×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【灣仔美食】灣仔必食餐廳推介|一文介紹灣仔午餐晚餐美食
ReUbird 活動雜誌   #美食 #18區美食
【灣仔美食】灣仔必食餐廳推介|一文介紹灣仔午餐晚餐美食

灣仔有咩食?中菜、西餐、日本菜、茶餐廳等等,美食佳餚遍佈灣仔,各種食肆應有盡有,揀唔落手?等小編推薦以下8間灣仔餐廳,包括各國美食、茶記、cafe及蛋糕店!

出街玩想要新靈感?
全港18區好玩好食好去處推介,盡在ReUbird!

灣仔有數之不盡美食選擇,灣仔上班族實在有口福!

 

以下將為你呈獻:

茶餐廳:強記美食、旺記冰室

西餐廳:Coyote Bar & Grill、Pici

中菜:湘蜀人家

日本菜:貓之眼

越南菜:Brass Spoon

素菜:本地薑素食店

 

即刻為你介紹:

 

1. 灣仔港式小食好推介:強記美食

位於灣仔駱克道既呢間港式小食店,連續幾年被列入米之蓮美食推薦指南,頂著米之蓮街頭小食的銜頭,名聲大響。

呢檔經典港式小食,從推車仔擺擋起家,已經營超過六十五年;現任老闆吳少峰繼承父業,風雨不改堅持出港式地道小食風味。

店面小而簡陃,只有幾張枱凳,卻因此充滿香港的經典味道,喚起舊時回憶;同時,強記美食亦是灣仔既黃店之一。

最出名既臘味糯米飯($39),臘腸潤滑而不油膩,糯米飯粒粒分明,口感十足!

 

強記美食

營業時間:每日 12:00 - 00:00

地址:灣仔駱克道382號莊士企業大廈地下

前往方法:港鐵銅鑼灣站 C 出口,步行約5分鐘

電話:+852 25725207

相片來源:OpenRice

 

2. 灣仔茶餐廳好推介:旺記冰室 - 港式地道茶記

想簡簡單單揾間茶記,食餐頹飯醫下肚?呢間位於灣仔既港式茶餐廳就以自家製本土美食馳名,近兩年喺全港已經開設左三間分店,但都係灣仔既原店最有原味道!

呢間灣仔茶記,表明採用日本雞蛋,加上自家秘製醬汁,吸引唔少食客,經常門若庭市!

最出名既菜色就係香港地道風味十足既叉燒滑蛋飯($55),叉燒肉汁鮮甜,滑蛋入口即融,同《食神》既黯然消魂飯有得揮!

 

旺記冰室

營業時間:每日 07:30 - 18:00

地址:灣仔謝斐道142號建利大廈地舖

前往方法:港鐵灣仔站 A1 出口,步行約4分鐘

電話:+852 2528 2927

相片來源:OpenRice

 

3. 灣仔西餐廳好推介:Coyote Bar & Grill - 高質墨西哥美食、抵食自助午餐及晚餐

呢間洋溢墨西哥風情既灣仔西餐廳,無論店舖佈置、音樂、食物都好有墨西哥格調,猶如置身熱情奔放的墨西哥國度!

最近主推既墨西哥自助午餐 $128,三個鐘任食,超級抵食!自助午餐時段:逢星期一至五 12:00 - 15:00(公眾假期除外)

鮮蝦咯嗲﹑健康藜麥沙律﹑墨西哥脆片配牛油果醬等等,墨西哥美食應有盡有,而且食物品質高!

 

Coyote Bar & Grill

營業時間:每日 12:00 - 02:00

地址:灣仔駱克道114-120號嘉洛商業大廈

前往方法:港鐵灣仔站 A1 出口,步行約1分鐘

電話:+852 2861 2221

相片來源:OpenRiceFb專頁

 

4. 灣仔西餐廳好推介:Pici - 灣仔意大利餐廳

呢間位於灣仔進教圍既意式餐廳,主打即製新鮮手打意粉;餐廳樓高兩層,格調輕鬆舒適;

午餐$158,包括頭盤、意粉及甜品各一客;灣仔西餐廳來說,價格親民,吸引不少本地及外國食客!

每一道菜都是廚師精心自家製作,口感煙韌,味道濃郁不油膩!

 

Pici

營業時間:

  • 星期一至四 12:00 - 22:30
  • 星期五 12:00 - 23:00
  • 星期六 11:30 - 23:00
  • 星期日 11:30 - 22:30 

地址:灣仔進教圍16號地舖

前往方法:港鐵金鐘站 F 出口,步行約7分鐘

電話:+852 2755 5523

相片來源:OpenRice官網

 

5. 灣仔中菜餐廳推介:湘蜀人家 - 中式香辣菜餚既代表

逢時過節,想同親戚長輩聚首一堂,食餐中式團年飯?不妨選擇灣仔大有廣場的這間中菜餐廳一嚐湘菜、川菜風味。

店內設計及餐具都頗有中國傳統特色,主打川菜及湘菜,每道小菜都別具特色,味道正宗。

不少菜式都具麻辣口味,最適合無辣不歡者到此過過口癮!如果唔食得辣,都有唔少唔添加辣既菜式(雲吞雞、蝦仁炒蛋等)可選擇。

 

湘蜀人家

營業時間:每日 11:30 - 15:30、17:30 - 22:00

地址:灣仔莊士敦道181號大有廣場2樓218號舖

前往方法:港鐵灣仔站 A3 出口,步行約3分鐘

電話:+852 2380 9688

相片來源:OpenRice

 

6. 灣仔日式餐廳推介:貓之眼 - 日式咖喱蛋包飯快餐店

灣仔呢間日式黃店主打蛋包飯,細小的店舖,開放式廚房內,店員穿上統一制服,系上日系頭巾,確實令人聯想起日本餐廳。

點餐後不消幾分鐘便會上餐,適合上班族放lunch前來速食解決一餐温飽。

餐廳使用日本國產米,除了傳統日式咖喱汁,還有各式香濃醬汁;淋在蛋包飯上,增添滋味。

招牌三色蛋包飯($82)

 

貓之眼

營業時間:每日 11:30 - 15:00、18:00 - 21:30

地址:灣仔汕頭街24號地舖

前往方法:港鐵灣仔站 B2 出口,步行約3分鐘

電話:+852 2891 8986

相片來源:OpenRice

 

7. 灣仔越南菜推介:Brass Spoon - 平價越式湯粉

呢間位於灣仔星街既越南菜餐廳,主打牛肉粉;餐廳獲米之蓮推薦,每到營業時間店舖外便大排長龍,食客讚不絕口。

湯底以慢火燉煮,熬製18小時才會呈上客人面前,可見每碗湯粉背後,隱含著師傅的用心良苦。

清甜湯底,加上越式香料,惹味可口,難怪店舖每每車水馬龍。

 

Brass Spoon

營業時間:

  • 星期一至六 12:00 - 19:00
  • 星期日及公眾假期 休息

地址:灣仔月街1號地下B舖

前往方法:港鐵金鐘站 F 出口,步行約6分鐘

電話:+852 2877 0898

相片來源:OpenRiceFb專頁

 

8. 灣仔素菜餐廳推介:本地薑素食店



呢間藏於藍屋內素菜餐廳係聖雅各福群會屬下既社企餐廳,提倡天然健康飲食,主張低鹽低糖低油煮食,更唔添加任何味精;

作為社企餐廳,呢間素食店選用本地新鮮農作物,支持本地農業;同時積極推動低碳環保,鼓勵外賣自備飯盒,好有意義!

五色養生薑黃飯 ($62):食材簡單,但味道清新,實在係健康養生之選!

菜單每週會喺Fb專頁更新,各位食客記得留意。

 

本地薑素食店

營業時間:

  • 星期一至六 11:30 - 17:30
  • 星期日 休息

地址:灣仔景星街8號地下

前往方法:港鐵灣仔站 A3 出口,步行約7分鐘

電話:+852 9062 8345

相片來源:官網

 

更多灣仔美食資訊,可以睇埋以下Vlog:

 

你可能會對以下文章有興趣:


熱門文章




關鍵詞:
香港 【灣仔美食】灣仔必食餐廳推介|一文介紹灣仔午餐晚餐美食  香港   香港   香港