×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【親子好去處】各式兒童好去處 | 最齊全的親子活動懶人包 2020
ReUbird 活動雜誌   #室內好去處 #親子好去處 #美食
【親子好去處】各式兒童好去處 | 最齊全的親子活動懶人包 2020

小編為你搜羅一系列親子活動 !


by Kayan

📷Travel |🐾Photography


出街玩想要新靈感?
全港18區好玩好食好去處推介,盡在ReUbird!

週末就係親子玩樂歡樂時光,無論你係想進行戶外親子活動、搵親子餐廳、 去親子農莊、定係親子營地、室內放電遊樂場,小編都為大家搜羅了一系列 2020 親子好去處!


文章將會為大家介紹下列親子活動:


1. 玩樂型親子活動

1.1 Superpark 一站式的親子室內遊樂園

呢間以遊戲運動概念為主題嘅室內遊樂園,簡直可以話係一站式嘅室內活動樂園,因為佢唔單止適合小朋友玩,都啱年青人,甚至大人都一樣咁啱玩。係一個非常適合週末一家大細去嘅親子好去處!如果帶小朋友嚟放電,可能你自己都要放埋一份!Superpark 設有3個園區,包括冒險地帶、遊戲競技場以及自由式殿堂。每個園區都有適合小朋友玩嘅遊戲。


冒險地帶:有迷你賽車場(是法拉利及寶馬踏板車)、超級車呔滑梯、空中滑索、粒粒障礙牆、兒童歷奇城巿及幼兒體操區等,最啱家長同小朋友一齊玩!


遊戲競技場 :彈珠足球場、棒球練習場、高爾夫球練習場、街頭藍球場,最正係有雷達及電子系統測量成績,用嚟比賽鬥高分最啱!


自由式殿堂 :滑板或踏板車、數碼攀石牆同幼兒體操區,而當中的幼兒體操區就適合小朋友去做下運動啦!


每個遊戲旁邊都放咗「遊戲規則」,家長唔洗擔心唔識玩,跟住指引做就得啦!再唔係都可以搵工作人員協助~
玩攰想休息嘅時候,仲可以係遊樂場隔離呢間隸屬於 Superpark 嘅 Cali-Mex Bar and Grill 餐廳充電補充能量,之後繼續下一輪嘅親子活動!


詳情:
收費: $180/平日Day Pass、$250/假日Day Pass

地址:大角咀海輝道18號一號銀海地下(Google map

更多詳細: SUPERPARK


1.2 觀塘室內親子樂園「PlayLab反斗研究所」

如果想搵啲靜態少少嘅親子活動,就唔好錯過呢個位於觀塘嘅親子遊樂園啦!觀塘全新室內親子樂園「PlayLab 反斗研究所」,佔地逾 7000 呎,位於觀塘市中心,係親子假日不容錯過嘅觀塘好去處。
PlayLab提供10+ 個「反斗」遊樂區,包括主打「放電迷宮波波池」,多重障礙設計包括繩網、獨木橋、互動投影等,讓孩子盡情反斗,大玩特玩!



商店及廚房體驗區,大玩像真度極高嘅窩夫雪糕、台式珍奶、甜甜圈等;MakeUp Studio 設有旋轉樓梯、公主化妝專櫃扮靚區等。


未來建築區讓小朋友們可以扮演小小工程師。大家互相合作建設、發展社交技巧。

場內更設有育嬰室同獨立哺乳房間,非常體貼媽媽,滿足佢地嘅需要,場內亦設鞋櫃及儲物櫃,家長可以放心地陪小朋友盡情玩!

詳情:
地點:觀塘駿業街64號南益商業中心7樓全層(Google map
門票預訂或其他查詢:PlayLab

1.3 home 焙小日子 - 親子廚藝活動
相信甜品係唔少小朋友嘅心頭好,係休閒嘅假期入面,家長同小朋友可以齊齊化身蛋糕師,整出精緻又好味嘅蛋糕啦!整蛋糕唔止可以考驗家長同小朋友嘅默契,都可以考驗雙方廚藝,更加可以為親情升溫添!係一個唔錯嘅親子活動。


場地提供非常全面嘅設備、材料,環境都好舒服。冇廚藝經驗都唔怕,home培小日子提供埋ipad教學,大家可以睇住黎整蛋糕,有咩問題都可以問職員幫助~


地點:

將軍澳唐德街9號地下 G42號舖將軍澳中心(Google map);

荃灣楊屋道18號荃新天地二期G27鋪(Google map);

荔枝角長順街15號D2 PLACE TWO 305號鋪(Google map
更多資訊:Home.焙小日子香港店

1.4 Party Queen Party Room —兒童天地
有時想幫小朋友搞下生日會、或者係其他小朋友派對,除了去餐廳之後,其實都可以去親子 Party room 架!呢間親子 Party room好適合!



Party room提供各式各樣嘅大型公仔、兒童木馬、滑梯同埋吹起城堡,岩曬小朋友同兒童玩!係小朋友玩樂嘅同時,大人都可以打麻雀、玩board games同埋唱K,係一個大細共融嘅地方。係小朋友生日會結束前,大家仲可以著埋場地提供嘅cosplay衫,影相打卡記錄低呢個難忘嘅生日會!



詳情:

地址:荃灣沙咀道40-50號榮豐工業大廈3樓12室 (Google map

預訂或其他查詢:按此

(更多小朋友生日的Party Room推介:按此


2. 戶外親子活動

2.1 迪欣湖 - 親子活動聖地

迪士尼係唔少親子聚會會去嘅地方,而係迪士尼附近嘅迪欣湖活動中心都係一個親子好去處!

充滿童話色彩嘅迪欣湖係一個人工湖,設有雙人及四人單車出租,非常適合一家人一齊租黎漫遊迪欣湖。途中都可停落黎欣賞湖中嘅荷花、風景。


如果嫌單車太悶,迪欣湖都有提供腳踏船(水上單車)及划艇等水上活動架!四個位嘅水上單車可以比一家人係湖上漫遊,十分愜意!相信小朋友都會鍾意。


如果想進行啲靜態親子活動,都冇問題!迪欣湖係出名嘅野餐聖地,大人可以帶塊野餐布、同埋野餐美食,便可以同小朋友係草地上野餐啦!呢度絕對係一個多元嘅親子好去處!



迪欣湖活動中心

 地址: 香港新界大嶼山竹篙灣 迪欣湖活動中心 (Google map

開放時間:每天早上9時至晚上7時
腳踏船及腳踏遊覽車出租服務:每天早上10:00至下午5:00提供
票價:免費入場,租小艇、單車等另外收費
租單車/艇:雙人艇 $70/半小時, $120/小時
四人艇 $85/半小時, $150/小時
四輛單車 (雙人單車$100/小時 ; 四人單車$120/小時            

交通:1.乘港鐵廸士尼線到香港迪士尼樂園度假區交通交匯處,再轉乘R8遁環線

             2. 乘巴士到逹青嶼收費廣場,再轉乘R8遁環線


2.2 元朗石崗 農場鮮奶有限公司

平時牛奶就飲得多,但小朋友究竟知唔知牛奶係邊度來呢?週末嘅時候,都可以試下帶著小朋友去下郊區,呢個位於元朗嘅鮮奶公司都係一個唔錯嘅親子好去處。

呢個係一個有牧場嘅露天茶座,牛奶由內地嘅「農場鮮奶」牧場入貨,並供應自家製嘅薑汁撞奶、芒果燉奶、燉奶、熱鮮奶和鮮奶咖啡等。除此之外,小朋友仲可以親親大自然,去餵羊!食材都係幾蚊就買到,非常划算。




想餵羊仔食野,都唔係特別貴。一扎草都係3蚊有交易! 用3蚊可以買到小朋友一個寶貴經歷都不錯~


餵完羊之後,仲可以試下呢間農場鮮奶公司農場有限公司出名嘅鮮奶同薑汁撞奶!小朋友一定喜歡~

詳情:

地點:錦田荃錦公路雷公田 78 號 (Google map
開放時間:星期六、日及公眾假期( 9:00am-5:30pm )
查詢電話:2832 9218
前往方法:於元朗泰衡街乘72號專線小巴到總站,車程約30分鐘;或可於錦上路鐵路站C出口,轉乘同一小巴,下車後沿農場鮮奶指示牌步行約10-15分鐘


2.3 清水灣大坳門放風箏


假期嘅時候,唔少家庭都會選擇去郊區進行親子活動。除了上述嘅親子活動,帶小朋友到郊外放風箏亦是個唔錯嘅選擇!


大坳門位於清水灣東部,附近有山有海,而且清水灣郊野公園內有大片草地,專門予人放風箏,是出名嘅風箏勝地。大坳門有巴士、小巴直達,下車後向清水灣郊野公園方向行,大約 15 分鐘便可到達放風箏地點。


清水灣郊野公園內設有小食亭,亦有出售風箏,大家可以兩手fing fing來到再選購風箏~

大坳門交通資訊
巴士:鑽石山91號
小巴:寶琳16、觀塘碼頭103、將軍澳103M
停車場:清水灣郊野公園旁邊有停車場,但位置不多


3. 益智親子活動

3.1 香港兒童探索博物館

小朋友有一個共同點,就係對好多東西都充滿好奇。咁親子活動去呢間香港兒童探索博物館就fit曬!


佔地6000平方尺的兒童探索博物館有4大區域比小朋友學習,包括「故事舞台」、「愛耗大自然」、「漫遊小香港」及「小工匠工作室」!更設有幼兒專區,可讓幼童係安全環境下探索!



「愛耗大自然」展區:比小朋友探索大自然嘅奧妙,了解地球資源嘅來源,以及保護環境嘅方法。


「小工匠工作室」展區:小朋友們齊齊化成小工匠,一齊建造、 測試、 創造物品!場地提供獨特嘅工具和材料比小朋友去作唔同嘅嘗試,家長可以在旁邊協助,係唔錯嘅親子互動~


「故事舞台」展區: 小朋友可以透過舞台製作,編劇同角色扮演將自己嘅故事表達出來!

「漫遊小香港」展區:呢個展區係專為三歲以下兒童設計嘅,小朋友可以在展區內嘅城市交通區域盡情探索,充分運用佢地嘅感官。

詳情:
地址:北角馬寶道28號華滙中心一樓 (Google map

更多詳情:香港兒童探索博物館


3.2 香港科學館

如果想同小朋友學習科學知識,位於尖沙咀嘅香港科學館就係一個學習科學知識嘅親子好去處。呢度經常舉辦有趣新穎嘅專題展覽。而香港科學館三樓特別設有兒童天地,讓年紀較少嘅小朋友也可接觸科學知識,讓家長可同小朋友一同親子探索科學!


「動物在哪裏」:小朋友企係特定嘅位置就可見到五種動物,有貓、兔子、鴨子、象和小雞,呢D動物由幾何圖形組成,展品可讓兒童學習觀察,認識空間、透視及幾何圖形。

「滾球過山車」:與其他小朋友合作拼接出一條過山車軌道,再把圓球放到軌道上唔同嘅高度溜下來,兒童會發現圓球嘅速度和行進距離會有所變化。展品鼓勵兒童一起合作動手進行實驗,探索展品中隱藏的科學原理。

除了上述所介紹嘅兒童區,科學館仲有好多唔同專為兒童設計嘅展區,快D趁週末一齊帶小朋友去進行親子活動啦!

詳情:

地址:尖東科學館道2號 (Google map

更多詳情:香港科學館


3.3 香港文化博物館「兒童探知館」

如果想趁假期帶小朋友增加文化知識,就可以去文化博物館啦!香港文化博物館設有「兒童探知館」,大部份展品特別為4至10歲的兒童設計。係呢度,小朋友會發現大自然嘅奇妙,揭開考古的奧秘和體驗香港昔日嘅情懷。

展館分為8個學習遊戲區,讓小朋友漫步米埔沼澤,深入地底,潛入水中,又和鳥兒、昆蟲及海洋生物做朋友;小朋友亦可以透過精心設計嘅遊戲,認識本地考古學家嘅工作,一睹香港神秘嘅出土文物;還有,小朋友也可以在此探索新界傳統鄉村嘅生活,並可與家人一起分享昔日兒童嘅玩意。

另外,展館附設有「香江童玩」展覽,展出本港設計、製造或銷售嘅玩具,為大家細說香港玩具嘅發展。家長更可在展品中發現一些風靡一時而現時又難得一見嘅古董玩具,重溫兒時舊夢。相信呢個親子好去處,必會令大家盡興而返!

詳情:
地址:沙田文林路1號 (Google map
更多詳情:香港文化博物館


3.4 太空館

小朋友科幻片就睇得多,但又有冇真正了解到大家所身處嘅星球呢?週末嘅時候,太空館都係一個親子好去處,家長可以帶小朋友一齊探索宇宙~


香港太空館設有兩個展覽廳,分別係「宇宙展覽廳」同「太空探索展覽廳」。其實除了一系列嘅展覽,太空館都有好多遊戲比小朋友玩,令大家唔會覺得悶!


「重力衝浪」考驗小朋友如何借助星體嘅重力穿越宇宙。


「相對論自行車」讓觀眾以接近「光速」風馳電掣,體會扭曲嘅空間。


展館更會播放「宇宙大爆炸」,展示宇宙由大爆炸至現在嘅演化。家長可以陪同小朋友一齊觀看~

又可以增加小朋友知識,又可以比小朋友一個歡樂嘅週末,參觀博覽館仲唔係一個理想嘅親子活動!?

詳情:
地址:尖沙咀梳士巴利道10號(Google map
更多詳情:香港太空館


唔知大家睇完以上嘅親子活動,又有冇諗定下個週末嘅心水親子好去處,帶著小朋友一齊去玩樂呢!


更多與親子活動相關的文章:
【小朋友生日會】7間慶祝生日派對 Party 場地推介(持續更新)

【親子好去處】Epicland全新歷奇王國一日遊 玩轉香港最大的室內遊樂場

【點揀到會?】小朋友生日到會、派對到會、會議到會選購指南及推介

熱門文章




關鍵詞:
香港 【親子好去處】各式兒童好去處 | 最齊全的親子活動懶人包 2020  香港   香港   香港