮無盡的水晶宇宙」係一個立體光之雕塑群，由累積嘅光點所創造而成。
觀眾可以透過智能手機選擇星星並投入其中，星星將成為創造立體物體的元素，可以共同創造出整個作品空間。
（圖片來源：teamlab）
係呢個空間入面，星星之間相互影響，彼此交織住光芒，並且都會受到投入場所的人嘅存在所影響整個作品。
你可以沉浸係呢個宇宙中，感受到光嘅能量、星星的聚合同變化。
（圖片來源：teamlab）
睇到呢度已經覺得好正，想即刻去？ 按此預訂澳門TeamLab超自然空間門票，可以享有門票優惠
5. 澳門teamlab -「自由飄浮」
當你進入呢個作品後，你會發現無數自由漂浮嘅波波。
你可以撥開呢啲波波並進入其中，同波波進行互動。
（圖片來源：teamlab）
波波嘅顏色不斷變換，而空間就會係立體同平面之間不斷轉換，令你感受到獨特嘅視覺體驗。
每當你觸碰或拍打呢啲球體時，佢哋會改變顏色並發出獨特的音調。
顏色同音調會好似連鎖反應一樣向周圍嘅波波不斷傳開。
（圖片來源：teamlab）
6. 澳門teamlab -「光之雕刻」
當你進入呢個空間時，你會感受到光線嘅獨特呈現方式。
光線以唔同嘅角度同方向投射在平面上，光線嘅交錯同集合形成立體嘅雕塑，環繞著你身體並將你完全沉浸其中。
（圖片來源：teamlab）
呢啲立體雕塑通過光線嘅變化同投射角度巧妙操控，呈現出多樣的形狀同結構。
雕塑會有抽象、幾何或有機，根據光線嘅分布同集合而改變。
（圖片來源：teamlab）
7. 澳門teamlab -「運動森林」
「運動森林」係一個創意運動空間，以「用身體來領略世界，用立體式思維來理解世界」作為理念。
可以通過強大身體功能完全沉浸在互動的世界中， 呢個展區十分受小朋友歡迎㗎。
（圖片來源：teamlab）
其中一個作品「紅色名錄」，你可以係紙上將生物油上顏色， 再交俾工作人員Scan入電腦。
屬於你嗰隻生物就會加入呢一個空間。呢啲生物之間相互掠食吞吃，共同形成一個生態系統。
您所繪畫嘅生物如果吞食其他生物，就會繁殖增多；反之，如果無法吞食其他生物，就會死亡消失。
（圖片來源：teamlab）
8. 澳門teamlab -「EN TEA HOUSE」
玩到攰，就可以去澳門teamLab限定嘅EN TEA HOUSE到飲啖茶休息下。
當店員將茶倒入茶碗後，可以睇到茶碗中出現花同植物嘅光影投射。
（圖片來源：teamlab）
花會隨着茶碗中茶水量嘅不同，茶水面積大小而不斷改變。
茶仲可以選擇冷萃柚子綠茶、冷萃玉綠茶、玉綠茶、德國洋甘菊焙茶拿鐵。
（圖片來源：teamlab）
澳門TeamLab仲有好多展區等緊你去探索，係今次嘅澳門之旅同伴侶/家人/朋友製造美好回憶！
另外澳門除咗TeamLab超自然空間仲有好多景點值得你去玩！即刻按此了解更多！