去澳門小旅行， 想買啲手信俾親朋好友分享下。
不過澳門手信咁多唔知點揀好？ 小編就整合左9大必買澳門手信推介俾你！
每款都各有特色， 總有一款啱你～
- 最香餅家 - 炭燒杏仁餅
- 正牌車厘哥夫 - 紐結糖
- 幸運來手信 - 鹹鮮蝦子麵
- 晃記餅家 - 核桃酥
- 樂宮餅店 - 曲奇餅
- 藍點小食 - 檸檬膏
- 祐記 - 龍鬚糖
- 姚標記 - 澳門葡式蟲仔餅
- 安德魯餅店 - 葡式蛋撻
澳門9大必買手信手信推介
1. 最香餅家 - 炭燒杏仁餅
嚟到澳門， 又點可以唔提到杏仁餅呢？
最香餅家創立於50年代，已經有70幾年歷史。
（圖片來源：最香餅家Facebook）
佢哋嘅炭燒杏仁餅採用古法製造，食落有陣陣嘅炭香味，口感酥脆，層次豐富。
除咗用炭燒所有杏仁餅都係全人手做，就算平日你都會見到佢大排長龍。
（圖片來源：最香餅家Facebook）
- 地址：澳門夜呣街14號A地下E1座 （地圖）
- 營業時間：11:00-18:00（不定期休息，可到最香餅家Facebook專頁查看）
去到澳門SIM卡都好緊要~想知有咩澳門SIM卡推介？ 即刻睇吓啦，而家預訂仲有優惠。
2. 車厘哥夫 - 紐結糖
車厘哥夫紐結糖其實就係澳門版嘅鳥結糖，但口感會再硬一點，而且唔癡牙，咬落去充滿牛奶與花生香味。
啖啖都可以感受到唔同的層次。仲有唔同嘅口味，包括脆米朱古力同杏仁芒果，真係好值得一試！
（圖片來源：特色店）
車厘哥夫｜詳情：
- 地址：氹仔舊城區官也街90號 （地圖）
- 營業時間：11:00-18:00
去到澳門除咗買手信都想入賭場玩返兩手～ 但有咩特別要注意？ 同想知道邊個賭場值得去？ 咁就快啲撳入嚟了解多啲
3. 幸運來手信 - 鹹鮮蝦子麵
幸運來嘅雙重蝦子麵純手工製作，同平時普通嘅蝦子麵唔同。
呢度嘅蝦子麵係麵餅上鋪一層純蝦子，以蝦同大地魚湯代替鹼水。
食落比平時嘅蝦子麵更鹹更鮮，每一啖你都可以感受到蝦嘅鮮味。
溫馨提示，蝦子麵每日限量供應，好快就會賣晒，想買一定要早少少過嚟買！
（圖片來源：幸運來手信Facebook）
幸運來手信｜詳情：
- 地址：澳門高尾巷7a號 （地圖）
- 營業時間：12:00-19:00
4. 晃記餅家 - 核桃酥
晃記餅家自光緒32年開始營業。
佢哋嘅核桃酥已經有成百年歷史，一直堅持人手製作，保留最傳統嘅做法。
（圖片來源：澳門特別行政區政府旅遊局）
除咗核桃酥之外， 呢度嘅金桃酥及肉切酥都好受歡迎。
金桃酥以鬆脆薄皮包裹着軟糯香甜嘅餡料；肉切酥則係祖傳下來嘅餅食，香脆可口。
（圖片來源：澳門特別行政區政府旅遊局）
晃記餅家｜詳情：
- 地址：氹仔官也街14號 （地圖）
- 營業時間：10:00-21:00（逢星期三休息）
澳門玩兩日一夜唔知揀邊間酒店好？即刻睇哂氹仔酒店、半島酒店、平價酒店嘅介紹！
5. 樂宮餅店 - 曲奇餅
樂宮餅店係澳門嘅老字號餅店，店內嘅招牌係腰果曲奇餅。
腰果曲奇十分鬆化，牛油味濃郁而不膩；每塊都有紮實嘅腰果，一咬落去同時享受到牛油同腰果嘅香味，口感味道層次豐富。
（圖片來源：痞客邦 - Finn的月半人生）
溫馨提示，曲奇係全人手製造， 所以冇加到任何嘅添加劑或者防腐劑， 所以最好係幾日內就食晒！
（圖片來源：痞客邦 - Finn的月半人生）
樂宮餅店｜詳情：
- 地址：葡京路舊葡京酒店地下 （地圖）
- 營業時間：08:00-19:30
6. 藍點小食 - 檸檬膏
如果想買手信俾屋企老人家或者唔鍾意食零食嘅朋友，不妨考慮下每日新鮮手作嘅藍點檸檬膏。
（圖片來源： 食在澳門）
每日新鮮熬製18個鐘，檸檬嘅酸甜同老冰糖完美融合，仲冇添加其他成份，絕對純天然。
無論送禮定自用，都係一個唔錯嘅選擇。
（圖片來源： 食在澳門）
藍點小食｜詳情：
- 地址：澳門仁慕巷2a號 （地圖）
- 營業時間：11:00-21:00（逢星期日休息）
去到澳門想搵自助餐食一餐好， 但太多選擇唔知點揀好？ 自助午餐、下午茶同自助晚餐都有詳細介紹， 即刻預訂仲可享優惠
7. 祐記 - 龍鬚糖
祐記係澳門唯一一間手工龍鬚糖專門店，已經有40年歷史。
每日新鮮人手拉糖，食得出佢哋嘅用心。
（圖片來源：the macao news）
龍鬚糖表面超級鬆軟，入口即溶。
餡料仲有7種味道可以選擇，又唔會太甜，真係大人定小朋友都一定鍾意！
（圖片來源：祐記龍鬚糖Facebook）
祐記｜詳情：
- 地址：飛能便度街三盞燈小販區41號檔 （地圖）
- 營業時間：11:00-19:00
8. 姚標記 - 澳門葡式蟲仔餅
姚標記創立於1922年，至今已有百年嘅歷史，最具代表性嘅產品一定係葡式蟲仔餅。
（圖片來源：姚標記）
澳門葡式蟲仔餅係一款地道號葡萄牙式糕點，製作方法非常獨特，口感酥脆香甜仲有豐富嘅牛油味。
仲被列為澳門嘅非物質文化遺產。
如果想試下正宗嘅澳門葡式蟲仔餅，姚標記絕對係一個不容錯過嘅選擇。
（圖片來源：the macao news）
- 地址：澳門福隆新街20號 （地圖）
- 營業時間：11:00-19:30
9. 安德魯餅店 - 葡式蛋撻
講起澳門，除咗諗起杏仁餅，一定係諗起葡撻。
安德魯餅店選用豬油製造葡撻，酥皮鬆脆層次分明，蛋味香濃，加上份量適中嘅焦糖，入口軟滑， 真係忍唔住食完一個又一個。
（圖片來源：痞客邦 - 波比看世界）
而且安德魯餅店係澳門有多間分店，想買葡撻做手信都十分方便。
由於葡撻無使用添加劑或防腐劑，最多放係雪櫃3日，所以記得盡快食啊！
（圖片來源：痞客邦 - 波比看世界）