放假喺香港玩到厭，不如考慮下一家大細到深圳過週末！
開關之後，唔少港人都會北上消費，帶埋小朋友喺深圳放電～
ReUbird 小編今次為大家整合左深圳兒童好去處攻略，持續更新深圳兒童好去處。
包括好玩嘅室內遊樂場、主題水上樂園等，親近小動物嘅野生動物園同室內動物園、深圳最大嘅滑雪場、新開業嘅HOP-DX潮玩街區！
為你規劃一次特別深圳親子之旅！
1. 深圳兒童好去處 - 水樂園
1.1. 深圳兒童好去處 - 深圳瑪雅海灘水公園
帶小朋友到深圳玩，不如考慮打卡瑪雅海灘水公園，呢間係深圳人最熟悉嘅老牌主題水公園。
水公園僅喺夏季開放，性價比極高，喺週末親子遊玩嘅好去處。
水公園有5大親子戲水區，節假日都有現場表演助陣。
（圖片來源：klook）
可以喺園內體驗各種刺激嘅水上遊樂設施，如雨林巨蟒、萬神滑板、天地泛筏同太陽迷旋等。
多個推薦項目係瑪雅水寨、萬神滑板、羽蛇神環、造浪池與漂流河等。
（圖片來源：klook）
仲有小朋友們最愛嘅5大親子戲水區，有熱帶叢林、庫庫爾坎營地、瑪雅營地、蒂卡爾親子部落同水上蹺蹺板項目海洋祕境。
選擇豐富，可以逐個慢慢暢玩！
對於唔鍾意玩刺激項目嘅幼童，瑪雅海灘水公園嘅親子戲水區係嘅唔錯嘅選擇。
（圖片來源：klook）
設有庫庫爾坎營地同熱帶叢林，兩個親子互動專區，有各種可愛有趣嘅噴水裝置。
小朋友可以同屋企人一齊自由地玩耍、探索，享受親子嬉戲嘅快樂時光。
（圖片來源：klook）
深圳瑪雅海灘水公園｜詳情
1.2. 深圳兒童好去處 - 深圳中信金沙灣水世界（原佳兆業水世界）
玩水除左瑪雅海灘水公園，中信金沙灣水世界都係個唔錯嘅選擇。
中信金沙灣水世界位於深圳大鵬半島金沙灣，係深圳水上樂園嘅新地標。
呢度唔止有俾小朋友玩嘅各種水上設施，仲有精彩嘅演藝節目同餐飲購物選擇，讓全家人都能玩個盡興。
（圖片來源：klook）
中信金沙灣水世界有非常豐富嘅水上遊樂體驗。
有國內首台進口裂口式大喇叭同鋸齒巨碗樂，可以從數十米高空俯衝而下，體驗狂野颶風般嘅離心力，尖叫不已。
（圖片來源：klook）
仲有國內滑道最豐富嘅超級大水寨，再加上七大遊樂演藝區域同十幾個滑道&互動設備，小朋友可以喺呢度玩得盡興！
4層樓高嘅玄武大滑梯，有3條刺激嘅水滑道，猶如水上過山車。
（圖片來源：klook）
滑道盡頭還有近90度嘅超級大滑板陸上體驗，零重力感受令人心跳加速！
有十幾條炫彩滑道同300多個噴水裝置，好似童話般嘅歡樂水上城堡。
全家大細都可以喺呢度玩得盡興，親子共同嬉戲，盡享美好時光。
（圖片來源：klook）
深圳中信金沙灣水世界｜詳情
- 地址：深圳市大鵬新區棕櫚大道33號中信金沙灣樂園（地圖）
- 開放時間：營業時間如遇節假日、當日實際營業情況、特別活動或安全管控等原因調整，具體請以現場公示為準
- 優惠及預訂：按此預訂即享優惠
- 身高要求：身高1.2m(含)以上可通玩，身高0.9m(含)-1.2m(不含)可玩大部分項目
2. 深圳兒童好去處 - 滑雪
2.1. 深圳兒童好去處 - 深圳雪域鑫潮·室內滑雪教學
深圳雪域鑫潮喺深圳設有多間分店，呢間滑雪俱樂部以高級灰色為主調，引進國家隊專用嘅滑雪模擬機，可以喺室內模擬真實雪地效果。
唔受天氣、環境、時間、地域等因素限制，遊客可隨時體驗滑雪運動，非常方便。
（圖片來源：klook）
對於計劃前往國外滑雪嘅朋友，喺深圳雪域鑫潮提前練習喺一個唔錯嘅選擇。
可揀單人、雙人或三人體驗課。
（圖片來源：klook）
滑雪課程時間為45分鐘，會安排上機15分鐘、休息15分鐘，再上機15分鐘。
滑雪嘅全程有都教練教學，有足夠時間學滑雪基本動作同技巧動作。
（圖片來源：klook）
雪鞋、單雙雪板、頭盔、護具等所有裝備都可以免費使用。
3歲以上嘅小朋友都可以參加㗎，適合一家大細前往體驗！
（圖片來源：klook）
深圳雪域鑫潮｜詳情
2.2. 深圳兒童好去處 - 【深圳最大滑雪場】卡魯冰雪世界
卡魯冰雪世界位於深圳觀瀾湖生態運動公社內，佔地約1.2萬平方米。
呢度室內滑雪館面積達5,400平方米，係深圳面積最大嘅滑雪場地。
（圖片來源：klook）
場內採用先進嘅模擬造雪技術，恆溫-3℃至-5℃，可模擬出接近天然粉雪嘅雪質。
滑雪道寬20米、長近120米，落差約10米，為新手提供左非常理想嘅練習條件。
（圖片來源：klook）
成個滑雪館採用無柱式設計，空間非常寬敞開闊，非常適合滑雪初學者。
除左室內滑雪館，卡魯冰雪世界仲設有室內滑冰場同其他娛雪遊樂設施，係廣東省冰雪運動訓練基地之一，都可作為大型冰雪運動賽事嘅舉辦場地。
（圖片來源：klook）
卡魯冰雪世界嘅娛雪區有多項專為小朋友設計嘅互動遊樂設施。
包括雪圈滑坡、螺旋滑梯、兒童挖掘機、兒童雪橇同兒童雪地車等。
（圖片來源：klook）
娛雪區仲營造異國風情嘅童話小鎮氛圍，有仿製嘅瑞士少女峰、斯芬克斯觀景台、威尼斯聖馬可鐘樓等。
場館唔提供娛雪道具，可自帶乾淨無污染嘅娛雪玩具，或者到場館內購買。
（圖片來源：klook）
園區都提供雪服租借同儲物櫃放置物品，輕便出行！
（圖片來源：klook）
深圳卡魯冰雪世界｜詳情
3. 深圳兒童好去處 - 動物園
3.1. 深圳兒童好去處 - 深圳野生動物園
深圳野生動物園佔地約64萬平方米，有300多種珍稀動物，包括華南虎、金絲猴、東北虎、火烈鳥、麥哲倫企鵝、長頸鹿、斑馬、亞洲象、丹頂鶴、犀牛等。
呢度係開放放養模式，讓動物喺開闊自然嘅環境中自由活動，展現牠哋原有嘅生態面貌。
（圖片來源：klook）
園區被劃分為食草動物區、猛獸谷同表演區等主題分區，遊客有機會近距離觀賞同餵養動物。
表演區有精彩紛呈嘅動物表演節目，最出名嘅係每日下午3點舉行的百獸盛會大型表演。
（圖片來源：klook）
除此之外，園內仲設有動物瞭望塔、水族館、猴山、雜食動物館等特色設施。
動物園仲融合左海洋主題公園，展示海洋世界。
（圖片來源：klook）
作為深圳地區著名嘅親子遊憩勝地，呢度不唔單止可以近距離觀賞熊貓、獅虎獸、虎獅獸等珍稀動物，仲可以趁呢個機會培養小朋友對動物嘅保護意識。
（圖片來源：klook）
深圳野生動物園｜詳情
3.2. 深圳兒童好去處 - Lollypet萌寵樂園
內地商場紛紛開設室內動物園，呢種新興嘅親子遊樂模式越來越受歡迎。
今次為大家介紹Lollypet萌寵樂園，喺深圳開設左兩家分店，分別位於筍崗站嘅萬象食家商場同龍崗龍城萬科。
（圖片來源：klook）
同傳統戶外動物園唔同，Lollypet萌寵樂園開喺商場中，為遊客提供更舒適嘅環境。
除左香港人特別鍾意嘅草泥馬外，呢度仲有罕見嘅動物品種，如袋鼠、水豚、浣熊同迷你豬等。
（圖片來源：klook）
甚至連通常只可以喺大型動物園先見到嘅梅花鹿都可以睇到！
龍崗龍城萬科分店比較大，動物比萬象食家分店嘅動物種類多。
（圖片來源：klook）
呢種將動物園融入商嘅的模式，可以滿足遊客親近動物嘅需求，都可以同時享受周邊嘅餐飲娛樂設施。
Lollypet萌寵樂園作為內地新興嘅室內動物園模式，逐步成為熱門親子旅遊目的地。
（圖片來源：klook）
Lollypet 萌寵樂園萬象食家分店較近羅湖口岸，如果想近啲，帶住小朋友，附近又要多餐廳，就推介去萬象食家分店。
萬象食家好多嘢行，又多食店，夠玩成日！
（圖片來源：klook）
深圳Lollypet｜詳情
- 地址：
- 開放時間：10:00-22:00
- 優惠及預訂：按此預訂即享優惠
4.深圳兒童好去處 - 室內活動
4.1. 深圳兒童好去處 - 深圳teamLab共創！未來園
夏天好熱又易出汗，想知深圳有咩地方可以玩得開心又有得嘆冷氣？
推介帶小朋友去體驗深圳teamLab共創!未來園。
（圖片來源：klook）
呢個互動藝術空間喺福田區濱海大道嘅中洲灣C Future City，由日本teamLab團隊打造，匯集藝術家、程序員、工程師、CG動畫師、數學家同建築師等各個領域嘅專家。
園區內設有多個經典打卡位，包括水上彈跳嘅天才跳房子、光球管弦樂團、遠古神靈故事、小人兒所居住嘅桌子、滑梯水果園等。
（圖片來源：klook）
同東京teamLab嘅作品相比差異唔大，同樣非常適合親子遊玩。
深圳 TeamLab 共創!未來園嘅主要景點介紹:
塗鴉自然：遊客可以手繪海豚或各種生物，創作自己嘅塗鴉作品。
（圖片來源：klook）
水上彈跳嘅天才跳房子：遊客可以喺水面以單腳著地方式跳躍前進，帶動水中出現魚、蝴蝶同小鳥等生物。
滑梯水果園：可以喺各種水果嘅滑梯上滑動,並與空中飛舞的球體互動,帶動水果生長。
（圖片來源：klook）
光球管弦樂團 - 放在地上的光球可以發出聲音，營造一種光同聲嘅交響樂效果。
呢啲互動裝置同沉浸式體驗非常適合親子遊玩，小朋友可以係呢度發揮創意，感受科技藝術。
（圖片來源：klook）
深圳teamLab共創｜詳情
4.2. 深圳兒童好去處 - MELAND（深圳福田中心城店）
深圳Meland集合娛樂、體驗同教育於一體，唔單止充滿左各種有趣嘅遊樂設施，都係一個全面培養小朋友發展嘅綜合平台。
Meland遊樂區域涵蓋五大主題：星廚、五感、藝術、科學同表演。
（圖片來源：klook）
提供超過300個精彩主題活動同親子沙龍，包括烹飪體驗、感官探索、創意展演等，讓小朋友發展多方面潛能。
呢度有夢幻嘅波波球池，讓小朋友玩得痛快。
（圖片來源：klook）
都有刺激嘅運動挑戰區、有融入卡通動漫嘅遊樂設施等。
此外，木粒沙池、五彩繽紛嘅積木樂園、公主城堡等都係小朋友鍾意嘅遊樂天地。
（圖片來源：klook）
除左傳統嘅遊樂設施，Meland仲打造左模擬城市區，讓小朋友換上各種職業服裝，扮演廚師、消防員等唔同角色，體驗工作。
運動遊戲方面，Meland提供皇家賽馬、動感足球、VR摩托等極富挑戰性嘅設施，讓小朋友鍛煉身體，培養運動興趣同自信心。
（圖片來源：klook）
此外，生活體驗區嘅農場採摘、奶牛牧場等設施都可以讓小朋友更好認識生活中嘅各種元素。
Meland仲會舉辦特色嘅夏日活動，比如夢幻馬戲團嘉年華會，帶來旋轉舞台、馬戲棚同獅子頭滑梯等驚喜設施奇。
（圖片來源：klook）
深圳MELAND｜詳情
4.3. 深圳兒童好去處 - 【深圳室內超級遊樂場】HOP-DX潮玩運動街區
深圳室內潮玩街區HOP-DX係近年深圳最受歡迎嘅新興景點之一。
HOP-DX佔地16萬平方呎，空間規模超大，容納100多個各式娛樂設施，堪稱深圳最大嘅室內遊樂場。
（圖片來源：klook）
主要分為5大主題區域，包括運動競技區、社交休閒區、電玩機械區、科技互動區同文創內容區，可以滿足唔同年齡層遊客嘅需求。
最受歡迎嘅設施包括全深圳最大嘅滾軸溜冰場，佔地超過萬呎，8條標準21米保齡球賽道，配置相當專業。
（圖片來源：klook）
仲有9洞實景迷你高爾夫場等，場內設有街機遊戲、桌遊、KTV、麻雀室等多種娛樂選擇，家長可以陪同小朋友一同遊玩。
除左各種遊樂設施外，HOP-DX內都有超過20個富有創意嘅打卡點，例如用樂高積木拼裝嘅大型字母牆等等。
（圖片來源：klook）
深圳HOP - DX｜詳情
為你推介左咁多深圳兒童好去處，唔洗驚北上無嘢玩啦？
短假期即刻到深圳玩轉兩日一夜，又玩得又食得，啱曬一家大細一齊親子出遊～
係咪仲唸緊咁多選擇，究竟點安排好呢？睇下以下攻略，即刻話你知點玩最抵！
你可能有興趣：
【深圳室內遊樂場】門票低至$52! | 擁有100+娛樂設施, 還原俄羅斯冰雪街景！
【20+深圳景點推介】門票低至$70! 一次過玩曬深圳遊樂場/動植物園/隱世桃園