講到香港最繁華熱鬧、最有地標性嘅地方，中環一定係你嘅第一選擇！
從特色地標到打卡景點，再到美食同放鬆嘅好去處，中環全部有齊曬～啱晒週末放鬆或者帶朋友行個大半日遊。
中環集結咗香港嘅歷史文化同現代感，浪漫約會、文青漫步、行街購物，全部願望都絕對實現到～
今次我哋就為大家整合咗一個中環好去處懶人包，等你可以輕輕鬆鬆Plan定行程，
無論你鍾意刺激活動、文化探索、靚景打卡，定係Spa休閒、地道美食，都一樣滿足晒你！
依篇文將會帶大家深度遊中環：
事不宜遲，即刻帶大家睇第一個中環好去處！
中環好去處｜1. 中環美食推介
中環好去處｜1.1. 鼎點1968
按此預訂即享優惠
喺中環嘅老牌經典港式餐廳「鼎點1968」，一定要試！
自1968年開業以來，呢間餐廳就由兩位經驗豐富嘅港點大師傅黑哥同棠哥創立，專注打造地道嘅點心。
佢哋之前喺幾間知名點心館工作，依家將自己嘅創意同技巧帶到鼎點1968，令每一口都充滿驚喜。
（圖片來源：Klook）
最唔可以錯過嘅就係佢哋嘅蝦餃皇，皮薄透亮，裡面嘅蝦仁新鮮又彈牙。
仲有黑松露燒賣，香氣撲鼻，黑松露嘅獨特風味令你啖啖都驚喜。
再加上蟹粉小籠包，咬開嘅瞬間，蟹肉嘅鮮味同湯汁瞬間湧出。
（圖片來源：Klook）
除咗經典嘅點心，鼎點1968嘅賽螃蟹春卷同焗叉燒包亦係必試。
賽螃蟹春卷外脆內嫩，口感非常豐富，而焗叉燒包則係外酥內軟，甜而不膩。
（圖片來源：Klook）
中環好去處推介 - 鼎點1968｜詳情
【今日好去處】嚴選香港熱門玩樂景點、活動及盛事推介（不斷更新）
中環好去處｜1.2. Bagels Alley
按此預訂即享優惠
如果你喺中環附近想搵個地方食早餐或者午餐，Bagels Alley就啱晒你。
（圖片來源：Klook）
一入到Bagels Alley，就會見到食物櫃擺滿咗唔同口味嘅貝果，紅菜頭、奇亞籽、罌粟籽等等。
最受歡迎嘅係煙熏牛肉貝果，配埋番茄、酸瓜、瑞士芝士、黃芥末同火箭菜，口感又好又健康。
如果想簡單啲，煙肉貝果或者芝士香煎火腿貝果都好啱，配杯飲品，早餐或者午餐都好合適。
（圖片來源：Klook）
店主仲好有創意，將傳統貝果變成Bagel Chips，呢啲脆片無油又香脆，真係健康零食嘅首選！
（圖片來源：Klook）
中環好去處推介 - Bagels Alley｜詳情
- 地址：中環租庇利街1號喜訊大廈地下A1號舖
- 營業時間：星期一至星期五 08:00-18:00，星期六至星期日 09:00-17:00
- 優惠及預訂：按此預訂即享優惠
中環好去處｜1.3. Café Bar on 8
按此預訂即享優惠
想嘆個精緻嘅下午茶，Café Bar on 8絕對係個好選擇，環境清幽，啱晒同朋友傾偈或者自己放鬆一下。
佢哋嘅下午茶套餐無論係鹹點定甜點都充滿驚喜。
（圖片來源：Klook）
鹹點方面，可以試下烤車打芝士巴馬火腿格仔餅，香脆又滿足，黑松露醬配煙三文魚，味道濃郁，仲有迷你和牛漢堡包，肉質鮮嫩，或者想要輕食啲，可以選擇什錦三明治。
（圖片來源：Klook）
至於甜點，仲有法式杏仁餅、士多啤梨瑞士卷、法式蝴蝶酥、合桃酥同椰汁桃膠燉鮮奶蛋白，無論鍾意食中式定西式都一定有一款啱。
最啱就係搭配一杯即磨咖啡或者精選紅茶。
（圖片來源：Klook）
中環好去處推介 - Café Bar on 8｜詳情
- 地址：香港半山麥當勞道貳號
- 營業時間：星期一至星期日 15:00-17:30
- 優惠及預訂：按此預訂即享優惠
【中環美食 | 17間平價食堂 慢活Café 東歐餐廳 特色下午茶】
中環好去處｜1.4. 鏞記酒家
按此預訂即享優惠
如果你鍾意正宗嘅廣東燒味，鏞記酒家絕對係唔可以錯過嘅地方。
始創於1942年，以祖傳秘製嘅炭燒燒味同正宗粵菜聞名。
佢哋唔單止保存咗香港傳統飲食文化，更加係本地市民同遊客熱捧嘅飲食熱點。
（圖片來源：Klook）
鏞記酒家以「味、藝、情、禮」為精髓。
佢哋保留咗多樣嘅傳統手工粵菜，每一道菜都用心選用優質食材，並用精湛嘅烹調技術炮製出經典美食。
店內堅持誠意待客，提供賓至如歸嘅服務。
（圖片來源：Klook）
特別推介嘅正宗炭燒黑鬃鵝，選用頂級廣東黑鬃鵝，經過祖傳秘方醃製，再用「活火」炭燒，皮香肉嫩，口感多汁。
而蜜汁吊燒鵝掌則係一道五十年代嘅經典名菜，製作過程繁複，入口帶有叉燒嘅甜味，夾雜鵝肝腸嘅油香，層次豐富，真係一試難忘。
（圖片來源：Klook）
中環好去處推介 - 鏞記酒家｜詳情
- 地址：中環威靈頓街32-40號
- 營業時間：星期一至星期日 11:00-23:00
- 優惠及預訂：按此預訂即享優惠
中環好去處｜1.5. 香港美利酒店 - Popinjays
按此預訂即享優惠
Popinjays 係位於美利酒店頂層天台嘅義大利餐廳及酒吧，擁有520平方米嘅環迴露台，非常適合三五知己聚會，觀景打卡，共度歡樂時光。
餐廳提供各式各樣嘅義大利料理、經典雞尾酒、特色烈酒及酒吧小食。
（圖片來源：Klook）
週末到訪Popinjays，可以試下佢哋嘅Disco早午餐，現場DJ輕快嘅音樂將氣氛推向高潮。
可以享用海鮮刺身拼盤，包括生蠔、醃三文魚、美利魚子醬等。
仲可以無限暢享多款傳統意大利家鄉菜式，如醃牛肉沙拉、鱸魚長筆管意大利麵、安格斯西冷牛排等。
（圖片來源：Klook）
即使係繁忙工作日，Popinjays都會令你體驗一場優雅嘅意式美食之旅。
週日午市套餐提供兩道、三道或四道菜嘅奢華選擇，包括藍鰭吞拿魚他他、波士頓龍蝦意大利扁麵、香烤鯖魚及經典提拉米蘇等。
晚市套餐更有生牛肉塔塔搭配魚子醬、香煎北海道帶子、波士頓龍蝦扁意大利粉同M5和牛牛柳。
最後以經典提拉米蘇作結，完美收官。
（圖片來源：Klook）
中環好去處推介 - 香港美利酒店｜Popinjays｜詳情
- 地址：中環 紅棉路22號香港美利酒店26樓
- 營業時間：星期一至星期日 12:00-00:00
- 優惠及預訂：按此預訂即享優惠
中環好去處｜1.6. 蛇王芬
按此預訂即享優惠
如果你想試下香港獨特嘅美食，蛇王芬絕對係必去之地。
餐廳擁有百年歷史，裝潢風格結合現代與傳統，營造出一個舒適嘅用餐環境，感受香港嘅飲食文化。
（圖片來源：Klook）
作為米芝蓮必比登推介食府之一，呢間餐廳以招牌蛇羹聞名，配上一碗米飯。
蛇羹唔單止味道鮮美，仲有豐富嘅藥用價值，成為訪港食客嘅必試項目。
（圖片來源：Klook）
蛇王芬仲有多款滋潤嘅燉湯，真材實料，味道地道，非常適合鍾意品味傳統美食嘅朋友。
（圖片來源：Klook）
中環好去處推介 - 蛇王芬｜詳情
- 地址：中環閣麟街30號地舖
- 營業時間：星期一至星期日 11:00-22:30
- 優惠及預訂：按此預訂即享優惠
中環好去處｜2. 工作坊
中環好去處｜2.1. PMQ A Studio
植物印染工作坊
喺 PMQ A Studio 嘅植物印染工作坊，你可以體驗到一種既有趣又富有啟發性嘅天然印刷技術！
利用回收嘅植物染布，教你點樣保存植物嘅色素同形態，讓你喺創作中享受同大自然接觸嘅樂趣。
參加者可以認識到香港各種唔同嘅植物，仲可以親手體驗天然印染嘅過程，創作出屬於自己嘅獨特染物。
（圖片來源：Klook）
藍曬工作坊
藍曬工作坊帶你體驗一項源於18世紀嘅傳統技術，可以將負片上嘅資料一比一地複印到紙張上。
喺這個工作坊中，可以親手製作屬於自己嘅 T 恤、明信片或布袋等，讓每個創作過程都充滿個人風格。
（圖片來源：Klook）
中環好去處推介 - PMQ A Studio｜詳情
- 地址：中環元創坊鴨巴甸街23號 A座2樓 S204
- 營業時間：星期一至星期日 11:00-19:00
- 優惠及預訂：按此預訂即享優惠
【拍拖好去處】精選13大必玩情侶工作坊推介，令感情迅速升溫！包括情侶戒指、人氣簇絨地毯、烘焙甜品等等
中環好去處｜2.2. PMQ Rcube - 混凝土 x 樹脂流體藝術工作坊
樹脂流體藝術托盤工作坊
喺呢個工作坊中，你可以學習使用樹脂同流體藝術技術，製作出既美麗又實用嘅托盤。
每個托盤都可以成為你屋企獨特嘅藝術品，為家居增添色彩同風格。
（圖片來源：Klook）
DIY時鐘工作坊
設計同製作個性化時鐘，將自己嘅風格融入每一個細節。
透過專業指導，你可以選擇唔同材料、顏色同設計，打造出一個專屬於自己嘅時鐘。
（圖片來源：Klook）
香薰石 + 雙層杯墊工作坊
喺香薰石 + 雙層杯墊工作坊中，參加者將學習如何製作香薰石同雙層杯墊。
了解香薰石嘅製作過程，同時學習設計雙層杯墊嘅技巧。
無論你係想為自己嘅家居添加獨特風格，定係想送出心意滿滿嘅手作禮物，呢個工作坊都好適合！
（圖片來源：Klook）
流體藝術 x 水泥蠟燭工作坊
呢個工作坊讓你體驗到兩種唔同材料結合，學習如何運用流體藝術技術為水泥蠟燭增添色彩同紋理。
（圖片來源：Klook）
流體藝術 x 香薰石 x 乾花藝術工作坊
喺流體藝術 x 香薰石 x 乾花藝術工作坊中，將學習如何運用流體藝術技術，製作香薰石，並結合乾花創作藝術品。
美麗又富有個性，適合送俾親友。
（圖片來源：Klook）
中環好去處推介 - PMQ Rcube｜詳情
- 地址：rcube store, 香港中環元創坊A座3樓S303
- 營業時間：星期一至星期日 12:00-19:00
- 優惠及預訂：按此預訂即享優惠
中環好去處｜2.3. 光影藝術館 THE ORBIT 旋轉畫
旋轉藝術係一種好有創意嘅藝術形式，利用旋轉嘅畫布嚟創造出獨特嘅視覺效果。
喺光影藝術館嘅 THE ORBIT 旋轉畫工作坊，參加者可以向專業講師學習多種繪畫技巧，包括色塊、雨滴同環嘅應用，幫你完成心目中嘅藝術作品。
（圖片來源：Klook）
旋轉嘅力量會帶來驚喜感，令每次創作都充滿新鮮感。
喺水平安裝嘅旋轉畫布上塗抹顏料，你可以創作出屬於自己嘅旋轉藝術作品。
（圖片來源：Klook）
整個過程唔單止好玩，仲可以有效舒緩壓力，令你身心都獲得滿足。
快啲嚟參加呢個獨特嘅工作坊，探索旋轉藝術嘅魅力，享受創作嘅樂趣啦！
（圖片來源：Klook）
中環好去處推介 - 光影藝術館｜詳情
- 地址：銅鑼灣勿地臣街 1 號時代廣場 8 樓 832-833 號鋪
- 營業時間：星期一至星期日 12:00-20:00
- 優惠及預訂：按此預訂即享優惠
香港仲有好多好有趣嘅工作坊，想睇多啲唔同嘅工作坊即刻去睇吓啦～
中環好去處｜3. Spa
中環好去處｜3.1. Beauty Forever - 水療美容體驗
Beauty Forever 提供一站式美容服務品牌，包括Spa、面部護理、按摩以及身體護理。
（圖片來源：Klook）
推薦項目：泰式草球按摩+經典全身按摩
呢個組合療程可以付身體得到舒緩，泰式草球按摩以草球按摩配合特殊嘅技巧以及壓力，香草藥球含有14種A級平衡草藥配方。
（圖片來源：Klook）
加熱後，會釋放出精華油，滲入皮膚，舒緩肌肉結締組織，使身體關節活動更靈活，同時減輕肌肉痛楚，並改善血液循環。
經典全身按摩則係使用純天然嘅香薰油進行身體按摩。
可以舒緩情緒，安撫身心，緩解肌肉緊張同疼痛，有效改善失眠同水腫問題。
（圖片來源：Klook）
- 地址：中環干諾道中15-18號大昌大廈10樓全層
- 營業時間：星期一至五 11:00-21:00，星期日 / 六 / 公眾假期 10:00-19:00
- 優惠及預訂：按此預訂即享優惠
中環好去處｜3.2. 雁月中醫綜合中心 - 養生中泰按摩及Spa體驗
雁月中醫綜合中心提供一站式中醫服務同按摩護理，結合泰式按摩穴位理學同中醫學嘅精髓。
擁有頂尖嘅理療團隊，包括精選泰籍以及本地師傅，精心設計咗各系列唔同嘅護理療法，以迎合唔同人需求。
（圖片來源：Klook）
推薦項目：皇牌氣穴刮痧 + 人手按摩 + 泥艾療法
佢哋皇牌療程係氣穴刮痧結合人手按摩同泥艾療法，通過刺激皮膚表面嘅神經末梢以及毛細血管。
（圖片來源：Klook）
可以改善局部血液循環同淋巴循環，促進身體嘅代謝同排毒，有以下功效：
舒筋活絡，改善肌肉酸痛：刮痧療法能夠通過刺激穴位同局部組織，促進血液循環，舒緩肌肉緊張同酸痛感。
疏通膀胱經，去濕去寒去毒：刮痧療法在刺激相應穴位時，可以促進膀胱經嘅流動，幫助身體排除多餘水分、濕氣同毒素。
（圖片來源：Klook）
唔單止提升血液循環，加快新陳代謝；刮痧療法嘅刺激可以擴張局部血管，增加血液供應。
有助提供足夠嘅營養同氧氣給組織，同時幫助排出代謝產物同廢物。
（圖片來源：Klook）
中環好去處推介 - 雁月中醫綜合中心｜詳情
- 地址：中環德輔道中19號 環球大廈9樓905A室
- 營業時間：星期一至五 12:00-21:00，星期六 10:00 - 19:00
- 優惠及預訂：按此預訂即享優惠
中環好去處｜3.3. Natural Thai - SPA & Massage
Natural Thai係由泰國引入香港嘅水療中心，致力提供最正宗、地道嘅泰國按摩同水療體驗。
專業資深泰國師傅經過全方位嘅按摩同草本治療培訓，為客人提供最正宗嘅泰式按摩。
（圖片來源：Klook）
由資深泰籍按摩師主理，以專業手法放鬆肌肉，並按照經絡穴道進行按摩。
可以放鬆筋肌，疏通經絡循環，完全釋放壓力，有效舒展緊繃同肌肉。
（圖片來源：Klook）
亦有使用泰國草本精油，利用熱力將成分滲透到深層肌肉中。
可以促進血液循環，改善體寒，消除深層疲勞。
（圖片來源：Klook）
中環好去處推介 - Natural Thai - SPA & Massage｜詳情
- 地址：中環威靈頓街98號翡翠中心13樓
- 營業時間：星期一至四、日 12:00-22:00，星期五及六12:00-23:00
- 優惠及預訂：按此預訂即享優惠
中環好去處｜3.4. Elu. Spa
Elu. Spa係專注於按摩同美容體驗嘅水療中心。
佢哋提供香薰按摩同玉石面部護理等服務，旨在為客人提供終極嘅呵護體驗。
Elu喺愛沙尼亞語中解釋為「生活」，象徵著生活應該與日常壓力無關，而是一種享受。
（圖片來源：Klook）
Elu. Spa只會使用來自頂級品牌如Aromatherapy Associates同Eminence嘅天然精油同有機護膚產品。
提供咗十二種由天然植物同花卉配製而成嘅精油比客人選擇，每款都有獨特嘅異國氣味，並有強大身心治療嘅功效。
（圖片來源：Klook）
佢哋為客人提供舒適環境，貼心接待服務，多種按摩服務。
每位客人都可以挑選最適合自己嘅服務，享受最細緻嘅按摩準備，仲可以喺全身浴中放鬆身心。
（圖片來源：Klook）
中環好去處推介 - Elu SPA｜詳情
- 地址：中環擺花街46號中晶商業大廈7樓
- 營業時間：星期一至日 11:00-20:00
- 優惠及預訂：按此預訂即享優惠
中環好去處｜4. Party Room
中環好去處｜4.1. SPACO LUX Central
SPACO LUX Central 提供全自助式服務，你同朋友可以喺無職員打擾嘅情況下，盡情享受。
場地嘅設計溫馨舒適，令每位客人感受到放鬆嘅氛圍。
（圖片來源：Reubird）
700平方呎嘅空間最高可容納30人，非常適合小型聚會，如生日派對、家庭聚餐或公司小型慶祝活動。
你可以喺度享用Shisha，為派對增添輕鬆嘅感覺。
場內設有Nintendo Switch，可以一齊玩遊戲，重設有唱K設備，可以一齊高歌一曲。
（圖片來源：Reubird）
此外，仲設有麻雀桌同Poker桌，同時，都提供多種桌遊，唔同年齡層嘅客人都可以搵到適合自己嘅娛樂方式。
（圖片來源：Reubird）
中環好去處推介 - SPACO LUX Central｜詳情
- 地址：中環德己立街20A號
- 優惠及預訂：按此預訂即享優惠
雖然中環區嘅partyroom選擇唔多，但只要搭10分鐘地鐵，去到灣仔銅鑼區都一樣玩到啦！
中環好去處｜4.2. POP IN
想搵一個獨特又充滿格調的派對場地， POP In 絕對係你嘅首選！
POP In 以優雅的法式風格裝修，無論係生日派對、求婚定百日宴，場地內多個靚靚影相位，保證令每位賓客都能拍出靚靚回憶。
室外露台花園可以等客人享受清新戶外氛圍，感受愉悅同放鬆。專業Disco級燈光幫你營造熱烈派對氛圍，等每個瞬間都充滿活力。
你仲可以選擇廚房煮食、BBQ燒烤，或者網上叫到會，讓每位賓客都能享受美味佳餚！而且場內設有獨立洗手間，方便又衛生。
無論你係想舉辦大型活動，定係想享受親友聚會，POP In都能讓你的派對成為難忘的回憶！
快啲約埋朋友，一齊享受～
現經ReUbird 網上預訂平台發出場地查詢即享優惠：滿30人以上享有95折優惠及無酒精飲品任飲，1分鐘就搞掂！
中環好去處推介 - POP IN｜詳情
- 預訂方式及地址：按此
- 營業時間：24小時營業
- 前往方式：灣仔地鐵站A1出口轉右直行100 米，1-2分鐘即到
中環好去處｜4.3. 2nd Last Party - 銅鑼灣廣東歌主題Party Room
如果你想搵一個適合朋友聚會嘅地方，2nd Last Party絕對係首選！
呢間800呎嘅落場地，遊樂設備應有盡有，仲有超過30款必玩嘅Board Game，真係玩到你唔想返屋企！
Signature嘅「廣東歌詞風格燈」，絕對係打卡熱點，無論拍照定係錄影，保證令你嘅ig吸引眼球！
無論你係想同朋友聚會盡情玩樂，定係中環地區逛街累咗想歇腳，呢度都係一個完美嘅選擇。快啲約埋朋友一齊去享受呢份歡樂時光啦！
中環好去處推介 - 2nd Last Party｜詳情
- 預訂方式及地址：按此
- 營業時間：24小時營業
- 前往方式：港鐵銅鑼灣站 C 出口
【港島區Party Room 2025】低至9折！各種主題/大型/小型港島Party Room推介！
中環好去處｜5. 打卡影相
中環好去處｜5.1. 中環海濱摩天輪
中環好去處｜5.2. 大館
大館係由前中區警署建築群改建活化而成，裏面包括三項法定古蹟：前中區警署、中央裁判司署同埋域多利監獄。
呢啲建築有著後維多利亞式同愛德華式風格，真係每個角落都係打卡熱點！
（圖片來源：大館）
經過活化之後，大館有唔少餐廳、酒吧、歷史展覽、美術館同小店，提供各種生活休閒娛樂。
你仲可以去域多利監獄，睇睇以前嘅監獄囚室，了解香港當時嘅歷史。
大館不時會舉辦文化活動、工作坊、藝術節目等等，仲可以參加導賞團，探索呢個逾170年歷史嘅古蹟！
（圖片來源：大館）
中環好去處推介 - 大館｜詳情
- 地址：香港中環荷李活道10號
- 營業時間：星期一至日 11:00-19:00
中環好去處｜5.3. 中環街市
中環街市擁有逾80年歷史，係香港歷史建築文化嘅一部分，見證咗城市嘅變遷。
經過活化之後，中環街市融合咗本地生活品牌、酒吧餐廳、掃街小食同藝術展覽，變成咗中環嘅新景點！
（圖片來源：中環街市）
街市保留咗好多舊街市嘅風光，好似水磨石主樓梯、室外庭院、復古街市紅燈同牆上嘅舊標語，全部都係打卡熱點。
如果你想體驗本地文化同美食，中環街市真係一個唔可以錯過嘅地方！
（圖片來源：中環街市）
中環好去處推介 - 中環街市｜詳情
- 地址：中環皇后大道中93號及德輔道中80號
- 營業時間：星期一至日 10:00 - 22:00
中環好去處｜6. 運動
中環好去處｜6.1. Coco & the Sun - 塑形健身班
Coco & the Sun嘅健身班有三款運動，包括高強度有氧、普拉提同Barre。
三位教練Coco、Nat同Kengie會用三種語言教學，保證你有個特別嘅運動體驗。
（圖片來源：Klook）
全身塑形課程專注鍛鍊手臂、大腿、臀部同腹部，透過高次數低衝擊嘅動作，幫你雕塑線條，燃燒肌肉。
高強度有氧 + 普拉提則先進行高強度運動，再做普拉提，幫你強化核心，改善姿勢。
Barre運動結合咗芭蕾、普拉提同瑜伽，使用彈力球同啞鈴，有效鍛鍊全身肌群。
（圖片來源：Klook）
中環好去處推介 - Coco & the Sun - 塑形健身班｜詳情
- 地址：上環皇后大道中361號 南島商業大廈18樓
- 營業時間：星期一、三、四 12:00 - 20:30及星期六 11:00-13:00
- 優惠及預訂：按此預訂即享優惠
中環好去處｜7. 夜晚消遺篇
通常行完街食完飯，都會想同朋友傾多陣計唔想返屋企住，或者想chill陣先返屋企，
小編就介紹你幾間收得夜啲嘅糖水舖同Bar，等你同朋友玩得盡興啲啦～
中環好去處｜7.1. Shari Shari Kakigori House 氷屋 (奧卑利街)
如果你喺中環想搵一間人氣打卡甜品店，Shari Shari 氷屋絕對係一個唔可以錯過嘅好地方！
呢間店由日籍北海道老闆主理，佢哋主打用純淨日本水製作嘅刨冰，口感滑順，仲不時推出期間限定新口味，真係吸引到唔得了！
（圖片來源：openrice）
經典口味芒果椰子配白玉係夏天嘅完美選擇，啖啖都有清新嘅芒果香甜，口感極為綿密，冇大粒冰，入口即溶，簡直係消暑神器！
（圖片來源：openrice）
伯爵奶茶配白玉 Oreo都好出色，伯爵奶茶唔會太甜，裡面有香脆餅乾碎同牛乳奶凍，仲有咬口同豐富層次。
就算咁大份量，食到最底依然有味，真係好食得停唔落口！
中環好去處推介 - Shari Shari Kakigori House 氷屋 (奧卑利街)｜詳情
- 地址：中環奧卑利街11號地舖
- 營業時間：星期一至四 13:00 – 22:30、星期五至六 13:00 – 23:00、星期日 13:00 – 22:30
中環好去處｜7.2. Le Jardin à Soho
Le Jardin à Soho 呢間主打多國菜嘅餐廳，酒同甜品都好出色，絕對值得一試～
樓高兩層，以湖水綠為主色調，搭配小植物裝飾，整體感覺古典優雅。
（圖片來源：openrice）
無論係作為café定酒吧，呢個地方都非常適合三五知己聚會，仲有昏暗有情調嘅氛圍，特別適合情侶或小團體聚會～
開心果熔岩班戟配雪糕份量好大，班戟質感厚實綿密，食落去鬆軟又有彈性。開心果醬同雪糕香濃郁撲鼻，冰火交織，食落超滿足！
（圖片來源：openrice）
烏龍茶cocktial清新有層次，口齒留香，餘韻十足～
中環好去處推介 - Le Jardin à Soho｜詳情
- 地址：中環士丹頓街36-36B號地下E號舖
- 營業時間：星期二至三 12:00 – 22:00、星期四至六 12:00 – 02:00、星期日 12:00 – 22:00
香港雖然地方唔大，但係好玩好食既地方真係唔少架～
其他 ReUbird 小編s 知道大家好鍾意周圍探索有咩好玩好食，所以都準備咗整個香港好去處攻略 + 室內玩樂活動攻略 比大家參考下，等大家可以計劃一個完美聚會或拍拖日～
想知更多各區好去處推介，睇下以下嘅blog啦：