一年容易又中秋,喺呢個特別嘅節日,又點可以錯過同重要嘅人共度佳節呢?無論你係趁中秋節同朋友去海濱公園賞月,與摯愛去野外郊遊露營,定係仲諗緊去邊好,ReUbird 為你諗好咗幾個賞月好去處,等你今個中秋玩到盡!
懶人包:無論你住港島、九龍、新界定九龍,總有一個中秋賞月好去處喺左近!
港島區賞月好去處 | 九龍區賞月好去處 | 新界區賞月好去處 | 郊外賞月好去處 |
港島區賞月好去處
1. 中山紀念公園
位於西營盤嘅中山紀念公園,係市區中難得嘅開揚大草地,24小時開放,廣闊嘅環境唔單止適合野餐,仲可以俾大家喺中秋佳節食住月餅賞圓月。附近仲有海濱長廊可以散步,如果慶祝中秋節時食得太飽,仲可以散住步,欣賞維港月色。
圖片來自 wikipedia
交通方法:西營盤站 A2 出口步行約 6 分鐘 (Google Map)
開放時間:24小時
2. 金鐘添馬公園
位於金鐘嘅添馬公園,係唔少人週末會去野餐嘅地方,而中秋節更係一個適合賞月,觀賞維港景色嘅賞月好去處。
圖片來自 getreadyhk
交通方法:港鐵金鐘A出口(Google Map)
開放時間:24小時
3. 山頂花園
想去啲別緻啲嘅中秋賞月地點?幫緊你幫緊你!有過百年歷史嘅山頂公園,至今仍遺留咗充滿古典維多利亞風格嘅後花園。中秋節喺山頂餐廳食完飯,可以嚟呢到散下步,再行幾步,便到達「太平山之巔」嘅獅子亭,飽覽維港景色、欣賞月色。更多山頂花園玩樂資訊: 【山頂公園】香港秘密花園|悠閒行山、貴族野餐、文青打卡
圖片來自 dailyventure
交通方法:乘搭山頂纜車或 15 號巴士到達山頂廣場,沿柯士甸山道步行約 20 分鐘 (Google Map)
開放時間:24小時
4. 數碼港海濱長廊
如果想去啲遠離市區嘅地方過中秋,數碼港海濱長廊就啱曬喇!坐喺大片草地上,望住海賞月,特別愜意,帶埋狗仔去都無問題㗎!
圖片來自 vairhk
交通方法:數碼港巴士總站沿資訊道步行時間約5 - 10分鐘(Google Map)
開放時間:7:00 - 23:00
九龍區賞月好去處
5. 觀塘海濱花園
觀塘海濱花園交通方便,可以飽覽港島東風景,想喺九龍區同家人賞月野餐嘅,不妨考慮下!
圖片來自 getreadyhk
交通方法:港鐵觀塘站B3出口,步行約10分鐘/港鐵牛頭B6出口,步行約15分鐘(Google Map)
開放時間:24小時
6. 西九文化區
西九文化區藝術公園除咗可以練跑 ,園內仲有大草地, 中秋節可以喺草地上食月餅賞月。附近設有海濱長廊,坐耐咗可以沿著維港吹下海風散步。中秋節除咗賞月之外,都好適合玩燈籠,不過離開時記得清理好垃圾喇!
圖片來自 U Lifestyle
藝術公園資訊:按此
交通方法:港鐵九龍站E4或E5出口,步行約10分鐘(Google Map)
開放時間:6:00 - 23:00 (特別安排除外)
7. 啓德郵輪碼頭公園
前身係舊啓德機場跑道嘅啓德郵輪碼頭公園,週末假日人流唔多。坐喺中央草坪欣賞維港美景特別 chill,想喺中秋賞月嘅話,都可以考慮去呢到。
圖片來自 Wikiwand
交通方法:九龍灣港鐵站轉乘5R綫小巴或86綫巴士(Google Map)
開放時間:7:00 - 23:00
新界區賞月好去處
8. 將軍澳單車館公園
將軍澳單車館公園除咗有面積非常寬廣嘅草地,仲有人工湖、戶外滑板場、露天劇場、兒童遊戲設施等設施。住將軍澳區嘅朋友,做完節帶埋家人落街賞月野餐,一樣玩得開心!
圖片來自 康樂及文化事務署
交通方法:港鐵將軍澳站A出口或坑口站B出口步行約15鐘 (Google Map)
開放時間:24小時開放
9. 大埔海濱公園
大埔海濱公園嘅草地唔算廣闊,但海濱長廊就係絕佳嘅中秋散步、賞月好去處。除咗選擇到公園野餐外,亦可以於中秋晚飯後同家人一邊散步一邊賞月。
圖片來自 康樂及文化事務署
交通方法:巴士 72A、73、73X、75X、271、275R、74K、75K、71K、71S,或由大埔墟港鐵站出發,步行 30 分鐘(Google Map)
開放時間:24小時開放
郊外賞月好去處
10. 露營
一到中秋,就係賞月好時機,而除咗去公園賞月,露營都係一個唔錯嘅選擇!無論係去免費營地,定係租借特色露營車,都係一個唔錯嘅中秋節活動。
圖片來自 klook
11. 石澳海灘 BBQ
石澳海灘附近有唔少BBQ燒烤設施。一班人BBQ賞月過中秋,都幾難忘㗎!加上石澳海灘面向東面,早啲去仲可以觀賞「月出」之景添!想知更多石澳玩樂資訊,即睇【石澳好去處】最齊全的石澳攻略 · 打卡行山燒烤BBQ盡在石澳
圖片來自 poortravellers
交通方法:筲箕灣港鐵站 A2 出口乘搭紅色小巴 (Google Map)
開放時間:24小時開放
12. 清水灣大坳門
清水灣大坳門係觀星嘅熱門地,呢到既有郊野公園,又有燒烤場。由於遠離市區,光害較少,中秋節可以更清楚地望到月亮。
前往方法:於將軍澳乘搭103M小巴,於大坳門道站落車步行約20分鐘(Google Map)
開放時間:24小時開放
除咗以上嘅中秋賞月地點,大家亦可參考 中秋節4大必去賞月地點~團團圓圓打卡~嘅影片!