揾緊元朗好去處？ 週末想去元朗行下唔知有咩好玩好食？ ReUbird 帶你走遍元朗必去地方，由探索大棠開始，到下白泥、流浮山、元朗公園百鳥塔，甚至旮旯、法國小屋等美食。
更加有埋農莊活動、極限體能運動場、露營營地，適合親子或團體假期放電！
ReUbird 都帶大家一一探索，等大家去元朗玩嘅時候唔會太迷茫。
【元朗Glamping】精選5大元朗Glamping豪華露營體驗｜浪漫觀星+戶外BBQ！
兩大元朗Playhouse推介：75分鐘任玩，入場低至$70！
我哋將會由以下幾方面黎介紹元朗好食好玩嘅地方：
| 元朗玩樂熱點 | 潮流美食 |
| 購物 | 戲院睇戲 |
1. 元朗玩樂熱點
親子活動 - 小白兔農莊 Bunny Wonderland
按此預訂即享優惠
夏日放電外出就要揀元朗小白兔農莊，活動房有曬冷氣，唔會玩到滿頭大汗，休息地方座位都好充足！
小白兔農莊佔地超過10萬平方呎，有多達28種各式各樣嘅戶外遊樂設施，包括木製鞦韆、繩網迷宮、彈床等。
（圖片來源：klook）
入場費包括所有設施嘅免費使用，仲會贈送飼料，體驗餵食小動物。
可以體驗餵食小白兔、山羊等小動物，與可愛小動物近距離互動，培養小朋友嘅愛心同責任心。
（圖片來源：klook）
小白兔農莊都設有多種手工藝體驗工作坊，例如雪花酥製作、輕黏土手作等。
園區仲提供自助燒烤、特色客家菜、盆菜、DIY壽司同漢堡等多種美味餐飲選擇。
（圖片來源：klook）
讓全家人一邊享用美食，一邊放鬆心情，度過一個愉快的悠閒假期。
無論係大人定係小朋友，可以喺小白兔農莊盡情享受大自然，挑戰各種刺激有趣嘅遊樂設施。
（圖片來源：klook）
無論係一家大小或三五知己都可以度過充實嘅一日！
（圖片來源：klook）
優惠及預訂：按此預訂即享優惠
地址: 八鄉橫台山芝麻嶺-小白兔農莊
Google Map：按此
開放時間:
- 逢星期一至二 休息 （公眾假期除外)
- 星期三至五 11:00 - 18:00
- 星期六、日及公眾假期 11:00 - 18:00
交通:
- 私家車直到門口(日泊 $70/輛)
- 西鐵錦上路站， 轉的士直到門口約$50
- 608小巴，在元朗阜財街何明記門口上車，中途站西鐵錦上路站，坐到總站，橫台山村公所，步行15mins
- 54/ 251B 巴士，芝麻嶺站下車，步行10mins
Ninja Force - 極限體能運動場｜成人及親子體驗班
Ninja Force係香港首個專門從事極限體能運動嘅戶外訓練場地，佔地一萬八千呎。
場地高度還原著名嘅美國體育競技節目《American Ninja Warrior》同日本長壽節目《TBS SASUKE》，為極限體能運動愛好者提供練習機會。
（圖片來源：klook）
賽道由各種障礙物組成，主要挑戰參加者嘅「搖擺」(Swing)同「攀爬」(Climb）技巧。
Ninja Force設有遊樂級、體能挑戰級同巔峰競賽級三種唔同難度嘅賽道，共有近20個各具特色嘅障礙挑戰。
（圖片來源：klook）
挑戰項目包括飛越障礙物、攀石橫行、跳躍踏板同升空平板支撐等等。
考驗參加者攀爬、平衡同力量等多方面技能。
（圖片來源：klook）
8歲以上兒童同成人都可參加，場內有專業教練提供體驗課程同長期訓練，教授技巧同安全知識。
Ninja Force推出燒烤BBQ套餐 + 自由玩入場套票，一邊享受極限體能運動，一邊盡情享受自助燒烤美食！
（圖片來源：klook）
套票包括自助燒烤包，有多重肉類、海鮮同蔬菜選擇，仲純素食選項，滿足各種飲食習慣。
可暢遊各種刺激嘅Ninja Warrior obstacle course，非常適合一家大小或朋友一起玩。
（圖片來源：klook）
優惠及預訂：按此預訂即享優惠
地址： 元朗錦田水尾村DD107 Lot1456 Ninja Force
Google Map：按此
開放時間：
- 星期二至五 12:00 - 17:00
- 星期六、日及公眾假期 10:00 - 14:00 / 14:15 - 17:45 / 18:00 - 21:30
森之谷 汽車露營/露營
森之谷露營場地位於元朗錦田，佔地超過5萬平方呎，適合露營人士嘅野外度假體驗。
營地設有多個唔同風格嘅營區，可遠眺雞公嶺美景，種植多種原生植物，可以感受大自然氛圍。
（圖片來源：klook）
特設營火台，露營者可以喺營地生火煮野食，享受野炊樂趣。
營地前特別區劃咗一個地方，用厚磚鋪成一個特色營火台，唔洗驚燒到草地。
（圖片來源：klook）
位置便利，附近有士多，方便露營者購買飯麵小食，冷熱飲品。
營地提供營帳同露營套裝租借服務，方便無裝備嘅露營者，記得要提前預訂！
（圖片來源：klook）
仲設有燒烤爐、共用冰箱、洗手間同浴室，共用設備齊全。
適合團體或公司組織活動，有領袖訓練、激箭、泡泡足球等多元化活動可供選擇。
（圖片來源：klook）
優惠及預訂：按此預訂即享優惠
地址: 元朗錦田新譚路 - 森之谷 (錦綉花園迴旋處附近)
Google Map：按此
開放時間: 入營時間為下午2時正，離營時間為翌日中午12時正。
交通
- 專線小巴36號，福康街公共小巴總站 / 港鐵元朗站 上車，朗廈落車後步行約3分鐘。
- 巴士76K，在上水(清河)站乘76K號巴士在朗廈站下車，步行約10分鐘便可到達。
- 自駕/的士：
- 元朗往上水方向：由新田公路經錦田迴旋處，轉往新潭路，到朗夏村口轉入小路，到分叉路靠左，再駛入約100米便到達。
- 上水往元朗方向：由新田公路經錦田迴旋處，轉往新潭路，到朗夏村口轉入小路，到分叉路靠左，再駛入約100米便到達。
山林里農莊 私人營地露營體驗
山林里農莊營地位於寧謐隱藏嘅山林中，佔地超過15萬呎，不斷擴建緊。
營地環境清幽，除左寬闊嘅草坪外，仲劃分左好多個特色區域。
（圖片來源：klook）
營地提供齊全嘅設施，包括男女分開嘅洗手間、24小時熱水供應嘅浴室、洗滌區域、共用雪櫃等。
遊客可以自帶帳篷，都可以租賃營地嘅露營裝備。
（圖片來源：klook）
營地更設有Glamping豪華露營區、[山林號] 巴士遊樂區同營火露營區等特色區域。
附近有朗廈村桃園士多茶座，可以解決餓肚問題。
（圖片來源：klook）
適合個人或團體預訂，營地提供場地租借、領袖訓練、激箭、泡泡足球等一站式服務，適合各種活動。
（圖片來源：klook）
優惠及預訂：按此預訂即享優惠
地址: 元朗朗廈新潭路 (錦綉花園迴旋處附近)
Google Map：按此
開放時間: 入營時間為下午2時正，離營時間為翌日中午12時正。
交通:
- 自駕/Call車：定位 山林里
- 專線小巴36號，福康街公共小巴總站 / 港鐵元朗站 上車，朗廈落車，落車後步行約3分鐘。
元朗大棠
大棠係一個欣賞紅葉嘅好地方，每年嘅10月到1 月樹葉會變黃再變紅，吸引唔少人黎欣賞秋冬嘅景色。由於大棠大部分都係平路，好適合一家大細一齊黎行。
成個地方鋪滿紅葉好有秋天嘅氣息。
地點：大棠山道
Google Map：按此
交通︰係元朗搭港鐵巴士K66號或者紅色小巴，大棠山道巴士總站落車，沿住車路行上山大約60分鐘就會到。
大棠生態園
除左欣賞紅葉，附近仲有個大棠生態園，集大自然、農場和遊樂園於一身，每年12月至4月更係採摘士多啤梨嘅季節，係一個進行親子活動嘅好地方。
生態園亦有其他遊樂設施，例如荷花池、園林、“迷你動物園”，可以近距離接觸鴕鳥、山羊。而牛牛車遊山莊、繩網陣，兒童遊樂場，湖水亭就好適合小朋友玩樂。
生態園遊樂設施地圖
地址: 香港新界元朗大棠山道十一號
Google Map：按此
開放時間: 星期一至日 上午9時至6時
交通: 朗屏西鐵站搭K66號巴士於大欖郊野公園下車，沿山路行15分鐘
電話號碼: 2470 2201 / 2473 3818
|
喜歡呢篇文章嗎？
歡迎你 Follow 我哋 Instagram 或者 Like 我哋 Facebook Page，收到我哋最新發放嘅資訊！
無論係朋友家庭聚會、拍拖、Party、公司活動、慶祝節日或婚禮， ReUbird 都幫你輕鬆計劃每個活動。
|
下白泥
下白泥位於香港新界西北的元朗流浮山，可以算係香港睇日落嘅最佳位置！係一望無際嘅泥灘上面同重要嘅人一齊睇日落，再加埋映照翻黎嘅倒影，所有煩囂即刻放低曬。
注意出發前記得先係天文台網站check清楚日落時間，咁就唔會錯過左日落啦。另外大家唔一定要等日落先到下白泥，日落前可以見到潮漲嘅下白泥，大面積嘅水漥反映係個藍天到，好似「天空之鏡」。
地址：香港新界元朗流浮山
Google Map：按此
交通：元朗市中心的泰豐街搭綠色33號專線小巴，過左流浮山迴旋處，於鴨仔坑下車
下白泥日落時間：當日在 Google search 「下白泥日落時間」
延伸閱讀：
- 【影相好去處 | 日落篇 • 下】新界離島9個影日落地點推介
- 【迪欣湖】欣澳休閒好去處：樹蔭下野餐、單車環遊人工湖
- 【鶴咀】天涯海角最齊全指南｜交通、景觀打卡、路線推介
- 【東龍島】近郊一日遊 ｜輕鬆行山、露營資訊 唯美攝影畫風の懶人包
流浮山
流浮山出名盛產生猛海鮮，每個人黎到黎到都免不得食翻幾隻蠔同黃油蟹。吸引好多人放假過黎食海鮮同買海產。天氣好嘅時候仲會聚集唔少攝影愛好者，專程黎影睇迷人的日落景緻。
大家可以係海鮮大街到先揾一間海鮮酒家入去坐低，然後出去進門口嘅海鮮檔揀自己鍾意嘅海鮮，並講埋想啲海鮮點樣煮，就可以食到自己鍾意嘅口味啦。
流浮山嘅日落景色～
地址：香港新界元朗流浮山
Google Map：按此
交通：搭K65港鐵接駁巴士，係總站落車
元朗公園百鳥塔
位於元朗公園入面嘅白鳥塔係一棟7層嘅中國風建築，側邊種植左好多盆栽植物，所有吸引好多雀仔係度棲息。而塔入面嘅藍白樓梯係大眾愛打卡的位，係塔下面望上去會見到六角旋渦，最高點係水滴狀，無論顏色構圖都比一般所影的梯間特別。
富有特色嘅百鳥塔，仲可以係附近嘅大草坪野餐曬下太陽。
百鳥塔附近嘅雀仔~
了解更多：百鳥塔
地址：元朗公園北路
Google Map：按此
交通：https://www.lcsd.gov.hk/tc/parks/ylp/transport.html
開放時間：
- 08:00-12:00；13:00-18:00（4-9月）
- 08:00-12:00；13:00-17:30 （10-3月）
- *逢星期三（公眾假期除外）係12:00-15:00暫停開放，進行清潔工作
- *大年初一暫停開放
2.美食篇
【元朗自助餐推介】任食生蠔/龍蝦/麒麟Frozen Beer/限定芭菲
旮旯
旮旯以前係西九龍中心賣麥提莎糯米糍嘅一間小店，後黎搬左黎元朗開cafe。店鋪行日系風格，感覺文青，好適合打卡。主打日式甜品同小食，例如卷蛋，葛餅、烤糰子、茶餅等。由於小店位置唔大，成日都坐無虛席，所以好多人都會買甜品外賣，可見舖頭嘅吸引力好大！
卷蛋
黎間舖頭嘅卷蛋賣相好靚，內餡唔係用上忌廉而選用左吉士醬，所以質感比較濃稠。卷蛋質地厚實濕綿，由於密度高，所以飽滿都幾強。
口味方面有原味、抹茶、伯爵茶、烏龍茶、黑芝麻同紫薯。大家要留意每日供應嘅卷蛋都有啲唔同，最好就check左距地嘅ig先好去啦:)
芝士蛋糕
另外都想推介佢地嘅芝士蛋糕。厚實嘅芝士蛋糕配上濃郁嘅奶油球係上面令都口感豐富，不妨一試。
黃豆粉抹茶葛餅
葛餅分別有抹茶同黃豆粉兩款，亦可以選擇雙拼，質感水嫩柔軟，幾有彈性。葛餅嘅味道主要來自外層黃豆粉或抹茶粉，甜度較低。所以配上黑蜜同煉奶甜味啱啱好。
極光
黎杯飲品係用蝶豆花配綠茶，檸檬汁另上，味道本來會頗甜，但加左檸檬汁之後，成杯飲品味道頓時唔同曬，顏色都有改變，非常特別！
了解更多：旮旯
地址: 元朗裕榮徑11號好旺洋樓地下16號舖
Google Map：按此
電話： 23937611 / 96272088
營業時間：
- 星期一 全日休息
- 星期二至六 12:30 – 14:30
- 星期日 12:30 – 14:30、15:15 – 18:30
資料及圖片來源：IG @theglock0705
你可能會有興趣：
- 【大澳一日遊】穿梭舊棚漁村 最強休閒遊攻略：遊覽路線/特色餐廳/文青藝術
- 【山頂公園】香港秘密花園｜悠閒行山、貴族野餐、文青打卡
- 【梅窩一日遊】瀑布美如仙境、昔日戰爭痕跡！梅窩必去古蹟景點、地道美食推介
- 【長洲攻略】遇見最美島嶼：10個打卡景點、住宿推介、租單車
法國小屋
餐廳主要供應甜點同意粉，另外都有啲小食。舖內潔白牆身掛住幾張招牌食物嘅彩畫, 另外有啲小裝修，加埋白雲石質地枱面，金色枱腳同埋暗粉紅嘅坐椅，陽光照射落黎都舒適。
咸牛油焦糖窩夫
窩夫外脆內軟，同埋非常鬆化，配上焦糖、雪糕同朱古力醬，唔同嘅甜味一次過係口腔爆發 。
餐廳另外仲有啲輕食俾大家選擇，唔鍾意甜食嘅朋友都可以一試。
香煎法國油香鴨腿配蕎麥窩夫
火腿沙律用嘅食材都幾新鲜~
了解更多：法國小屋
地址: 元朗合益路9-15號紀業樓地下 I 號舖
Google Map：按此
電話： 69993953
營業時間：
- 星期一： 全日休息
- 星期二至日：12:30 – 21:30
|
喜歡呢篇文章嗎？ 歡迎你 Follow 我哋 Instagram 或者 Like 我哋 Facebook Page，收到我哋最新發放嘅玩樂情報！ 一到週末或者放假，就想喺香港周圍玩周圍食？無論係同屋企人定朋友出街玩，定係同另一半拍拖，ReUbird 都幫你輕鬆計劃好每個活動 👫 繼續探索香港： |
3.購物篇
Yoho Mall
如果大家想 shopping 下嘅話可以選擇近西鐵站嘅 Yoho Mall 型點，目前有第一、二期。
商場部分範圍參考左日本六本木 Tokyo Midtown 嘅設計意念，用灰鏡及木條美化商場。大部分嘅服飾同專櫃化妝品品牌都集中係一樓，購物起上黎都好方便。
地面主要係中高檔餐廳，例如中菜利苑、日本人氣天婦羅店天丼TENYA、專食窩夫嘅Green Waffle、德國菜Brotzeit German Bar & Restaurant等 。
天丼TENYA 嘅天婦羅套餐係人氣之選！
去食德國菜 Brotzeit German Bar & Restaurant 就唔好錯過德國豬手、pizza、意粉同燒豬肋骨啦！豬手又脆又香，肉質鮮嫩；意粉重奶油非常够味。而pizza嘅餅底偏薄，味道都唔錯。
食完正餐可以去 Green Waffle 試下雜果窩夫~
地點：元朗朗日路8-9號及元龍街9號
交通：港鐵元朗站K出口（1期）F出口（2期）
Google Map：按此
開放時間：10am - 10pm
電話：24769920 / 26511861
4.戲院睇戲
My Cinema
Yoho商場有個百老匯全新院線My Cinema。新戲院共2層，面積5萬5千呎，有7個影院及1個IMAX影院，得閒無事做可以同朋友一齊睇場戲輕鬆下。
交通：港鐵元朗站K出口（1期）F出口（2期）
Google Map：按此
了解更多：按此
介紹咗咁多好玩好食嘅元朗好去處，相信大家對某啲地方有興趣，宜家你可以 plan 下週末去元朗玩咩啦！ 如果想再知道多啲香港好去處，就多啲繼續留意我地啦！小編同其他小編s 另外都準備咗 30 個室內好去處推介 以及 10 個香港必去熱點 比大家，除咗元朗之外，香港仲有好多值得發掘嘅地方！
最後最後，小編仲想推介呢個下白泥上白泥深度遊比大家，希望你可以同你身邊重要嘅人開開心心咁玩翻一日！