×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【行山好去處】賞芒新手路線、千島湖等世外桃源推介,讓你戀上山愛上水
ReUbird 活動雜誌   #懶人包 #打卡好去處 #拍拖好去處 #親子活動
【行山好去處】賞芒新手路線、千島湖等世外桃源推介,讓你戀上山愛上水

香港有咩景色優美既行山好去處?話你知新手都駕馭到既路線!


by Wing Yi

抱著浪走天涯的夢,感受世界的美好點滴🌈


出街玩想要新靈感?
全港18區好玩好食好去處推介,盡在ReUbird!

小編今次為你推介五條香港行山路線;新手可選擇較輕鬆既初級行山路線,而想挑戰較高難度既行山經驗者,則可選擇中級行山路線;一齊脫離城市既繁華,走到簡樸既郊外,欣賞香港既絕佳美景。


入門極短行山路線:

1. 西貢龍蝦灣:湛藍海水一望無際,眾山群島連綿不斷


來源:Potatohiking

位置:新界東

難度:2/5(初段山路較斜,後回復平坦路段)

全長:約6.5公里(郊遊徑為2.3公里)

所需時間:約3小時(郊遊徑約1小時走畢)


去程交通:於大坳門落車,靠左直行,穿過停車場,到達郊遊徑

路線:大坳門 > 清水灣道 > 龍蝦灣郊遊徑 > 大嶺峒 > 龍蝦灣郊遊徑 > 龍蝦灣 > 龍蝦灣風箏場 > 崖邊石刻 > 龍蝦灣道 > 大坳門

Google Map路線圖:按此

回程交通:沿龍蝦灣道回到起點處


來源:Flickc

走到清水灣道既盡頭,就係龍蝦灣郊遊徑既入口處,沿龍蝦灣郊遊徑拾級而上,不消三十分鐘便會到達最頂處 — 大嶺峒觀景台(291米高);喺觀景台上,可以俯瞰一望無盡既海景,天氣清時更可眺望座落於牛尾海既眾山群島,甚至隱約可見獅子山既身影。


來源:K'sFamily

大嶺洞已經係整段行山路線既最高處,接下來就係落山。沿郊遊徑落山,到最底處會見到馬術學校,轉右就會到龍蝦灣;然後走左面既樓梯,就會通向風箏場。


來源:YahooNews

風箏場相當廣闊,喺綿綿草地上野餐同放風箏,確為賞心悅事。最後,沿龍蝦灣道向前走,會經過崖邊石刻,係有三千年歷史既法定古蹟,經歷風化侵食仍然存留至今,值得我地駐足欣賞一下!離開石刻後,返回大坳門,結束呢趟行山之旅。


2. 東涌彌勒山:遍地黃金芒草,天梯直插雲霄


來源:昂坪360官網

位置:離島(Google Map按此

難度:2/5

全長:6公里

所需時間:約3小時


去程交通:從東涌站搭23號巴士,於昂坪落車,穿過廣場靠右走,走進昂平奇趣徑,跟指示牌直走,到達彌勒山郊遊徑

路線:昂坪 > 彌勒山郊遊徑 > 彌勒山頂 > 昂坪棧道 > 山俓交滙處 > 昂坪

回程交通:穿過昂坪市集,於昂坪巴士站搭23號巴士到東涌站


來源:Holimood


沿山路攀上,踏在雜草叢生既小徑上,路邊野花處處生;途中會經過不少奇怪巨石,以及整齊堆砌的石排;到達山頂,東涌市中心全貌一覽無遺,更可以眺望機場跑道,於山中靜觀不斷升降的飛機,別有一番感受;山的最高處,標高柱挺立於巨石之上,霸氣地標示出752米之高度,為香港第八高的山。


來源:hkppltravel

走到彌勒山山頭,適逢芒草盛開之時(大約11月至1月),一大遍芒草地映入眼簾;置身茫茫芒草裏,猶如進入童話般仙境。接著,緩緩步向山腳,開始接近昂坪架空索道,空中纜車於頭頂上走過。


到連接昂平棧道既交匯處,係一條長長既「天梯」,直插雲霄,係絕佳既打卡位!走完路線既最後一部分,踏上昂坪市集,結束呢趟行山之旅。


初級難度行山路線:

3. 屯門千島湖清景台:自然奇觀令人陶醉

加拿大安太略省與美國京士頓之間,有一個舉世聞名既奇觀 — 千島湖,大大小小既天然島嶼散落湖面,就像進入奇幻世界,風景美不勝收。原來,香港都有一個「迷你版」千島湖 — 大欖涌水塘。


來源:GoTrip

位置:新界西(Google Map按此

難度:2/5(多為車路及山路)

全長:9公里

所需時間:約3.5小時


去程交通:從屯門站搭43號小巴到掃管笏村,於天后廟落車

路線:掃管笏村 > 麥理浩徑10段 > 清景台 > 麥理浩徑10段 > 大棠山路 > 楓香林(11月至1月) > 大棠山路 > 巴士站

回程交通:於大棠山路巴士站搭K66號巴士到港鐵朗屏站


來源:Discuss.com

水塘於50年代建成,原址為各座形態起伏和緩既丘谷,因此儲水後形成千島湖既秀麗風景。為左令更多遊人一睹千島湖既風采,漁護署於2019年初建成千島湖清景台,因為路線難度低,近來成為行山熱門好去處!


來源:Ulifestyle

沿指示牌步行至大棠山路,途中會經過楓香林,若係11月至1月呢段「紅葉季節」到此,樹林裏便會開遍漫山紅葉,楓林如火,深秋之壯麗盡收眼底。不過賞紅葉既季節每年都唔同,唔想錯過睇紅葉既絕佳時機,就要留意漁農署既消息,或者瀏覽元朗紅葉情報


4. 南港島鶴咀:獨特地質風貌,彰顯凌人氣勢

鶴咀作為香港僅有既海岸保護區,海水清澈碧綠,地質千奇百怪,因此吸引不少遊人前來參觀;然而,海岸保護區顧名思義受到嚴格保護,遊人前往時須遵從公園守則,愛護香港自然環境。


來源:BlogCave

位置:港島東南(Google Map按此

難度:2/5

全長:約6.5公里

所需時間:約3小時


去程交通:從筲箕灣站搭9號巴士,於鶴咀道落車

路線:鶴咀道 > 鶴咀海岸 > 燈塔 > 蟹洞 > 雷音洞 > 鶴咀道

回程交通:於鶴咀道搭9號巴士,返回筲箕灣站


沿鶴咀道而行,越過一大遍綠油油的草地,不久後便會看到往燈塔、蟹洞及雷音洞既指示牌。鶴咀燈塔為香港現存歷史最悠久既燈塔,見證住香港近百年來既變遷,其巍峨壯麗媲美墾丁燈塔!


來源:hkppltravel

另一個自然奇觀 — 蟹洞,被海水沖洗侵蝕後,洞頂望下呈蟹鉗形狀;遇上大風之時,浪花狂怒拍打崖邊石頭,濺起巨大水花,令人歎為觀止。


來源:skywalker

來到雷音洞,驚濤沖擊山洞,發出巨大奔騰轟嗚,如雷貫耳,驚天動地,彰顯大自然既氣勢滂沱。離開雷音洞,返回鶴咀道,完成行山旅程!


中高級難度行山路線:

5. 鴨脷州玉桂山:手腳並用,享受攀爬之趣


來源:500px


位置:港島南(Google Map 按此

難度:4/5(山路頗為陡峭)

全長:約2.5公里(來回約5公里)

所需時間:約1.5小時(來回約3.5小時)


去程交通:從港鐵利東站 B 出口,到巴士總站,入口於車長休息室後方

路線:玉桂山入口 > 玉桂山山頂 > 連島沙洲 > 鴨脷排 > 燈塔(附近為碼頭)

回程交通:於鴨脷排搭街渡到香港仔海濱公園碼頭,或原路折返



來源:hillmanblog

玉桂山山頂為196米,因此約二十五分鐘就可登上山頂;但上山既過程並不輕鬆,需手腳並用,依靠繩索攀山越嶺;然而,爬上山頂後,視野變得開揚廣闊,環顧四周,可鳥瞰利東邨大廈連牆接棟,更可遠眺南丫島、南朗山等群山連綿起伏,與湛藍海水相映成趣。


來源:standnews

山頂逗留片刻,開始向連島沙洲下降,路段較險峻陡峭,比上山更考功夫,需借助麻繩、鐵枝之力,小心翼翼遂步降落,沒有兩手本領都難以越過。驚心動魄既降落過程中,可俯視鴨脷排之景,風光格外優美。


降落後沿指示可到達燈塔,係熱門既打卡位,亦意味住行山旅程既完結。若感意猶未盡,亦可選擇原路折返,再次跨越玉桂山,返回利東站。


想了解更多香港行山好去處,可以睇埋以下 Vlog 介紹!




閱讀其他文章:


熱門文章




關鍵詞:
香港 【行山好去處】賞芒新手路線、千島湖等世外桃源推介,讓你戀上山愛上水  香港   香港   香港