深圳除咗購物同美食，仲有好多地方適合親子遊樂。
ReUbird 小編為大家介紹2間深圳 Meland 遊樂園，一個夢幻般嘅親子天地，深圳親子遊嘅必打卡之地，分別位於 福田中心城 同 前海歡樂港灣。
每間分店都有唔同嘅主題場景，充滿童話色彩同夢幻感嘅遊樂空間。
活動設施非常豐富，包括波波池，滑梯，角色扮演，攀爬樂園等，深圳Playhouse比香港大好多，價錢又平！
啱曬大人小朋友玩足成日，大家假期同小朋友去深圳不妨規劃下一日遊嘅親子行程啦！
深圳 Meland 介紹：
深圳 MELAND 介紹
1. 深圳Meland - 福田中心城店
深圳Meland遊樂王國分店雖然設施略有唔同，但主要都包含左各種精彩嘅體驗區域。
包括模擬城市區，小朋友可以換上各種職業服裝，如廚師、消防員等等，扮演職業角色，體驗唔同崗位嘅工作。
（圖片來源：klook）
仲有夢幻波波池、運動挑戰區、融入卡通動漫元素嘅遊樂設施等等。
深圳Meland的夢幻波波球最受小朋友鍾意，可以喺呢度嚟一場波波大作戰！
仲可以探索木粒沙池、五彩繽紛嘅積木樂園、夢幻公主堡。
（圖片來源：klook）
多層迷宮探險，各式各樣嘅滑梯、繩索、攀爬架，極限攀巖挑戰等等；
皇家賽馬、動感足球、炫動籃球、動感保齡球、VR摩托等動感運動遊戲，同小朋友一齊競賽挑戰！
深圳Meland仲打造多種生活感知體驗，例如農場採摘、奶牛牧場到超市廚房、建築學堂、寵物醫院、口腔保健診所、汽車修理廠、消防站燈等。
（圖片來源：klook）
帶領小朋友認知世界、開拓視野！
令小朋友可以邊玩邊學習，學識表達自我、發現潛能、協作分享。
（圖片來源：klook）
深圳Meland - 福田中心城店｜詳情
- 地址：深圳市福田區福田街道福華路領展中心城L1層RUG064A號商鋪(東大門農耕記旁邊)（百度地圖）
- 營業時間：
- 星期一 10:00-18:00
- 星期二至日 10:00-21:00
- 優惠及預訂：按此預訂即享優惠
【深圳好去處推介】吃喝玩樂全攻略! 必去野生動物園/機動樂園/高CP值自助餐！
2. 深圳Meland - 前海歡樂港灣店
深圳Meland遊樂王國唔單止係充滿樂趣、探索嘅夢幻樂園，仲係一個全面培養小朋友發展嘅綜合平台。
玩樂區域涵蓋星廚、五感、藝術、科學、表演等五大主題，提供超過300日嘅精彩主題活動同親子沙龍。
遊樂設施方面，深圳Meland融合娛樂、體驗同教育，激發小朋友嘅想象力同好奇心。
（圖片來源：klook）
波波球池同運動挑戰區可以鍛煉佢哋嘅身體協調能力，培養運動興趣同自信心。
更加特別嘅係Meland嘅夏日活動。夢幻馬戲團嘉年華會空降遊樂園。
奇趣嘅旋轉舞台、馬戲棚同獅子頭造型滑梯等設施，最適合探險遊玩。
（圖片來源：klook）
最吸引嘅仲有五層樓高嘅超級迷宮，各種刺激好玩嘅滑梯、攀岩、蹦床等。
深圳Meland喺安全同衛生方面做得好好，全場館每個星期一晚會進行深度清潔消毒。
（圖片來源：klook）
會對唔同區域，球池、沙池、玩具等進行專項細致個清潔消毒。
園內仲有軟包地墊，保護小朋友安全！
假期快啲安排深圳一日親子遊，帶小朋友一齊放電啦！
（圖片來源：klook）
深圳Meland - 前海歡樂港灣店｜詳情
- 地址：廣東省深圳市寶安區新安街道海濱社區歡樂港灣2號東L1-027~032商鋪（百度地圖）
- 營業時間：
- 星期一 10:00-18:00
- 星期二至日 10:00-21:00
- 優惠及預訂：按此預訂即享優惠
深圳MELAND 充滿童趣同色彩繽紛個遊樂設施，就好似進入真實嘅童話世界，無限時任玩，小朋友玩到收鋪都得！
場內有大量打卡影相熱點，可以為家長同小朋友留下美好嘅親子回憶，紀錄小朋友成長片刻～
而且深圳 Meland 融合娛樂、教育、體驗於一體，係深圳假日親子首選目的地，快啲趁短假期帶小朋友黎嗰豐富嘅深圳親子遊啦！