【澳門水蟹粥】凌晨宵夜好去處：必食特色水蟹粥推介，盡享鮮美滋味

澳門美食又點止杏仁餅同葡撻，喺美食清單中澳門水蟹粥都榜上有名！今次就為你推介澳門必食水蟹粥店，有啲開到凌晨㗎，宵夜唔知食咩就要睇落去啦！

福利大放送｜預訂活動銀行刷卡優惠碼合集

水蟹粥推介

1. 誠昌飯店
2. 一哥美食
3. 肥仔文美食
4. 六記粥麵

其他澳門美食推介

其他澳門行程推介

水蟹粥推介

1.誠昌飯店

誠昌飯店係澳門一間非常受歡迎嘅美食餐廳，尤其係招牌水蟹粥，必食美食之一。

（圖片來源：Openrice）

水蟹粥由肉蟹、膏蟹、水蟹三種蟹煲制而成，蟹膏同蟹肉融入廣式粥品，金黃誘人嘅顏色，味道香濃，粥上面仲有成隻好大嘅蟹！

（圖片來源：誠昌飯店）

有好多成塊嘅蟹黃同細絲嘅蟹肉。口感綿綿滑香，保持左粥嘅濃稠度，粥米糯滑，唔會出現米同湯分離嘅情況。

（圖片來源：誠昌飯店）

如果係2~3個人一齊食，建議可以嗌細份嘅水蟹粥，再試吓其他菜式。

除左水蟹粥，仲有好多其他的海鮮菜式可以選擇，例如豉汁蒸大鱔、金沙大蝦、黃金炒蟹等等。

（圖片來源：誠昌飯店）

誠昌飯店｜餐廳詳情

• 地址：氹仔舊城區官也街28-30&89&93號地舖（地圖）
• 營業時間：星期一至日 12:00-23:30

延伸閱讀：【澳門氹仔一日遊】氹仔必去景點、美食、活動推介（附澳門交通懶人包）

2.一哥美食

一哥水蟹粥係宵夜食水蟹粥嘅第一選擇！

（圖片來源：Openrice）

每一鍋粥都係由新鮮嘅水蟹加上精選嘅香米煲制而成，水蟹同香米嘅組合融合左蟹肉同粥底嘅香甜。

將原只水蟹斬件放入粥內煮沸，由於水分較多，所以粥底偏稀，但味道十分鮮甜。

（圖片來源：澳門經濟局）

除左水蟹粥仲有各式各樣嘅小炒可以選擇，想食咩就盡情嗌啦！

特別推介即叫即炸嘅椒鹽九肚魚，熱辣辣上檯，外層酥脆，內層細滑，味道鮮甜又香口。如果你鍾意食香脆食物，咁就唔好錯過啦！

（圖片來源：澳門經濟局）

叉燒腸粉都值得一試！皮薄餡靚，皺摺嘅粉皮沾滿醬料，十分惹味！

（圖片來源：澳門經濟局）

一哥美食｜餐廳詳情

• 地址：澳門黑沙環第七街8-C,8-D,10,10-A錦興大廈地下A及B（地圖）
• 營業時間：星期一至日18:30 - 3:00

3.肥仔文美食

講起澳門本地人推介中餐館，點會少得肥仔文美食，水蟹粥都係佢哋嘅必點招牌菜。

（圖片來源：肥仔文美食）

蟹肉鮮美可口，粥底清爽，口感綿密，非常順口。

（圖片來源：肥仔文美食）

肥仔文美食外觀相對低調。店外就有肥仔文美食嘅招牌，展示水蟹粥同蝦子雲吞撈麵嘅相。

麵係由古法竹升壓面制作，制作過程需要坐喺竹桿上，全身用力攙壓，令面條有韌度，真材實料，技藝高超。

（圖片來源：肥仔文美食）

仲有好多其他受歡迎嘅菜品，如蝦子雲吞撈麵、炸墨魚丸、炸鯪魚球、椒鹽栗米等，整體都算抵食㗎。

（圖片來源：肥仔文美食）

（圖片來源：肥仔文美食）

肥仔文美食｜餐廳詳情

• 氹仔總店：氹仔新城區孫逸仙博士大馬路460號地下I舖（地圖）
• 皇朝分店：澳門皇朝聖德倫街474號獲多利大廈地下（地圖）
• 營業時間： 星期一至日　17:00 - 3:00 

延伸閱讀：【澳門美食2024】精選21間澳門人氣餐廳推介｜環球美食、街頭小吃、特色茶餐廳

4.六記粥麵

六記粥麵已經有70幾年歷史，連續九年獲得米其林推介！吸引好多美食愛好者嚟打卡品嘗。

（圖片來源：澳門政府旅遊局）

以水蟹粥聞名，用成只水蟹熬制，粥底細膩鮮甜。

水蟹嘅蟹黃精華完全溶於粥底，每一啖都可以品嘗到蟹黃嘅鮮味。

（圖片來源：Openrice）

粥嘅口感綿密，新鮮嘅紅蟹搭配蟹黃粥一起食用更加過癮！

（圖片來源：澳門政府旅遊局）

除左水蟹粥，六記仲以傳統手法制作嘅竹升面聞名。

竹昇麵口感爽口，湯底鮮味十足。仲有其他六十幾種特色美食，例如炸雲吞同米通鯪魚球等。

（圖片來源：澳門政府旅遊局）

六記粥麵｜餐廳詳情

• 地址：沙梨頭沙梨頭仁慕巷1號D地舖（地圖）
• 營業時間：12:30 - 23:00

如果喺澳門旅遊就記得預留時間試下結合粥品同蟹肉兩種食材嘅鮮甜順口水蟹粥啦！

想知澳門仲有咩抵玩抵食嘅地方？按此發掘更多澳門旅遊優惠資訊！

喺澳門嘆完美食就要舒舒服服搵間酒店hea下，教你搵珠海平價高質酒店，人均低至HK$150起！