Whatsapp Share
拍拖心願清單
reubird-logo

登入 註冊

聯絡我們 關於我們
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【坪洲一日遊】坪洲攻略2020:各類坪洲好去處以及坪洲美食餐廳介紹
ReUbird 活動雜誌   #拍拖好去處 #影相好去處 #親子好去處 #週末好去處 #郊遊 #美食
【坪洲一日遊】坪洲攻略2020:各類坪洲好去處以及坪洲美食餐廳介紹

想知坪洲有咩好玩好食?


by Kayan

📷Travel |🐾Photography


出街玩想要新靈感?
全港18區好玩好食好去處推介,盡在ReUbird!

想知坪洲有咩好玩好食? 今日就等 ReUbird 小編帶你發掘坪洲,為你介紹坪洲美食、坪洲景點、坪洲攻略,等你可以制定屬於自己的坪洲一日遊啦!

如果鍾意小編的文章,不妨試試 follow 埋 ReUbird 的 IG,等小編帶來一起探索香港!

講起離島,好多人都會諗起長洲。比起長洲,坪洲算係一個安靜的地點,適合喜歡逃離人潮、寧靜的朋友。坪洲面積只有長洲的一半,島上也只有約八千居民,係坪洲唔需要兩三小時就可以行完全島。等小編為你介紹坪洲好去處啦!

 

0. 點去坪洲?

坪洲位於港島西面,面積約為長洲的一半,與其他離島相比之下不算熱門,仍保留著小島的悠閒寧靜風貌。如果想去坪洲,ReUbird 建議大家由中環6號碼頭乘渡輪前往,船程約30-40分鐘。

  • 普通渡輪(船程40分鍾): $15.9(平日)、$22.8(假期)
  • 快速渡輪(船程30分鍾): $29.6(平日)、$43.5(假期)

更多船期詳情:按此

 

1. 坪洲東灣海灘

坪洲有一個沙灘,平時冇咩人可以任意打卡,隨便加一個filter都會影得好有feel~ 亦都適合帶寵物黎呢度散散步。

圖片來源: [email protected]
Google Map:按此前往東灣海灘
 
 

2. 悅龍聖苑

沙灘旁係悅龍聖苑,又叫龍母廟,可進內參拜。

龍母廟,又名香港悅龍聖苑,係坪洲島上最大的寺廟,已有40年歷史。裡頭的龍床,是寺廟的象徵,據說摸過會得好運,並可依龍床上摸到的物件推測運程。每年農曆五月八日是龍母誕,可以到這裡來感受道地的節慶氣氛。

 

地址:坪洲東灣志仁街15號地下 (Google Map)
如何前往:上岸後右轉,步行約10分鐘至志仁街街尾。

 

3. 牛皮廠秘密花園 - 文青打卡好去處

坪洲從前是個工業鎮,所以當你進來會發現很多逝去的工業廠。

坪洲有一個廢棄的牛皮紙廠,被當地人用藝術裝飾,變身為富藝術感的秘密花園,每個月都有各種雕塑和藝術品。好適合文青打卡影相!

 

在巷仔左側的房間裏面是牛皮廠黃金時代的罕見照片,還有一個有古董店,可以找到瓷器和舊鐘等古寶。 想在坪洲過夜的話,這個牛皮廠也是一個 Airbnb 民宿。


各個角落都放了收集島上居民廢物,再注入藝術的作品,每件都很吸睛。

 

坪洲有很多貓,秘密花園內也不例外~

 

圖片來源:GetReady

地點:坪洲永安街 21 號 (Google map)

更多詳情:坪洲秘密花園 Facebook

 

小編覺得...其實香港有好多未被發掘嘅好去處,而你又想唔想同 ReUbird 小編們一齊探索?無論係朋友聚會、情侶拍拖定係慶祝生日,ReUbird 都為你同你身邊重要嘅人計劃一切活動所需。

如果鍾意小編的文章,不妨 follow 埋 ReUbird 的 IG,咁就可以隨時收到香港最新玩樂資訊!

 

4. 超記瓷器 - DIY 屬於自己的餐具

坪洲超記為林超叔叔及其太太於1975年開辦的小型手作坊,是香港其中一間少數存活的釉上彩瓷器廠。

他們更有舉辦釉上彩的工作坊,實行將這種曾經非常盛行的手工藝傳承了下來。唔知大家有冇興趣一嘗呢種有趣的手工藝呢?

 

如果大家黎到坪洲都想帶走少少東西,都可以考慮參加呢個工作坊,畫出屬於自己的一套餐具。釉上彩工作坊每位$200,包一隻杯或碟,時限2小時。

 

店鋪資訊:

營業時間:12:00 - 18:00
地址:坪洲永興街7號地下 (Google Map)
電話:9193 8044

 

5. 祺森冰室 - 滋味蝦多士

其中一個去坪洲必食餐廳就係呢間人氣頗高的祺森冰室啦!相信大家都想食坪洲美食,呢間冰室就以蝦多士出名!

蝦多士是這裡的「名物」,每件一開四,再沾麵包糠再炸勻,吃起來很香口,也鬆脆而不油膩。

 

當然都有其他冰室會有的美食選擇,係坪洲行攰就黎呢度坐下食下野啦~

 

餐廳資訊:

營業時間:

  • 星期二至五08:00 - 16:00
    星期六至日08:00 - 16:30

電話:29830554

地址:坪洲坪洲永安街3號地下B舖 (Google Map)

OpenRice連結:按此
圖片來源:OpenRice

 

6. 金源冰室

另一間坪洲美食餐廳就係金源冰室啦!

呢間有成三十幾年歷史嘅金源冰室,特色之一就係有好少見的炒通心粉,落單等咗無耐就已經有得食,夠曬快手。


而且坪洲嘅多士好似特別多花臣,呢度有吉列石斑多士,石斑炸到超香口,配埋搽咗牛油煎過的多士,非常好味!

 

餐廳資訊:

營業時間:08:30 - 17:30
電話:2983 0921
地址:坪洲永興街15號地下 (Google Map)
OpenRice連結:按此
圖片來源:OpenRice

 

 

7. 陸日小店 - 復古生活雜貨店

島上的店舖不多,其中一間油上鮮黃色的大門,就是開業於此處的陸日小店,店如其名,只開星期六、日兩天。

在陸日小店中,大家可以找到都很多在昔日生活中常見的東西,如腳踏衣車、打字機、鐘,亦有一些二手生活雜貨,都是由兩位店主從世界各地搜集得來的懷舊古物,亦有部份是由島上的居民送來。

 

店鋪詳情:

營業時間:周六及周日(詳細時間
地址:坪洲永興街27號地下 (Google Map)

圖片來源:陸日小店 Facebook

 

8. 好運来咖啡店 - 懷舊 Cafe

同樣也是一星期只開一天,這家位於坪洲小島上的咖啡店,裝修懷舊復古,用舊招牌、傢俱來佈置,感覺奇幻,也提供咖啡及自製曲奇。

若你是文青,又喜歡復古,就可以黎呢間坪洲的復古咖啡店坐坐啦~

 

營業時間:星期日 12:00-18:00PM
店鋪地址:坪洲永興街16號 (Google Map)

更多詳情:好運來咖啡店 Facebook

  

9. 單車遊島 - 研合單車出租

坪洲有單車租借店,遊人可感受半天單車遊島的寫意。

店鋪資料:
店名:研合單車出租
地址:坪洲永安街18號 (Google Map)
收費:首小時$30,其後每小時$10。

電話:2983 0186

 

如果睇完以上介紹唔夠,咁就一定要睇埋呢個 Vlog!除咗坪洲之外,另外 ReUbird 都準備咗 蒲台島一日遊攻略,帶大家欣賞香港南極之美,去攝影打卡、行山!

 

相比起其他離島地方,坪洲並不是港人週末會去的熱門景點。不過少了喧鬧聲,寧靜的小島更可以令人細心品味坪洲的歷史風情。

 

閱讀其他文章:

 

 

新功能:拍拖心願清單 (連靈感製造機)

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!
熱門文章




關鍵詞:
香港 【坪洲一日遊】坪洲攻略2020:各類坪洲好去處以及坪洲美食餐廳介紹  香港   香港   香港