去澳門梗係要食盡澳門美食！今次 ReUbird 小編會同大家推介澳門21間精選人氣餐廳，嘢食好味環境又靚，啱晒作為吃貨嘅你地。想知係邊幾間就要快啲睇埋落去啦！
- 澳門新濠鋒 - 季風
- 澳門威尼斯人酒店 - 喜樂日本料理
- 澳門四季酒店王手 - 充滿活力及創意的拉麵餐廳
- 大利來記豬扒包
- 葡多利
- 澳門新濠影滙 - 意滙
- 澳門新濠鋒 - 奧羅拉
- 澳門新濠天地 - T FOR TAPAS 歐陸美食
- 澳門巴黎人 - 巴黎軒
- 澳門倫敦人 - 邱吉爾餐廳
- 澳門四季酒店 - 曉亭
澳門必食美食推介
路環
1. 鷺環海天度假酒店 - 觀海軒中餐廳
「觀海軒中餐廳」係澳門著名嘅中餐廳之一，以其精緻嘅粵式點心同特色粵菜而聞名。
包括：金牌脆皮燒肉、椒鹽豆腐、蟲草花花膠燉雞、海皇醬鴿片珊瑚蚌、茄子鮑汁炆海參、砵酒魚香醬三蔥牛肋骨煲等等。
（圖片來源：Klook）
餐廳擁有異域風情氛圍，仲有靚海景可以欣賞，令用餐體驗更加獨特。
無論係餐廳內用餐定係露台上，都可以欣賞到壯麗迷人嘅海景，為美食增添咗額外嘅吸引力。
餐廳一直以優質嘅食物同令人愉悅嘅環境而廣受食客喜愛，如果你對粵菜有興趣，呢間餐廳值得一試。
（圖片來源：Klook）
澳門美食 - 觀海軒中餐廳｜餐廳詳情（按此預訂餐廳可享優惠）：
2. 安德魯餅店
黎到澳門，點可以錯過必食嘅葡式蛋塔！好多旅客食完都會帶幾盒返去做手信。
「安德魯餅店」係澳門被譽為手信嘅代表，吸引咗好多遊客黎品嚐。
雖然店面唔大，只有兩層高，但呢到嘅葡式蛋塔已成為必訪景點之一。
（圖片來源：安德魯餅店）
除咗蛋塔，仲有其他烘培品例如蛋糕、麵包、曲奇同飲料可以買。
安德魯蛋塔嘅魅力實在非常大，係路環同氹仔都有開設分店，令更多人可以享受到美味嘅葡式蛋塔。
（圖片來源：安德魯餅店）
澳門美食 - 安德魯餅店｜餐廳詳情：
- 分店地址：
3. 路環碼頭麵館
「路環碼頭麵館」係一間擁有40幾年歷史嘅餐廳，以其招牌魚翅湯麵聞名於澳門。
用餐時間經常客滿，深受澳門市民同旅客嘅喜愛，連香港著名演員譚詠麟同陳百祥都讚不絕口。
（圖片來源：路環碼頭麵館）
除咗招牌嘅魚翅湯麵外，皇蠔鮑魚亦係必點嘅美食之一。呢間餐廳亦獲得香港美食評論家蔡瀾嘅推薦。
如果你想品嚐道地嘅澳門美食，碼頭麵館絕對係值得一試嘅地方。
（圖片來源：路環碼頭麵館）
澳門美食 - 路環碼頭麵館｜餐廳詳情：
- 地址：路環市區船人街116-120號地下A及B號舖（地圖）
- 營業時間：星期一至日 08:00 - 18:00
4. 路環輝記美食茶座
「輝記美食茶座」係一間位於路環市區周圍嘅知名餐廳。佢位於飛鷹培訓營對面，係當地非常受歡迎嘅茶室餐廳之一。
以前由路環前往氹仔或澳門比較麻煩又費時，所以呢間茶座係唯一一間朝早有供應早茶嘅地方，好多老人家都好鍾意黎呢到享用早茶。
（圖片來源：輝記美食茶座）
呢到嘅菜單非常豐富，包括湯麵、撈麵、米飯、燉飯、麵包、三明治同中式點心等各種選擇。
其中招牌菜之一嘅「雞湯米」係絕對不容錯過嘅特色美食。
（圖片來源：輝記美食茶座）
澳門美食 - 路環輝記美食茶座｜餐廳詳情：
- 地址：路環市區打纜街33-37號（地圖）
- 營業時間：星期一至五、日 07:00 - 18:00
5. 漢記手打咖啡
「漢記咖啡」係「400次咖啡」係韓國爆紅嘅發源地，店舖位於一座非常原始嘅鐵皮屋內。
咖啡店嘅獨創特色就係以手打嘅方式將咖啡粉同煉乳混合，係高速攪伴約400次左右後，再加入熱水完成製作。
（圖片來源：OpenRice）
呢種手打咖啡可以打出綿密嘅咖啡焦糖奶泡，口感香濃幼滑，甚至連演員周潤發都曾到訪過，仲大讚咖啡有酒店水準。
另外，咖啡店仲有提供美味嘅小食，例如雞翼同豬扒包，大家不妨過黎食個下午茶。
（圖片來源：OpenRice）
澳門美食 - 漢記手打咖啡｜餐廳詳情：
澳門半島
1. 倫記軟滑腸粉
「倫記」以即拉即製嘅腸粉聞名，提供傳統布拉軟滑嘅腸粉同各式粥粉麵料理。
腸粉新鮮煮製，保持鮮嫩口感同彈性，配以豐富醬料同配菜。
（圖片來源：倫記軟滑腸粉）
除咗腸粉，仲有多種口味嘅粥、粉、麵可選。無論係早餐、下午茶或宵夜，「倫記」都係填飽肚子嘅好去處。
呢到係品味地道廣東小食嘅絕佳選擇，滿足當地居民同遊客嘅味蕾。
（圖片來源：倫記軟滑腸粉）
澳門美食 - 倫記軟滑腸粉｜餐廳詳情：
- 地址：沙梨頭沙欄仔街26號泉彩樓地下B號舖（地圖）
- 營業時間：星期一、三至日 07:00 - 01:00
2. 祥記麵家
「祥記麵家」係2023年獲得米芝蓮指南必比登嘅推介，餐廳以懷舊嘅澳門氛圍裝修而聞名。
（圖片來源：祥記麵家）
實際上，餐廳早係70年代就開業，以自家製造嘅幼細竹昇麵同熬製八小時嘅蝦乾同大地魚湯底打響咗名堂。
黎到呢到，你可以體驗到最地道嘅澳門風味，餐廳內仲售賣頂級嘅蝦籽同秘製辣椒油，可以帶返屋企做手信。
（圖片來源：祥記麵家）
澳門美食 - 祥記麵家｜餐廳詳情：
- 地址：澳門福隆新街68號（地圖）
- 營業時間：星期一至日 11:30 - 21:00
3. 陳光記燒味飯店
「陳光記」於1972年係澳門南灣成立，自2011年起連續九年蟬聯米芝蓮餐廳美食指南，係澳門美食界嘅燦爛明珠。
創始人從1975年開始研發出九種唔同口味個燒鵝同燒鴨，包括咖哩、黑椒、椒麻同醬燒等，每款都有獨特風味。
（圖片來源：OpenRice）
其中，店內最受政商名流同影視名人推崇嘅係黑胡椒燒味，亦係餐廳嘅招牌菜品。
黑胡椒燒味嘅肉質咬起黎香濃有彈性，而脆皮部分酥脆可口，完全唔會覺得油膩，加上特製醬料，令白飯更加美味。
（圖片來源：OpenRice）
澳門美食 - 陳光記燒味飯店｜餐廳詳情：
- 地址：澳門半島羅保博士街19號（地圖）
- 營業時間：星期一至日 09:00 - 00:00
4. 恆友魚蛋
魚蛋係一種係港澳地區非常常見嘅街頭小吃，老少咸宜。
而「恆友魚蛋」除咗提供魚蛋之外，仲有各種滷味食材可供選擇，例如火鍋配料、青菜、牛雜、牛肚、牛肺等等。
（圖片來源：OpenRice）
食材都帶有咖哩嘅香氣，令到每種食材都更加美味。丸類非常有彈性，十分彈牙。
牛內臟類嘅食材經過處理後，唔會有腥味，保持咗鮮美嘅口感。
而搭配恆友嘅秘製咖哩醬，真係一個絕佳組合，增添咗一種特殊的香辣風味，帶俾顧客獨特嘅味覺體驗。
（圖片來源：OpenRice）
澳門美食 - 恆友魚蛋｜餐廳詳情：
- 地址：新馬路大堂巷12C號地下（地圖）
5. 文藝門
「文藝門」原本係一座擁有60年樓齡嘅白鐵工廠，經過一位澳門藝術家嘅設計改造，成為一座文創綜合樓。
「文藝門」代表文學、文化、藝術同澳門嘅意義。
呢座建築有4層樓，保留咗歷史建築元素，成為大受歡迎嘅文青打卡場所。
（圖片來源：文藝門）
地下同一樓係咖啡廳同雜貨店，提供咖啡同特色甜點，仲有本地手工製作嘅飾品。
係咁樣嘅文藝氛圍中，你可以享受一個輕鬆嘅下午時光。
（圖片來源：文藝門）
澳門美食 - 文藝門｜餐廳詳情：
- 地址：澳門關前正街42號（地圖）
- 營業時間：星期一至日 10:00 - 19:00
氹仔
1. 澳門新濠鋒 - 季風
「季風」係一間受到遊客同本地人歡迎嘅餐廳，以其家常菜而聞名。
烹飪團隊特別搜羅大江南北中華料理菜譜，炮製一系列招牌菜，包括蘿蔔糕炒軟殼蟹、雲南珍菌炒黑豚肉、生猛海鮮、巧手點心粥麵等。
餐廳仲提供辛辣刺激嘅川湘魯風味特色菜，使用正宗調味手法，以滿足各種口味嘅需求。
（圖片來源：Klook）
另外，餐廳推出晚市自助火鍋，大家可品嚐精選生猛海鮮，頂級和牛肉，特色小炒等。
如果你鍾意豐富多樣嘅中華料理，呢間餐廳不容錯過。
（圖片來源：Klook）
澳門美食 - 季風｜餐廳詳情（按此預訂餐廳可享優惠）：
- 地址：新濠鋒3樓，餐廳大樓（地圖）
- 用餐時段：星期一至日 12:00 - 00:00
- 價錢：HK$226起（2位）
2. 澳門威尼斯人酒店 - 喜樂日本料理
「喜樂日本料理」係一間活力四射、趣味盎然嘅日本料理餐廳。
廚藝大師們係美食舞臺上展現他們嘅才華，精心演繹各種豐富美味嘅經典傳奇菜式，包括壽司、刺身、天婦羅、爐端燒同鐵板燒等。
（圖片來源：Klook）
你可以品嚐到新鮮海鮮同高品質食材，並享受到獨特嘅日本料理文化氛圍。
無論係愛好壽司定係喜愛燒烤，呢間日本料理餐廳都能滿足你嘅味蕾需求，讓你感受到美食嘅樂趣。
（圖片來源：Klook）
澳門美食 - 喜樂日本料理｜餐廳詳情（按此預訂餐廳可享優惠）：
- 地址：澳門威尼斯人1樓（地圖）
- 用餐時段：星期二至日 18:00 - 22:30
- 價錢：HK$1,774起（2位）
3. 澳門四季酒店王手 - 充滿活力及創意的拉麵餐廳
「 澳門四季酒店王手 」位於熱鬧嘅大堂樓層，以其充滿活力同創意嘅風格而聞名。
廳提供由優質天然食材新鮮製作嘅拉麵，你可以享用到新鮮麵條同濃郁湯頭，搭配豐富配料，營造出美味無比嘅拉麵體驗。
（圖片來源：Klook）
多款口味包括豚骨湯拉麵、豚骨擔擔麵、醬油雞湯拉麵同海鹽雞湯拉麵等。
無論你鍾意豬骨湯嘅濃郁口味、醬油雞湯嘅鮮美風味定係海鹽雞湯嘅獨特滋味，呢到都能滿足你嘅需求。
其中豚骨擔擔麵係招牌菜式，包含香辣豚骨湯、擔擔肉醬、芝麻、豬腩肉叉燒、青葱同紫菜，味道香濃。
（圖片來源：四季酒店）
澳門美食 - 澳門四季酒店王手｜餐廳詳情（按此預訂餐廳可享優惠）：
- 地址：澳門四季酒店大堂（地圖）
- 用餐時段：星期一至日 11:00 - 15:00 & 18:00 - 22:30
- 價錢：HK$210起（1位）
4. 大利來記豬扒包
豬扒包係澳門嘅國民美食，好多咖啡室、街頭小食店都可以搵到。「大利來記」最具知名度，亦係初訪澳門遊客嘅首選。
豬扒包每日下午二時準時出爐，香烤鬆脆，厚切豬扒肉質鮮嫩，份量十足。
（圖片來源：澳門大利來記咖啡室）
除咗著名嘅豬扒包、各項吐司、豬扒麵咖哩魚麵、豬扒麵都有好多遊客選擇。
「大利來記」一共有四間分店，地理位置方便，經過嘅不妨試試。
（圖片來源：澳門大利來記咖啡室）
澳門美食 - 大利來記豬扒包｜餐廳詳情：
5. 葡多利
「葡多利」係一間葡萄牙人嘅啤酒屋，已係葡萄牙擁有二十幾間分店。
餐廳以傳統葡萄牙房屋為概念，以經典嘅葡萄牙瓷磚為裝飾，營造出波希米亞風情嘅氛圍。
餐廳內有定製嘅酒窖、以軟木元素為主題嘅私人房間同室外露台。
（圖片來源：葡多利）
你可以品嚐到最地道嘅葡式美食，仲有任點任食嘅菜單，讓你盡情享受豐富嘅葡國盛宴。
無論係葡式燉飯、烤魚、海鮮炒飯、烤肉定係葡式蛋撻，都可以係呢到搵到。
葡多利能帶俾你迷人嘅葡萄牙美食體驗，讓你沉浸係葡萄牙嘅文化同風味之中。
（圖片來源：葡多利）
澳門美食- 葡多利｜餐廳詳情：
- 地址：氹仔舊城區木鐸街75號地舖（地圖）
- 營業時間：星期一至日 12:00 - 22:00
6. 澳門新濠影滙 - 意滙
「意滙」喜愛義大利美食嘅樸實真摯，完美展現咗義大利人忠於傳統嘅熱情。
餐廳以簡約風格為特色，令你覺得好似置身於一個義大利家庭嘅廚房中，感受到溫暖同親切。
（圖片來源：Klook）
從新鮮出爐嘅羅馬風味薄餅、意粉，到傳統嘅義大利主菜同甜點，「滋味同享」係佢哋嘅出發點，讓你係用餐時感受到共享美食嘅樂趣。
晚餐前可以踱步到酒吧細綴一杯，抑或挑選一瓶佳釀配搭肉汁鮮嫩嘅魚或牛扒，令晚餐再次升華，回味無窮。
餐廳秉持住令人感動嘅初心同堅持，創造出令人回味再三嘅美食回憶。
（圖片來源：Klook）
澳門美食 - 意滙｜餐廳詳情（按此預訂餐廳可享優惠）：
- 地址：新濠影滙一樓1079號（地圖）
- 用餐時段：星期四至日 12:00 - 14:30 & 18:00 - 22:00
- 價錢：HK$596起（2位）
7 澳門新濠鋒 - 奧羅拉
「奧羅拉」主廚嚴選來自義大利嘅時令食材、美酒，以及風乾火腿、芝士等農產品，用心演繹出最經典精緻嘅義大利傳統美食同地方名菜。
必嚐主廚家傳秘方薄餅，使用經過48小時發酵嘅麵團，並係專業嘅烤爐中烘焙，薄餅酥脆而內軟。
搭配上來自優質產地嘅海鮮拼盤或招牌甘香肉嫩嘅烤美國戰斧牛扒，最適合與家人好友分享，時光歡樂溫馨。
（圖片來源：Klook）
自家製嘅意式橄欖油麵包鹹香鬆軟，充滿住橄欖油香草嘅芳香，帶俾你家嘅溫暖感覺。
各種手工意粉以義大利麵粉按照傳統配方製成，充滿住麥香同陽光嘅氣息。
你仲可以前往酒吧區品嚐特色雞尾酒，或者前往戶外露台，細味一杯屢獲殊榮嘅葡萄酒，同時欣賞澳門全景。
（圖片來源：Klook）
澳門美食 - 奧羅拉｜餐廳詳情（按此預訂餐廳可享優惠）：
- 地址：新濠鋒10樓，餐廳大樓（地圖）
- 用餐時段：星期一、三至日 18:00 - 22:00
- 價錢：HK$1,170起（2位）
8. 澳門新濠天地 - T FOR TAPAS 歐陸美食
「T FOR TAPAS」提供一種猶如置身於外國街頭嘅感覺，讓你可以放鬆心情品味西班牙風味小食。
你可以品嚐到西班牙火腿、辣肉腸、鵝肝、芝士等各種美味嘅西班牙小吃，為你帶來西班牙獨特嘅風味同口感。
（圖片來源：Klook）
你仲可以搭配西班牙水果酒、雪利酒以及多款紅、白酒來豐富你嘅用餐體驗。
與三五知己共享，一同度過一個難忘嘅晚上，感受西班牙嘅熱情與美食文化。
（圖片來源：Klook）
澳門美食 - T FOR TAPAS 歐陸美食｜餐廳詳情（按此預訂餐廳可享優惠）：
- 地址：新濠天地二樓（地圖）
- 用餐時段：星期一至二、四至日 17:00 - 23:30
- 價錢：HK$531起（2位）
9. 澳門巴黎人 - 巴黎軒
「巴黎軒」位於澳門巴黎人標誌性的巴黎鐵塔內，以極具現代主義風格嘅裝潢著稱。
餐廳提供精緻嘅粤菜，同時讓用餐客人盡情欣賞路氹金光大道璀璨嘅景色。
中菜行政總廚雷柏傳承咗傳統粤菜嘅烹調技巧，並結合佢獨特嘅創意同詩意般嘅盤飾美學，為你呈現一場視覺盛宴。
（圖片來源：Klook）
全日套餐包括紅燒澳洲同牛面頰肉伴黑松露、龍蝦湯脆米海鮮泡飯、十五年老陳皮北海道十胜紅豆沙配香滑燕窩奶露撻等。
每道菜品都好似一幅畫作，令人賞心悅目。夜幕低垂，你仲可以係餐廳內嘅優雅酒吧區小酌一番，盡情沉浸係微醺嘅巴黎之夜中。
（圖片來源：澳門巴黎人）
澳門美食 - 巴黎軒｜餐廳詳情（按此預訂餐廳可享優惠）：
- 地址：澳門巴黎人巴黎鐵塔六樓（地圖）
- 用餐時段：星期一至二、四至日 11:00 - 15:00 & 18:00 - 22:30
- 價錢：HK$1,123起（1位）
10. 澳門倫敦人 - 邱吉爾餐廳
「邱吉爾餐廳」位於澳門倫敦人酒店嘅水晶金殿大堂，受到著名嘅溫斯頓‧丘吉爾爵士啟發。
室內設計靈感來自維多利亞時期建築，營造出華美嘅視覺盛宴。
（圖片來源：Klook）
廳提供經典英式下午茶以及別具特色的甜點，讓你享受一場美味嘅品味之旅。
下午茶可享用招牌烤司康餅搭配自製果醬同康沃爾濃縮奶油、五款精選糕點，以及新鮮沖泡咖啡或倫敦人特色茗茶。
咖啡吧提供精品咖啡同輕食，晚上則化身為英式酒吧，供應丘吉爾最喜愛嘅飲品同雞尾酒，享受放鬆愜意嘅氛圍。
（圖片來源：Klook）
澳門美食 - 邱吉爾餐廳｜餐廳詳情（按此預訂餐廳可享優惠）：
- 地址：澳門倫敦人1樓（地圖）
- 用餐時段：星期一至三 15:00 - 23:30
- 價錢：HK$331起（2位）
11. 澳門四季酒店 - 曉亭
「曉亭」係一間融合中西文化嘅室內外餐廳，設計獨特，充滿當地特色同寬敞嘅空間，提供中西特色美食同多種優質茶品。
《茶經》提供多款優質茶品，詳細介紹每款茶嘅背景、味道、益處以及搭配菜肴嘅建議。
你可以根據自己嘅喜好同需求，選擇最適合嘅茶品享用。
（圖片來源：Klook）
下午茶套餐有七款甜點，包括黑森林千層朱古力曲奇脆脆、四季英式提子鬆餅、柚子蛋白霜脆皮撻、黑莓白朱古力慕斯芝士蛋糕等。
另外仲有四款鹹點，包括黄金咖啡炸蝦球、椰香青檸炸蟹肉泡芙、秘鲁酸汁腌魷魚蒜香松子撻等。
你仲可以選擇精選氣泡茶、香檳或桃紅葡萄酒搭配茶點。
（圖片來源：Klook）
澳門美食 - 曉亭｜餐廳詳情（按此預訂餐廳可享優惠）：
- 地址：澳門四季酒店大堂（地圖）
- 用餐時段：星期一至日 14:15 - 16:00 & 16:15 - 18:00
- 價錢：HK$604起（2位）
睇完澳門有咩美食之後，ReUbird 為你介紹澳門室外室內好去處，咁就可以輕鬆計畫完美澳門之旅！