Whatsapp Share Whatsapp Share
×
搵活動 夾時間神器 關於我們 到會美食 玩樂雜誌 登入 註冊
×
搵活動 夾時間神器 關於我們 到會美食 玩樂雜誌 登入 註冊
×
 Hong Kong hk 香港 玩樂雜誌 【灣仔好去處】灣仔必去地方、懷舊古蹟及悠閒Cafe推介
ReUbird 活動雜誌   #拍拖好去處 #打卡好去處 #懶人包 #美食
【灣仔好去處】灣仔必去地方、懷舊古蹟及悠閒Cafe推介

灣仔未必係拍拖去街既熱門地,但其實隱藏左唔少不為人知既灣仔好去處。


by Wing Yi

📷Photography | 🌈Travel | 🎤K-Culture | 🥞Foodie


遊走於灣仔,一邊係轟立既摩天大厦,一街之隔,另一邊卻有唔少擁有香港開埠舊貌既古蹟群,展現出灣仔新舊交會既獨特面貌。小編為你推介灣仔唯美打卡位、懷舊及悠閒好去處,展開探索灣仔獨特之旅!




小編會帶大家遊走整個灣仔,睇下有咩值得去既灣仔好去處啦,發掘既古蹟、唯美打卡位、懷舊及悠閒好去處!


古蹟好去處打卡好去處悠閒 Cafe 好去處


事不宜遲,即刻開始介紹!


1. 灣仔古蹟好去處

港英殖民時代,灣仔係華人主要聚居地,亦係開埠早年發展既地區之一,印證左香港既繁榮發展史。因此,灣仔座立左唔少戰前時代既建築遺物。可惜面對舊區老化問題,好多昔日舊建築最終難逃被清拆既厄運,逐發展成為主要商業區。


僅餘既歷史建築,實在十分值得我地去觀賞同保育。仲唔快啲跟住我一齊尋找躲藏於灣仔某個角落裹既舊香港風光!


藍屋建築群

灣仔既藍屋建築群以三座相鄰既建築物所組成:藍屋、黃屋及橙屋,因被漆上鮮藍、鮮黃、鮮橙色既外牆而命名。鮮豔搶眼既外形令藍屋建築群成為文青打卡好去處。



三幢裏最著名既「藍屋」,為灣仔華陀醫院舊址,被列入一級香港歷史建築。經改建後變為樓高4層既唐樓,唐樓亦有一百年歷史,一代代承傳著鄰里之情。漫遊灣仔既藍屋建築群之中,踏足係呢個温情滿溢既灣仔小社區,感受一下香港今昔既人與情。



相片來源:賞想


至今仍然係住客既居所,因此大家到灣仔藍屋建築群既時候,記住保持安靜,唔好滋擾到住居啊。


詳情

地址:

  • 灣仔石水渠街72、72A、74、74A號(藍屋)
  • 慶雲街2、4、6、8號(黃屋)
  • 景星街8號(橙屋)


前往方法:從港鐵灣仔站A3出口,沿太原街到皇后大道東,再轉入石水渠街。

電話:+852 2117 5843

更多資訊,可瀏覽香港故事館



The Pawn (和昌大押)



位於灣仔莊士頓道既和昌大押,樓高四層既百年古蹟,前身係當舖,以長廊式陽臺將四幢舊式唐樓連成一排。呢種陽臺喺香港十分罕見,因此成為香港二級歷史建築,亦係感受歷史既好去處。



相片來源:The Pawn 官方 Twitter


活化後建築仍保留著老香港情懷,但內部變為英式酒吧及食肆,喺唐樓裏既酒吧嚼一杯,的確別有一番風味。



當舖遷至大王東街既地舖繼續經業,但舊舖亦保留原貌,成為眾潮男潮女既打卡好去處。


相片來源:背包客棧

地址:香港島灣仔莊士敦道62號

前往方法:港鐵灣仔站B1出口,沿修頓遊樂場步行至莊士敦道。

電話:+852 2866 3444

更多資訊,可瀏覧 thepawn.com


2. 打卡好去處

去到灣仔遊玩,影輯靚相當然係十分重要!以下將會介紹幾個灣仔打卡好去處,拍下你既歡樂時刻!


日月星街:放慢步伐,細味生活

想行下文青小巷?呢個以日街、月街、星街所組成既星街小區就啱晒你!


相片來源:style-tips.com


喺小區裏漫步,經過別具風格既咖啡店、酒吧,喺店舖裏小歇片刻,再到附近既壁畫牆打下卡,真係好寫意啊!



相片來源:Ted'sLookOut Fb專頁



相片來源:style-tips.com



相片來源:getready


呢座特色建築物位於三條街既交界處,帶來嶄新視覺效果。行近啲睇,發現佢竟然係一座垃圾站!咁具時尚感既垃圾站,真係第一次見!



相片來源:ManClub


地址:灣仔日街、月街、星街

前往方法:港鐵金鐘站F出口,沿太古廣場三座的人行地下道即可到達。

官網:請按此


港灣消防局:當消防局遇上本土創意

座落於灣仔港灣道既港灣消防局,原本只係眾多既消防局之一,矛人專業、嚴肅既形象。但近日呢間消防局成為左唔少人既打卡好去處,全因鮮紅色閘門上既字體變化多怪。五道閘門上由五位本地計設師,設計出五種中英文字體,帶來創新美感,同時展現香港雙語特色。



小編最中意呢款字體,可愛既風格同閘門造成對比,令人感到格外親切,打破我地對消防員嚴肅既刻板印象!


但打卡之餘,切記要同閘門保持距離,唔好阻礙消防局既日常運作啊!


相片來源:號外City Magazine

地址:香港灣仔港灣道14號


設計係「#ddHK設計#香港地」既項目之一,想知更多,可瀏覧#ddHK設計#香港地


3. 悠閒好去處 

置身灣仔鬧市中既小角落,拋開煩惱,靜靜地嘆杯咖啡,洗滌一下心靈,實在係一種小確幸。


BAKE HOUSE

行過灣仔大王東街,濃濃既麵包香氣撲鼻而來,牽引我地來到BakeHouse。呢間灣仔知名既烘培工房,由四季酒店星級餅廚Gregoire Michaud帶領,吸引唔少食客。店內大約有十張枱,經常座無虛席。



不時會見到佢親手烤製麵包,享用食物既同時可以一睹烤製過程。





又香又鬆軟既牛角包係店舖既代表性既食物,真係望到流晒口水。



相片來源:BakeHouse Fb專頁


營業時間:

  • 星期一至五 08:00 - 19:00(堂食時間17:00完結)
  • 星期六日及公眾假期 09:00 - 17:00

地址:灣仔大王東街14號地舖

前往方法:港鐵灣仔站 B2 出口, 步行約4分鐘

官網:請按此



ODD ONE OUT:灣仔藝術小淨土



喺既熱鬧既灣仔,尋找一間環境清幽既Cafe未必係件易事。而位於灣仔聖佛蘭士街既Odd One Out,就係難得一見既gallery cafe,四周十分寧靜,絕對係心靈放空好去處。



相片來源:OddOneOut Fb專頁


喺呢間小店裏,你可以揾到本地及外國藝術家既藝術品同畫作,最平只係百幾蚊!即使唔買畫作,都可以喺店裏坐低,一邊欣賞精妙既藝術品,一邊飲用暖烘烘既咖啡,享受呢份閒情雅緻。


詳情

地址:灣仔聖佛蘭士街14號

營業時間:

  • 星期一 closed
  • 星期二至六 12:00 - 19:30
  • 星期日及公眾假期 12:00 - 19:00

電話:+852 2529 3955

官網:請按此


睇咗咁多灣仔好去處,仲係覺得意猶未盡?或者可以睇埋以下片段,探究灣仔既文化與歷史~


探索更多:

【觀塘好去處推介】吃喝玩樂打卡購物盡在觀塘

【銅鑼灣美食】搵食攻略:最齊全的銅鑼灣餐廳推介

【IG影相好去處】6個香港攝影打卡好去處(具體打卡位介紹)


熱門文章




關鍵詞:
香港 【灣仔好去處】灣仔必去地方、懷舊古蹟及悠閒Cafe推介  香港   香港   香港