×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【玩轉愉景灣】愉景灣一日遊 2020 | 最齊全愉景灣交通酒店景點介紹
ReUbird 活動雜誌   #拍拖好去處 #打卡好去處 #懶人包
【玩轉愉景灣】愉景灣一日遊 2020 | 最齊全愉景灣交通酒店景點介紹

帶你發掘這個充滿異國風情的小島~


by Kayan

📷Travel |🐾Photography


出街玩想要新靈感?
唔知香港有咩好玩好食?

愉景灣位於大嶼山東北部,係個充滿異國風情的渡假式休閒社區。想遠離市區,悠閒度過假日,又嘆下靚景、曬下太陽、食下美食,都可以試下去愉景灣。ReUbird 小編今日會同為你介紹最齊全的愉景灣攻略,想知更多愉景灣美食、愉景灣交通、以及愉景灣影相好去處?即刻睇文啦!


以下將會為你介紹:

玩樂休閒好去處
愉景灣餐廳介紹
愉景灣交通資訊


事不宜遲,即刻開始


1. 玩樂休閒好去處

愉景灣有唔少休閒好去處,無論係浪漫海景玻璃大教堂,定係室內遊樂場,都可以係愉景灣呢個小島上搵到。


愉景北海濱禮堂

海濱禮堂位於在愉景北商場附近的愉景灣酒店後方。呢個係全港首間三角型海濱白教堂,十分特別。設計混合了玻璃結構,大部分為落地大玻璃,十分浪漫!


呢個愉景灣教堂亦都係唔少情侶夢寐以求的結婚地點,未到結婚階段的情侶們都可以去教堂門口打打卡,記錄美好時光!




地址:大嶼山海澄湖畔路92號 (Google Map)


Epicland 愉景灣歷奇王國

位於愉景灣的香港最大室內家庭娛樂中心歷奇王國 EpicLand 絕對係其中一個愉景灣好去處!14,000呎的空間裡唔單有亞洲最大室內滑梯「彩虹滑梯」及Air Trek空中漫步之外,更增設全新五層高的玩樂區、攀爬區、飛索Zipline、Leap of Faith以及彈床區,絕對是周末親子好去處!




玩攰了,場地都有小食區,可以去食下小食充充電。




收費詳情:

平日(週一至週五)

  • 8 歲或以下小童:$188 /位 (陪同的1位成人可免費)
  • 9-12 歲兒童:$188/位
  • 13 歲以上或成人:$200
  • 長者或孕婦$100/位


公眾假期(禮拜六日、紅日及學校假期)

  • 8 歲或以下小童:$208 /位 (陪同的1位成人可免費)
    9-12 歲兒童:$208/位
    13 歲以上或成人:$228/位
  • 長者或孕婦:$100/位


歡樂時段(週一至週五9:30am - 11:30am)

  • 8 歲或以下小童$100 /位 (陪同的1位成人可免費)
    *於紅日及學校假期並不設有歡樂時光


樂園詳情:

了解更多:Epicland
營業時間: 週一至週日09:30–19:30
電話:2441 0098
地址:愉景灣北商場 (Google Map)


愉景灣大白灣沙灘 - 坐觀迪士尼煙花

位於愉景灣的大白灣沙灘係私人管理的公共沙灘,兼屬香港少有的人造沙灘,總長約四百米。



愉景灣沙灘平時都冇咩人,夠曬清靜!沙灘仲設有兒童遊樂設施、更衣室及淋浴間,適合帶埋小朋友出去玩~更加重要的係,夜晚仲可以係沙灘睇到迪士尼樂園的煙花添!




如何前往:Google Map


愉景灣酒店 Auberge Discovery Bay

想體驗愉景灣的寧靜、慢活,居住於愉景灣酒店就最適合不過啦!酒店位於愉景灣北,由碼頭搭巴士去酒店約15分鐘路程。大堂好寬敞,令人一踏入酒店已經感覺到陣陣度假風。




小編極力推介愉景灣酒店的海景房!一拉開窗簾就可以見到落地玻璃外的海景,超浪漫!適合情侶入住~房間裝潢佈置走簡約路線,藍綠色和白色的配搭讓人很放鬆,整體都感覺非常舒適。





地址:香港大嶼山愉景灣海澄湖畔路88號 (Google Map)

查詢電話:2295 8288

立刻預訂:按此


愉景灣中央公園

如無緣遇上特別活動,可選擇到愉景灣中央公園一趟。公園為一片超大面積的草地,配上兩旁的樹木及植物,綠意盎然。絕對是一家大小野餐,又或是一個人安靜看書的好地點。



如何前往Google Map



2. 愉景灣餐廳介紹 — 臨海美食區 D’DECK


身為全港最大的臨海露天美食區,愉景灣的D’DECK有著各間供應多國菜的餐廳。你可以一邊享受美食,一邊欣賞餐廳旁海天一色的遼闊景致。係傍晚的時候,呢度會成為外國人把酒談歡的聚腳地,加上各式音樂配合,亦值得感受一番。


ZAKS - 愉景灣最大餐廳

ZAKS是在愉景灣面積最大的食肆,單是露天位置就有五千呎,餐桌旁邊設有一艘陸上郵輪供小朋友遊玩,有免費自助雪糕機提供,共有兩層的「ZAKS」差不多每個位置都可欣賞海景,樓上雅座更是小孩禁地,十二歲以上方可在此用餐,客人可以在此欣賞對岸迪士尼煙花。菜式賣的是國際菜,包括中、西、日、泰等。



賣相不錯的菜式~



餐廳資料:

人均消費: $201-400

地址:愉景灣D'Deck 地下G04及1樓103 (Google Map)

OpenRice連結:按此


Koh Tomyums - 愉景灣隱世泰國菜

喜歡泰國菜的朋友,原來愉景灣唔係只有西餐,都有泰國菜架!呢間泰國餐廳,位置比較難搵,要上商場一樓先可以搵到正面入去。食物味道都在中高水平,唔單味覺上享受,餐廳仲可以望到海景,提供到視覺上享受!


泰式菠蘿飯


餐廳資料:
人均消費: $101-200
地址:愉景灣D'Deck1樓105B號舖  (Google Map)
OpenRice連結:按此


Solera Restaurant and Bar - 愉景灣西班牙菜

同樣都係位於美食區D’DECK的西班牙菜餐廳,提供各式西班牙菜。不過如果想揀個靚位欣賞海景,就要提早預約喔!




餐廳資料:

人均消費: $101-200
地址:愉景灣D’Deck 1 樓101號舖  (Google Map)
OpenRice連結按此



3. 愉景灣交通資訊

愉景灣距離中環只須 25 分鐘航程,小編建議大家由中環坐船出發,只需要 25 分鐘便到達愉景灣。


渡輪班次 

.24小時渡輪服務往返中環及愉景灣   (按此查閱班次表


 區外穿梭巴士班次
 .DB01R - 由愉景灣遊艇徑往返東涌臨時巴士總站,途經愉景灣臨時巴士總站(愉景廣場)
 .DB02A - 往返愉景北商場及香港國際機場
 .DB02R - 往返愉景灣臨時巴士總站(愉景廣場)及香港國際機場
 .DB03P - 往返愉景北商場及欣澳港鐵站
 .DB03R - 往返愉景灣遊艇徑及欣澳港鐵站,途經愉景灣臨時巴士總站(愉景廣場)


區內穿梭巴士班次
  . T4 - 由愉景北商場往返碧濤軒,途經愉景灣臨時巴士總站(愉景廣場)
  . T9 - 由愉景北商場往返蘅欣徑,途經愉景灣臨時巴士總站(愉景廣場)


除咗愉景灣,香港仲有好多地方值得大家探索,有興趣可以睇埋小編寫嘅蒲台島一日遊攻略坪洲一日遊啦!唔知大家睇完呢篇愉景灣好去處介紹,又諗好點樣玩轉愉景灣未呢?覺得未夠喉,就快d睇埋以下呢個 vlog 啦!


閱讀其他文章:


熱門文章




關鍵詞:
香港 【玩轉愉景灣】愉景灣一日遊 2020 | 最齊全愉景灣交通酒店景點介紹  香港   香港   香港