每逢慶祝聚會，酒店自助餐絕對是香港人的首選。今次 ReUbird 小編精選了 27 間香港必食高質酒店自助餐推介，亦會定時更新本月最新的自助餐優惠，讓你與親朋好友大飽口腹，滿載而歸。
香港自助餐推介2026｜目錄：
香港自助餐推介2026｜港島區
自助餐推介2026｜1. 【低至買2送1】香港柏寧酒店 - PLAYT
香港柏寧酒店 PLAYT 最新推出推出《榴金歲月 · 榴槤自助餐》。
今次酒店直情係下重本，搵嚟多款馬來西亞頂級榴槤做主角，包括最高級別嘅黑刺、貓山王、葫蘆同紅蝦，由糕餅主廚精心炮製出多款香濃到犯規嘅限定甜品。
酒店將兩個月嘅展期分成了兩大主題。
7月份主打「綿密系列」，有極浮誇、口感層次分明嘅貓山王榴槤拿破崙（晚餐限定）、即叫即整嘅貓山王榴槤心太軟（午餐限定），仲有葫蘆榴槤芝士蛋糕等。
而去到8月份就會換上「奶香系列」，主角變成身價極高嘅黑刺榴槤布甸、黑刺榴槤拿破崙，同埋口感絲滑嘅紅蝦榴槤法式燉蛋！
除咗令榴槤控失控嘅甜品陣之外，PLAYT 嘅常設海鮮同環球佳餚一向都係高質保證。
晚餐時段落足料供應即開新鮮生蠔、冰鎮龍蝦、鮮甜嘅泰式生蝦刺身，仲有極惹味嘅花菇鴨掌扣原隻鮑魚等高級中菜。
你可以先用滿滿嘅生蠔同海鮮打底，中間瘋狂歎各款各樣嘅國際大餐，最後預留另一個胃，用頂級榴槤甜品畫上完美句號。
地址：香港銅鑼灣告士打道310號（地圖）
前往方法：港鐵銅鑼灣站D2出口，步行5分鐘，即可到達
優惠詳情及預訂：香港柏寧酒店 - PLAYT（按此連結預訂即享優惠）
自助餐推介2026｜2. 【低至九折】灣仔會展中心 - 薈景
灣仔會展中心 薈景（Congress Plus）最新推出「春日蟹逅自助晚餐」（4 月 1 日至 6 月 30 日），以蟹為主題，每人免費送皇帝蟹蒸蛋一份。
必食包括香煎鴨肝配炸蜂巢豆腐、甲羅燒櫻花蝦蟹肉軍艦、櫻花蟹肉炒飯、朴葉味噌燒海鰻、美國特級黑蒜醬牛肋肉。
冰鎮海鮮吧無限量供應即開生蠔、龍蝦、長腳蟹、麵包蟹、青口、海蝦，刺身吧有三文魚、油甘魚、帆立貝、紅蝦同蟹肉軍艦。
甜品有櫻花水信玄餅、愛爾蘭忌廉甜酒巴斯克芝士蛋糕、黑芝麻鮮奶燉蛋白、銅鑼燒餅等。
地址：灣仔港灣道1號香港會議展覽中心4樓（地圖）
前往方法：港鐵會展站B3出口, 步行約4分鐘
優惠詳情及預訂：灣仔會展中心 - 薈景（按此連結預訂即享優惠）
自助餐推介2026｜3. 【低至85折】香港萬麗海景酒店 - Food Studio
灣仔香港萬麗海景酒店自助餐廳 Food Studio 啱啱完成全新裝修，成個空間感同型格度直線上進！
餐廳由 7 月 1 日至 8 月 31 日期間，特別請到來自成都瑞吉酒店嘅名廚主廚親臨香港坐鎮，推出極具震撼力嘅「盛夏辛香自助餐」。今
次主打將正宗川味嘅「麻、辣、鮮、香」，同奢華四大食材——龍蝦、海膽、魚子醬及和牛完美結合，啱晒無辣不歡嘅你。
%EF%BD%9C%E8%87%AA%E5%8A%A9%E5%8D%88%E9%A4%90%E3%80%81%E8%87%AA%E5%8A%A9%E6%99%9A%E9%A4%90.webp)
「盛夏辛香自助午餐」除咗基本必食嘅冰鎮海鮮，仲有魚子醬無花果配小薄餅、海膽三文魚子溫泉蛋等精緻前菜。
主菜方面更有即切烤和牛牛板腱、龍蝦伊麵，以及由成都名廚親自炮製嘅正宗川菜，好似口水雞、重慶干鍋香辣蝦、渝州金椒辣子雞同酸湯肥牛等，麻香層次分明，絕對唔係一般死辣！
%EF%BD%9C%E8%87%AA%E5%8A%A9%E5%8D%88%E9%A4%90%E3%80%81%E8%87%AA%E5%8A%A9%E6%99%9A%E9%A4%90.webp)
而自問係海鮮控嘅朋友，就一定要衝佢哋嘅「盛夏辛香自助晚餐」。
晚餐陣容直接升級去另一個層次，一入座必搶極奢華嘅海膽魚子醬紫菜Taco，仲有無限量供應嘅新鮮蒸焗龍蝦同香烤和牛。
最驚喜嘅係現場仲食到極花工夫嘅「鴨肝配片皮鴨伴夏季黑松露」同「牛肝菌牛蒡清湯浸鴨肝伴帶子」，再配埋大廚秘製嘅張飛麻辣牛肉、鮮花椒炒美蛙同老四川水煮魚，香辣過癮之餘又可以無限暢飲精選啤酒，大口食肉大口喝酒，簡直係夏日極致享受！
%EF%BD%9C%E8%87%AA%E5%8A%A9%E5%8D%88%E9%A4%90%E3%80%81%E8%87%AA%E5%8A%A9%E6%99%9A%E9%A4%90.webp)
地址：灣仔港灣道1號香港萬麗海景酒店閣樓（地圖）
前往方法：從港鐵灣仔站A5出口，步行10分鐘，即可到達
優惠詳情及預訂：香港萬麗海景酒店 - Food Studio（按此連結預訂即享優惠）
酒店自助餐推介｜4. 【快閃買2送1】香港海洋公園萬豪酒店 - Marina Kitchen
香港海洋公園萬豪酒店海灣餐廳 Marina Kitchen 主打國際美食，高樓底加開揚環境，啱哂一家大細或情侶玩完海洋公園後慢慢嘆一頓豐富自助餐。
最新推出咗個極具異國情調嘅「熱帶風味自助餐」，將越南、馬來西亞、泰國、新加坡、印尼同印度等六個國家嘅正宗地道美食一次過搬到你面前。
前菜方面，大廚準備咗超啱夏天食嘅越南米紙大蝦卷、酸甜醒胃嘅柚子青口沙律，同埋好惹味嘅馬來式燒牛肉配羅望子醬，一入口成個胃口即刻開晒。
主菜陣容更加精彩，必食香氣四溢嘅泰式南乳燒雞、濃郁惹味嘅星州胡椒炒大蝦、鑊氣十足嘅森巴醬金不換炒蟹，仲有湯頭超清甜嘅現淥越南火車頭牛肉湯！
現場仲有經典嘅印度香料奶茶（Masala Chai）同即製印度煎捲餅，真係極有當地街頭風味。
除咗南洋主題美食，自助餐一向最受歡迎嘅王牌陣容依然源源不絕供應！
海鮮控最愛嘅冰鎮海鮮、波士頓龍蝦、即切北京片皮鴨，同埋啖啖肉、油香四溢嘅燒美國頂級斧頭牛扒全部齊陣。
最後當然要留肚食埋充滿熱帶風情嘅限定甜品，好似泰式奶茶慕絲蛋糕、陣陣斑蘭香嘅斑蘭芒果忌廉蛋糕，同埋好滑溜嘅馬來西亞拉茶奶凍，甜而不膩，為呢一餐異國盛宴畫上最完美嘅句號。
地址：黃竹坑道180號香港海洋公園萬豪酒店海灣地下（地圖）
前往方法：港鐵海洋公園站B出口，步行1分鐘，即可到達
優惠詳情及預訂：香港海洋公園萬豪酒店 - Marina Kitchen（按此連結預訂即享優惠）
酒店自助餐推介｜5. 【限時9折】香港JW萬豪酒店 - The Lounge
金鐘 JW 萬豪酒店 The Lounge 有落地玻璃坐擁美麗城景，環境時尚開揚，適合聚會或家庭食自助餐。
最新供應下午茶自助餐同周日 Brunch Buffet，主打頂級刺身、壽司、日式手卷、凍肉、芝士、手製點心、紅燒脆乳鴿、鐵板煎牛扒、炸蝦多士、香煎墨魚餅、日式雜菜天婦羅、鮮蝦雲吞、港式車仔麵，仲有馬來西亞榴槤或花生醬煎餅即點即製。
周日早午餐 ，有冰鎮鮮龍蝦、鱈場蟹腳、魚子醬、刺身、36 個月西班牙火腿，熱葷有鐵板燒蝦、菠菜焗蠔、香煎鴨肝、香煎肉眼牛扒、香草焗羊架、芝士焗龍蝦、鹽焗三文魚，甜品有英式班尼迪蛋。
晚餐自助餐 HK$448，有冰鎮鮮龍蝦、鱈場蟹腳、象拔蚌、紅蝦、赤貝、三文魚刺身，熱葷有鐵板鮑魚、鐵板和牛勝力燒、鹹蛋黃鮮蝦、黃金醬蒸鮮龍蝦、勇蝦炒蟹肉，甜品有 Artisanal chocolates 同雪糕。
午餐自助餐，有雪場腳蟹、麵包蟹、龍蝦、青口、希靈魚、油甘魚、壽司等，主菜有燒美國牛板腱扒、比利時豬扒。
地址：金鐘金鐘道88號太古廣場香港JW萬豪酒店5樓（地圖）
優惠詳情及預訂：香港JW萬豪酒店 - The Lounge（按此連結預訂即享優惠）
酒店自助餐推介｜6. 【快閃買1送1】香港富麗敦海洋公園酒店 - 星耀廳 Lighthouse Café
想搵一間有 180 度無敵海景、又極具度假 Feel 嘅餐廳歎 Buffet？
咁就一定要去，佢哋 由 7 月 1 日至 9 月 30 日推出咗「仲夏熱帶盛宴自助餐」。
大廚將色彩斑斕嘅亞熱帶風情、清爽嘅熱帶水果，同埋令全城瘋狂嘅「果王」榴槤完美結合。
今次嘅東南亞同水果入饌系列陣容非常強大。
前菜同主菜方面，有極地道嘅新加坡海南雞、香濃惹味嘅娘惹仁當雞，仲有盲鰽魚配清新芒果莎莎、香烤春雞伴百香果汁，以及鑊氣十足嘅泰式雞肉菠蘿炒飯。
一啖入口酸酸甜甜，喺炎炎夏日入面真係超開胃。
而全場最矚目嘅，絕對係令榴槤控集體尖叫嘅「馥郁榴槤系列」，星耀廳今次實行鹹甜交織，玩味十足。
除咗普通甜品，竟然仲有榴槤忌廉芝士手卷、濃郁嘅榴槤雞煲，同埋香脆嘅榴槤Pizza！
熱辣辣嘅榴槤香氣加上鹹香嘅配料，層次豐富到包你未試過。
甜品方面仲有即叫即整嘅榴槤窩夫、冰涼解暑嘅榴槤雪花冰，同埋極邪惡嘅榴槤巴斯克芝士蛋糕輪流登場。
地址：黃竹坑海洋徑3號香港富麗敦海洋公園酒店1樓（地圖）
前往方法：港鐵海洋公園B出口
優惠詳情及預訂：香港富麗敦海洋公園酒店 - 星耀廳 Lighthouse Café（按此連結預訂即享優惠）
酒店自助餐推介｜7. 【生日88折優惠】自助山
灣仔合和中心 62 樓自助山 The Grand Buffet 係全港唯一 360° 旋轉餐廳，每 105 分鐘旋轉一圈，坐享維港及山景壯麗景致，日夜景色交替，氣氛浪漫又富新鮮感，特別適合約會或慶祝場合。
自助晚餐限定冰鎮龍蝦、龍蝦鉗、滋補佛跳牆、火焰雪山、炒雪糕、即包即蒸手工點心、招牌燒味乳豬（皮脆肉嫩）、手工雪糕、多款精緻小甜點及蛋糕，保證滿足每位食客。
餐廳更特別為葡萄酒愛好者打造全港獨家自助式餐酒機，供應超過 60 款世界紅白葡萄酒。
地址：灣仔皇后大道東183號合和中心．商場62樓（地圖）
前往方法：港鐵灣仔站 D 出口
優惠詳情及預訂：自助山（按此連結預訂即享優惠）
酒店自助餐推介｜8. 【低至85折】港島香格里拉 - Cafe TOO
金鐘太古廣場 7 樓港島香格里拉 Cafe TOO 係自助餐界人氣熱點，有 10 個 live cooking stations，創意及休閒餐飲結合。
2026 年 6 月 3 日起全新推出「尋味東瀛：和牛・和食・海鮮盛宴」，帶味蕾暢遊日本，三大主題專區：海鮮吧及壽司區無限量供應極致鮮甜刺身（週六、日送棘養殖鮑魚、黃金島蠔），炭燒及和牛區有炭燒料理同和牛菜品，和食區有日式精選菜式。
刺身三選一：金目鱸、黃色鰤魚、紅肉魚，仲有北海道扇貝、帆立貝、紅蝦、牡丹蝦、黃金島螺。
地址：金鐘金鐘道88號太古廣場港島香格里拉7樓（地圖）
前往方法：港鐵金鐘站 F 出口
優惠詳情及預訂：港島香格里拉 - Cafe TOO（按此連結預訂即享優惠）
酒店自助餐推介｜9. 【快閃73折】南灣如心酒店 - I-O-N
黃竹坑 I-O-N 喺今個盛夏，特別同泰國駐香港總領事館強強聯手，傾力打造咗個「地道泰滋味自助餐」。
將泰國夜市最精華嘅氣氛同埋地道美食搬到嚟香港，用最正宗嘅泰式酸辣風味，同大家一齊消暑降溫。
餐廳準備咗酸甜爽口嘅鮮蝦柚子沙律，同埋香濃刺激嘅酸辣椰汁雞湯（Tom Kha Gai），一入口包你成個胃口即刻開晒！
緊隨其後登場嘅，係一整排用泰國地道調味料、香料炮製嘅焦點熱葷。
當中包括外脆內軟嘅酥炸軟殼蟹配黃咖喱汁、鮮甜惹味嘅青檸辣椒魚露蒸沙巴龍躉、同埋去曼谷夜市必食、極具震撼力嘅「火山排骨」。現場仲有即叫即煮嘅泰式船麵，湯頭濃郁，充滿地道風味。
平日晚上嚟食，每位食客可以得到一份泰式酸辣粉絲蒸扇貝，而如果選擇周末晚上嚟歎，每位可以獲得一隻泰式酸辣蒸琵琶蝦。
食完豐富嘅主菜，一定要留肚食甜品，I-O-N 準備咗一系列清甜滋潤嘅泰式特色甜點，好似經典嘅椰汁斑蘭西米布甸、充滿南洋風味嘅斑蘭咖咉椰子撻，仲有一杯入口透心涼嘅涼粉珍多冰。
一啖甜品一啖冰，真係好似置身喺泰國海島度假一樣咁 Chill。
地址：黃竹坑黃竹坑道55號南灣如心酒店P3樓（地圖）
前往方法：港鐵黃竹坑站B出口
優惠詳情及預訂：南灣如心酒店 - I-O-N（按此連結預訂即享優惠）
想探索更多香港各區美食情報？按此查看全港美食優惠！
新界區-酒店自助餐推介
酒店自助餐推介｜1. 【快閃買1位+ 第2位 $10】沙田萬怡酒店 - MoMo Cafe
香港沙田萬怡酒店 2 樓 MoMo Café 係沙田地區超人氣國際自助餐，擁有現代化設計裝潢，環境清新充滿活力，中西美食薈萃，供應自助早、午、晚餐。
佢哋限時推出全新主題「東南亞風味巡禮自助餐」。
大廚嚴選咗一系列最經典嘅南洋滋味，將東南亞獨特嘅香料層次同地域風味發揮到極致，最啱放假約埋全屋企人一齊去！
今次呢個東南亞主題真係誠意十足，幾款主打熱葷都非常地道。
必食有香辣惹味、極具印尼風味嘅參巴醬烤盲鰽魚柳，同埋藥材香氣濃郁、飲完超暖胃嘅馬來肉骨茶。
而最吸引人嘅，莫過於現場即叫即煮嘅湯檔，師傅會即席幫你整酸辣過癮嘅大頭蝦冬蔭功以及充滿椰香嘅泰式椰子雞湯，大頭蝦肉質爽彈，配埋香料層次分明嘅湯底，一入口真係好似去咗曼谷度假咁！
除咗限定嘅東南亞主題美食，MoMo Café 一向備受好評嘅豐富常設陣容依然無缺席，由新鮮生蠔、冰鎮海鮮、刺身壽司，一路到各款環球熱葷、精緻甜品同埋 MÖVENPICK 雪糕通通齊陣，包保可以大飽口福。
地址：香港新界沙田安平街1號香港沙田萬怡酒店內2樓（地圖）
優惠詳情及預訂：香港沙田萬怡酒店 - MoMo Cafe（按此連結預訂即享優惠）
酒店自助餐推介｜2. 【買一送一】WM酒店 - WM咖啡廳
西貢 WM 酒店 LG 樓層 Café@WM 係西貢地區超人氣國際自助餐，佢哋全新呈獻「仲夏海鮮盛宴自助晚餐」。
今次大廚繼續狂推頂級冰鎮海鮮，仲特意配合今個夏天嘅體育盛事狂熱，喺熱葷同即煮區注入咗超惹味嘅美國同墨西哥風味，畀大家可以一邊感受熱烈嘅運動氣氛，一邊大飽口福！
最吸引人嘅莫過於酒店準備嘅期間限定特別推薦，如果星期一至四嚟食，每位可以獲得一份嘅法式沙巴翁焗扇貝，而如果喺星期五至日嚟，每位成人更會奉上一份極具香港地道風味嘅避風塘鮑魚，而每位小朋友亦有一份法式沙巴翁焗扇貝。
作為海鮮盛宴，海鮮陣容當然係王牌！
現場供應嘅即開新鮮生蠔隻隻厚肉、口感滑溜，配埋加拿大松葉蟹腳、凍海蝦、海蜆、加拿大海螺同澳洲藍青口，啖啖都係極致嘅鮮甜。
刺身專區仲有肥美三文魚、油甘魚，以及極受歡迎嘅阿根廷紅蝦坐鎮，油脂豐盈！
而肉食獸亦絕對唔會失望，熱葷特別準備咗香草烤美國西冷，同埋超具異國風情嘅墨西哥 Barbacoa 慢烤羊髀，肉質軟嫩、肉香四溢！
今次融入體育狂熱嘅美墨美食更係一大亮點，係即煮區可以食到即製嘅美式頂級牛肉漢堡、墨西哥Taco，仲有玩味十足嘅牛油果醬軟殼蟹手卷同香氣四溢嘅墨西哥海鮮燴飯，惹味過癮。
最後，當然要用充滿夏日氣息嘅甜品作結：經典蘋果批、芒果蛋糕、椰子蛋糕同紅桑子慕斯蛋糕應有盡有。
地址：西貢偉民路28號WM酒店Vignette Collection LG樓（地圖）
前往方法：港鐵彩虹站C1出口，乘坐到福民路小巴總站，步行7分鐘，即可到達
優惠詳情及預訂：WM酒店 - WM咖啡廳（按此連結預訂即享優惠）
酒店自助餐推介｜3. 【低至6折】香港黃金海岸酒店 - Café Lagoon
香港黃金海岸酒店 LG 樓層 Café Lagoon 聆渢咖啡廳係屯門地區超人氣國際自助餐，餐廳設豪華酒店大廳，中央圓形吧檯、木製吧台、橙色椅子、綠色地毯、瀉湖池、多層樓梯、裝飾柱，環境豪華靚景，毗鄰屯門黃金泳灘，可以欣賞海景，適合家庭聚餐、情侶約會或朋友小聚。
餐廳提供亞洲風味自助晚餐，包含多款國際佳餚和特色亞洲美饌，全日供應齒頰留香的美食佳餚，客人可在優雅舒適裝潢嘅用餐環境中享用國際美食及本地特式佳餚，真正係「屯門最靚自助餐」，一家大細都啱晒。
必食亮點包括冰鎮海鮮有海蝦、青口、即開生蠔（週末），無限量供應新鮮海鮮原汁原味；日式有三文魚刺身、吞拿魚刺身、壽司，每日新鮮製作鮮甜彈牙；熱葷有 prime 牛排、Premium 牛肋條、香煎帶子、燒雞翼、喇沙、中式燒味，香口惹味超滿足；甜品有 Häagen-Dazs 雪糕、多款蛋糕、芝士蛋糕，畫上甜蜜完美句號；飲品有果汁、汽水任飲、啤酒（晚餐），啤酒控可以肆飲。
自助餐枱上源源不絕供應新鮮海鮮、一系列豐富前菜及熱盤，豐富多元化，唔單止有西式、日式，仲有中式、東南亞風味，真正係「環球美食一次過晒冷」。
地址：屯門青山公路1號香港黃金海岸酒店（地圖）
前往方法：港鐵屯門站C2出口，搭乘公車K51或K53號至黃金泳灘站，即可到達
優惠詳情及預訂：香港黃金海岸酒店 - Café Lagoon（按此連結預訂即享優惠）
九龍區-酒店自助餐推介
酒店自助餐推介｜1.【限時56折優惠】 九龍海逸君綽酒店 - The Promenade
黃埔人氣爆燈嘅九龍海逸君綽酒店 The Promenade 喺 7 月至 8 月隆重推出全新嘅「和風海之盛宴」極上自助晚餐。
將大家最愛嘅「日本極上滋味」同「豐盛海鮮」完美揉合，由日本直送刺身、高質和牛一路數到現場即炒龍蝦，仲要包埋紅白酒、札幌啤酒無限暢飲
首先要介紹嘅絕對係令日料控雙眼發光嘅「刺身及炙燒專區」。
晚餐時段提供日本直送嘅時令鮮魚、鮮甜嘅日本油甘魚、阿根廷紅蝦、吞拿魚，甚至連高級嘅拖羅蓉同三文魚籽都有，旁邊仲有即叫即炙燒嘅北海道帶子、明太子同和風燒牛肉壽司，香氣四溢。熱食方面，最矚目嘅焦點莫過於極具東瀛風味嘅佐賀和牛壽喜燒、香濃嘅薑蔥炒新鮮龍蝦、紅燒花膠，以及出面少見嘅長腳蟹天婦羅同磯煮鮑魚，款款都精緻又高質！
而對海鮮控嚟講，呢度嘅冰鎮海鮮區同樣係天堂。
現場供應雪花蟹腳、肥美麵包蟹、香草小龍蝦、翡翠螺同白蜆等，隻隻肉質鮮嫩。
一定要留肚食埋佢哋超豐富嘅甜品，除咗有一整排精緻嘅日式主題甜點，最正嘅係仲有充滿香港地道風味嘅即製雞蛋仔、焦香蛋撻同豆腐花，最後配埋足足 10 款口味嘅 Mövenpick 雪糕，一應俱全！
地址：香港九龍紅磡黃埔花園德豐街20號（地圖）
優惠詳情及預訂：香港沙田萬怡酒店 - MoMo Cafe（按此連結預訂即享優惠）
酒店自助餐推介｜2. 【獨家尊享星期二51折】朗廷酒店 - The Food Gallery
香港朗廷酒店大堂樓層 The Food Gallery 係尖沙咀地區超人氣國際自助餐，餐廳現代豪華，廚房熱鬧紛呈，創意與地道美食融合，帶來國際風味無限美食樂趣。自助餐包括多款新鮮冰鎮海鮮、精緻刺身壽司、美味燒烤、豐富甜品，帶你踏上國際風味愉悅旅程。
2026 年 7 月至 9 月新推出推出了超震撼嘅「肉饗無盡」自助餐。
主廚團隊實行以匠心演繹多款頂級肉食，啖啖肉香，絕對能滿足各位肉食獸嘅渴望。
晚市嘅「焦點肉食」首推一入口即化嘅燒和牛肉眼 以及傳統燴和牛肉，油香細緻、肉質軟嫩到不行。
當然唔少得佢哋最標誌性嘅招牌威靈頓牛柳，仲有香煎鴨肝配焦糖水果、西班牙紅蝦配墨魚多士，以及誠意滿滿嘅鮑汁花膠撈麵、蟹肉金湯撈麵同籠仔蒸海鮮。
最後當然要用限定甜品畫上句號，榴槤芝士餅、榴槤千層酥、即製梳乎厘同極具特色嘅大樹波籮千層皮布甸，甜品控一定大滿足！
如果你想趁週末帶埋屋企嘅小朋友一齊去，佢哋嘅「週末自助同樂午餐」（週末及公眾假期供應）就最啱玩。
有一個超級大嘅亮點，就係家長可以帶同一名 10 歲以下嘅小朋友，喺用餐時段現場報名參與親子手作坊（每節大約 25 分鐘），等大人可以安靜享受美食之餘，小朋友又有得玩、有得學。
地址：尖沙咀北京道8號香港朗廷酒店大堂（地圖）
前往方法：港鐵尖沙咀 / 尖東站 C1 / L5 出口，即可到達
優惠詳情及預訂：朗廷酒店 - The Food Gallery（按此連結預訂即享優惠）
酒店自助餐推介｜3. 【快閃買1送1】香港W酒店 - KITCHEN
香港 W 酒店 6 樓 KITCHEN 係尖沙咀五星級時尚自助餐人氣熱點，主打精緻國際美食、時尚裝潢及壯麗維港海景，深受食客及旅客喜愛，是城中熱門聚餐勝地。
餐廳以摩登時尚方式演繹永垂不朽經典，注重設計創新和與眾不同的創意美饌，滿足各位饕客愛吃愛喝的慾望。
2026 年 6 月 4 日至 9 月 3 日新推出「韓式主題自助餐」，由擁有 30 年韓食廚藝的崔政秀總廚（Jung Soo Choi）主理，他曾為首爾 JW 萬豪酒店 TripAdvisor 排名第一的自助餐「Flavors」設計菜單，這次將首爾市中心 30 年韓食廚藝帶到香港 W 酒店，正宗韓國料理，超滿足。
韓式主題重點菜式：冷盤有韓式泡菜、松子芥末醬蝦涼拌、韓式海鮮粉絲沙律，清爽健康；湯品有韓式年糕牛骨湯、韓式鮑魚粥，溫暖人心；
主菜有玫瑰醬炒年糕、辣醬烤五花肉、炆牛肋條、辣醬炸雞，香口惹味超滿足；
專屬韓式烤肉站（亮點），廚師即席烤製燒烤，晚餐加碼墨西哥辣椒香蜜烤羊架，烤肉迷可以肆食；
海鮮有烤肉、生蠔、雪場蟹腳，無限量供應新鮮海鮮；甜品有核桃菓子、紅豆果凍、蜂蜜人參焦糖蘋果蛋糕、韓式傳統小吃，畫上甜蜜完美句號。
地址：尖沙咀柯士甸道西1號香港W酒店6樓（地圖）
優惠詳情及預訂：香港W酒店 - KITCHEN（按此連結預訂即享優惠）
酒店自助餐推介｜4. 【低至75折】香港麗思卡爾頓酒店 The Ritz - Café 103
平時想慶祝大日子、或者想搵個最奢華嘅地方一邊睇無敵維港海景一邊食 Buffet？
咁位於環球貿易廣場（ICC）頂層、全球最高酒店之一嘅香港麗思卡爾頓酒店絕對係最好嘅選擇。
佢哋嘅 Café 103 由即日起至 2026 年 8 月 31 日，特別推出了「夏日泰風味自助餐」。
酒店今次專程請到蘇梅島麗思卡爾頓酒店嘅客席主廚 Tanomsak Sanboonsri 親臨香港，將最精緻、最正宗嘅泰國盛夏海島風情，直接帶到嚟香港！
今次呢個泰式盛宴由清爽沙律、鑊炒美饌、香濃咖喱一路到熱帶風情甜品都應有盡有。
如果想襯放假悠閒啲食個自助午餐，推介有極具鑊氣嘅泰式炒海鮮，同埋去曼谷必食、湯頭極之濃郁嘅地道泰式船麵。
而自助晚餐必試大廚招牌秘製、酸辣開胃且層次分明嘅冬蔭功湯，仲有喺出面一般 Buffet 極罕見、蛋香四溢且極具街頭風味嘅泰式海鮮奄列。
最令人驚喜嘅係，無論係午餐定晚餐時段，甜品區都會供應一款玩味十足嘅泰式奶茶巴斯克芝士蛋糕，當濃郁嘅泰式奶茶香融入軟滑嘅巴斯克芝士入面，甜品控一定食到停唔到口！
地址：尖沙咀柯士甸道西1號環球貿易廣場(ICC)香港麗思卡爾頓酒店103樓（地圖）
優惠詳情及預訂：香港麗思卡爾頓酒店 The Ritz - Café 103（按此連結預訂即享優惠）
酒店自助餐推介｜5. 【低至7折】香港康得思酒店 - The Place
香港康得思酒店 The Place 驚喜祭出「快閃買一送一」超強 Offer！自助晚餐兩位僅需 HK$922 起（原價 HK$1,690），午餐亦只需 HK$478 起，性價比極高。
今期「味遊東西饗樂宴」極盡奢華，晚餐不僅能任食北海道毛蟹、加拿大龍蝦及紐西蘭生蠔，更有海膽與 A4 和牛他他手卷。熱葷區必食鐵板香煎鵝肝與避風塘炒蟹，甜品則有現時最紅的「開心果杜拜朱古力慕絲」及 MÖVENPICK® 雪糕。
地址：九龍旺角上海街555號 香港康得思酒店L樓層（地圖）
優惠詳情及預訂：香港康得思酒店 - The Place（按此連結預訂即享優惠）
酒店自助餐推介｜6. 【快閃買二送一】美麗華酒店 - Yamm
尖沙咀美麗華酒店 Yamm隆重推出全新嘅「味遊關西－Yamm盛夏自助晚宴」。
主廚團隊將大阪、京都等關西地區最受歡迎嘅地道料理原汁原味搬到現場，仲加入咗好多玩味十足嘅新派元素，啱晒一班哈日族放假去開大餐！
今次關西主題最霸氣嘅焦點，一定係松板和牛鮮貝皇帝蟹腳清酒鍋！
頂級嘅松阪和牛油花均勻，配埋鮮甜嘅鮮貝同珍貴皇帝蟹腳，用清酒湯底輕輕一烚，鮮味直衝大腦。
仲有極具創意嘅脆炸海膽醬章魚小丸子同蠔肉海老大阪燒，將平時嘅日本街頭小食直接升級！
冷盤同前菜方面同樣精彩，必試玩味十足嘅「芝麻雞肉青瓜沙律配麻辣爆爆珠」，同埋口感滑溜嘅中拖羅蓉溫泉蛋配珍珠醋汁，層次感極其豐富。
除咗關西美食，Yamm 一向最受歡迎嘅長駐王牌依然無限量供應。
海鮮控最愛嘅優質空運波士頓龍蝦、冰鎮海鮮，仲有皮脆肉嫩嘅即切北京片皮鴨！
最後，記住留肚進攻佢哋精緻嘅日式甜品區。
甘香濃郁嘅抹茶提拉米蘇同抹茶蕨餅，主廚仲特製咗一款甜味「章魚小丸子」，外表激似鹹食，入口卻是甜蜜驚喜，配埋 Häagen-Dazs 雪糕。
地址：尖沙咀彌敦道118-130號Mira Place, The Mira Hong Kong 地下大堂（地圖）
前往方法：港鐵尖沙咀／尖沙咀東站出口B1/ N5, 步行5分鐘，即可到達
優惠詳情及預訂：美麗華酒店 - Yamm（按此連結預訂即享優惠）
酒店自助餐推介｜7. 【快閃買2送2】都會海逸酒店 - Promenade Restaurant
Promenade Restaurant 祭出「快閃買 2 送 2」優惠，推出嘅「清風仲夏海鮮祭」自助晚餐。
今次大廚以「濃郁香辣」同「極致鮮味」做主軸，打造咗一場驚險刺激嘅味蕾冒險，等大家喺熱辣辣嘅仲夏入面，一邊歎住海風一邊大快朵頤！
成個海鮮祭嘅菜式豐富到好似一張風味地圖咁。
首先登場嘅係完美平衡咗火辣同麻香嘅四川麻辣水煮小龍蝦，入口麻辣過癮，蝦肉爽彈。
仲有湯頭濃郁、落足料嘅泰式海鮮船麵，充滿東南亞街頭風味。
鍾意西式海鮮嘅朋友，就唔好錯過烤得金黃香脆嘅西式焗蠔，煙燻嘅香氣完美帶出蠔肉嘅海洋鮮甜，一啖一隻真係超豐盛。
地址：紅磡都會道7號都會海逸酒店7樓（地圖）
優惠詳情及預訂：都會海逸酒店 - Promenade Restaurant（按此連結預訂即享優惠）
酒店自助餐推介｜8. 【低至7折優惠】香港喜來登酒店 - The Café
香港喜來登酒店咖啡廳今夏主打「東瀛海鮮海膽盛典」，以日本夏祭中「花火、屋台」為靈感，嚴選當季日本海膽入饌，炮製超過 30 款地道屋台料理、直送刺身、環球海鮮等逾 70 款美饌。
大廚設計多款海膽創意料理，晚市限定嘅海膽三文魚籽壽司塔可用酥脆紫菜承托，極具奢華，仲有口感豐富嘅海膽魚子醬脆米餅，同埋鋪滿時令刺身嘅迷你海膽魚生壽司丼。
熱食方面仲有西日完美揉合嘅龍蝦汁海膽意粉，以及內藏鮮味寶藏嘅蟹肉海膽三文魚籽茶碗蒸，啖啖都係精華！
最震撼嘅係，逢星期五至日及公眾假期晚市，現場更會上演「即切即食原條 15 公斤吞拿魚」表演，大廚即席大展刀功，等大家親口品鑑即切吞拿魚唔同部位嘅油脂甘香，視覺味覺雙重享受！
除咗海膽同吞拿魚，海鮮吧亦放滿波士頓龍蝦、鱈場蟹腳同現開生蠔。
熱葷區化身日式祭典屋台，晚市限定席前製作日本 A4 宮崎和牛鐵板燒配蒜片，入口即溶！
配埋日式角煮東坡肉、清酒煮蜆、經典炸吉列廣島蠔，同埋招牌粵菜薑蔥海鮮煲、避風塘爆炒大蝦，選擇多到數唔晒。
最後，和風甜品區真係唔可以錯過，傳統櫻花大福、日本柚子香梨啫喱同黑芝麻忌廉蛋卷輪流登場，精緻又開胃。
地址：尖沙咀彌敦道20號香港喜來登酒店2樓（地圖）
前往方法：港鐵尖沙咀/尖東站 L1 出口, 步行約2分鐘
優惠詳情及預訂：香港喜來登酒店 - The Café（按此連結預訂即享優惠）
酒店自助餐推介｜9. 【限時低至8折】香港嘉里酒店自助 - 大灣咖啡廳
香港嘉里酒店大灣咖啡廳由 2026年7月6日至8月31日，隆重推出全新嘅「東南亞海鮮饗宴」主題自助晚餐。
將海鮮冷盤陣容極致升級，仲推出十款榴槤甜點。
一入座職員會親自送到桌前呈獻全面升級嘅豐盛海鮮拼盤，平日（星期一至四）有龍蝦、泰式香草大河蝦同香茅醃漬油甘魚等，而週末，拼盤更會霸氣升級呈獻澳洲加菲蟹、帶子佐泰式甜酸醬，並特別加碼送上 10克 尊貴魚子醬。
冷盤區都有星期一至四供應嘅「泰式香草鮑魚」以及星期五至日登場嘅「泰式生蝦」，配埋地道前菜，酸辣醒胃。
熱葷方面啲必試嘅一定有星洲辣椒炒蟹配炸饅頭、經典麥皮蝦、黑胡椒蝦、泰國東北部招牌「哭虎」牛肉，以及冬蔭功湯。
除咗鹹食，全場最矚目嘅莫過於多達十款嘅限定榴槤甜點系列，包括榴槤麻糬、榴槤焦糖燉蛋、榴槤芒果班戟，以及極濃郁嘅馬來西亞 D24 榴槤意式雪糕等，香氣撲鼻，包保榴槤控一試難忘！
地址：紅磡紅鸞道38號香港嘉里酒店3樓（地圖）
前往方法：黃埔港鐵站C2岀口步行約6分鐘
優惠詳情及預訂：香港嘉里酒店自助 - 大灣咖啡廳（按此連結預訂即享優惠）
酒店自助餐推介｜10. 【快閃買一送一】香港逸東酒店 - 普慶餐廳 The Astor
香港逸東酒店普慶餐廳現正推出【快閃買一送一】優惠。
全新「西班牙美食市集」主題自助餐，今次團隊特別以巴塞隆拿舉世聞名嘅 La Boqueria 市集為設計靈感，將全個餐廳包裝成熱鬧嘅美食攤檔。
今次主題最矚目嘅焦點，絕對係充滿精緻歐陸風味嘅主菜。
必食推介有將奢華海鮮升級演繹嘅藏紅花蒜泥蛋黃醬龍蝦尾，龍蝦肉爽彈鮮甜，配埋靈魂蒜泥蛋黃醬真係絕配。
仲有外皮烤到爽脆、肉質嫩滑嘅西班牙傳統烤乳豬，以及鑊氣十足、吸盡海鮮精華嘅西班牙海鮮大鍋飯。
仲有好多嘅西班牙小菜同精緻嘅西班牙甜點拼盤，等你可以好似去咗當地市集咁。
地址：佐敦彌敦道380號香港逸東酒店B1樓（地圖）
前往方法：港鐵佐敦站 B1 出口, 港鐵油麻地站 C 出口
優惠詳情及預訂：香港逸東酒店 - 普慶餐廳 The Astor（按此連結預訂即享優惠）
酒店自助餐推介｜11. 【限時低至65折優惠】帝苑酒店 - 雅苑座
帝苑酒店雅苑座現推限時低至 65 折驚喜優惠，全新嘅「星馬泰風味之旅」自助晚餐。
將大家帶到去東南亞，再加埋帝苑最出名嘅王牌甜品陣容。
焦點推介係極具馬來西亞大牌檔風味嘅馬來森巴燒魔鬼魚裙邊，魔鬼魚肉質嫩滑，配埋香辣嘅森巴醬真係超惹味。
仲有鑊氣十足、吸盡胡椒香氣嘅新加坡胡椒蟹、外脆內嫩嘅泰式燒雞，同埋藥材味濃郁、飲完超暖胃嘅地道肉骨茶。
佢哋嘅甜品煙韌芒果糯米飯同透心涼嘅椰汁珍多冰，令你一秒去到馬來西亞咁。
地址：尖沙咀麼地道69號帝苑酒店3樓（地圖）
前往方法：港鐵尖沙咀/尖東站 P2 出口
優惠詳情及預訂：帝苑酒店 - 雅苑座（按此連結預訂即享優惠）
酒店自助餐推介｜12. 【限時低至56折優惠】恆豐酒店 - 紅煙窗餐廳
紅煙窗餐廳推出——「鮮蠔三重奏．海鮮自助晚餐」，為大家一口氣搜羅咗三大產地嘅即開生蠔，包括紐西蘭生蠔、美國生蠔、同埋日本生蠔，等你可以一次過品嚐到唔同海域、或清甜或肥美滑溜嘅極致層次。
海鮮吧更放滿咗法國麵包蟹、鱈場蟹腳、凍蝦同馬來西亞大蜆。
逢星期五至日及公眾假期，每位客人仲會獲贈送一客熱辣辣、超鮮美嘅「蒜蓉粉絲蒸龍蝦尾」。
肉食獸必食澳洲和牛、外脆內嫩嘅京式片皮鴨、慢煮西班牙杜洛克黑豚豬，以及孜然烤羊髀與香蒜花蜜牛仔骨。
呢度嘅甜品區直情係「榴槤與名牌雪糕嘅狂歡派對」現場有一整排香濃到犯規嘅榴槤系列甜品，包括榴槤忌廉蛋糕、榴槤泡芙、榴槤布甸、榴槤海綿蛋糕同榴槤吉士撻，配埋經典嘅芒果拿破崙、3.6北海道牛乳布甸。
地址：佐敦彌敦道222號恆豐酒店2樓（地圖）
前往方法：港鐵佐敦站 E 出口
優惠詳情及預訂：恆豐酒店 - 紅煙窗餐廳（按此連結預訂即享優惠）
酒店自助餐推介｜13. 【快閃買二送一優惠】九龍香格里拉 - Cafe Kool
九龍香格里拉 Café Kool 驚喜推出「快閃買二送一」優惠，自助晚餐三位同行，人均僅需 HK$627 起（原價總計 HK$2,699）！
2026 年 6 月 15 日起新推出「夏日東瀛」自助午餐及晚餐，主打日式夏季主題，融合日本夏季食材、海鮮、燒烤、刺身、鐵板燒等經典日菜，日式迷可以肆食超滿足。
午市焦點菜式： 魚子醬蛋沙律三文治（週末供應）、蒜香迷迭香羊架（週末供應）、宮崎牛壽喜燒（週末供應）、精選刺身壽司拼盤、蒜香牛油帶子配三文魚籽、醬油醃吞拿魚、油甘魚刺身配柚子醋汁、蒲燒鰻魚、唐揚阿波尾雞、蒜香牛油魷魚、慢煮牛面頰配鍋巴。午市主打日式刺身、壽司、壽喜燒、鰻魚、雞、牛油魷魚等，日式迷可以肆食超滿足。
晚市焦點菜式： 宮崎和牛扒配味噌汁（週末供應）、魚子醬宮崎和牛他他（週末供應）、魚子醬吞拿魚他他（平日限定）、鐵板燒鮑魚、焗忌廉蟹肉帶子、極上軟殼蟹丼、銀鱈魚西京燒、白酒忌廉芝士焗蠔、甲羅燒多士、蒜香迷迭香羊架、蒸龍蝦配金銀蒜、鵝肝釀百花炸蟹鉗、花雕醉乳鴿、金湯蟹鉗蒸蛋白。
地址：尖沙咀麼地道64號九龍香格里拉閣樓（地圖）
前往方法：港鐵尖沙咀/尖東站 P1 出口
優惠詳情及預訂：九龍香格里拉 - Cafe Kool（按此連結預訂即享優惠）
睇完以上 27 間酒店自助餐推介，不知道有合你心意的嗎？若果仲係拿不定注意，Klook 爲你整合左詳細的自助餐優惠及推介，可 按此 查看！
此外，ReUbird 網上平台亦爲大家搜羅了全港18區的玩樂飲食情報，如有興趣不妨去看看~
【深水埗café】9間深水埗文青café推介 人氣咖啡純素甜品盡在深水埗
【中環美食 | 17間平價食堂 慢活Café 東歐餐廳 特色下午茶】
【觀塘自助餐推介】低至75折! 法國生蠔、日本松葉蟹、廚師即席烹調各種美食
另外，如果想尋找更多自助餐優惠，推薦大家到 BuffetJetso 網站探索更多！
BuffetJetso是一個自助餐優惠資訊網，網站整合了全港最新的自助餐優惠情報，包括下午茶自助餐優惠、自助午餐優惠、半自助午餐優惠、自助晚餐優惠、自助餐生日優惠、熱門網上平台如Klook自助餐優惠等，優惠種類非常齊全，對於想找自助餐優惠的朋友很有幫助！