揾緊香港好去處？今日想出去玩？ReUbird 介紹各個香港好去處，室內室外都有！無論你係想一家人休閒，定係想拍拖，又或者想同朋友去玩都可以睇下ReUbird 娛樂活動指南！
放假去邊玩？精選人氣香港好去處
香港好去處2026｜目錄：
香港好去處｜博物館及藝術館
香港好去處｜1. M+博物館
坐落西九文化區嘅M+，可以話係香港近年最受歡迎嘅博物館！
最近 M+ 又有新搞作，推出咗一個超貼地、大人細路都一定睇得明兼有共鳴嘅特別展覽——「設計啊!感受日常設計之奇妙」。
呢個展覽最正嘅地方，就係將我哋日日都會見到、用到嘅數以千計日常物件搬上展台，好似大家食飯用嘅筷子、朝早刷牙嘅牙刷，甚至每日返工搭嘅巴士同條街嘅交通燈都有份。
呢啲望落嘅物件背後，都蘊含住設計師嘅無數心思，諗盡辦法去改善我哋嘅日常生活。
展覽會用一啲好新穎、甚至係你意想不到嘅互動方式，邀請大家重新去「睇」同「體驗」身邊熟悉嘅嘢。
你會發現，原來我哋平時係用緊自己嘅對眼、雙手雙腳等等嘅身體部位，去探索同認識呢個世界，睇完之後包你對身邊嘅物件有全新嘅睇法！
活動基本資訊：
- 適合對象：朋友、情侶、親子、同學
- 適合人數：1-20人
- 逗留時間：半日
- 地址：九龍博物館道38號西九文化區（Google Map）
- 票價及預訂詳情：M+博物館（按此連結即享優惠）
香港好去處｜2. 香港故宮文化博物館
故宮文化博物館位於西九文化區西端，自開幕以來便極受歡迎。
喺呢度你可以一睹900多件來自故宮博物院嘅文物，唔少文物都是首次於香港公開展出，部分藏品更是從未對外公開展出，非常珍貴！
故宮文化博物館嘅「古埃及文明大展——埃及博物館珍藏」，係香港歷嚟規模最大、內容最全面、展期最長嘅古埃及文物展！
館方專程由埃及最高文物委員會借出 250 件珍貴文物，當中有唔少更加係首次喺埃及境外巡展。
最正嘅係，展覽仲展示咗開羅南部古都「薩卡拉」嘅最新重大考古發現，展品年代橫跨近 5,000 年，由巨型雕像、石碑、木乃伊棺槨、面具、首飾到動物木乃伊都有，神秘感十足，平時喺電影就睇得多，今次終於可以近距離親眼睇到！
睇完神秘古文明，仲可以過埋隔籬睇「琳瑯──紐約大都會藝術博物館世界珠寶珍藏」。
呢個係香港首個涵蓋五大洲、跨越近四千年嘅世界級珠寶首飾大展，亦係紐約大都會藝術博物館嘅藏品第一次喺粵港澳大灣區亮相。
現場精選咗大約 200 件大都會博物館嘅璀璨珍品，時間由公元前 2000 年直跨到 21 世紀，再結合埋香港故宮館本身嘅珍藏，一齊帶大家探討身體、珠寶同時尚之間嘅緊密關聯。
活動基本資訊：
- 適合對象：朋友、情侶、親子、同學
- 適合人數：1-20人
- 逗留時間：半日
- 地址：九龍西九文化區博物館道8號（Google Map）
- 票價及預訂詳情：香港故宮文化博物館（按此連結即享優惠）
香港好去處｜展覽及大型盛事
香港好去處｜1. Bubble Planet 香港 - 泡泡星球沉浸式體驗展
2026 年風靡全球嘅「泡泡星球」終於來到香港！
呢個全新沉浸式展覽由 6 月 10 日起喺啟德郵輪碼頭登場，佔地 27,000 平方英呎，
設有 11 個夢幻主題展區，用光影、氣球同互動裝置砌出一個巨型泡泡宇宙，非常適合親子、情侶或者朋友們一齊去打卡同放電。
入場可以玩到好多互動場景，例如「泡泡海洋」、「無限鏡面空間」同「水底泡泡」等，由巨型氣球到奇幻肥皂泡，由視覺到觸覺都係彩色繽紛嘅感官衝擊；
部分票種仲包含 VR 虛擬實境體驗，戴上眼罩就可以即刻飛上天空或者潛入深海，玩足 60–90 分鐘都唔會悶。
活動基本資訊：
- 適合對象：朋友、情侶、親子、小朋友家庭
- 適合人數：1-10人
- 逗留時間：約 1–1.5 小時
- 地址：九龍啟德承豐道 33 號 啟德郵輪碼頭地下 A 行李大堂（Google Map）
- 票價及預訂詳情：Bubble Planet 香港｜泡泡星球沉浸式體驗展（按此連結即享優惠）
香港好去處｜2. 原版音樂劇《貓》
由音樂劇天王安德魯·洛伊·韋伯（Andrew Lloyd Webber）創作嘅經典《貓》，
2026 年 8 月 6 至 16 日會喺西九文化區戲曲中心大劇院上演，為香港觀眾帶來原版製作水準嘅「貓之世界」，絕對係演出檔期內一定要 mark 埋嘅重量級劇目。
《貓》改編自 T. S. 艾略特嘅詩集《老負鼠談世上的貓》，每年一度嘅傑利可慶典之中，
各款性格鮮明嘅「傑利可貓」陸續登場分享經歷，由優雅、神秘到搞笑、霸氣，每一隻都好有戲；
而壓軸經典曲目《回憶（Memory）》歌聲一出，全场即刻起雞皮，係多年來全球觀眾都記得住嘅代表作。
場面加上華麗編舞同巨型舞台佈置，貓咪造型嘅戲服同燈光效果非常吸睛，由 1981 年倫敦首演到 2026 年依舊巡演全球，
今次喺西九睇現場，無論係情侶浪漫夜、朋友相約觀劇定係 Musical 朝拜，都幾啱氣氛。
活動基本資訊：
- 適合對象：朋友、情侶、音樂劇愛好者
- 適合人數：1-10人
- 逗留時間：約 1.5–2 小時
- 地址：西九文化區戲曲中心大劇院（Google Map）
- 演出時間：2026 年 8 月 6 日至 8 月 16 日（星期二至四及星期日晚 7:30，星期五至六晚上 7:30，星期六日另有下午 2:30 場）
- 票價及預訂詳情：原版音樂劇《貓》（按此連結即享優惠）
香港好去處｜3. 超人英雄展
各位超人迷注意！自1966年推出《ULTRA Q》同《Ultraman》以來，足足陪伴咗幾代人成長。
今年適逢 Ultraman 誕生 60 周年紀念，INCUBASE Studio 特別將「超人英雄展」帶到香港旺角，現場會完整展出整個 Ultraman 系列，由最經典嘅初代超人到 2026 年最新登場嘅角色都有，真係睇到回憶返晒嚟！
一踏入展場，就會穿過一條用一幕幕變身畫面點亮嘅暗黑隧道，瞬間喚醒你腦海中對每一位 Ultraman 嘅記憶。
行過經典嘅「昭和六兄弟」展區，唔單止可以近距離觀賞日本原汁原味運到嚟嘅拍攝道具同戲服，仲可以深入了解作品 60 年嚟嘅悠久歷史。
場內更精心設計咗高度擬真嘅電影同影集場景，完美呈現超人同周遭角色嘅關係發展，喺專屬空間入面，大家仲有機會同自己心目中最崇拜嘅 Ultraman 合照留念，細個嘅夢想終於可以實現啦！
除咗用眼睇，今次展覽最正嘅係有得玩。
展場入面特別設計咗多媒體互動遊戲，等你可以親身體驗變身做 Ultraman，一齊出手打擊反派怪獸。
現場仲可以親眼見到怪獸嘅拍攝道具戲服，精緻程度絕對令特攝迷尖叫！
活動基本資訊：
- 適合對象：朋友、動漫迷、超人粉絲
- 適合人數：1-10人
- 逗留時間：約 90分鐘
- 展覽日期：2026年7月25 日至9月13日
- 開放時間：11:00－22:00（最後入場時間為20:30）
- 地址：香港旺角創興廣場地庫INCUBASE Arena B2（Google Map）
- 票價及預訂詳情：超人英雄展（按此連結即享優惠）
香港好去處｜4. 香港車仔展2026
各位車迷同模型控注意，每年最期待嘅神級活動又嚟啦！
由香港模型車互動資訊平台《手推車》主辦嘅「香港車仔展2026」，今年已經踏入第六屆。
作為香港最大型嘅模型車主題展覽兼市集，呢個展自2021年首辦以來，就迅速發展成為全球模型車愛好者同業界人士嘅年度必到盛事，認真利害！
今屆車仔展陣容依然強大，現場匯聚咗來自世界各地嘅模型車、精緻人偶同微縮場景品牌，簡直就係為收藏家而設嘅一站式天堂。
會場內主要劃分成展覽區、市集區以及主題打卡裝置。
無論你係專門搜羅絕版貨嘅資深收藏家、啱啱入坑嘅模型車新手，定係純粹平時鍾意汽車文化、想帶埋屋企人去感受氣氛，呢度都總有嘢啱你睇！
各位車迷記得mark實日子，千祈唔好錯過呢個咁精彩嘅週末好去處喇！
活動基本資訊：
- 適合對象：模型車收藏家、大小車迷、微縮場景愛好者、一家大細
- 適合人數：1-10人
- 逗留時間：約 90分鐘
- 展覽日期：2026年8月21日至23日
- 開放時間：12:00－20:00（8月21日：14:00－20:00）
- 地址：灣仔合和中心酒店 16樓 Grand Ballroom（Google Map）
- 票價及預訂詳情：香港車仔展2026（按此連結即享優惠）
香港好去處｜5. Wayne McGregor：異・地｜大館
如果平時鍾意睇藝術、或者想搵啲衝擊到視覺同聽覺嘅高科技體驗，大館今次呢個節目絕對會刷新你嘅世界觀。
大館帶來咗喺威尼斯同倫敦都大受好評嘅《Wayne McGregor：異・地》，呢個係全球首個「後電影舞蹈體驗」，而今次更加係全亞洲首度亮相，直接將舞蹈、影像同科技揉合，令舞蹈流變、蛻化、重生。
成個節目全長 57 分鐘，作品係採用咗由香港浸會大學研發嘅沉浸式全景裝置「nVis」，透過一個寬 8 米、高 4 米嘅圓柱形結構，配備 3D 360 度立體 12K LED 螢幕，解像度高達 2600 萬像素！
當你踏入呢個空間，成個人會被超高畫質嘅數碼影像同空間音效 360 度包圍，完全顛覆咗大家平時去劇院坐定定睇表演嘅傳統定義。
呢個神級作品由國際舞蹈大師 Wayne McGregor 親自操刀，聯同多位跨界藝術家 Ravi Deepres、Theresa Baumgartner、Invisible Mountain，以及香港浸會大學嘅邵志飛教授一齊合作。
佢哋巧妙咁將舞蹈編舞、數碼影像、空間音效同埋人工智能（AI）完美融合，重塑咗我哋對形體、身體同表演嘅所有想像。
活動基本資訊：
- 適合對象：科技與藝術愛好者、追求極致感官體驗嘅朋友、文青
- 適合人數：1-10人
- 節目時間：約 57分鐘
- 展覽日期：2026年6月25日 - 8月2日
- 開放時間：13:00－19:30（請參閱節目場次時間表）
- 地址：香港中環荷李活道10號（Google Map）
- 票價及預訂詳情：Wayne McGregor：異・地｜大館（按此連結即享優惠）
香港好去處｜6. 拍住上—光影裡並肩馳騁的我們
大館最近就聯同香港電影工作者總會，推出咗一個超有情懷嘅展覽——「拍住上—光影裡並肩馳騁的我們」。
展覽借用咗地道粵語「拍住上」嘅概念，一隻字兩關，既講緊電影人排除萬難「拍」出好戲嘅堅毅，亦講緊銀幕前後、香港人同舟共濟嘅拍檔精神。
成個展覽會帶大家坐時光機，透過多齣經典港產片去探索唔同時代嘅香港精神。
由 60 年代《黑玫瑰》嘅俠義、80 年代《最佳拍檔》嘅精英主義、90 年代《縱橫四海》同《特警新人類》，一路數到近年話題作《臨時劫案》，呢啲經典拍檔在情、義、信任同背棄之中交錯，最後一齊面對挑戰。
展覽呈現出隨時代轉變、越趨複雜嘅人際關係演化，港產片迷一定超級有共鳴！
最令人興奮嘅係，主辦單位今次搵咗電影級嘅美術團隊，直接喺大館入面重現多個震撼嘅電影動作場面。
平時喺銀幕上睇到超乎想像嘅科幻道具，今次全部會真真實實呈現喺眼前。
現場仲有專業動作團隊，親自為大家解構港式飛車、爆破同「吊威也」等轟動全球、影響埋荷里活嘅港式特技秘密，等你可以一窺香港電影人點樣用有限資源做到「飛天遁地」。
除咗睇場景同道具，展覽期間仲會有多位重量級電影人現身展開對談，同大家分享片場內外、電影人嘅熱血故事。
活動基本資訊：
- 適合對象：港產片發燒友、動作片迷、想了解香港電影歷史與特技嘅朋友
- 適合人數：1-10人
- 展覽日期：2026年6月23日 - 10月4日
- 開放時間：11:00－19:00最後入場時間為18:30）
- 地址：香港中環荷李活道10號（Google Map）
- 票價及預訂詳情：拍住上—光影裡並肩馳騁的我們｜大館（按此連結即享優惠）
香港好去處｜7. 啟德帝盛酒店 | Now TV 世界足球盛事 - 決賽直播狂歡夜 | Keyman 現場主持及評述
各位熱血波迷，四年一度嘅世界足球盛事話咁快就去到尾聲，最緊張刺激嘅終極決賽點可以自己一個喺屋企睇？
啟德帝盛酒店喺 2026 年 7 月 20 日凌晨（即係 7 月 19 日深夜），將會喺佢哋氣派非凡嘅地下宴會廳，舉辦一場「Now TV 世界足球盛事 - 決賽直播狂歡夜」！
現場將會聚集過百位波友一齊睇大Mon、大嗌加油，個狂熱氣氛肯定High爆！
今次呢個狂歡夜真係誠意十足，酒店準備咗特大 4K LED 屏幕現場直播巔峰對決，畫面包保夠清夠震撼。
直播開始前，仲請到 DJ Hyphen 駐場打碟打響頭炮，幫大家將現場氣氛推到最高點！最最最正嘅係，大會仲請到神級評述 Keyman嚟到現場親自主持同即時評述！
平時聽佢講波就聽得多，今次可以同佢喺同一個空間一齊直擊冠軍誕生，直情係夢幻體驗！
活動基本資訊：
- 適合對象：狂熱足球迷、鍾意熱鬧開Party嘅朋友
- 適合人數：1-10人
- 展覽日期：2026年7月20日
- 開放時間：00:30 - 05:00 （可於 7 月 19 日23:30開始進場）
- 地址：香港啟德帝盛酒店地下宴會廳（Google Map）
- 票價及預訂詳情：啟德帝盛酒店 | Now TV 世界足球盛事 - 決賽直播狂歡夜 | Keyman 現場主持及評述（按此連結即享優惠）
室內好去處
香港好去處｜1. XVENTURE 室內運動競技場
2026 年 5 月 15 日起，新加坡熱門室內運動品牌 XVENTURE 登陸鰂魚涌康怡廣場，
喺南座 4 樓開設佔地近 2 萬呎嘅「運動娛樂」場，集合 9 大主題區同 20 多項挑戰關卡，由彈跳、高空繩網陣、忍者障礙到互動科技遊戲都有，幾好放電又打卡。
場內主打「Sportainment（運動＋娛樂）」，有全港最高之一嘅室內繩網陣、離地數米高嘅極速垂直滑梯、彈跳競技場、忍者路障同數位互動 Zone，
整體設計針對 12 歲以上至成人，可以約朋友或公司同事一齊玩挑戰賽、比賽計分，邊玩邊出汁，又出相，好適合要釋放壓力同消暑嘅週末 afternoon。
活動基本資訊：
- 適合對象：朋友、同學、同事、運動愛好者
- 適合人數：1-10人
- 逗留時間：約 2–3 小時
- 地址：鰂魚涌康山道 1–2 號 康怡廣場南座 4 樓（港鐵太古站 C 出口直達）（Google Map）
- 票價及預訂詳情：XVENTURE 室內運動競技場｜康怡廣場（按此連結即享優惠）
香港好去處｜2. JOYPOLIS SPORTS HONG KONG ( JP 超動感世界)
由日本 SEGA 打造嘅 JOYPOLIS SPORTS 首間香港旗艦店，落戶啟德體育園運動健康中心，
3 萬平方呎、樓高 5 層，變身成全天候室內娛樂王國「JP 超動感世界」，無論係小朋友生日派對、家庭週末出遊，定係朋友放電約會，都幾啱玩。
場內分為 3 大主題區：主打「鍛鍊反應」嘅忍者道場、SEGA 超音鼠 Sonic 專區「超音鼠競技場」同「未來運動館」，
加埋電子遊戲、感應運動同 VR 互動，足足有 20 多款遊戲。
可以追逐 Sonic 企機、玩體感運動賽，又可以挑戰忍者障礙同繩網陣，一路玩一路得分，都唔會覺得悶，而且濕完都唔怕曬，真係全年好去處。
活動基本資訊：
- 適合對象：朋友、情侶、親子、小朋友、生日晚會
- 適合人數：1-10人
- 逗留時間：約 1.5–2 小時
- 地址：九龍啟德體育園運動健康中心（Google Map），港鐵宋皇臺／啟德站步行約 5 分鐘。
- 票價及預訂詳情：JOYPOLIS SPORTS 香港門票（按此連結即享優惠）
香港好去處｜3. PowerPlay Arena - 極速飄移體驗
如果想喺「飄移」同「玩到透」之間二揀一，PowerPlay Arena 位於荔枝角 D2 Place 二期 2–3 樓，
正好可以一次過搞掂——全場集合室內飄移車、大型彩虹池、踩階磚同多款競技遊戲，大人同小朋友都分分鐘玩到喊「再玩多一鋪」。
二樓主打 5,000 呎嘅室內飄移車場，砌滿水馬賽道，提供小朋友專用 Crazy Cart 同成人 XL 款，戴上頭盔、護肘、頸箍等保護裝備，
安全地揸住車玩急轉同甩尾，體驗少少「車神」快感；
場內仲有超大彩虹池同籃球機、氣墊球、夹公仔機等經典遊戲，行完一輪都已經好有滿足感。
三樓則分為三個 Zone：動感任玩區、團體對戰 Zone 同合家歡嘉年華攤位遊戲，
特別啱公司團建、朋友大會同生日晚會，可以組隊玩大型踩階磚、集體比速度同比分數。
活動基本資訊：
- 適合對象：朋友、同班、同事、親子家庭、生日晚會
- 適合人數：1-40人
- 逗留時間：約 2-4 小時
- 地址：荔枝角長順街 15 號 D2 Place 二期 2–3 樓（港鐵荔枝角站 D2 出口步行約 1–2 分鐘）（Google Map）
- 票價及預訂詳情：PowerPlay Arena｜極速飄移體驗（按此連結即享優惠）
香港好去處｜4. 香港 Super Sports Park
位於大角咀海輝道一號銀海地下嘅 Super Sports Park，佔地 5 萬呎，係現時全港數一數二大嘅室內運動遊樂場，
由 4 歲以上到成年人都可以玩到，一日只玩一節時間都未必玩晒所有設施，非常適合親子家庭、學校旅行、生日會同好友 group outing。
場內設有 20 多項運動同遊樂設施，包括彈床、空中滑索、忍者障礙陣、攀石牆、滾軸溜冰場、匹克球、保齡球、籃球、高爾夫模擬機同大型充氣遊樂區，
活動基本資訊：
- 適合對象：朋友、情侶、親子、同學、公司團建
- 適合人數：1-10人（多人可揀 2/3/4 人套票）
- 逗留時間：約 2–3 小時（視乎時段安排）
- 地址：大角咀海輝道 18 號 銀海坊 G03–05（鄰近奧海城，港鐵奧運站 A2 出口步行約 5 分鐘）（Google Map）
- 票價及預訂詳情：Super Sports Park 門票（按此連結即享優惠，部分套餐含飲食券）
香港好去處｜5. Paint Bomber - 沉浸式任務遊戲
喺旺角，有個幾似「真人版遊戲任務」嘅 Paint Bomber，喺 75 分鐘之內玩完 5 個高科技互動關卡，
考你哋個腦又考你哋體力，最後仲要喺倒數之中拆炸彈，勝了就「成功逃脫」，輸咗就要被漆彈狂噴，超有戲劇感！
玩的時候每隊 2–8 人會穿上全副保護裝備，一齊衝關，關卡包括解謎、反應遊戲、手腳協作任務之類，
每個關卡都爭分奪秒賺取時間，最後喺好似電影場景嘅終極回合，團隊要合力拆除一輪炸彈，全拆清就「勝利」，
否則就要喺漆彈之下全身被噴滿五彩顏料，出來之後影張相都極具獨特性～
活動基本資訊：
- 適合對象：朋友、同學、同事、團建活動
- 適合人數：2–8 人一隊
- 逗留時間：約 1 小時 15 分鐘（純遊戲時間）
- 地址：九龍旺角山東街 47–51 號 中僑商業大廈 16 樓 5 室（港鐵旺角站步行約 5 分鐘）（Google Map）
- 票價及預訂詳情：Paint Bomber 香港（按此連結即享優惠）
香港好去處｜6. Ryze Hong Kong ｜港島最大型室內彈床樂園｜鰂魚涌
喺鰂魚涌嘅 Ryze Hong Kong，佔地超過 1 萬 8 千呎，係目前港島數一數二大嘅室內彈床樂園，
場內密密疊滿彈床、海綿池、高空障礙陣、安全氣墊、攀石牆、吊繩同秋千，真係叫做「飛天彈床忍者訓練營」都冇人會投訴。
一進場就可以變身忍者，喺多達 40 幾張彈床之間亂跳、空中翻轉、投籃、再一路掟落海綿池，仲可以挑戰 Ninja 障礙陣、懸繩、Slackline 同吊索等等，又好玩又好做到運動，
由 4 歲以上小朋友到大學生、同事 group，都一樣可以瘋狂放電，係生日會、朋友約會、親子出遊嘅好選擇。
活動基本資訊：
- 適合對象：朋友、同學、親子、情侶、生日會
- 適合人數：1–10人（視乎場次開放狀況）
- 逗留時間：約 1–2 小時（視乎門票時長／套票選擇）
- 地址：北角鰂魚涌 321 熱帶東路 3 樓（港鐵鰂魚涌站步行約 5–7 分鐘）（Google Map）
- 票價及預訂詳情：Ryze Hong Kong 門票（按此連結即享優惠）
親子好去處
香港好去處｜1. Bouncetopia by Kiztopia室內遊樂場
奧海城 3 期新開嘅 Bouncetopia by Kiztopia，佔地超過 6,000 呎，專為 2–10 歲小朋友打造運動彈床天地，
以運動競技為主題，用彈床、攀爬牆同各種「肌肉Fun練站」令小朋友玩到出汁，又學到協調同平衡，完全係「出得咗身汗」嘅親子好去處。
場內有超過 26 款不同彈床設施，包括巨型充氣城堡、主題攀爬牆、連環跳彈床同球池等等，
小朋友可以一路跳、一路爬、一路玩闖關，玩到喺場內都唔捨得離開，而家長亦可以在旁邊安心睇實，行到近啲仲可以一齊在安全位置加入「親子跳跳樂」環節。
活動基本資訊：
- 適合對象：親子家庭、小朋友生日會、小朋友間玩樂
- 適合人數：1–10 位
- 逗留時間：約 1–1.5 小時（視乎門票時長）
- 地址：九龍大角咀海輝道 18 號 奧海城三期 G 樓 02、05–08、13、15 室（港鐵奧運站 C3 出口直達）（Google Map）
- 票價及預訂詳情：奧海城‑Bouncetopia 室內遊樂場門票（按此連結即享優惠）
香港好去處｜2. 香港樂高®探索中心Legoland
想帶小朋友喺尖沙咀玩得開心？
位於 K11 MUSEA 地下一樓嘅香港樂高®探索中心就啱晒啦，佔地 3 萬呎，設有 10 大主題區，
由迷你城市、城堡冒險、創意砌砌樂到 VR 賽車都有，真係算係「室內童趣王國」，親子、生日晚會都一下搞掂。
場內可以玩樂高城 Rail 遊樂設施、迷你天地®（各式香港地標砌出香港街景）、樂高好朋友 Olivia 之家、樂高教室、古堡歷險及 VR 動感賽車等等，
由 2–11 歲小朋友主場，仲有 3 歲或以下免費入場優惠，大人可以坐低，影翻啲小朋友砌樂高同坐車車嘅可愛相。
活動基本資訊：
- 適合對象：親子家庭、幼兒、3–11 歲小朋友
- 適合人數：1–10 位（主要以小朋友及家長組合）
- 逗留時間：約 2 小時
- 地址：尖沙咀梳士巴利道 18 號 K11 MUSEA 地下一樓（Google Map）
- 開放時間：星期一至五 11:00–19:00；星期六日及公眾假期 10:00–19:00
- 票價及預訂詳情：香港樂高®探索中心門票（按此連結即享優惠）
香港好去處｜3. EpicLand 歷奇王國門票
喺啟德體育園啱啱開張嘅 EpicLand 歷奇王國，佔地 2 萬呎，
設有 6 大主題區同多款大型室內設施，由波波池、彈床、攀爬架、繩網陣到小孩專用雷射槍戰同 Nerf 彈床區，
由 0 至 12 歲小朋友都分分鐘玩到忘記返屋企，啱一班家庭放電同生日會。
門票包含 2 小時玩樂時間，開放時間由每日早上 11 點到晚上 8 點，可以任玩各區，
想「加時間」都可以每位小朋友加 HK$80 換 30 分鐘額外遊戲體驗；而 Epic Nerf 海棉彈及 Laser Tag 雷射槍戰都係限定時段班次，
最少 6 人開場，約埋一班朋友分組玩，真係好似小型真人遊戲一樣刺激。
活動基本資訊：
- 適合對象：親子家庭、幼兒、生日派對
- 適合人數：1–10 位（主要以小朋友為主）
- 逗留時間：約 2 小時（可加時）
- 地址：九龍啟德承啟道 38 號 啟德體育園 啟德零售館 2 4 樓（Google Map）
- 開放時間：每日 11:00–20:00（最後入場約 19:30）
- 票價及預訂詳情：EpicLand 歷奇王國門票｜啟德（按此連結即享優惠）
香港好去處｜4. JUMPTOPIA向偉大航道啟航水戰PARTY｜Citywalk
夏天熱辣辣，最啱帶埋屋企嘅小朋友去玩水消暑！
今個暑假，荃新天地（Citywalk）聯同 JUMPTOPIA 打造咗全港首個結合「室內沉浸式航海解謎」同「戶外水上攻防戰」嘅巨型樂園——「向偉大航道啟航水戰PARTY」。
荃新天地1期中庭嘅「小小航海探險家訓練基地」，以充氣探險船為主題，由「Jumptopia碼頭」出發坐漂流船，體驗超特別嘅「室內漂流解謎」，在聲音導航同迷霧特效下，挑戰射擊任務奪回寶藏！
仲要挑戰設有多重關卡嘅「探險船甲板區」，考驗體能同協調力，最後由 67 米高嘅「極速逃生滑道」一滑而下，模擬逃離海上風暴，真係刺激感爆燈，為後續嘅水戰做足熱身！
做完基礎訓練，就直落去1期戶外花園廣場投入全港首個商場「戶外水上攻防戰區」！
呢度有成 7 大互動水上裝置，核心區設有直徑 10 米嘅圓形水池同巨型探險船，可以用場內提供嘅基本水槍，或者去補給站升級高級水槍，配合四周嘅「風暴水炮」同會不定時傾瀉瀑布級水花嘅「水花巨塔」，展開全方位激烈攻防。
年紀細啲嘅小朋友亦唔使怕，隔籬仲有「蘑菇噴泉區」、「五角星水輪轉盤」同結合 STEM 元素嘅「水動科技基地」，等佢哋可以一邊安全玩水幕、一邊玩水閥學嘢，動靜皆宜！
活動基本資訊：
- 適合對象：親子家庭、幼兒
- 適合人數：1–10 位（主要以小朋友為主）
- 逗留時間：約50分鐘（可加時）
- 地址：荃新天地1期中庭 及 1期花園廣場（Google Map）
- 開放時間：星期一至五: 12:00-20:00，星期六 / 星期日 / 公眾假期：11:00-20:00
- 票價及預訂詳情：JUMPTOPIA向偉大航道啟航水戰PARTY｜Citywalk（按此連結即享優惠）
香港好去處｜5. TMT 大尾篤恐龍水上樂園
大尾篤人氣 BBQ 場「繁星燒烤（TLCBBQ）」將 4 萬呎嘅戶外空間，打造成全新嘅「夏日限定 - 恐龍水上樂園 Jurassic Water Park」。
水上樂園以侏羅紀時代做藍本，一入去就好似穿越時空咁。
場內精心設計咗五大水上主題區，包括「穿越恐龍世界」、「恐龍的奇幻樂園」同埋「海盜船」等，巨型嘅充氣恐龍就喺隔籬，打卡一流！
鍾意刺激嘅可以挑戰唔同高度嘅充氣滑梯，或者去「迷宮障礙區」大顯身手。
而年紀細啲嘅小朋友，場內亦貼心準備咗船池、爬爬池等低刺激性設施，同埋不定期噴出綿密白雪泡泡嘅「泡泡大戰」，包保全場大小朋友都玩到樂而忘返。
最正嘅係，呢度實行「邊玩邊食」嘅一價全包玩法！
喺每日下午 5:00 前，場內會無限量供應超過 30 款輕食同精緻甜品，可以親手 DIY 自製消暑刨冰，任加仙草、椰果、黑糖水晶等配料。仲可以體驗充滿童年回憶嘅港式冷撈，有成 10 幾款配料任你揀。
而到咗夜晚 5:00 之後，水上設施會局部關閉進行清潔，場地就會變身提供港式燒烤，等大家可以直落BBQ食大餐。
活動基本資訊：
- 適合對象：親子家庭、幼兒
- 適合人數：1–10 位
- 地址：大埔大尾篤汀角路202號（Google Map）
- 開放時間：14:00 - 22:00（星期五及假期前夕延至 22:30）
- 票價及預訂詳情：TMT 大尾篤恐龍水上樂園（按此連結即享優惠）
如果想發掘更多親子好去處，大家亦可以去 精選人氣親子熱點 睇睇！
想搵更多香港週末好去處？大家可以 按此 看看！
溜冰好去處
全港有7大溜冰場，集中於九龍、港島區！夏天周末除了逛街，仲可以去溜冰消消暑。
今次為你介紹3間溜冰場，你可以睇下邊間方便自己，放假約埋朋友一齊去玩啦！
如果有興趣，記得預先在各官方網頁上睇下當日會否進行溜冰活動。
除咗以下介紹外，小編仲寫咗【溜冰好去處】全香港7大溜冰場推介及價錢收費（持續更新），仔細列出每個溜冰場嘅開放資料、收費、交通等詳情～
活動基本資訊：
適合對象：朋友、親子、情侶、同學
逗留時間：2-3 小時
P.S. 注意，場地開放時間或價格經常變動，建議出門前，於網上再三確認
香港好去處｜1. Megabox商場 - Mega ice溜冰場
Mega Ice係香港首個符合國際標準嘅溜冰場，設有30米高落地大玻璃環繞場邊，讓你係維港景緻下享受溜冰嘅樂趣！
地址: 九龍九龍灣宏照道 38 號MegaBox L10
收費及詳情：Mega Ice（按此連結即享優惠）
香港好去處｜2. 太古城中心 - 冰上皇宮
冰上皇宮係全港歷史最悠久的首個真雪溜冰場，亦港島唯一嘅室內真雪溜冰場！
冰場設計不論在燈光、結構和功能上皆具國際水準，更引入環保製冰系統升級冰面，配合全新燈光及音響設備，為你帶來多重感官娛樂享受！
場內設有全港首個溜冰鞋自助服務櫃及電子儲物櫃，只需一條手帶就可以自助租借溜冰鞋同存取物品，方便又快捷。
場地更鋪設了保護膠墊，方便溜冰人士進出而毋須更換溜冰鞋。
地址: 香港太古城太古城道18號太古城中心 1/F
收費及詳情：太古城中心冰上皇宮（按此連結即享優惠）
香港好去處｜3.愉景灣溜冰場
溜冰場面積達1593平方米，場地偌大寬闊，更設有大型電視同燈光設備，讓你盡情探索冰上運動！
同時，場地仲會提供 30 分鐘溜冰課程，讓初學者可以輕鬆一嚐溜冰嘅樂趣。
地址: 香港大嶼山愉景灣愉景廣場C座地下
如何前往：
- 自駕前往：由於私人車輛未能進入愉景灣，駕車人士可於欣澳港鐵站對出露天停車場或東涌東薈城泊車，然後乘搭穿梭巴士前往愉景灣
- 乘搭的士：市區的士（紅色）及大嶼山的士（藍色）經由愉景灣隧道直達愉景北範圍，包括愉景北商場及愉景灣酒店，以及於指定地點上落客
- 乘搭渡輪：往返中環3號碼頭及愉景灣碼頭的渡輪服務，單程約25分鐘
收費及詳情：愉景灣溜冰場（按此連結即享優惠）
P.S. 如果想玩得更抵，消費時簽帳記住要用信用卡，唔少信用卡都有信用卡專屬優惠，大家值得留意！
Party Room / 卡啦OK
無論係一班人定係小貓三四隻，有時一班人聚下其實最需要嘅係一個私人空間。
香港有超過 300 間 Party Room 可以滿足你需要，你可以睇下同朋友去邊個地方就腳，book 一間啱自己心水嘅Party 場地。
ReUbird 為你搜羅全港 Party Room，等你可以輕鬆上網睇，上網揀，部分經ReUbird 預約仲會有優惠！
Book 3個鐘，同另一半租間 2 人 Party 場地、同朋友搞個開心小聚，又或者同屋企人一齊舉辦一個親子派對，Party Room 都係你一個適合嘅選擇地。
有需要你可以經 ReUbird 訂埋 到會，十分方便，大部分套餐都免運費。
一班朋友諗唔到做咩好嘅時候，好多人都會考慮唱K！
除咗眾人皆知嘅Neway同RED MR之外，其實大部份Party Room都有提供唱K設備，部份房間仲可以唱日K添！
除咗唱K，Party Room仲設有多元化嘅娛樂選擇，如Switch、Board Games、打麻雀等，有部分仲有波波池或者一d得意d嘅設施，
可以邊玩邊燒烤嘅 BBQ Party Room 都有，如果想玩通宵都得！
活動基本資訊：
適合對象：朋友、親子、情侶、同學
逗留時間：3 小時
適合人數：2-120人
預約連結：香港 2-150人 Party Room 預訂推介
營業時間：大部分24小時及須提早預約
文青逛街
香港好去處｜1. 旺角 - 618上海街
如果是喜歡熱鬧的你，假日不如去旺角618上海街！位於旺角鬧市，在朗豪坊斜對面，由14幢百年唐樓重建而成的「618上海街」商圈，經過了4年的的活化工程，2020年1月終於開幕。
昔日的上海街處處鋼筋銹蝕，如今蛻變成亮麗的外型，連同見證滄海桑田的13支麻石柱，但同時保留了歷史陳跡。
不少本地特色小店如懷舊店美華氏、日式文化屋雜貨店、古董店、常常集品等進駐，是復古愛好者、童趣愛好者的必到之處。
交通資訊
- 地址：旺角上海街618號
（地鐵C1出口，步行2分鐘）
療癒放鬆活動
香港好去處｜1. Sense of Touch × 浮光悅耳｜漂浮頌缽體驗 @ 香港富麗敦海洋公園酒店
想喺海景靚靚嘅酒店放空一下？
呢個由 Sense of Touch 聯乘「浮光悅耳」打造嘅漂浮頌缽體驗，就喺香港富麗敦海洋公園酒店頂樓無邊際泳池舉行，邊聽頌缽、邊漂浮，感覺好療癒，成個人即刻慢落嚟。
活動一般分兩個時段，會先用酒店水療熱區、泳池同健身房，再做呼吸練習同伸展，之後進入 60 分鐘漂浮頌缽音浴；
除咗有健康茶點，仲包迎賓禮包、Spa 優惠券同免費瑜伽課，屬於比較 full package 嘅身心放鬆行程。
活動基本資訊：
- 適合對象：情侶、朋友、上班族、想放鬆嘅人
- 適合人數：1-10人
- 逗留時間：約 3.5 小時
- 地址：香港仔黃竹坑道 3 號 香港富麗敦海洋公園酒店（Google Map）
- 票價及預訂詳情：Sense of Touch × 浮光悅耳｜漂浮頌缽體驗（按此連結即享優惠）
香港好去處｜2.THANN Sanctuary 按摩及 SPA 體驗
立即優惠購票
想喺香港市區都感受到泰式度假氛圍？THANN Sanctuary 就係主打正宗泰式按摩同芳療嘅 SPA，
來自泰國嘅品牌喺香港有多個分店，包括尖沙咀海港城、銅鑼灣同 K11 MUSEA 等，環境走簡約高級路線，好適合上班族放工後或者週末同另一半一齊去鬆一鬆。
療程選擇都幾多，由全身香薰按摩、頭肩背放鬆、足部按摩，到身體磨砂、紫蘇煥活護理都有，按摩師手勢偏向泰式深層放鬆，想舒緩繃緊肌肉、長期坐 office 或行足全日街，都幾啱去「reset」一下。
活動基本資訊：
- 適合對象：情侶、朋友、上班族、想放鬆嘅人
- 適合人數：1-2人
- 逗留時間：約 1–2 小時（視乎療程）
- 地址：尖沙咀、銅鑼灣、K11 MUSEA 等分店（Google Map）
- 票價及預訂詳情：THANN Sanctuary 按摩及 SPA 體驗（按此連結即享優惠）
香港好去處｜3.Shh Massage & Spa｜按摩放鬆體驗
立即優惠購票
想搵個唔使飛出香港、又可以真正「靜一靜」嘅放鬆位？
Shh Massage & Spa 主打自然系按摩同身心舒緩，跑馬地分店環境偏向低調舒服，啱晒放工後過嚟鬆一鬆，或者週末同另一半一齊做個慢活療程。
佢哋除咗有足浴、全身按摩、穴位推拿同熱石按摩之外，亦有針對肩頸、經絡同肌腱放鬆嘅療程，對成日對住電腦、行街行足一日嘅人好有用；
如果想再舒服啲，仲可以揀雙人下午茶 package，一邊按一邊歎茶，成個體驗幾有「輕鬆小奢華」feel。
活動基本資訊：
- 適合對象：情侶、朋友、上班族、想放鬆嘅人
- 適合人數：1-2人
- 逗留時間：約 1–2 小時（視乎療程）
- 地址：跑馬地黃泥涌道 139 號（Google Map)
- 票價及預訂詳情：Shh Massage & Spa 按摩放鬆體驗（按此連結即享優惠）
香港好去處｜4.帝苑酒店 Sky Club 按摩及 SPA 體驗
立即優惠購票
想喺尖沙咀搵個靚環境好好鬆一鬆，帝苑酒店 17 樓嘅 Sky Club Spa 就好適合你。
呢度主打高級按摩同水療體驗，環境安靜又有酒店級質感，做完療程之後真係會成個人輕晒，啱晒想趁週末 recharge 一下嘅人。
療程方面選擇幾多，由香薰按摩、深層肌肉放鬆、磨砂護理，到足部同頭肩頸舒緩都有，仲可以配合桑拿、蒸氣室同水力按摩池一齊玩，成個體驗好似去咗個短途身心 retreat 咁；
如果想同朋友／另一半一齊去，酒店亦有二人同行 package，同步放鬆幾舒服。
活動基本資訊：
- 適合對象：情侶、朋友、上班族、想放鬆嘅人
- 適合人數：1-2人
- 逗留時間：約 1–2 小時（視乎療程）
- 地址：尖沙咀東部麼地道 69 號 帝苑酒店 17 樓（Google Map）
- 票價及預訂詳情：帝苑酒店 Sky Club 按摩及 SPA 體驗（按此連結即享優惠）
香港好去處｜5.Float Co. 香港漂浮中心｜漂浮及冷水浸泡體驗
立即優惠購票
想真正「關機」一下，Float Co. 香港漂浮中心就好啱你。
呢個半山區漂浮體驗主打零重力漂浮，喺高濃度鹽水浮艙入面靜靜哋躺 60 或 90 分鐘，基本上隔絕晒外界噪音同干擾，放空腦袋兼紓壓，做完真係有種成個人 reset 咗嘅感覺。
除咗漂浮，部分票種仲有冷水浸泡體驗，喺 5–7 度冷水入面浸一浸，對於鍾意挑戰自己、或者想試下冷療放鬆嘅人都幾特別；
場地仲有私人房間同浴室，安排上比較完整，適合想慢慢享受、唔想趕行程嘅人。
活動基本資訊：
- 適合對象：情侶、朋友、上班族、想放鬆嘅人
- 適合人數：1-2人
- 逗留時間：約 1–1.5 小時
- 地址：香港半山堅道 89 號 地下 B 室（Google Map）
- 票價及預訂詳情：Float Co. 香港漂浮中心（按此連結即享優惠）
香港好去處｜6.Black Hulk Ear｜採耳專門店耳療體驗
立即優惠購票
如果你最近成日瞓唔好、耳仔又成日覺得塞塞哋，Black Hulk Ear 呢個採耳體驗就幾啱試下。
佢喺觀塘主打台式同日式採耳文化，環境偏私密安靜，做法細緻，唔係一般「耳仔清潔」咁簡單，而係有啲似幫耳仔做個小型 spa。
店內除咗基本採耳，仲有耳道按摩、耳燭、振頻放鬆同專業耳部護理等選項，
過程舒服得嚟又幾新鮮，適合想放鬆、試新體驗，或者想同另一半一齊去做個特別療程嘅人。
活動基本資訊：
- 適合對象：朋友、情侶、上班族、想放鬆嘅人
- 適合人數：1-2人
- 逗留時間：約 45 分鐘至 1 小時
- 地址：觀塘怡生工業中心 C 座 4 樓 c 座 27 室（Google Map）
- 票價及預訂詳情：Black Hulk Ear 採耳專門店耳療體驗（按此連結即享優惠）
DIY工作坊
香港好去處｜1.K Studio 陶藝工作坊｜手捏陶瓷／上釉體驗
立即優惠購票
想搵個慢活少少、又可以親手整件獨一無二作品嘅活動，K Studio 就幾啱。
九龍灣呢間陶藝工作坊主打手捏陶瓷同上釉體驗，零經驗都玩得，啱晒情侶、閨蜜或者想靜靜哋做手作嘅人。
課堂一般由導師帶住做，會教你由泥坯開始整杯、碗、盤、瓶呢類陶器，再自己加花紋或選色，做完仲會負責後續修坯同燒製；
如果想再玩深啲，仲可以加購上釉體驗，成個流程好有手作儀式感，成品完成後仲可以用嚟盛食物或者送禮，幾有心思。
活動基本資訊：
- 適合對象：朋友、情侶、親子、大人手作愛好
- 適合人數：1–5人
- 逗留時間：約 1–2 小時（視乎課程）
- 地址：九龍灣常悅道 20 號 環球工商大廈 1106J 室（Google Map）
- 票價及預訂詳情：K Studio 工作坊（按此連結即享優惠）
香港好去處｜2.Dirty Hand Studio｜金工手作工作坊（手鐲/戒指）
立即優惠購票
想試下有份「粗糙但真誠」嘅手作體驗？Dirty Hand Studio 主打金工小班工作坊，教你由生料（紅銅或純銀）敲打、塑形到刻字，
最後打磨成一條專屬手鐲或戒指，即學即做、當日帶走成品，幾適合情侶約會或者想送手作禮物嘅朋友。
工作坊節奏以導師示範＋學員實做為主，會有敲擊、成形、紋理刻印同打磨拋光等步驟，無需金工經驗都有得跟手做；
完成品風格偏向復古／手作感，做出嚟好有紀念價值，亦常有二人同行優惠同團體包班選項，啱公司 team building 或生日聚會。
活動基本資訊：
- 適合對象：朋友、情侶、手作愛好者、公司團建
- 適合人數：1–6 人（視乎班別）
- 逗留時間：約 1.5–3 小時（視乎作品與班別）
- 地址：葵涌或葵涌近郊工作室（以預訂頁面顯示為準）
- 票價及預訂詳情：Dirty Hand Studio 手作工作坊（按此連結即享優惠）
香港好去處｜3.Perfume Talk｜香水調配工作坊｜一小時體驗
立即優惠購票
想調製一枝完全屬於自己嘅香水？
Perfume Talk 喺尖沙咀百利商業中心，由專業調香師教您由零開始調配個人香氣，一小時體驗包括香水基本知識、前中後調搭檔同比例調配，完全無經驗都有得跟。
工作坊可以用不同香精調配出獨一無二嘅香味，之後仲可以喺樽身即場 UV 打印自己嘅相或圖案，放入保鮮花做裝飾，
完成後真係一枝完全私人訂製嘅香水，好適合作紀念品、送禮或者同閨蜜／情侶一齊做。
活動基本資訊：
- 適合對象：朋友、情侶、閨蜜、對香水有興趣嘅人
- 適合人數：1–6 人（最多一班 4–6 人）
- 逗留時間：約 60–90 分鐘
- 地址：尖沙咀漆咸道南 87–105 號 百利商業中心 12 樓 1208 室（Google Map）
- 票價及預訂詳情：Perfume Talk 香水調配工作坊（按此連結即享優惠）
香港好去處｜4.LCM 皮革工作室｜唇膏 DIY 體驗工作坊
立即優惠購票
想知道唇膏點樣自己做？
喺銅鑼灣福明街寶明大廈 4 樓 J 室嘅 LCM Leather Workshop，有專業導師教由零開始製作屬於自己嘅天然有機唇膏，過程簡單又安全，零經驗都玩得，啱晒閨蜜、情侶或者想送手作禮物嘅人。
工作坊會用安全天然材料，由選色、調配比例、入模到冷卻完成，全程由導師指導；
完成後仲可以揀不同尺寸嘅唇膏管，甚至可以刻上自己個名，做出一支完全私人訂製嘅天然唇膏，做手信或者送人好有心思。
活動基本資訊：
- 適合對象：朋友、閨蜜、情侶、親子（6 歲或以上）
- 適合人數：1–10 人
- 逗留時間：約 1 小時
- 地址：銅鑼灣福明街 8 號 寶明大廈 4 樓 J 室（港鐵銅鑼灣站 F1 出口步行約 5 分鐘）（Google Map）
- 開放時間：星期四至日 15:00–20:00（每小時一班）
- 票價及預訂詳情：LCM 皮革工作室｜唇膏 DIY 體驗工作坊（按此連結即享優惠）
香港好去處｜5.GET TOGETHER｜無限時簇絨地氈（Tufting）工作坊
立即優惠購票
想親手做一張獨一無二嘅 Tufting 地氈？
觀塘 GET TOGETHER 推出買一送一無限時 Tufting 體驗，從 50x50 到 100x100cm 畫框任揀，超過 100 種顏色選擇，由設計師出身導師全程細心指導，零經驗都玩得，啱唔啱同朋友一齊去。
用簇絨槍將毛線打入底布，再自己塗膠水、修毛、剪毛，最後完成一幅夾心被咁柔軟嘅地氈、掛畫、杯墊、攬枕等等，過程好療癒，
完成後仲可以拎走自己嘅作品，裝飾屋企或送禮都好有心思。
活動基本資訊：
- 適合對象：朋友、情侶、閨蜜、公司團建
- 適合人數：1–10 人
- 逗留時間：無限時（建議 3–5 小時）
- 地址：觀塘巧明街 109 號榮昌工業大廈 4 樓 B2 室（港鐵觀塘站步行約 2 分鐘）（Google Map
- 票價及預訂詳情：GET TOGETHER｜無限時 Tufting 地氈工作坊（按此連結即享優惠）
香港好去處｜6.Chinese Ink Painting Workshop｜中國水墨畫工作坊
立即優惠購票
想體驗下傳統中國水墨畫？
呢個由 Ka Atelier 主辦嘅水墨畫工作坊喺灣仔 Star Street Precinct，專為初學者設計，由專業導師 step-by-step 指導，由中國畫歷史、工具認識到筆法練習，全程 2 小時，最後完成一幅有竹枝主題嘅水墨畫作品拎返屋企。
材料包括中國畫筆、宣紙、墨、顏料等全部都包，仲會邊做邊教你竹嘅象徵意義同東西方藝術對比，做完仲有熱茶，
屬於靜靜哋又療癒嘅藝術體驗，好啱嚟港旅行想搵室內靜心活動嘅人，或者對東方藝術有興趣嘅本地朋友。
活動基本資訊：
- 適合對象：朋友、情侶、藝術愛好者、對水墨畫有興趣者
- 適合人數：1–15 人
- 逗留時間：約 2 小時
- 地址：灣仔 聖佛蘭士街 6 號 地下 1 樓（Star Street Precinct）（Google Map）
- 票價及預訂詳情：Chinese Ink Painting Workshop｜中國水墨畫工作坊（按此連結即享優惠）
香港好去處｜7.緣月咖啡 Entsuki Coffee｜手沖咖啡初體驗＋拉花入門
立即優惠購票
想學會專業手沖咖啡同拉花？
緣月咖啡 Entsuki Coffee 係香港本土咖啡品牌，同時係 Specialty Coffee Association（SCA）會員，喺尖沙咀 Urban House 有工作室，提供手沖咖啡初體驗同拉花入門工作坊，新手都玩得，啱晒咖啡愛好者、閨蜜或者情侶一齊去練習。
2 小時課程包括咖啡基礎知識、手沖技巧、磨豆、水溫控制、沖泡流程，再學 basic latte art 拉花，由倒奶到畫形都有導師指導，
完成後仲可以拎走自己沖嘅咖啡同拉花作品，屬於好有儀式感嘅體驗。
活動基本資訊：
- 適合對象：朋友、情侶、咖啡愛好者、對咖啡有興趣者
- 適合人數：1–10 人
- 逗留時間：約 2 小時
- 地址：尖沙咀漆咸圍 10–12 號 Urban House 3 樓（Google Map）
- 工作坊時段：逢星期一至日 1:00PM–9:00PM（需預約）
- 票價及預訂詳情：緣月咖啡 hand-pour＋拉花入門工作坊（按此連結即享優惠）
戶外活動
香港好去處｜1.浪高長岸豪華露營/ 露營車+水上活動體驗
立即優惠購票
想喺大嶼山長沙玩一次「豪華露營」加水上運動？
Long Coast 位於長沙村 29 號，係集露營、glamping 同水上活動於一身嘅海濱體驗中心，由長沙海灘起手，行過去幾分鐘就到，非常適合朋友、情侶或者親子家庭避開市區一堂日子。
場內有豪華營幕同豪華房車_CIPHER——配備舒適床褥同浴室設備，仲有 BBQ 爐位可以升級套餐；
水上運動包括獨木舟、衝浪板、SUP、風帆、趴板同少見嘅 wakesurf，仲有專業衝浪教練教基本技巧，啱晒想試新體驗嘅人。
活動基本資訊：
- 適合對象：朋友、情侶、親子家庭、戶外愛好
- 適合人數：1–10 人
- 地址：大嶼山長沙村下 29 號（由東涌巴士約 20 分鐘）（Google Map）
- 開放時間：逢星期一至五 10:00–日落；星期六至日 9:30AM–日落
- 票價及預訂詳情：Long Coast｜長沙村 Glamping 水上運動體驗（按此連結即享優惠）
香港好去處｜2.香港仔兩日文化體驗: 英式船屋 + 住家艇語音導覽 + 自煮DIY手搖海鮮袋
立即優惠購票
想體驗下「海上住一夜」？
Vintage 係一艘 65 呎古董英國式豪華船屋，停泊喺香港仔，設有 3 層空間、2,100 呎浮動面積、3 睡房同 2 浴室，仲有精心設計嘅客廳同廚房設備，喺海面過夜都幾舒服，好啱情侶、朋友或者想過特別生日嘅人。
船屋內部有復古英國風格裝修，有得睇星星、港景同日出，仲可以自備食物、BBQ 同派對裝飾，喺海上搞一個私人派對或者簡單過夜過梗，非常特別；
過夜套餐通常包括基本設備、清潔服務同基本安全設施，但自備食物、飲品同裝飾品。
活動基本資訊：
- 適合對象：情侶、朋友、生日派對、特別慶典
- 適合人數：1–10 人（最多 15 人，視乎套餐）
- 逗留時間：過夜（約 22–24 小時）
- 地址：香港仔避風塘（上岸地點會以預訂確認為準）（Google Map）
- 票價及預訂詳情：Vintage｜英國式豪華過夜船屋體驗（按此連結即享優惠）
香港好去處｜3.香港火山岩柱半日遊艇體驗
立即優惠購票
想了解香港有幾震撼嘅地質奇觀？
呢個半日遊艇體驗由 Splitdy Boat Company 主辦，由西貢出發，帶你近距離欣賞糧船灣萬柱海岸、破邊洲風琴壁、神削峽等 8 個地質景點，包括全球最大六角形火山岩柱群同東海四大海蝕洞穴。
遊艇約 4 小時，沿途可以近距離睇火山岩柱、海蝕洞、海蝕拱門，仲可以入境探洞，比日常行山路更舒適又安全，
適合唔想行山但又想睇地質奇景嘅人，導遊會用中文或英文講解，全程有專業持牌船長駕駛。
活動基本資訊：
- 適合對象：朋友、情侶、親子家庭、地質愛好
- 適合人數：1–20人（小團）
- 逗留時間：約 4 小時
- 登船地點：西貢公眾碼頭（Google Map）
- 出發時間：08:45、10:45（需提前預訂）
- 票價及預訂詳情：香港火山岩柱半日遊艇體驗（按此連結即享優惠）
香港好去處｜4.小白兔農莊 Bunny Wonderland
立即優惠購票
位於元朗的「小白兔農莊」佔地超過十萬呎，顧名思義，園內飼養了多隻小兔，遊客可以與小兔零距離接觸！喜歡小動物的你，不妨趁着假日好天氣親親大自然，暫且逃離都市煩囂。
綠油油的大草地上立有紅色風車，恍如置身童話中的農莊。
農莊亦設有多個手工藝工作坊、戶外遊樂設施、木製秋千、繩網陣等，項目種類相當豐富，相信無論是大人或小朋友，都能玩得不亦樂乎。
活動基本資訊：
- 適合對象：朋友、親子、情侶、同學
- 逗留時間：大半日
- 地址：香港元朗八鄉橫台山永寧里芝麻嶺1號（Google Map）
- 價錢及預訂詳情：小白兔農莊（按此連結預訂有優惠）
探索更多：
去呢度睇晒今年所有熱門人氣戶外活動！
香港好去處｜5.大澳：漁村水鄉
厭倦左千遍一律嘅商場同急促嘅步伐？咁就搵一日黎一場大澳之旅啦，穿梭係大澳棚屋與縱橫交錯嘅水道，體驗大澳獨有嘅水鄉風情，試下唔同嘅大澳美食，跳脫香港人繁、車多的印象！
為左反射陽光，避免室內太熱，大澳棚屋嘅外牆大多係油漆銀色，不過有啲棚屋會粉刷成五顏六色，為大澳帶黎一片勃勃生機。
乘搭小船，係黃昏之時欣賞夕陽如何染紅天與海，為旅程劃上一個完美嘅句號。幸運嘅話，仲可以見到粉紅色外表嘅中華白海豚！
大澳有多條街道，販賣大澳特色土產、小食。不得不提嘅係沙翁，又稱作炸蛋球，是一種日漸式微的粵式傳統美食。用雞蛋、油、麵粉製作而成的麵團，經過控制得宜的油溫炸後，上薄薄的一層糖霜。
蘇廬係一間融入大澳水鄉棚屋文化的特色Cafe。店主係土生土長嘅大澳人，早年在外打拼，並於2006年，將自己興趣：音樂、咖啡、書籍，回歸大澳開辦精品咖啡店。
活動基本資訊：
- 適合對象：朋友、親子、情侶、同學
- 逗留時間：4-5 小時
- 交通：東涌站，轉乘11號巴士
香港郊遊好去處
如果今日唔知做咩，不如一齊脫離城市既繁華，走到簡樸既郊外，欣賞香港既絕佳美景啦！
香港好去處｜1. 西貢龍蝦灣：湛藍海水一望無際，眾山群島連綿不斷
走到清水灣道既盡頭，就係龍蝦灣郊遊徑既入口處，沿龍蝦灣郊遊徑拾級而上，不消三十分鐘便會到達最頂處 — 大嶺峒觀景台（291米高）；
喺觀景台上，可以俯瞰一望無盡既海景，天氣清時更可眺望座落於牛尾海既眾山群島，甚至隱約可見獅子山既身影。
- 位置：新界東
- 難度：2／5（初段山路較斜，後回復平坦路段）
- 全長：約6.5公里（郊遊徑為2.3公里）
- 所需時間：約3小時（郊遊徑約1小時走畢）
香港好去處｜2. 屯門千島湖清景台：自然奇觀令人陶醉
加拿大安太略省與美國京士頓之間，有一個舉世聞名既奇觀 — 千島湖，大大小小既天然島嶼散落湖面，就像進入奇幻世界，風景美不勝收。
原來，香港都有一個「迷你版」千島湖 — 大欖涌水塘。
- 位置：新界西
- 難度：2／5（多為車路及山路）
- 全長：9公里
- 所需時間：約3.5小時
想知道其他香港嘅行山好去處？立即閱覽：
【行山好去處】賞芒新手路線、千島湖等世外桃源推介，讓你戀上山愛上水
香港好去處｜3. 迪欣湖：樹蔭下野餐、單車環遊人工湖
迪欣湖有香港最大既人工湖、人氣打卡景點「美人樹」，絕對係香港既後花園；湖邊遍佈綠樹成蔭，迎湖野餐漫步，如置身童話世界裏，意境十足！
喺迪欣湖有好多野可以做，小編都為大家準備咗【迪欣湖】欣澳休閒好去處：樹蔭下野餐、單車環遊人工湖，帶大家探索迪欣湖！
香港好去處｜4. 鶴咀：天涯海角最齊全指南
鶴咀是香港最東南端的海角，風景優美，站在近岸懸崖觀看，遠處一望無際，天地相連，旁邊豎有百年古老燈塔陪襯，有「秘境」、「世外桃源」之稱。
在鶴咀的每一道風景都非常上鏡，喜歡打卡的朋友一定不能錯過！
ReUbird 小編為大家準備咗【鶴咀】天涯海角最齊全指南｜交通、景觀打卡、路線推介，帶你暢遊鶴咀！
香港好去處｜5. 山頂公園：香港秘密花園
如果假日想去野餐，山頂公園絕對是其中一個不可多得的野餐勝地！原來，山頂公園原是香港總督的山頂別墅。
1946年，由於戰火損毀，遭到拆卸，後來這塊空地發展為山頂公園。ReUbird 小編都為你編寫咗山頂公園攻略，向你一一介紹山頂公園沿路的打卡點！
香港好去處｜6. 梅窩：必去古蹟景點、地道美食推介
難得放假，大家可以考慮去梅窩，探索銀礦瀑布、經歷戰爭既百年古堡，到海灘觀賞日落餘霞。想知梅窩有咩玩，就要跟實小編！
無錯！小編又已經準備梅窩一日遊攻略畀你，帶你認識梅窩必去古蹟景點、地道美食推介！
你可能會有興趣：
香港好去處｜7. 大澳一日遊：穿梭舊棚漁村
都市的生活固然方便快捷，但在日復一日的奔波勞碌中，偶爾還是會厭倦了千遍一律的商場和急促的步伐。如果這是你的話，那麼找一天來一場大澳之旅吧，穿梭在棚屋與縱橫交錯的水道，體驗香港獨有的水鄉風情，跳脫香港人繁、車多的印象！
立即閱讀大澳一日遊攻略：【2024大澳一日遊】穿梭舊棚漁村 最強休閒遊攻略：遊覽路線/特色餐廳/文青藝術
香港好去處｜8. 玩轉愉景灣：充滿異國風情的休閒社區
愉景灣位於大嶼山東北部，係個充滿異國風情的渡假式休閒社區。想遠離市區，悠閒度過假日，又嘆下靚景、曬下太陽、食下美食，都可以試下去愉景灣。
ReUbird 小編今日會同為你介紹最齊全的愉景灣攻略，想知更多愉景灣美食、愉景灣交通、以及愉景灣影相好去處？即刻睇文啦！
主題樂園
香港好去處｜1. 香港迪士尼樂園
立即優惠購票
難得嘅假日，想盡情玩樂解壓，首選當然係主題樂園啦！香港迪士尼樂園一向都係主題樂園必玩之選，踏入夢幻嘅迪士尼奇妙世界，就可以同最愛嘅迪士尼朋友見面！
園內設有7個主題園區，超過100項遊樂設施及娛樂體驗，從老少咸宜嘅遊樂設施，到冒險刺激嘅機動遊戲皆有，保證能夠暢玩全日！
由4月起，迪士尼樂園更推出一系列Duffy活動，包括全新「Duffy 與好友遊玩屋」，更首度將小鎮大街嘅花圃打造成Duffy 圖案，大大滿足一眾Duffy and Friends粉絲！
萬眾期待嘅迪士尼煙火匯演已經返咗嚟啦！入夜後，你可以到「奇妙夢想城堡」前欣賞由國際專家及本地團隊合力打造嘅「迪士尼星夢光影之旅」！
活動基本資訊：
適合對象：朋友、親子、情侶、同學
適合人數：1-100人
逗留時間：全日
如何前往：乘搭港鐵迪士尼線至迪士尼站
門票價錢及預訂詳情：香港迪士尼樂園（按此連結預訂即享優惠）
香港好去處｜2. 香港海洋公園
立即優惠購票
去主題樂園唔想純玩機動遊戲？海洋公園就啱晒你啦！除咗機動遊戲外，你仲可以探望公園裏嘅海洋生物同小動物，感受一下大自然，園內亦設有適合小朋友嘅兒童天地。黃昏時坐上纜車，眺望迷人海景山景，好不寫意。絕對係老少咸宜嘅假日好去處！
追求刺激嘅你，可以到動感天地挑戰多個刺激機動遊戲，包括翻天覆地、動感快車、雷霆節拍、超速旋風等。
晚上當然要坐上「摩天巨輪」，於24米高空中飽覽海洋公園嘅美景，享受無邊無際的視覺感受！
喜愛小動物嘅你可以到園內有多個展館，包括全新「小狐獴與大象龜之旅」，你可以一睹可愛嘅狐獴家族「排排企」、巨型亞達伯拉象慢悠悠嘅生活，另外亦有企鵝、海豚及海獅、大熊貓、小熊貓、多種海洋生物等你探望！
活動基本資訊：
適合對象：朋友、親子、情侶、同學
適合人數：1-100人
逗留時間：全日
如何前往：
- 乘搭巴士：乘搭當地或跨境巴士至香港仔隧道下車，步行即可抵達。城巴629線每日從中環天星碼頭站發車 (每20 - 60分鐘一班)
- 乘搭地鐵：南港島線海洋公園站
門票價錢及預訂詳情：香港海洋公園（按此連結預訂即享優惠）
香港好去處｜3. 香港海洋公園水上樂園
立即優惠購票
如果覺得海洋公園唔夠玩，亦可以玩埋一旁嘅香港海洋公園水上樂園！海洋公園水上樂園係亞洲首個全年、全天候臨海水上樂園，設有恆溫設備，唔止夏天可以玩水，冬日一樣能玩得盡興！
水上樂園設有五個各具特色嘅主題區域，呢條「八彩天梯」係擁有八條賽道嘅競賽式滑水梯，讓你挑戰高速移動及急速墜落嘅快感！
「急流旋渦」一樣刺激好玩，管道式巨型滑水梯結合「大型漏斗」及「巨型半管」元素，你可以坐住巨型水泡衝入巨大湯碗中旋轉，最後極速衝入漏斗，體驗強大嘅離心力！
唔敢玩太刺激嘅設施嘅朋友，可以到漂流河暢泳或懶洋洋地漂浮喺專用嘅泳圈上，或到室外造浪池愜意悠閒地享受清新海風。
家長因為可以帶小朋友到威威水地，設有多層式互動遊戲區，包括六個嬉水地帶，一個迷宮同一個幼兒戲水池，俾小朋友盡情玩水！
活動基本資訊：
- 適合對象：朋友、親子、情侶、同學
- 適合人數：1-100人
- 逗留時間：全日
- 門票價錢及預訂詳情：香港海洋公園水上樂園（按此連結預訂即享優惠）
睇完呢篇文後，有無搵到屬於你嘅今日好去處呢？
如果冇，不如睇埋以下呢啲：
【香港野餐】最齊21個靚景草地 逐一點評｜鬧市中心、隱世秘境、無敵海景