×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【西環好去處】西環行程懶人包 | 西環文青打卡 | 西環美食 2020
ReUbird 活動雜誌   #拍拖好去處 #18區好去處 #影相好去處 #美食 #18區美食 #親子好去處 #野餐
【西環好去處】西環行程懶人包 | 西環文青打卡 | 西環美食 2020

等小編帶你遊西環!


by Kayan

📷Travel |🐾Photography


出街玩想要新靈感?
全港18區好玩好食好去處推介,盡在ReUbird!

西環,又稱西區,英文名叫West Point,係香港的地名,指香港島西部,,包括西營盤、石塘咀和堅尼地城等地。所以,其實西環都幾大,想係度玩一日都無難度。今日就等小編帶你遊西環,無論你係行文青路線,定係吃貨路線,都可以探索到不一樣的西環!

以下將會為你介紹如何遊西環:

文青路線

吃貨路線

悠閒親子路線


一、文青路線:各類西環文青景點、打卡地點

第一站:坐電車去西環

如果你係一個文青,黎到港島區,梗係要試下呢度獨有的電車,感受一下慢活的節奏。係港島區,由筲箕灣到堅尼地城之間有各種唔同的電車來回行駛,只要睇清楚行駛方向,隨便踏上一架叮叮就可以坐到西環。非繁忙的時間,其實電車人流不會太多,仲可以趁人少果陣係叮叮上影幾張菲林相,即刻唔同曬D feel~


西環區D建築大多都比較舊,坐住叮叮望向出邊,可以感受到舊時香港的感覺。



第二站:西環貨櫃碼頭 Instagram Pier

講起西環的文青好去處,不得不提呢個Instagram大熱的西環景點:Instagram Pier(西區公眾貨物裝卸區)。呢個西環貨櫃碼頭被譽為香港天空之鏡,除了係睇日落的絕佳地點之外,唔少電影及MV都曾到Instagram Pier取景。而每逢假日,都有好多人慕名而來影相打卡,出名程度連國家地理雜誌都有報道。週未拍拖或者係影畢相既文青就更加唔好錯過呢個景點啦!


好天的日子,可以係呢度吹下海風睇日落。更有唔少人會帶著寵物黎散步,十分休閒。


每逢下雨過後,碼頭路面會有積水,形成香港版「天空之鏡」,「鏡面」可倒影出維港海岸和天空,令人難忘。大家可以安排好時間,等下雨過後到西環貨運碼頭|一睹這塊城市中的「天空之鏡」。


夜晚的時候,天黑的西環碼頭都別有一番風味,都係一個食完飯散步的好去處。

在《春嬌救志明》中,志明跟一眾老友到裝卸區美其名放狗。


如何前往:

電車:於屈地街電車站下車,步行約5分鐘。

地鐵:香港大學站 B2 出口,步行大概 10 分鐘。

Google map : 按此


第三站:堅尼地城文青cafe Arabica

去完人氣景點西環碼頭,都要抖抖先。係呢個時候,不妨坐低飲杯咖啡嘆一嘆~作為文青,梗係要去返D文青小小的cafe啦!今次小編就推介呢間位於堅尼地城海旁的人氣文青cafe!Cafe以白色簡約風設計為主,更設落地玻璃讓邊歎住咖啡,邊飽覽維港海景,日落時分還可以欣賞夕陽西斜的風景。


%Arabica西環分店以白色簡約風設計為主,還特別設計有落地玻璃,方便大家一覽無遺地欣賞維港海景。


望住無敵大海景歎住咖啡,特別寫意。


地址:堅尼地城爹核士街1號裕福大廈地下G04號舖 (Google map)
營業時間:星期一至日9am - 7pm
電話:2326 4578


係堅尼地城海旁飲完咖啡休息完,就可以出發去下一站,繼續探索西環!呢個係Instagram上面走紅的西環鐘聲泳棚,一定係文青必去的西環地點!遼闊海景配上礁岩、浪花、藍天與夕陽,成為絕美文青打卡點。


時常有唔少人到西環泳棚影相。


不過因為西環鐘聲泳棚位在香港島的最西邊,所以交通方式唔係要搭公車就係需要步行先可以到達。

西環鐘聲泳棚交通方式:
方法一:地鐵 + 步行
搭乘港鐵港島線至終點站【堅尼地城】C出口,沿科士街、加多近街、域多利道,
行經廢料轉運站後直行,可達西環鐘聲泳棚入口,步行約需15~20分鐘。

方法二:地鐵 + 巴士
搭乘港鐵港島線至終點站【堅尼地城】站A出口小巴士總站,搭54、58、59號綠色巴士,
至「摩星嶺明愛賽馬會宿舍」站下車,下車後往回走一點即可達西環鐘聲泳棚入口。


二、吃貨路線

以及西環多餐廳多美食,無論係貴價餐廳或者係平民店都有好多選擇。如果周末想係西環chill住食個午餐的話,有咩好推介?等小編為你介紹西環local人同遊客都愛去的熱門餐廳!

1. Bistronomique - 法式餐廳

呢間位於堅尼地城海旁的餐廳,曾經獲「2014年度米芝蓮車胎人美食」,係一間法式小餐廳!雖然細細間,但都有兩層及戶外位置,帶住狗仔都可以去!如果淨係想飲杯酒或咖啡的話,餐廳出面都有一個小平台位置比大家坐。


價錢不算太貴,中午約百幾元一個人。

電話:2818 8266

地址:西環堅尼地城爹核士街1號裕福大廈地下1號舖 (Google map)

OpenRice連結:按此


2.Little Creatures - 澳洲手工啤酒

這間堅尼地城餐廳都好大,單看門面窄窄地以為位置不多,入去之後先發現餐廳空間好大,樓底高,仲有好多大型釀啤酒裝備。



Little Creatures是澳洲來的一間餐廳,主打各式各樣的啤酒,大家如愛飲啤酒可以來點一個Beer Tasting Paddle,有6款100ml啤酒比你飲。

電話:2833 5611
地址:西環堅尼地城堅彌地城新海旁2-5A號五福大廈地下1號舖  (Google map)
OpenRice連結:按此


3. CATCH.

呢間西環餐廳,雖然唔似上面果幾間有海景,不過依然滿座,以外國人居多。門口果幾張檯都可以帶埋狗仔去添!



餐廳入面裝潢簡單又精緻,比人煥然一新的感覺。影相都好有文青feel~

電話:2855 1289
地址:西環堅尼地城吉席街95號地舖   (Google map)
OpenRice連結:按此


4.Gastrobox The Union

西環西餐廳,裝橫十分有格調,昏暗的環境令人有個放鬆的用餐環境~ 樓梯用屏風隔開餐區,保留神秘又增加私隱度。

覺得食物質素不錯,有不同食物揀~

電話:28728880
地址:西環堅尼地城卑路乍街150號加多近山地下1號舖  (Google map)
OpenRice連結:按此


三、悠閒親子路線

如果你屋企有小朋友,又想同小朋友係假日去西環玩下,以下就係西環的親子好去處啦!

第一站:中山紀念公園

位於香港西營盤海傍中山紀念公園,係一個假期親子好去處。


公園中間有一個超大圓形草地,係野餐好去處,假日同家人帶來野餐籃、野餐布,係孫中山像下食一個自家製afternoon tea,於中山紀念公園簡簡單單享受一個悠閒下午,so relaxing!小朋友仲可以係草坪上做親子體能活動、吹波波,真係一個親子好去處!


在旁則設有兒童遊樂場,適合好動的家庭作為親子好去處。





地址:香港西營盤東邊街北 (Google map)
 開放時間:全日24小時
 費用:全免


第二站:海中心公園 - 完美海景遊樂場

去完中山紀念公園,如果都仲唔夠癮,就可以去下呢個位於中西區海濱長廊-西區副食品批發市場段的「海中心公園」啦!海中心公園免費開放,大家又可以多一個親子休閒好去處啦!呢度有一個木船風格遊樂場,面對無敵維港海景,超正!仲有唔少打卡景點,啱曬一家人係度影親子合照!



西環海中心公園細分成四個小區域,包括海洋主題遊樂場、垂釣區、休息草地以及藝文空間。

由於呢度都係近年先開放,設施亦較新淨,較為特別。以及設有育嬰室及廁所,方便帶小朋友去玩樂!


地址:西區副食品批發市場鄰近西環貨物碼頭 (Google map)

開放時間:全日24小時
費用:全免


親子活動唔一定係要去遊樂場玩,都可以係帶小朋友參觀大學,感受書香氣氛。香港大約位於西環,學校入面都有唔少展館開放比公眾,大家可以趁住假日帶住小朋友一齊去。

本部大樓  - 該校最古老的建築物,於1912年落成


馮平山樓的美術博物館 :美術館向公眾開放,家長可以帶著小朋友去欣賞唔同美術作品。


許士芬地質館


大學係承載知識的地方,非常適合家長帶小朋友去感受一下書卷氣氛,係一個別具意義的親子活動~



小貼士:
 保持安靜,切勿大聲喧嘩
 家長可以帶小朋友去香港大學的飯堂試試25塊的全餐
 坐地鐵就可以直接進入香港大學內,不必開車


睇完呢篇西環懶人包,相信無論你係文青、吃貨、定係想搵西環親子好去處的家長,都搵到自己心目中的西環好去處啦!


熱門文章




關鍵詞:
香港 【西環好去處】西環行程懶人包 | 西環文青打卡 | 西環美食 2020  香港   香港   香港