×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【梅窩一日遊】瀑布美如仙境、昔日戰爭痕跡!梅窩必去古蹟景點、地道美食推介
ReUbird 活動雜誌   #懶人包 #親子活動 #拍拖好去處
【梅窩一日遊】瀑布美如仙境、昔日戰爭痕跡!梅窩必去古蹟景點、地道美食推介

難得放假黎到梅窩,點可以錯過梅窩銀礦瀑布、經歷戰爭既百年古堡、海灘觀賞日落餘霞、其他獨特景點同美食?想知梅窩有咩玩,就要跟實小編帶你梅窩一日遊!


by Wing Yi

抱著浪走天涯的夢,感受世界的美好點滴🌈


出街玩想要新靈感?
全港18區好玩好食好去處推介,盡在ReUbird!


梅窩一日遊之推薦路線:

碼頭 > 午餐 > 袁氏大屋 > 文武廟 > 銀礦瀑布 > 銀礦灣 > 海鮮晚餐 > 碼頭

Google Map路線圖:按此


交通:

1. 由中環出發

於中環六號碼頭搭船

船程:

  • 普通船 50至55分鐘
  • 高速船 35至40分鐘

詳細船期及收費表:瀏覧運輸處網站


2. 由東涌出發

於東涌巴士總站搭3M巴士

車程:約43分鐘

詳細路線及收費:瀏覧新大嶼山巴士3M



抵步碼頭,附近有唔少單車檔,可以租借單車,最平$40就可以租一日;以單車代步,展開梅窩單車遊亦係唔錯既選擇。


由碼頭起步,轉右沿銀礦灣路直行,往梅窩體育館方向走,附近就係麥生記冰室。

第一站:麥生記冰室 - 梅窩懷舊茶餐廳


相片來源:OpenRice

懷舊風格既茶記,係家庭式經營小店,環境尚算舒適。午市、下午茶套餐大約三十五蚊左右,格價合宜,味道亦唔錯,的確係醫肚既好選擇。


皇牌公司三文治外皮烘得香脆,三層既三文治夾住蕃茄、煎蛋、扎肉、生菜等餡料,夠晒豐富。

麥生記冰室

地址: 大嶼山梅窩涌口街38F號地舖

營業時間:每日 06:30 - 16:30

Openrice連結:按此


如果覺得冰室唔啱食,附近亦有其他選擇:

梅窩特色越南菜 - 津津食店(Openrice連結


或者可以選擇碼頭附近既餐廳:

茶記常餐 - 羅馬餐廳
(Openrice連結

泰式餐廳 - 泰味屋(Openrice連結


第二站:袁氏大屋 - 經歷戰爭洗禮,百年更樓䇄立不倒


相片來源:香港01

梅窩鄉事會路與銀樹街交界處,進入小路不久就會見到袁氏大屋;又稱袁氏更樓,係昔日國民黨抗日遊擊司令 — 袁華照先生既舊宅;建於二十世紀初,由花崗石築成既堡壘型建築,可以抵擋槍炮攻擊,保衛家園;因此,於抗日戰爭同國共內戰時期,更樓曾用於監視外敵,抵禦侵襲。


相片來源:Hulu Culture

小而堅固既炮台佇立於門前,牆身細小槍孔仍然清晰可見,全都是歷史留下來難以磨滅的殘跡。更樓歷史意義深遠重大,故被評為二級歷史建築,到訪梅窩一定唔可以錯過目睹呢間曾經肩負重任既袁氏大屋!


折返到梅窩鄉事會路,經過奧運徑,就到到達白銀鄉文武廟。

第三站:文武廟 - 擁有四百年歷史,梅窩最古老廟宇


相片來源:Jeffrey Photography

呢間文武廟係梅窩最古老既廟宇,規模雖小,又經歷過幾次既重修,但仍完整地保留著傳統廟宇之風貌。有傳建於明朝萬曆年間,承載著四百年多年歷史,係香港文武廟既老大哥;


相片來源:Lantau traveller

廟內供奉文昌帝及關聖帝,文武二帝作為梅窩世世代代的庇蔭,每年農歷五月十三,白銀鄉村村民仍會聚首一堂,到此為二帝舉行寶誕,場面甚為熱鬧;而平日若逢想學業有成,金榜題名,不妨到此燒香拜拜文昌帝!


穿過白銀鄉門牌,再往前走幾分鐘,到會黎到銀礦瀑布。

第四站:銀礦瀑布 - 清澈流水從天而降,帶人漸入佳景


相片來源:山上行

「飛流直下三千尺,疑是銀河落九天」銀礦瀑布雖無名山大川雄偉壯觀,但絕對係洗滌人心既悠閒秘景;銀礦瀑布以清澈而閒名,遊人可以穿棱於石間,近距離感受流水奔騰而下既威力。


相片來源:hkhselderly.com

又或於瀑布附近既涼亭,遠觀流水滔滔不絕之美景,細聽潺潺流水奏起之樂章,有如進入世外桃源!溫馨提示:於雨季到訪瀑布,水勢會較大,水流亦會較湍急,觀賞性較高!


其他附近景點:銀礦洞


相片來源:hkppltravel.com

距離銀礦瀑布不遠處,係銀礦洞既其中一個入口;曾是村民採摘銀礦之地,但後來因發生意外內部被政府封住,只可於洞口窺視及拍照。



第五站:銀礦灣泳灘 - 夕陽餘暉灑於海面,美得動人


相片來源:hotels.com

銀礦灣泳灘無論平日定係假日,人流都唔多,有時仲會見到梅窩牛牛出沒添!沙灘格外寬闊,遊人可以靜靜地躺於綿綿沙床之上,與大自然連為一體;


ig: matanhk

到黃昏時份,平時生活喺大廈林立既都市中既你,未必成日欣賞到晚霞;黎到銀礦灣泳灘,當然要同三五好友一齊觀賞日落餘暉,好好捕捉夕陽西下之美!日落後岸邊店舖徐徐燃上燈火,映照坦然寧靜既海面,猶如繁星閃爍發亮。


第六站:梅窩碼頭熟食市場 - 坐擁海景夜幕,品嘗甜美海鮮


相片來源:Openrice

夜幕初臨,俗稱冬菇亭既梅窩碼頭熟食市場就開始熱鬧起來。黎到呢個海鮮酒家聚集地,你可以喺海風吹拂下,邊食海鮮,邊欣賞銀礦灣夜景;



海鮮種類多,亦有經濟實惠既套餐選擇,比你一次過品嘗鮮魚、甜蝦、大蟹、炒蜆;部分活蜆更係喺銀礦灣新鮮捉捕!

以下兩間就係較有名氣既海鮮大排檔,四至六人套餐都係五百蚊左右,好抵食!

順興海鮮飯店

營業時間:每日 11:30 - 22:30

Openrice連結:按此


華記海鮮飯店

營業時間:每日 11:00 - 21:30

Openrice連結:按此



由梅窩開出既尾班船係11:30pm,因此食飽飯仲可以喺海邊吹涼風、散散步,總結梅窩一日遊既旅程!


想了解更多有關梅窩景點既資訊,可以睇埋以下 Vlog 介紹!


閱讀其他文章:


熱門文章




關鍵詞:
香港 【梅窩一日遊】瀑布美如仙境、昔日戰爭痕跡!梅窩必去古蹟景點、地道美食推介  香港   香港   香港