ReUbird 小編今次就同大家推介澳門10間自助午餐，每間都有唔同嘅特色。而且今次介紹嘅自助午餐更有低至每位$188！ 想知係邊間？即刻睇落去啦！
澳門自助午餐推介｜澳門半島
1. 澳門自助午餐 ｜澳門旅遊塔 - 360°旋轉餐廳 360 Cafe
喺360°旋轉餐廳你唔單止可以享用到豐富嘅自助午餐，仲可以喺高空一邊食一邊欣賞澳門嘅美景！
此外，你仲可以加購觀光層門票，食飽後就可以係旅遊塔上漫步俯瞰整個澳門景色～
（圖片來源：Klook）
餐廳每半個鐘頭轉一圈，你可以慢慢咁欣賞澳門嘅風景，同時食到正宗嘅葡國風味美食，仲有好多嘅新鮮海鮮，即叫即煮嘅意粉等等。
至啱同家人、朋友或者另一伴一齊嚟澳門旅行嘅時候歎啦！
（圖片來源：Klook）
360°旋轉餐廳 360 Cafe自助午餐詳情：
- 供應時段：
- 第一輪：11:30-13:00
- 第二輪：13:30-15:00
- 旅遊塔觀光層開放時間：
- 星期一至五：10:00 - 19:00
- 星期六至日及公眾假期：10:00 - 20:00
- 地址：澳門西灣湖景大馬路 澳門旅遊塔會展娛樂中心60樓（地圖）
- 如何抵達：搭乘 9A, 18, 23, 26, 32 和 MT4 之公共巴士路線，均可前往澳門旅遊塔
2. 澳門自助午餐 ｜澳門十六浦索菲特酒店 - 海風餐廳
十六浦索菲特酒店嘅海風餐廳裝潢高雅，充滿度假氛圍，透過餐廳嘅落地玻璃窗，仲可以欣賞到酒店泳池觀景，十分愜意。
（圖片來源：Klook）
自助午餐款式多，有三文魚、吞拿魚、鯛魚刺身，青口、蜆等豐富海鮮，仲有中西熱食、正宗拉麵、法式甜品、雪糕等等，真係滿足到唔同口味嘅人士。
最吸引係佢嘅價錢，可以食到盡，好抵啊！如果你鍾意南歐風情，又鍾意欣賞珠江美景，咁就一定要嚟呢度啦！
（圖片來源：Klook）
澳門十六浦索菲特酒店 - 海風餐廳自助午餐詳情：
3. 澳門自助午餐 ｜澳門勵庭海景酒店 - 珀克餐廳
珀克餐廳環境優雅，洋溢著濃厚嘅東歐文化氣息。餐廳主廚設計咗好多款美食，而且透過豐富嘅自助午餐為大家提供源源不絕嘅亞洲特色美食同埋多國風味盛宴。
（圖片來源：KKday）
食物方面，珀克餐廳嘅選擇真係好豐富，海鮮主打青口、鮮蝦同螺，另外壽司都幾吸引人。熟食方面，有點心、炒粉麵、豬肋骨、水餃同埋粥等等。
甜品方面，除咗蛋糕之外，仲有雪糕同雪芭等。而價錢都只係$188就可以食到咁多款且有質素嘅美食！ 珀克餐廳真係一個平靚正嘅好地方，唔試下真係會後悔啊！
（圖片來源：Klook）
澳門勵庭海景酒店 - 珀克餐廳自助午餐詳情：
- 供應時段：11:30 - 14:30
- 地址：澳門漁人碼頭勵庭海景酒店閣樓（地圖）
- 如何抵達：乘搭3A、3AX、5X、8、10A、12、17S和N2 之公共巴士路線，均可前往勵庭海景酒店
4. 澳門自助午餐 ｜皇家葡萄餚Tromba Rija
呢間皇家葡萄餚真係好舒服，燈光同埋擺設都好有葡萄牙農村家庭餐館嘅風格，好溫暖同和諧。
餐廳設有不同嘅用餐區，包括私人飯廳、戶內同埋戶外餐桌，總共有大約150個位，環境優美寧靜，好適合一家大小、朋友聚餐或者慶祝節日。
（圖片來源：Klook）
餐廳主打正宗的葡式料理和澳門菜，有燉豬手、咖哩雞、燴牛尾、脆皮燒豬肉等等，真係好好味！如果你鍾意葡國菜，嚟到澳門一定要試試啦！
（圖片來源：Klook）
皇家葡萄餚Tromba Rija自助午餐詳情：
- 供應時段：12:00 - 15:00
- 地址：澳門旅遊塔會展娛樂中心地下（地圖）
- 如何抵達：如何抵達：搭乘 9A, 18, 23, 26, 32 和 MT4 之公共巴士路線，均可前往澳門旅遊塔
澳門自助午餐推介｜路氹：
1. 澳門自助午餐 ｜澳門JW萬豪酒店 - 名廚都匯
超人氣嘅JW萬豪酒店自助午餐！餐廳分為6個唔同嘅專區，有海鮮區、澳葡同意大利美食區、京川粵菜區、日韓美食區、甜品軟雪糕區同埋果汁區。
（圖片來源：Klook）
食物種類好多，而且質素好好，特別推介嘅係美國和牛、荔枝木香烤北京填鴨同西班牙蒜片蝦，超級好味！
（圖片來源：Galaxy Macau）（圖片來源：Klook）
澳門JW萬豪酒店 - 名廚都匯自助午餐詳情：
2. 澳門自助午餐 ｜澳門新濠影滙 - 星滙餐廳
星滙自助餐廳嘅星級廚師團隊每日都會搜羅最新鮮嘅海陸空食材，烹調出各種精美佳餚，每道菜都經過精心設計，顏色豐富，香氣撲鼻，真係好吸引人。
（圖片來源：Klook）
無論你鐘意中式、西式定係法式美食，星滙自助餐廳都可以滿足你嘅需求。
自助午餐嘅菜式好豐富，有冷盤海鮮、中式點心、各種烤肉燒味、生滾鮑魚海鮮粥、刺身壽司等等。
（圖片來源：Klook）
而且仲有專門為小朋友設計嘅美食區同埋繽紛多彩嘅甜品區，有好多款美食同甜品俾小朋友揀，小朋友嚟到一定會好開心！
（圖片來源：Klook）
澳門新濠影滙 - 星滙餐廳自助午餐詳情：
3. 澳門自助午餐 ｜澳門上葡京酒店 - 自助山
餐廳以亞洲美食市集為靈感，營造出輕鬆熱鬧嘅氣氛，同時令你可以盡情品嚐用新鮮時令食材炮製而成嘅環球美食，透過味蕾漫遊世界各地。
（圖片來源：Klook）
喺呢個尋味之旅中，除咗有人氣冷盤海鮮、時令刺身同埋壽司卷物，仲有唔同風味嘅熟食同佳餚，加埋自家制嘅中式燒味同點心！
從傳統經典到當代創新滋味，一次過滿足你願望！
（圖片來源：Klook）
澳門上葡京酒店 - 自助山自助午餐詳情：
4. 澳門自助午餐 ｜澳門四季酒店 - 鳴詩
鳴詩餐廳提供亞洲風味嘅國際自助餐，融合新派葡萄牙同澳門菜式，特別推介嘅係冰鎮龍蝦鉗、大蝦同鮮搾果汁！
熟食嘅選擇都非常之多，如果鍾意熟食嘅話就一定要嚟試下。
（圖片來源：Klook）
甜品愛好者絕對唔可以錯過，餐廳嘅甜品除咗一般自助餐都會有嘅蛋糕、奶凍、軟糖同曲奇，仲有現場製作嘅窩夫餅、班戟同法式西多士！
（圖片來源：Hope Trip）
澳門四季酒店 - 鳴詩自助午餐詳情：
- 供應時段：12:00 - 14:30
- 地址：澳門四季酒店1樓（地圖）
- 如何抵達：酒店有免費的穿梭巴士從關閘、機場、碼頭及港珠澳大橋口岸接送遊客
去澳門除咗食仲有好多地方啱同家人、朋友或者另一伴一齊去，想知更多？即刻按此了解更多！
更多自助餐相關文章：
- 澳門一日遊 2025｜澳門行程懶人包！打卡、美食、人氣活動推介
- 【澳門自由行2025】一文睇曬澳門景點、酒店、Sim卡、美食推介 + 港澳交通介紹
- 【持續更新】澳門自助晚餐推介超人氣TOP 17 連優惠及預訂詳情
- 【15+生蠔自助餐推介】最平每位$343任食生蠔! 必食新鮮生蠔推介～
- 【沙田自助餐推介】優惠低至69折, 最平$258任食生蠔/龍蝦/刺生, 聚會首選No.1