【暑假好去處精選】 平靚正 玩盡香港鮮為人知嘅角落！

暑假好去處｜5. TMT 大尾篤：夏日限定 4 萬呎恐龍主題水樂園

立即購票

位於大尾篤嘅「繁星燒烤」，今個夏天化身 4 萬呎恐龍主題水樂園，啱晒帶小朋友去放電消暑！

場地設有五大水上主題區，包括「恐龍的奇幻樂園」、「海盜船」等主題水池多個充氣水池，設有多個唔同高度嘅充氣滑梯、船池、爬爬池等，仲有「迷宮障礙區」及多個互動遊戲區俾小朋友挑戰，設施非常多樣化！

 同時，現場更會有小朋友最愛嘅泡泡大戰！水池會不定期噴出綿密泡泡，小朋友可以喺泡泡同水花中盡情嬉戲，玩足全日～

 玩到肚餓都唔使擔心，樂園提供輕食甜品放題，有撈冷麵、燒賣魚蛋等熱食，各式麵包如牛角酥、蛋撻、窩夫。甜品選擇非常多，有各式蛋糕、甜甜圈，仲有消暑必食嘅自助刨冰！

暑假好去處｜TMT 大尾篤 恐龍主題水樂園

• 票價及預訂：按此預訂即享優惠
• 活動日期：2026年6月13日至9月13日
• 活動地點：大尾篤汀角路202號

暑假好去處｜6. 海上魚排釣魚 + 獨木舟

立即優惠預訂

講到夏天嘅水上活動，又點少得獨木舟？唔好睇香港地方細，其實都有唔少地方可以玩獨木舟兼睇靚景！

位於新界東北嘅香港國家地質公園「大埔馬屎洲」就推出咗「地質公園 + 海上魚排釣魚 + 獨木舟」體驗，由三門仔出發坐船入去，沿途欣賞獨一無二嘅地質景觀，一睹形貌各異嘅沉積岩及斷層等獨特地貌，更可以登岸馬屎洲連島沙州遊覽及打卡。

 地質公園園附近海域設有漁排及遊艇，大家可以體驗漁排垂釣，玩獨木舟、直立板、遊艇滑梯、海上浮毯等一系列海上設施玩樂，好適合約埋朋友一齊去玩下！

暑假好去處｜大埔馬屎洲海岸地質公園：海上魚排釣魚 + 獨木舟

• 價錢及預訂詳情：按此預訂即享優惠

暑假好去處｜7. 西貢綠蛋島 浮潛 + 獨木舟

立即優惠預訂

原來香港都有得玩浮潛！西貢綠蛋島水清沙幼，有「香港沖繩島」之稱，向來都係玩獨木舟同嘅浮潛熱點！

現時推出咗體驗一天團，帶你使用獨木舟或直立板從小坑口出發前往綠蛋島，並於綠蛋島打卡及浮潛～ 全程有導遊教練帶住，課程包埋救生衣、獨木舟、槳，亦可以租借浮潛鏡，唔使自己買裝備。

建議攜帶物品：

• 水 (1公升)/食物 (飯團,麵包,生果等輕便容易吸收)
• 請穿長袖泳衣/手套 (女士們想影靚相可以去到島先除左件長袖，其餘時間最好着番保護皮膚)
• 防水袋 (保護貴重財物電話，食物)
• 毛巾 (到沙灘上水可以抹身)
• 防曬用品/防曬帽
• 風衣/更換衣物
• 浮潛裝備 (提供租借鏡)
• 上水上運動鞋 (切勿着「拖鞋，涼鞋」腳趾腳踭不應外露以免被岸上的貝殼或玻璃碎弄傷)

暑假好去處｜西貢綠蛋島 浮潛 + 獨木舟

• 價錢及預訂詳情：按此預訂即享優惠

暑假好去處｜8. 夜釣墨魚

立即優惠預訂

每年 5 月到 8 月都係夜釣墨魚嘅好時機，呢段時間海水回暖，墨魚會較易浮上水面，所以成功釣到嘅機會都高啲。

想試吓夜釣墨魚，參加包船出海嘅墨魚團就幾方便。市區碼頭上落，交通夠晒方便，而且一個價錢已經包埋游艇出海、夜游維港同釣墨魚體驗，啱哂想輕鬆玩一晚嘅人。

最正係，釣完嘅墨魚可以自己帶走，想返屋企慢慢整都得。

如果唔想自己煮，船家仲可以即場幫手烹調，釣完即食都一樣咁滿足。 

暑期好去處｜藝術展覽

暑假好去處｜21. Bubble Planet 香港：泡泡星球沉浸式體驗展

按此預訂即享優惠

暑假好去處｜17. 浪高長岸：豪華露營 / 露營車+水上活動

按此預訂即享優惠

大嶼山下嘅長沙真係被稱為海上活動天堂，浪高長岸邊有臨海豪華露營車同帳篷，想試露營過夜就非常啱。

營地旁邊就係全港最長嘅下長沙泳灘，入住仲送水上活動代用券，可以即場玩獨木舟、人體衝浪板、SUP 立槳、風帆同滑浪板。

露營地位置由東涌出發只需 20 分鐘車程就到，非常方便。

營地旁有餐廳，唔使擔心三餐；亦可依優惠價買升級 BBQ 套餐。

暑假好去處｜浪高長岸豪華露營/露營車+水上活動體驗

• 地址：大嶼山長沙村下長沙29號
• 優惠及預訂：按此預訂即享優惠

暑假好去處｜18. 小島山丘Glamping

按此預訂即享優惠

暑假好去處｜19. 日系豪華露營：Ogawa Type 52R 人氣小山屋

按此預訂即享優惠

放假想搵個地方匿埋、好好放空吓？其實玩陶藝係個好正嘅減壓方法。

喺拉坯體驗入面，你會由零開始，跟住轉盤嘅節奏，慢慢將舊泥由開洞、拉高到塑形，親手將想像變成一件充滿手感、獨一無二嘅日常器皿。

工作坊有普通陶器拉坯同超靚嘅水墨紋拉坯兩款揀，無論你想約埋另一半、小朋友或者閨蜜一齊製造回憶都一樣咁啱。

暑假好去處｜K Studio 陶器拉坯/水墨紋拉坯體驗

• 地址：荃灣明華工業大廈20樓C03室
• 優惠及預訂：按此預訂即享優惠

暑假好去處｜26. CCAC ISATISSE - 和諧粉彩體驗工作坊

按此預訂即享優惠

暑假好去處｜西環泳棚

• 前往方法一：地鐵+步行
  搭乘港鐵港島線至堅尼地城站，於C出口沿科士街、加多近街、域多利道，行經廢料轉運站後直行，可達西環鐘聲泳棚入口，步行約需15～20分鐘。

• 前往方法二：地鐵+小巴
  搭乘港鐵港島線至堅尼地城站，於A出口小巴士總站，搭54、58、59號綠Van，至「摩星嶺明愛賽馬會宿舍」站下車，落車後向反方向行小小即可達西環鐘聲泳棚入口。

• 前往方法三：的士
  地點係西環域多利道404號附近

• 前往方法一：地鐵+步行
  灣仔港鐵站A3出口出發，沿太原街走到盡頭，然後左轉皇后大道東即可到達，全程約6-8分鐘左右。
  金鐘港鐵站F出口 太古廣場三座出口，沿皇后大道東，向灣仔方向走到盡頭，就到灣仔藍屋啦，全程約6-8分鐘左右。
  
  
• 前往方法二：巴士
  （東行）巴士路線：1P、6、6X、10、15、66、90C、109、113、A17，胡忠大廈巴士站落車，沿皇后大道東東行約3分鐘
  （西行）巴士路線：6、6A、6X、10、15、66、109、113、A17 ，尚翹峰巴士站落車，越過皇后大道東即可到達

暑假好去處｜32. 奇靈里

香港中上環一段路充滿藝術氣色，透過本地同國際知名藝術家嘅創作，將街頭嘅牆變成一幅幅壁畫。

就算當日淨係着作件純白T都唔緊要，背景可以幫你襯托返，為熱辣辣嘅夏天增添返啲有活力嘅氣色〜〜

當代嘅藝術風格融入左係街頭之中，相信行過嘅人都會回心微笑〜

暑假好去處｜奇靈里

• 地址：西營盤忠正街、奇靈里及石棧里一帶
• 前往方法：港鐵西營盤站B3出口 - 奇靈里 > 見到奇靈里兒童遊樂場之後就會見到奇靈之藝里坊 Art Lane 啦！

暑假好去處｜33. 嘉咸街

嘉咸街一帶可以話係香港藝術壁畫嘅集中地，係橫街窄巷入面穿梭嘅話，必定會睇到唔少同香港生活文化息息相關嘅藝術壁畫。

暑假好去處｜嘉咸街

• 前往方法：港鐵中環站D2出口 > 直行至木的地酒店 > 轉右 > 直行至工銀大廈 >轉左就經已到達嘉咸街

暑假好去處｜商場活動

暑假好去處｜34. 銅鑼灣時代廣場「Minions & Monsters: Bello! Hollywood」

人氣爆燈嘅 Minions 迷你兵團今年暑假又有新電影《迷你兵團與大怪獸》上映，佢哋仲將荷里活片場搬咗嚟銅鑼灣時代廣場。

由即日起到2026年8月31日，商場會舉辦「Minions & Monsters: Bello! Hollywood」主題展覽，將成個商場唔同角落變成電影拍攝現場。

活動最主要嘅展區設喺地面露天廣場，嗰度一口氣擺咗 9 大互動拍攝場景。

幾位新主角占士、阿亨、阿德會以唔同嘅立體裝置造型現身。

場景嘅包括有 1920 年代嘅手搖木製電影攝影機、着住皇家衛隊禮服嘅歐式城堡、充滿仙人掌同黃沙嘅美國西部牛仔小鎮，仲有私家偵探辦公室、古埃及墓穴同埋海盜船甲板等。大家可以行入去呢啲場景入面，好似變身做電影主角咁同 Minions 合照。

喺出面影完相之後，大家可以搭扶手電梯上去 2 樓中庭嘅「迷你兵團名人堂」繼續睇。

最搶眼嘅一定係擺喺正中間、高達 3.8 米嘅巨型迷你兵金色雕像，個造型參考咗奧斯卡小金人獎座，配合埋側邊嘅頒獎典禮背景板，好有行紅地氈嘅慶典感覺。

另外，仲設有雙面拍照區，同埋着住藍色睡袍、戴住 RICH 金牌嘅豪宅花園場景，可以去主題自拍亭影一張限定相框相。

仲可以免費登記成為時代廣場Team Times會員，並憑即日時代廣場任何單一電子消費發票即可免費拍攝一張迷你兵團限定主題相框照片。

如果單一消費單據滿 HK$300 或以上，且單據內包含任何黃色 / 藍色 / 牛仔 元素的商品，仲可換領迷你兵團海報一套（共 3 款）！

鍾意 Minions 嘅朋友記住留意官方公布嘅時間喇。

暑假好去處｜銅鑼灣時代廣場｜「Minions & Monsters: Bello! Hollywood」

• 地址：銅鑼灣勿地臣街1號時代廣場
• 活動日期：2026年6月26日至8月31日
• 開放時間：10:00 - 22:00

暑假好去處｜35. 旺角朗豪坊「CHIIKAWA’S ADVENTURE 人魚島探秘之旅」

旺角朗豪坊今年暑假一樣有超人氣角色登場。

配合 8 月初即將上映嘅 Chiiikawa 首部大電影《劇場版CHIIKAWA人魚島的秘密》，商場由2026年7月10日到8月31日期間，會將電影入面嘅神秘「人魚島」名場面搬到現場。

成個活動由地下正門一路延伸到商場高層，鍾意CHIIKAWA嘅粉絲一定要去。

活動嘅主要打卡點分佈喺兩個樓層，可以先去 4 樓嘅通天廣場，嗰度還原咗電影入面嘅「營火晚會」場景，幾位人氣角色好似CHIIKAWA、小八同兔兔都會着住草裙亮相，仲有劇場版新登場嘅一葉、二葉同島二郎等角色。

影完呢度之後，記住上去 12 樓嘅「人魚島的秘密」核心地帶，嗰度布置成神秘嘅海底洞窟，仲有一個 3 米高嘅巨型「賽蓮」吹氣裝置，配合埋藍色嘅燈光效果，視覺上都幾震撼。

只要追蹤朗豪坊官方社交帳號，仲可以喺現場嘅照相館影相留念。

除咗打卡，4 樓現場亦設有「人魚島土產屋」期間限定店，同日本同步發售全新嘅電影限定周邊，包括公仔吊飾，仲有御守、海邊閃亮透明卡同亞克力吊飾等超過 300 款精選商品。

要留意嘅係，期間限定店由 7 月 10 日至 30 日期間採取預約入場安排，想去買嘢嘅粉絲需要預先去指定 Klook 網站登記名額。

商場喺 7 月同 8 月期間亦陸續推出一啲限定福利同禮品換領，

 7 月 24 日至 31 日，LP CLUB 會員喺限定店或參與商舖消費滿指定金額，再即場買一張限量版電影換票證，就可以免費換到一套包含幻彩透明紀念卡同兩用卡座嘅特典套裝。

去到 8 月，憑即日消費單據（須包含一張大電影戲票）則可以換到隨機款式嘅獨家「閃中閃紀念卡」。

另外，為咗慶祝電影正式上映，商場仲會喺 8 月初免費派發新登場嘅「討伐棒」（須喺 7 月 20 日起去 Klook 預約登記），名額有限，派完即止。

暑假好去處｜旺角朗豪坊「CHIIKAWA’S ADVENTURE 人魚島探秘之旅」

• 地址：九龍旺角亞皆老街8號朗豪坊
• 活動日期：2026年7月10日至8月31日
• 開放時間：10:00 - 23:00 (期間限定店營業時間為 10:30 - 22:00)

暑假好去處｜36. 將軍澳MCP新都城中心「Cinnamoroll & Usahana 夢想飛行樂園」

將軍澳 MCP 新都城中心今年暑假請嚟人氣好高嘅 Cinnamoroll同埋活力十足嘅 Usahana 合作，打造咗一個名為「夢想飛行樂園」嘅航空主題裝置。

兩位角色仲會全港首次以機長同埋空中服務員嘅造型亮相，將商場中庭變成一個充滿童趣嘅模擬機場。

成個展區一共設計咗 6 大打卡位，一邊行一邊影相。

最搶眼嘅一定係全長 12 米嘅巨型飛機造型裝置，而機頂上面仲坐住一隻 4.5 米高、着住海軍藍機長制服嘅巨型玉桂狗。

除咗巨型飛機，現場還原咗好多機場嘅日常場景，好似有彩虹同白雲組成嘅「天際彩虹拱門」、寫住航班資訊嘅「夢想航道登機大堂」，同埋設有行李輸送帶嘅「登機櫃檯」等。

大家仲可以行入粉紅同嫩黃色調嘅「尊尚機艙」坐吓頭等艙座位，或者去「天際航行駕駛艙」握住駕駛桿，體驗一下當機師嘅感覺。

今次活動嘅另一個重點是針對小朋友嘅「航空職業體驗工作坊」。

商場今次聯乘咗香港青年航空學會同埋童夢城通識學園，推出「小機師模擬飛行體驗」同「小小空中服務員體驗」兩個項目。

報名小機師嘅小朋友，可以喺現役民航機師指導下，模擬飛行練習駕駛技術，而小空服工作坊就會教小朋友飛安知識、航空禮儀，並讓佢哋模擬派餐同對答。

H COINS 會員只要喺場內以電子貨幣即日消費滿指定金額，就可以幫小朋友報名參加，換上專業制服完成挑戰後仲會獲頒發證書。

商場由 7 月 21 日起至 8 月 30 日會開設期間限定店，發售超過 200 款玉桂狗同 Usahana 嘅主題精品，包括毛公仔鎖匙扣同各類個人用品。

另外，H COINS 會員喺商場消費滿指定金額，亦可以換領到限定嘅主題針織袋、Cinnamoroll 頸枕連眼罩、陶瓷麵碗或者防 UV 摺傘等實用周邊。暑假如果想留喺室內行吓街，順便畀小朋友體驗吓航空業嘅日常，呢度係一個幾全面嘅日常去處。

暑假好去處｜將軍澳MCP新都城中心「Cinnamoroll & Usahana 夢想飛行樂園」

• 地址：新界將軍澳欣景路8號 MCP CENTRAL (新都城中心二期)
• 活動日期：2026年7月2日至8月31日
• 開放時間：10:00 - 22:00 

暑假好去處｜37. 中環街市《皮克敏４》夏日試玩活動

中環街市今年暑假開設任天堂人氣遊戲《皮克敏４》主題活動區，活動結合咗遊戲試玩、角色打卡，仲有手機遊戲嘅聯動任務。

現場設有《皮克敏４》嘅遊戲試玩專區，親手拎起手掣嘗試指揮唔同能力嘅皮克敏去探索、搬運物資。

現場亦布置咗好有遊戲特色嘅拍照區，將遊戲入面好似縮小咗一樣嘅微觀世界實體化，大家可以同立體嘅皮克敏角色合照。

另外，活動仲設有專屬嘅商品販賣區，一啲皮克敏主題嘅精品、公仔或者周邊供粉絲入手。

而對於平時有玩開智慧型手機專用應用程式《Pikmin Bloom》嘅玩家，今次活動仲特別喺中環街市現場設置咗「特殊地點」同埋專屬嘅地點挑戰任務。大家嚟到現場記得打開手機 App，就可以一邊行一邊解鎖限定嘅遊戲福利。 

暑假好去處｜中環街市《皮克敏４》夏日試玩活動

• 地址：香港中環皇后大道中93號中環街市
• 活動日期：2026年7月2日至7月15日
• 開放時間：10:00 - 21:00 

暑假好去處｜38. 九龍塘又一城「Nintendo Switch 2活動～耀西與不可思議的圖鑑」

九龍塘又一城即將舉辦以任天堂人氣角色耀西為主題嘅最新世代主機試玩活動——「Nintendo Switch 2活動～耀西與不可思議的圖鑑」。

現場會將新遊戲入面嘅奇幻圖鑑世界帶到現實，配合埋新主機嘅試玩，展期內會細分為「前半部」同「後半部」兩個階段進行。

喺唔同階段會提供多款精選嘅全新遊戲試玩體驗，等大家可以率先感受到新主機嘅畫面同操作流暢度。

除咗玩遊戲之外，場內亦設計咗耀西主題嘅拍照打卡區，還原咗遊戲入面不可思議嘅大自然圖鑑場景，大家可以同可愛嘅綠色耀西影相留念。

另外，現場仲設有官方商品販賣區，準備咗一啲耀西同任天堂主題嘅精品、公仔，供粉絲們入手。

最讓小朋友期待嘅，喺指定日子舉辦「耀西見面會」。到時耀西會真身現身同現場嘅大朋友、小朋友近距離互動同埋合照。

暑假好去處｜中環街市《皮克敏４》夏日試玩活動

• 地址：九龍九龍塘達之路80號又一城
• 活動日期：2026年7月3日至7月31日
• 開放時間：11:00 - 21:00 

暑假好去處｜39. 觀塘Apm「30th Tamagotchi 世界巡迴 – 香港站」

對於許多 80、90 後嚟講，Tamagotchi 絕對係童年不可或缺嘅集體回憶。

今年適逢 Tamagotchi 30 週年，Apm 隆重迎嚟「30th Tamagotchi 世界巡迴 – 香港站」。

展覽會帶領大家一齊重溫呢個經典電子寵物 30 年嚟嘅可愛進化之旅。

現場布置咗多個很有集體回憶主題嘅大型打卡位同拍照裝置，將大家熟悉嘅Tamagotchi 元祖外殼、像素風小角色實體化。

活動嘅另一個亮點是設有「Tama Lab 互動體驗區」，等參觀者可以用全新嘅科技互動方式，率先體驗到 Tamagotchi 跨越世代嘅全新驚喜。

除咗打卡之外，現場當然唔少得大家最期待嘅 30 週年限定商品販賣區。

主辦方特別準備咗一系列香港站限定嘅週邊精品、經典或特別版 Tamagotchi 機型，等各位粉絲可以一邊重溫回憶，一邊入手心水周邊帶返屋企。

暑假好去處｜觀塘Apm「30th Tamagotchi 世界巡迴 – 香港站」

• 地址：九龍觀塘觀塘道418號Apm
• 活動日期：2026年7月11日至8月10日
• 開放時間：11:00 - 21:00 

暑假好去處｜40. 元朗YOHO「Sanrio characters x YOHO小麥肌旅行團」

YOHO Mall 由7月11日到8月30日期間請嚟三位人氣角色：KUROMI、My Melody 同埋 My Sweet Piano 合作，舉辦「Sanrio characters x YOHO小麥肌旅行團」。

最有趣嘅地方係，呢幾位角色全港首次以曬黑咗嘅「小麥肌」膚色熱爆登場，仲換晒好有夏日度假風嘅俏皮造型，將商場變成一個充滿陽光氣息嘅打卡景點。

成個活動嘅打卡場景設計得幾有心思，主要是以元朗同近郊嘅經典景點為靈感。

三位角色會化身成可愛導遊，帶大家穿梭商場唔同角落，好似有充滿童話感嘅向日葵花海、富有本地特色嘅傳統小木橋等。

對於鍾意買精品嘅粉絲，期間限定店準備咗超過 200 款主題精品，最特別嘅係會場限定、全港首次發售嘅「曬黑系列」商品，喺出面一般地方好難買到，鍾意限量版嘅朋友要留意喇。

暑假好去處｜元朗YOHO「Sanrio characters x YOHO小麥肌旅行團」

• 地址：元朗朗日路8-9號及元龍街9號 YOHO MALL 形點
• 活動日期：2026年7月11日至8月30日
• 開放時間：10:00 - 22:00 (期間限定店營業時間為 11:00 - 21:00)

暑假好去處｜41. 馬鞍山新港城中心「Namagaki MOST-Vibrant 沙灘仲夏探索營」

馬鞍山新港城中心暑假期間同生蠔BB聯乘，打造咗一個「MOST-Vibrant 沙灘仲夏探索營」。

除咗將中庭變成室內沙灘裝置之外，三位超人氣成員包括生蠔寶寶、蛤蜊同扇貝，換上全新嘅沙灘派對造型登場。

成個活動區劃分為 4 大主題打卡區同 2 大互動玩樂區。

一踏入入口，就會見到 3D 浴巾生蠔喺營地集合點迎賓，最主要嘅場景是佔地近千呎、全港最大嘅室內主題沙海「夏浪綠沙海」，裝置特別採用清新嘅色調，配合天幕廣場原本嘅巨型海藍浪天幕，好有夢幻沙池嘅感覺。

沙海中央還有一座 6.5 米高嘅「彩虹流水光影塔」，可以睇到 2 米高充氣毛茸度假生蠔、焦糖膚色生蠔等不同動感造型。

H COINS 會員只要以電子貨幣即日消費滿指定金額，仲可以換領到入場証，去挑戰「沙海寶藏大發『掘』」玩樂區，用工具喺沙池入面掘出任務道具，解鎖寶箱後可以免費得到獨家嘅生蠔主題紋身貼紙。

沙海旁邊仲設有「MOST-Chic & Chill 『蠔』派對」場景，戴住花環嘅 3D 炸蠔會喺派對吧檯前迎接大家。

吧檯旁仲有一個近 3 米高嘅巨型扭蛋機，入面準備咗 3 款獨家限定嘅全新造型毛絨公仔（度假生蠔、出遊扇貝同出遊蛤蜊）。

會員消費滿指定金額就可以換到遊戲券，喺指定週末參加扭蛋，隨機獲得一隻連精緻蠔殼造型盒嘅公仔，仲可以去裝扮區免費挑選配飾，發揮創意親手配搭出一隻獨一無二嘅夏日時尚掛飾帶返屋企。 

除咗玩遊戲同影相，L2 天幕廣場亦同步開設咗期間限定店，發售多款生蠔BB商品，當中包括 20 多款 MOSTown 獨家新品以及 20 多款日本限量精品。

另外，商場同場內人氣梳乎厘專門店 PHI Coffee & Pancake 合作，推出期間限定主題餐點，設計出多款有生蠔BB造型嘅日式梳乎厘、主食和精品咖啡。

會員喺商場消費滿指定金額，仲有機會換到限定嘅防 UV 輕量縮骨遮或者折疊旅行袋。

暑假好去處｜馬鞍山新港城中心「Namagaki MOST-Vibrant 沙灘仲夏探索營」

• 地址：新界馬鞍山鞍祿街18號 MOSTown新港城中心
• 活動日期：2026年7月4日至8月23日
• 開放時間：10:00 - 22:00 (期間限定店營業時間為 12:00 - 20:00)

暑假好去處｜42. 置富Malls「Summer Refresh『富』『褲』Fun」

今年暑假置富 Malls 旗下嘅四大商場請嚟日本人氣創作者「可哀想に！」筆下嘅兩大知名 IP：經常黑仔但好溫柔嘅「Opanchu Usagi 褲褲兔」，以及全港首次亮相、天真健忘嘅酸奶妖精「Npochamu 奶泡恰姆」同佢嘅好朋友「雞米麻呂」。

活動以夏日 Refresh 為主題，喺馬鞍山廣場、置富都會、+WOO嘉湖同置富第一城打造咗四個唔同嘅日常度假打卡場景。

今次四個商場嘅裝置都有唔同嘅玩法，馬鞍山廣場設有「夢想啟航 Reset 假期」，現場有一個近 4 米高嘅褲褲兔化身成機師駕駛螺旋槳飛機，周圍還原咗羅浮宮玻璃金字塔、羅馬許願池同巴黎鐵塔等環遊世界景點。

紅磡嘅置富都會就布置成「仲夏 Relax 沙灘祭」，褲褲兔會着住夏威夷草裙或者滑浪板造型登場，旁邊還有雞米麻呂同奶泡恰姆坐喺沙灘椅上食雪糕消暑，充滿度假感。

如果鍾意室內派對，天水圍嘅 +WOO嘉湖就打造咗一個「『聲』級 Recharge Party」，現場有巨型遊戲機、K房舞台同埋花花池滑梯，幾位角色會喺度同大家玩飛鏢同唱K。

而沙田嘅置富第一城就以運動為主題，開設「匹克球 Release 大決鬥」，除咗有特製嘅 Pickleball 椅子畀大家坐低擺甫士影相，仲有幾位角色一齊練習打匹克球嘅可愛場景。

商場亦特別開設咗期間限定店（7月喺馬鞍山廣場，8月移師至 +WOO嘉湖），發售多款獨家或者首發嘅周邊商品，包括褲褲兔毛絨匙扣盲盒、迷你風扇、手挽袋、PVC收納包、陶瓷餐盒以及 2027 年嘅座檯月曆等。

另外，Fortune+ 會員喺指定商場消費滿指定金額，仲可以換領到限定嘅禮品，好似 7 月 11 日起開始換領嘅「拍」住上抹手巾兩件套裝，或者 8 月 1 日起換領嘅粉藍色全力以「褲」Pickleball 匹克球套裝。

暑假好去處｜置富Malls「Summer Refresh『富』『褲』Fun」

• 地址：
  • 馬鞍山廣場：新界馬鞍山西沙路608號
  • 置富都會：九龍紅磡都會道6號
  • +WOO嘉湖：新界天水圍天恩路12-18號
  • 置富第一城：新界沙田銀城街1-2號
• 活動日期：2026年7月4日至10月19日
• 開放時間：12:00 - 21:00 (期間限定店營業時間為 12:00 - 20:00)

暑假好去處｜42. 紅磡黃埔天地「Pokémon TCG 期間限定店」

紅磡黃埔天地由即日起至2026年8月2日期間推出【Pokémon TCG 期間限定店】，將時尚坊變成一個集齊打卡、試玩同埋買嘢嘅寶可夢大師訓練場。

今次活動率先公開展出即將喺 7 月 17 日開賣嘅最新「超級進化」戰術牌組。

現場設置咗一面大型卡牌展示牆，由皮卡丘同伊布坐鎮，聯同噴火龍、夢幻及甲賀忍蛙等明星寶可夢，一口氣公開展出 4 款全新牌組、合共 96 張卡牌嘅設計。

另外，場內外仲精心布置咗 16 張特大卡牌，包括快龍、新葉喵等經典角色，從室內一直延伸到戶外，行商場嗰陣隨時可以同心愛嘅寶可夢卡牌合照。

除咗睇卡，現場仲有對戰體驗，大家可以免費試玩最新嘅「超級進化」牌組。

而由 7 月 17 日起，活動會火熱升級做「戰術牌組擂台戰」，只要喺店內買完嘢就可以憑單據報名上台對戰，成功守擂達到兩連勝嘅話，仲可以換到主題限定嘅貼紙同文件夾等精美禮品。

期間限定店除咗有最新嘅戰術牌組，仲齊集咗多款 2026 年熱賣嘅熱門擴充包，好似「忍者飛旋」系列、以超級達克萊伊 ex 為主題嘅「深淵之瞳」，以及經典嘅「虛無歸零」系列等。

另外，喺 7 月嘅連續三個週末，人氣爆燈嘅皮卡丘仲會親臨專屬拍照區舉辦免費見面會，同現場嘅大朋友、小朋友近距離互動影相。 

暑假好去處｜紅磡黃埔天地「Pokémon TCG 期間限定店」

• 地址：九龍紅磡黃埔花園時尚坊
• 活動日期：2026年7月8日至8月2日
• 開放時間：12:30 - 20:00

暑假好去處｜43.荷里活廣場 埃及尋寶大作戰

按此預訂即享優惠

2026年7月10日至8月30日，鑽石山荷里活廣場一樓明星廣場華麗變身古埃及神殿樂園！

由StayFun打造嘅大型室內充氣主題活動，設有多個安全又刺激嘅充氣遊樂設施，包括滑梯、障礙挑戰、跳跳床等，適合3-12歲小朋友盡情放電奔跑，大人細路一家大細齊齊玩得開心。

場內仲有多個埃及風格打卡熱點：神殿入口、巨型象形文字裝置、黃金寶藏區同法老主題場景，影相一流，絕對係IG打卡勝地！

期間限定精品區更有法老貓、金字塔造型減壓玩具發售，每款HK$88，數量有限。

更多香港好去處相關文章：

1. 【啟德好去處】親子娛樂、國際七欖賽，美食文化全攻略，帶你玩轉啟德～
2. 【室內好去處推介】嚴選40+個新穎室內玩樂活動，落雨天都啱玩！
3. 【假日好去處】20+個週末度假必去好去處，展開假日之旅！
4. 【持續更新】旺角好去處推介 認識旺角攻略
5. 【持續更新】荃灣好去處推介 潮流吃喝玩樂攻略
6. 【屯門好去處】精選 7大玩樂活動 | 朋友、情侶、親子必去熱點
7. 【尖沙咀好去處】尖沙咀必去文青小店、工作坊、娛樂、打卡聖地
8. 【持續更新】元朗好去處  吃喝玩樂深度遊！
9. 【深水埗好去處】古蹟景點美食盡在深水埗：特色文創小店、文青Cafe、美食推介
10. 【銅鑼灣好去處】銅鑼灣也有古蹟美景？文青玩樂美食全攻略！
11. 【沙田好去處推介】全港首個空中草地運動公園、港產電影出現過嘅打卡位！
12. 【觀塘好去處推介】吃喝玩樂打卡購物盡在觀塘
13. 【持續更新】中環好去處推介
14. 【將軍澳好去處】吃喝玩樂盡在將軍澳 | 朋友情侶親子活動懶人包
15. 【灣仔好去處】灣仔必去地方、懷舊古蹟及悠閒Cafe推介
16. 【天水圍好去處】天水圍必食必玩、影相打卡及古蹟景點推介