想探索石澳？石澳位於赤柱以東，不單止風景靚，更有唔少隱世好去處。ReUbird 作為屬於香港人嘅玩樂指南，小編今日帶大家遊覽石澳，探索石澳嘅打卡影相好去處、星空攝影、彩色小屋、餐廳 / Cafe、BBQ 場地以及行山好地方！
小編呢篇指南搜羅曬石澳有咩好玩好去好食，務求令你玩轉石澳！
| 石澳交通工具 | 影相打卡位 |
| 餐廳推介 | BBQ 場地 |
| 龍脊行山 | 石澳泳灘 |
0. 石澳交通工具
交通上都十分方便，從筲箕灣直接搭巴士或紅van便可到達。
石澳交通資訊：
- 巴士：從筲箕灣港鐵站 A3 出口出來後，找到附近的巴士總站，可乘搭 9 號大巴前往石澳。
小巴：在筲箕灣 港鐵站 A2 出口乘坐紅色小巴前往石澳。
1. 石澳影相打卡位
石澳村 - 彩色小鎮
於石澳巴士站落車，行到丁字路口左轉便進入石澳村的小巷仔。沿着呢條路就可以見多間色彩繽紛的傳統屋仔、新式樓房，同埋每一戶都將自己間屋打扮得别具一格。
仲有好多屋仔出門都有好多盆栽，好有風格，都適合文青打卡～係咁歐化的石澳彩色鎮影相，點樣影都靚！
石澳有10個影相位，等你影盡歐陸彩色小屋，鍾意影相嘅你千其唔可以錯過！
石澳銀河 - 星空攝影
喜歡攝影的朋友，千其唔好錯過呢一個石澳攝影好去處呀！位於藍色橋隔離的地方，係一個攝影愛好者影星的好地方。小編提提大家，如果想係天清的天氣下拍攝到壯觀的銀河，去之前就要睇下天氣預報先啦，費時白走一趟～
圖片來源：阿三
詳情可參考石澳影星星月亮銀河攻略！
如何前往：
2. 石澳餐廳 / Cafe
Shining Stone - 家庭式西餐廳
石澳就唔係好多西餐廳，呢間餐廳位於石澳小山上。佢的中文名稱叫做昌盛飯店，但其實係一間家庭式的西餐廳。
呢間石澳西餐廳唔係典型西餐廳嘅精緻裝潢，簡簡單單，有d街坊鄰里feel又有得鄉村小餐廳風格，令人感覺好舒服～
入面的美食同間餐廳外表一樣咁吸引人～
餐廳詳情：
營業時間：
- 星期二至五17:00 - 22:30
星期六至日13:00 - 22:30
電話：28092227
地址：石澳石澳村452號 (Google Map)
Openrice 連結：按此
林家園 Lu Lu Shop
林家園位於石澳巴士總站對面和小巴站旁邊， 是遊人的必經之路。牆上貼滿餐牌，任君選擇。
聽聞呢間餐廳都有唔少名人幫襯架！
餐廳詳情：
營業時間：不定
電話：28094423
地址：石澳石澳村742號地下 (Google Map)
3. 石澳BBQ場地推介
石澳藍鷗士多燒烤樂園
如果咁啱想 BBQ 的時候落雨點算呢？原來係石澳有個隱世燒烤樂園，除了自助形式燒烤之外，也提供純粹租爐購炭的選擇。遇上落雨，都提供極大的有蓋空間，仲唔怕中間會滴水。停雨出沙灘玩，落雨又入返去BBQ，出出入入你話事！
食物可以自帶，或者去到俾多少少錢即場買亦可。
店鋪詳情：
營業時間：
- 星期一至五: 需要預約時間
星期六10:00 - 00:00
星期日10:00 - 23:00
電話：28094793
地址：石澳石澳村856號地下 (Google Map)
石澳林明園燒烤場 BBQ 士多
呢間石澳BBQ舖頭提供自助BBQ服務。食物種類方面有牛肉、豬肉、雞肉、羊架、多春魚、各種丸類特別推介羊架，任君選擇～
燒烤價錢都標在門口。
店鋪詳情：
營業時間：09:00 - 01:00
電話：28094880
地址：石澳石澳海灘停車場地下827號舖 (Google Map)
石澳燒烤場 - 免費燒烤爐
如果唔想比錢去租用，又唔係特別多人出去石澳燒烤的話，都可以考慮政府提供的免費燒烤爐。但呢度就冇蓋遮，落雨果陣唔太方便。同埋位置有限，得燒烤爐39個，先到先得，想確保有燒烤爐就要提早過去霸位啦！
開放時間 ：每日24小時開放
查詢電話：2809 4557
4. 石澳休閒好去處
郊遊登山 - 龍脊
龍脊盤據香港島石澳，曾被時代周刊亞洲版選為為亞洲區的「最佳市區遠足徑」，難度亦不算高，非常適合行山新手！週末時候帶上親朋好友一齊上去山上呼吸新鮮空氣，為自己叉叉電啦！
路線：土地灣 --> 打爛埕頂山 --> 龍脊 --> 馬塘坳 --> 大浪灣
需時：3 小時
長度：9.5 公里
難度：2/5分
景觀：3.5/5分
石澳泳灘 - 水清沙幼
香港唔少地方都有泳灘，石澳都唔除外。石澳泳灘水質不差，陽光都好靚，得閒可以同朋友過去曬個太陽都唔錯～呢度都係一個親子好去處，週末的時候唔少家長帶住小朋友過黎玩沙。沙灘附近都有BBQ地點，值得一去！
交通：於巴士站/小巴站一落車便會見到石澳泳灘
唔知大家睇完呢篇石澳攻略之後，有冇搵到適合自己的石澳好去處，開始 plan 定石澳一日遊呢！除咗石澳之外，香港仲有好多隱世地方值得你去探索，有興趣可以睇埋小編為大家預備的坪洲一日遊攻略以及蒲台島攝影打卡、行山攻略啦！
睇完以上介紹覺得唔夠，咁就一定要睇埋呢個 vlog 啦！
閱讀更多：