Whatsapp Share
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【長洲Staycation】切勿錯過!2024精選長洲各類型酒店住宿渡假超詳盡推介|人氣美景打卡位|寵物友善酒店|訂房小貼士

【長洲Staycation】切勿錯過!2024精選長洲各類型酒店住宿渡假超詳盡推介|人氣美景打卡位|寵物友善酒店|訂房小貼士

ReUbird 為你嚴選長洲高質住宿配上最詳盡介紹!日出日落海景景色應有盡有!

by Ivy

👅 Foodie|🌍 Travel|📷 Photography|❤️ Entertainment|🐾 Pet-lover


立即探索所有長洲staycation酒店
即享最新酒店優惠!

相信大家去長洲嘅時候都會想住返晚過下夜,遠離煩囂鬧市!

而長洲雖然有各式各樣嘅住宿,但係咪都有個顧慮怕中伏呢?!

話係渡假屋,點知要行唐樓樓梯上房,仲要得張單人床?

 

今次 ReUbird 小編將會超詳細咁為你介紹以下精選嘅長洲staycation住宿選擇:

包括人氣打卡位、酒店資訊、房價、評分等等,仲有訂房小貼士!!切勿錯過!

酒店推介

獨立渡假屋

豪華露營 Glamping

 

你亦可以點擊連結,搜尋最合你心意嘅長洲Staycation酒店!

 

酒店

位於長洲嘅酒店目前黎講暫時就只得兩間,分別係荔枝酒店華威酒店

即刻跟住ReUbird 小編睇下呢兩間分別有咩特色,有幾咁特別啦!

 

【荔枝酒店 Lychee Sunset Hotel】

按此連結預訂可享優惠)

荔枝酒店可以話係近年最新開幕嘅一間酒店,係2019年5月先正式投入服務。酒店設計同埋建築風格都係主打簡約時尚風,為長洲酒店帶來新穎嘅氣象!

【酒店人氣打卡位】

《戶外天台露台欣賞日落晚霞》

荔枝酒店嘅英文既然叫得做Lychee “Sunset” Hotel,咁sunset就當然係最重要啦!

酒店就有個天台露台 -【日落咖啡廳】

  • 可以俯瞰整個長洲碼頭
  • 黃昏時段嘅日落景色就吸引到唔少朋友到場打卡!
  • 酒店非常貼心咁喺一樓位置有塊黑板更新大家每日嘅日落時間

(圖片來源:跟著莫莉過生活

露台空間都算寬敞開揚,而且有bar位圍住露台邊位,大家可以按照住酒店提供嘅日落時間去戶外露台到盡覽長洲日落美景~

等大家可以一路飲下cocktail、吹下水,一路chill住享受美景!

🌟 小編提提你

  • 想睇到日落靚景嘅話,記得要早起碼半個鐘左右霸個靚bar位呀! 
  • 接近日落時間嗰陣,個露台已經會聚集好多人到場欣賞日落。
  • 早到嘅話或者可以影返個time-lapse(縮時攝影),效果一定好好!

 

《明信片區》

荔枝酒店設有明信片區域,更有特色長洲霓虹燈草牆~

唔單止可以俾遊人寄明信片,仲可以打卡到此一遊~!

信箱有各個大洲,當然唔少得自己「地頭」- 長洲啦! 

 

【酒店客房設施】

接住落黎就簡單列出一啲荔枝酒店會提供嘅設備用品:

- 房間方面 -

  • 24 吋電視、
  • 雪櫃、
  • 電熱水壺、
  • 拖鞋等等

- 洗手間方面 - 

  • 洗護用品、
  • 牙膏牙刷、
  • 毛巾、
  • 風筒等用品

大致上日常居住要用到嘅必需品都算齊全👍🏻

單單係有提供洗護用品呢一樣,住客就可以帶少好多野!

 

【酒店房間類型】

  • 設計為歐陸式渡假風
  • 以木質元素為主,温馨又舒適~

房間類型(以人數計算)

客房種類

房價*

二人房

  • 標準客房(1張雙人床或更大床型)
  • 高級雙人房(1張雙人床或更大床型)
  • 高級陽台雙人房(1張雙人床或更大床型)

查看房價

(按此連結預訂可享優惠)

三人房

  • 豪華一室公寓(入住時安排床型)

查看房價

(按此連結預訂可享優惠)

四人房

  • 標準房(2張床)

查看房價

(按此連結預訂可享優惠)

多人房

  • 豪華陽台雙人房(多張床)
  • 家庭客房(多張床)

查看房價

(按此連結預訂可享優惠)

*房價會因應入住日期而有所變動,你可以點擊連結到網站查看最新房價及優惠~

 

陽台房個露台好大呀!!!

 

【酒店餐飲】

住客可以喺露台嘆住美景咁享用食物~

 

- 早餐方面- 

  • 戶外露台享用自助歐陸式早餐
  • 食物款式就唔算話好多
  • 不外乎奄列、蛋、多士、凍肉等等

【荔枝酒店早餐資訊】

供應時間:早上08:00 - 10:30

加購價錢:約$50 至 $100 一位(按此查看最新價格

如果本身房間冇包早餐的話,就可以考慮一下出去食~

 

💡 想知道長洲有咩美食?可以參考下:

【長洲美食遊】15間掃街必食:超濃鬱沙爹+火炙牛油果班戟+炸海鮮

 

🔍 Check-in時小小特別之處:

  • 荔枝酒店屬長洲B&B渡假屋期旗下嘅住宿
  • 要先到B&B渡假屋嘅reception辦理check-in手續的喔!

(圖片來源:跟著莫莉過生活

→ 由reception去返酒店都係只需步行2分鐘:)

 

【荔枝酒店基本資訊】

酒店詳情及預訂連結:按此預訂可享優惠

地址:長洲94-95荔枝園(從碼頭到荔枝酒店(無樓梯,小斜路)- How to get to the Lychee Hotel? (barrier-free))(Google Map

入住時間: 3:00 PM ~ anytime

退房時間:12:00 PM 

***留意返荔枝酒店暫時係冇得俾寵物入住架!

-

【荔枝酒店評分環節】

綜合各個旅遊平台的住客意見:

房間價錢:🌕 🌕 🌖 🌑 🌑【3.8/5】(人均消費約$300-600)

舒適潔淨程度:🌕 🌕 🌕 🌕 🌕【5/5】(房間非常乾淨整齊!)

設備:🌕 🌕 🌕 🌗 🌑【4.5/5】(房間設備大致齊全;但酒店冇乜設施)

環境:🌕 🌕 🌕 🌕 🌑【4/5】(房間格局同酒店景色都好好!)

可達度:🌕 🌕 🌕 🌕 🌑【4/5】(從碼頭出發步行去酒店需5 - 15分鐘)

綜合評分:🌕 🌕 🌕 🌕 🌑【4/5】 

【小總結】

→ 房間格局較簡約新穎,行溫暖時尚風

→ 房間類型多元化:二人至多人入住都適合

→ 酒店露台天空日落景、海景、地道特色村景最吸睛

→ 整體黎講,身處長洲,對比起同地區嘅其他住宿黎講,的確算係有酒店應要有嘅水準!

 

如果想再知道更多酒店環境可以按此睇下有關荔枝酒店嘅影片~

 


【華威酒店 The Warwick Hotel】

按此連結預訂可享優惠)

華威酒店係1980年長洲首間成立嘅酒店,總共有60多間酒店房。

  • 多達8成房間都係海景房,可享有東灣景色
  • 而大部分海景房均設有露台,可享180°海景
  • 只有少量房間面向舒適山景
  • 係一間寵物友善嘅酒店!

 

延伸閲讀:

 

【華威酒店房間類型】

酒店有好多房間會有唔同嘅主題,好適合啲對象係:

  • 二人同行嘅朋友
  • 情侶/ 兩公婆
  • 一大班去玩嘅朋友仔
  • 家庭同樂日
  • 想帶埋毛孩主子去“pet-cation”嘅「奴才」

 

- 客房方面 -

房間類型

房間簡介

適合對象

房價

二人海景客房
  • 標準客房
  • 二人同行
  • 情侶/ 夫婦
  • 攜帶寵物的主人

查看房價

(按此連結預訂可享優惠)

二人海景露台房
  • 全海景露台客房
  • 二人同行
  • 情侶/ 夫婦

查看房價

(按此連結預訂可享優惠)

山景客房 
  • 二人房
  • 三人房
  • 二人同行
  • 情侶/ 夫婦
  • 1-2位朋友
  • 家庭

查看房價

(按此連結預訂可享優惠)

- 套房方面 -

豪華海景露台套房

特色設備:

  • 兩個俯瞰大海全景的私人陽臺
  • 餐桌、沙發、按摩椅
  • 一張雙人床

主題:

  • 海洋世界
  • 二人同行
  • 情侶
  • 夫婦

查看房價

(按此連結預訂可享優惠)

豪華家庭露台海景套房

特色設備:

  • 雙人床和雙層床
  • 兩個私人海景露台
  • 開放式客廳
  • 用餐區
  • 兒童遊樂區

主題:

  • 海洋世界
  • 城堡
  • 家庭
  • 3-4位小朋友
  • 三人或以上團體

查看房價

(按此連結預訂可享優惠)

家庭海景房

  • 小型家庭房
  • 家庭房

特色設備:

  • 1張雙人大床及1張雙層床
  •  小童遊樂區
    • 小型籃球網
    • 小帳篷
  • 開放式用餐廳
  • 家庭
  • 3-4位小朋友
  • 三人或以上團體

查看房價

(按此連結預訂可享優惠)

*房價會因應入住日期而有所變動,你可以點擊連結到網站查看最新房價及優惠~

 

【貓狗寵物入住小資訊】

酒店設有寵物友好客房,提供齊全嘅房間設施,仲會為你嘅寵物準備迎賓禮品包!

(圖片來源:華威酒店)

不過要留意基於安全理由,寵物可入住嘅房間都唔會有露台~

可入住寵物數量:兩隻小狗或一隻大型狗

酒店好貼心喺房間內提供寵物用品,當中包括:

  • 濕紙巾
  • 玩具
  • 零食
  • 食物盤(水碗、糧碗)*
  • 寵物床和墊子*
  • 狗狗平板廁所 / 貓砂盆 *

*屬酒店財產不能取走

(圖片來源:華威酒店)

 

各位朋友想知更多華威酒店寵物入住資訊嘅話可以點擊連結,或者睇下以下影片介紹:

❤️長洲Vlog❤️ 上山下海~陽光與海灘清新空氣的Staycation || Dottie Hidee x 長洲華威酒店 || 

入面有提及到"petcation"寵物住宿資訊同入住點滴:)

 

💡 除咗長洲,其實香港仲有唔少酒店可"petcation"。

小編之前有寫過一篇文章介小香港嘅寵物酒店,有興趣嘅可以去 呢度 睇睇喔~

 

【酒店露台房熱門打卡位】

《房內私人歐陸羅馬風半圓型露台》

  • 剛才提及過大部分海景房均設有露台
  • 露台半圓形設計,別具特色
  • 可以180度俯瞰東提泳灘景色
  • 推薦鍾意影相打卡嘅朋友住露台房!

🌟 露台與露台之間距離都幾近,可以同到隔離露台傾計

 

《華威酒店開揚式長形大露台》

  • 位於頂樓樓層有「sky view天台
  • 住客不但可盡享海傍嘅日出日落,仲可以觀賞星空浩渺
  • 望到東提以及另一邊長洲村莊,一覽長洲180度以上環島feel嘅景色

(圖片來源:華威酒店Facebook專頁

另外仲有bar枱位置,可以一邊飲下野一邊relax下!

(圖片來源:YouTube截圖 - Enochvan諾穎

 

《Sky view 天台 - 特色壁畫》

  • 同一層天台仲有壁畫可以打卡📷
  • 主題圍繞長洲各種特色
  • 描畫出本地文化,光彩奪目

 

【華威酒店設施設備】

- 房間設備 -

  • 等離子電視 
  • 電水壺 
  • 冰箱 
  • 拖鞋 
  • 吹風 機 
  • 毛巾和洗浴用品 等等

  • Switch

住客可以喺房內玩下switch~

圖片來源:90後在職茶Cha媽

 

以上設施設備費用:全免

Switch同燒烤爐可以辦理入住登記手續時向前台職員借用

數量有限,先到先得!

 

【酒店餐飲】

 

-海景早餐-

按此連結預訂可享包免費早餐優惠*!

(*實際供應早餐款式以網站資訊為準,建議於預訂到網站平台查看最新資訊詳請。)

 

  • 招牌露台全英式早餐,欣賞晨曦 🌅

酒店提供房間送餐服務!你可以舒適地於私人陽臺盡情享用早餐~

**請提前通知前臺

 

  • 於張保仔廳享受海景半自助早餐

每天上午 8 點至上午 11 點為客人提供半自助早餐

 

- 全海景戶外燒烤 -

  • 燒烤海濱燒烤樂園

酒店內提供戶外自助式燒烤場,開放直到晚上10點。

一共有2款燒烤套餐提供,其中一款會包埋木炭,但係燒烤用具需要自備。

可以對住個海景BBQ!好chill好有渡假feel呀!

p.s. 毛孩都可以進入燒烤場架~

 

-海景下午茶-

  • 露臺咖啡廳

想享受一個悠閒寫意嘅午後時光,下午可以到酒點嘅露臺咖啡廳,邊品嚐美味小吃,邊欣賞壯麗海景景色。

 

-晚市套餐-

  • 海景粵菜廳

晚餐想坐喺室內舒舒服服咁歎住冷氣享用,可以到呢間海景粵菜廳~

餐廳提供特港式點心、新鮮海產同招牌粵菜。

 

【華威酒店基本資訊】

酒店詳情及預訂連結:按此連結預訂有優惠

地址:香港長洲東灣(經東灣路步行約5-8分鐘)(Google Map) 

入住時間:15:00;退房時間:12:00

-

【華威酒店評分環節】

綜合各個旅遊平台的住客意見:

客房價錢:🌕 🌕 🌕 🌕 🌗【4.5/5】(人均消費約$400-800)

舒適潔淨程度:🌕 🌕 🌕 🌗 🌑【3.5/5】

設備:🌕 🌕 🌕 🌕 🌑【4/5】

環境:🌕 🌕 🌕 🌕 🌖【4.8/5】(skyview天台同大部分房間景色都好靚!)

可達度:🌕 🌕 🌕 🌕 🌕【5/5】

綜合評分:🌕 🌕 🌕 🌕 🌗【4.5/5】 

【小總結】

→ 帶住寵物幾乎係要揀華威酒店

→ 主要房間類型適合二人入住,家庭房都係得一至兩款

→ 整體黎講,着重景色嘅話,一定係揀華威酒店睇環島靚景!

 

如果想再了解更多酒店環境可以睇下以下嘅YouTube影片:

  • 入面有提及到海景主題套房、家庭套房、skyview天台等等:)

影片來源:Enochvan諾穎


🔔 長洲酒店額外小資訊 🔔

各位入住前要有定心理準備注意荔枝酒店華威酒店都係用儲水式熱水爐架!

沖涼前要先預留10-20分鐘儲備熱水呀!

綜合各個旅遊平台住客嘅意見,其實熱水方面都穩定同足夠:)


🌟 如果想發掘多啲唔同類型嘅staycation酒店,可以到以下連結睇睇~


渡假屋

如果大家唔想住酒店嘅話,都可以考慮價格相宜,而且裝潢別具特色嘅渡假屋~

 

長洲歐美式渡假旅館 - B&B Cheung Chau

 B & B(bed and breakfast)直譯即為住宿連早餐,呢種模式於歐美渡假旅館好流行~而呢間渡假屋嘅格局裝潢同樣充滿歐美式風情!

按此連結預訂可享優惠)

 

【渡假旅館外觀】

木屋造型配上鵝黃色牆身,門口嘅reception以紅磚打造而成,就好似踏入歐洲嘅小旅店一樣,好有渡假feel!

渡假旅館鄰近東灣海灘,只需要2分鐘就行到去海灘!館內設有 24 小時接待櫃台同提供行李寄存服務,你可以隨時隨地去海灘玩同影靚相~

 

【家庭公寓歐式庭園打卡位】

旅館一共有三座樓,入住位於副樓嘅3-6人家庭公寓,就會包埋呢個充滿歐式風情嘅鵝黃色庭園!

鵝黃色牆身,鬱鬱蔥蔥嘅盆栽,配上歐式欄柵同吊燈,營造出充滿田園氣息嘅寫意空間,恍如置身於美式鄉村大宅。

 

 

【渡假旅館房間類型】

旅館一共3層高,有豐富房型選擇,部份房間仲會連埋陽台同歐式庭園!不論係二人同行嘅情侶或朋友、大班朋友、家庭或團體都適合~

房間類型(以人數計算) 客房種類 適合對象 房價
二人房
  • 基本雙人房
  • 花園A/B房
  • 高級雙人房
  • 北社高級雙床房
  • Run of the House
  • 二人同行
  • 情侶6位成人
  • 夫妻

查看房價

(按此連結預訂可享優惠)

特色二人房

  • 維也納雙人客房(1張雙人床或更大床型)
    • 設施:連陽台
    • 主題:奧地利風格
  • 二人同行
  • 情侶
  • 夫妻

查看房價

(按此連結預訂可享優惠)

三人房
  • 標準三人房(2張床)
  • 北社高級三人房(入住時安排床型)
  • 三人同行
  • 2-3位朋友

查看房價

(按此連結預訂可享優惠)

家庭房
  • 北社家庭房(入住時安排床型)
  • 家庭公寓(多張床)
    • 設施:2 間浴室、庭園
  • 6位成人
  • 三人或以上團體
  • 家庭
  • 4-5位小朋友

查看房價

(按此連結預訂可享優惠)

*房價會因應入住日期而有所變動,你可以點擊連結到網站查看最新房價及優惠~

 

【渡假旅館設施】

 

- 房間設備與服務 -

  • 電視 
  • 熱水壼
  • 雪櫃 
  • 淋浴間
  • 風筒
  • 梳洗用品
  • 免費樽裝水
  • 洗衣服務

 

- 旅館設施 -

 

  • 禮品店

旅館設有禮品店,主要賣食品、酒、各項精品同服飾,大家可以隨時落樓行下買下手信

店內仲有賣即影即有相!

旅館門口設有手作禮品corner,你可以DIY木製字母、名信片等小禮物~

 

 

【渡假旅館餐飲】

館內設有2間餐廳,其中一間 Eggenberg Restaurant 主要供應德國菜,餐廳環境頗有異國情調,午餐同晚餐都可以喺度食。

另外,旅館內仲設有酒吧,鍾意飲酒嘅朋友可以去體驗下。

 

【長洲歐美式渡假旅館基本資訊】

酒店詳情及預訂連結:按此連結預訂有優惠

地址:香港長洲北社街 2/10 號(Google Map) 

入住時間:3:00 PM ~ midnight

退房時間:12:00 PM

-

【華威酒店評分環節】

綜合各個旅遊平台的住客意見:

客房價錢:🌕 🌕 🌕 🌕 🌗【4.5/5】(人均消費約$250-350)

舒適潔淨程度:🌕 🌕 🌕 🌕🌑【4/5】

設備:🌕 🌕 🌕 🌖 🌑【3.9/5】

環境:🌕 🌕 🌕 🌕 🌑【4/5】

可達度:🌕 🌕 🌕 🌕 🌕【5/5】

綜合評分:🌕 🌕 🌕 🌕 🌗【4.5/5】 

 

【小總結】

→ 主要房間類型適合二人、家庭或多人入住

→ 整體環境頗具歐式渡假風情

→ 價格相宜,推薦俾想體驗有特色啲嘅住宿,而預算不高嘅朋友仔

→ 如果追求打卡影相位,建議約多幾位朋友,入住附庭園嘅家庭公寓


一般以言,大部份長洲酒店、渡假屋住宿嘅價格都係幾百至千幾不等

而以下呢間渡假屋就係佢地差唔多10倍嘅價格

咁究竟有咩吸引,值得用咁高嘅價格去入住呢?我地即刻睇睇!

 

【Mansion on Cheung Chau Island】

Mansion on Cheung Chau Island 係一間非常具有歐洲風情嘅獨立屋

基本上到達之後,由內到外嘅所有建築,全個area都係打卡位

真係好似置身第二個國家去緊旅行咁呀!!!

呢個大宅總共有兩層,主要係大型開放式起居空間以及寬敞嘅戶外娛樂空間

以下就等ReUbird 小編再詳細為大家介紹下有咩住宿設備〜

【外部建築/ 設備】

- 花園 -

獨立屋嘅兩則都有定期有專人修理嘅花園

係好典型嘅外國住宅花園外貌〜

 

- 屋頂露台 -

景色方面

  • 景色開揚,一望無際嘅大海輕鬆可見!
  • 而且可以獨享日出日落景色,唔驚要同其他住客爭靚位〜

設施方面

  • 燒烤站俾住客有個完美嘅户外娛樂體驗嘅空間
  • 當中仲有好大嘅用餐空間俾大家gathering用〜
  • 露台仲有酒吧同冰箱,唔洗特登行落去廚房咁麻煩!

除左有得BBQ之外,露台仲有個”Jacuzzi“ - 按摩浴池

可以黎個日光浴配合埋按摩,真係一大享受呀!!!

🌟 不過記得要喺抵達前48小時確認需要使用按摩浴缸呀〜

另外仲有日光浴躺椅,就算唔想落水都可以enjoy到日光浴嘅體驗!

而屋頂仲有兩個淋浴間同衛生間,係供戶外區域之用〜

 

【內部結構/ 設備】

《G/F》

- 大型開放式廚房 & 用餐區域 -

  • 廚房設備:多士爐、焗爐、微波爐、爐灶、咖啡機
  • 有興致嘅話做下烘焙都可以呀!
  • 烹飪完之後仲有洗碗碟機幫手,好方便〜

廚房仲有張小吧枱,放左4張高凳〜好有格調!

而外面用餐區域就有張大圓桌可以坐到哂8個人

- 客廳 -

  • 配有大型舒適L型梳化
  • 額外的扶手椅

  • 壁掛式平板智能電視
  • 提供Now同Apple TV串流服務

- 遊戲室 -

位於客廳旁邊位置,用左透明玻璃做門

  • 有另一部電視機
  • 遊戲機
  • 適合全家一齊玩嘅棋盤遊戲
  • 同朋友都有得玩下board games!

 

《1/F》

一樓主要係休息地方:有4間臥室,共6張床,4.5間浴室

  • 每間都有套房淋浴間同浴室
  • 而且均設有衣櫃及座位區

- 主臥室 -

  • 套房浴室
  • 主要以白同灰色作主色,仲有雲石紋襯托,簡約得黎又夠高貴!
  • 配有雙水槽:一人自己可以獨占一個黎用,唔洗爭!
  • 亦有馬桶、淋浴間

  • 沐浴空間
  • 浴室外有完整一個嘅獨立浴缸
  • 配有可折疊嘅屏幕當趟門,可以沖涼時保護返隱私
  • 沐浴同時更可享迷人海景!真係好嘆呀!!

  • 臥室
  • 有張California King Size嘅大床
    • 182cm x 212cm,仲長過King Size!
  • 大型壁掛電視、音響設備
  • 壁爐

 

- 雙人臥室套房 -

  • 設有以黑白灰作主色嘅寬敞露台
  • 可享内園景+海景景觀
  • 可以chill下、睇下書、放鬆下

內園景:緣悠悠嘅花園都好靚喔〜

海景:真係一望無際嘅大海呀!

 

- 上下床鋪臥室 -

  • 共有兩間精心設計嘅上下床鋪臥室
  • 以黑白灰再配搭木材,感覺簡約時尚又柔和

以上Mansion on Cheung Chau Island住宿圖片由AirBnB提供

想睇更多相關住宿相片可到AirBnB瀏覽

 

🌟 訂房注意 🌟

呢間住宿實在太過搶手!!

保守估計最好需要提早數個月甚至大半年預訂!

如果真係有興趣預訂嘅話都可以嘗試透過AirBnB去向房東作查詢

 

🔔 出發前小攻略 🔔

1. 先買定足夠居住時所需嘅食物 e.g.燒烤食物等等

因為前往目的地時,途中可能有啲山路

大家要有心理準備可能要上少少山,可以係當同旅伴一齊行一陣山〜

而且住宿位置較偏遠,附近亦冇任何餐廳

所以如果打算到達後買食物,來回都較花時間喔〜

2. 行裝上盡量唔好帶過多嘅行李

避免拎住咁多食物之餘又帶住咁多行李太過笨重呀!

 

【Mansion on Cheung Chau Island 基本資訊】

地址:長洲東南部份,向房東預訂後才可有確實地址(從碼頭步行約20分鐘)

價錢:大約$9930/晚(只供作參考,會因應入住日期而有所變動)

適合人數:最多8人

住宿有24小時管家服務

預訂途徑:AirBnB(按此為你連結至預訂頁面)

-

Mansion on Cheung Chau Island 評分環節】

綜合AirBnB各個的住客意見:

客房價錢:🌕 🌕 🌕 🌕 🌕【5/5】(4-8人人均消費約$1240 - 2480)

舒適潔淨程度:🌕 🌕 🌕 🌕 🌖【4.8/5】

設備:🌕 🌕 🌕 🌕 🌖【4.8/5】(家居以及娛樂設備應有盡有!)

環境:🌕 🌕 🌕 🌕 🌖【4.8/5】

可達度:🌕 🌕 🌕 🌑 🌑【3/5】

綜合評分:🌕 🌕 🌕 🌕 🌖【4.8/5】

【小總結】

→ 較適合多人入住,會有氣氛啲

→ 價錢上,對比起長洲其他住宿價格的確較高

→ 但性價比上,質素絕對比得上價錢。的確絕對物有所值呀!

→ 入住係真係有一種完全逃離鬧市嘅感覺,渡假vibe滿分!


露營

如果覺得去長洲住酒店同渡假屋太普通,想有與別不同嘅staycation體驗,不妨考慮下去露營 Glamping

 

西園農莊

按此連結預訂可享優惠)

位於長洲西南角嘅西園農莊係香港數一數二嘅大型戶外活動場所,園内有足足十一英畝土地,非常寬闊。

除咗有多個風格主題營幕選擇,仲有眾戸外活動同歷奇體驗玩,好適合大班朋友去玩或者親子享受家庭樂~

 

【露營區主題】

園內設有多個露營區,共40多個營舍,各有唔同嘅風格主題,切合唔同人士需要。

營舍主題 營舍房型 房價
透明圓拱屋
  • 觀星圓拱屋
  • 星海之森
  • 霞賞

查看房價

(按此連結預訂可享優惠)

美洲營
  • 非洲狩獵帳篷
  • 非洲原住民帳篷

查看房價

(按此連結預訂可享優惠)

南非營
  • 南非墩墩
  • 南非營
  • 南非巴拉

查看房價

(按此連結預訂可享優惠)

印第安營
  • 印加.印第安營

查看房價

(按此連結預訂可享優惠)

 

【觀星打卡首選:透明圓拱屋】

如果你想享受浪漫觀星體驗,而且追求舒適設備齊全嘅住宿,推薦你揀超人氣嘅透明波波圓拱屋!

營地一共設有三款主題觀星圓拱屋,入夜後你可以透過天窗仰望閃爍星光,浪漫十足。

而且設備非常齊全,絕對可以打破你對露營唔安全同設備不足嘅印象!

 

【圓拱屋內設備】

  • 一張雙人床 及 一張雙人梳化床
  • 小客廳、茶聚桌椅、吊燈
  • 藍芽音響
  • 觀星落地天幕
  • 營內獨立衛浴間
  • 冷暖空調設備
  • USB充電口
  • 小毛巾, 拖鞋, 浴室用品
  • 木門連鎖

除咗以上媲美酒店嘅配套外,圓拱屋仲會包DIY手作早餐,你可以喺晨曦下悠閒地烹調屬於你嘅早餐,享受美好嘅早晨。

 

【圓拱屋主題】

 

- 星海之森 -

呢個營區係人氣NO.1!你喺只屬於你一人嘅營舍同二千呎草地平台,獨覽長洲鯆魚灣海景,以及欣賞黃昏時嘅日落美景。

營區設有專屬草地平台上,有齊全用燒烤設備,你可以同家人朋友喺靚景下歎BBQ,或者架起篝火舉行篝火晚會。草地仲設有陽台野餐桌、休閒坐椅同戶外洗盥盆~

查看房價 (按此連結預訂可享優惠)

 

- 觀星圓拱屋 -

圓拱屋以時尚型格裝潢,打造出僻靜嘅起居空間,你可以安坐營內獨覽黃昏日落海景。

屋內配備空調、冷熱水淋浴及獨立衛生間,讓你盡享舒適露營生活。

查看房價 (按此連結預訂可享優惠)

 

- 霞賞 -

全新推出嘅霞賞坐落於綠油油嘅大草原上,你可以喺屋內或坐在戶外桌椅上,飽覽兩萬呎草原景致。

除咗透明幕牆營帳同燒烤區,霞賞仲設有戶外鞦韆,你可以坐喺上面悠閒地欣賞大自然嘅景色,享受假日時光~

查看房價 (按此連結預訂可享優惠)

 

圓拱屋基本資訊:

圓拱屋可容納人數:供2人入住,最多容納4人

適合對象:情侶、夫妻、2-4位朋友、家庭

房價:查看房價(按此連結預訂可享優惠)

 

延伸閲讀:

 

【戶外活動及歷奇體驗】

除咗露營同燒烤,場地仲設有豐富嘅戶外活動同歷奇體驗,即使全日留喺場地都唔會悶,非常適合約埋大班朋友嚟玩,或者家長帶仔女嚟放電!

以下就等 ReUbird 小編為大家介紹一下有咩好玩啦:

 

- 泡泡足球 -

遊戲規則類似足球,參與者需穿上充氣泡泡,於草地球場上進行一場歡樂嘅足球比賽!

每節遊玩人數係4人,不過時間長達45分鐘,因此就算係一大班人亦可以輪流參與活動,唔怕有人玩唔到~

注意事項:

  • 參加者須為成人及5歲以上小童,身高須達 110 公分或以上
  • 活動須穿着包踭密頭之運動鞋
  • 本園將提供保護裝備及安全頭盔
  • 活動詳情及費用:按此查看

 

- 樹頂走廊 -

樹頂走廊係香港唯一獲美國ACCT(Association for Challenge Course Technology 美國挑戰課程技術協會)認可機構並發出證書嘅樹頂繩網陣,設計在於多方面符合ANSI國際性安全標準。 

項目一共有16個關卡、9條路線可供選擇。全程為1.5小時,需要運用手、腳衝過各個關卡,最後更要完成「飛索」難關!

如果冇玩過歷奇都唔使擔心,過程中會有專業教練協助,指導你選擇適合你難度嘅路線~

注意事項:

  • 參加者須年滿 8 歲及身高 130 公分或以上,體重 115 公斤以內
  • 本園將提供保護裝備及安全頭盔
  • 需於1.5小時內完成(包含教練指導及練習時間)
  • 活動時穿着包踭密頭之運動鞋
  • 最後進入設施時間為該時段完結前10分鐘
  • 活動詳情及費用:按此查看

 

睇到呢度係咪都好想入去營地住下,玩盡所有歷奇活動呢?你可以按此以優惠價預訂營帳住宿!

 

- 馬騮上樹 - 

你將由教練帶領,透過攀登技術及裝備,近距離接觸樹木嘅同時挑戰自我!

注意事項:

  • 參加者須為成人或4歲以上小童。
  • 活動須穿着包踭密頭之運動鞋。
  • 本園將提供保護裝備及安全頭盔。
  • 限挑戰一次,並於30分鐘內完成。
  • 活動詳情及費用:按此查看

 

- 沿繩垂降體驗 -

參與者會喺專業教練嘅指導下,從岩石頂部開始沿繩下游,過程將會挑戰你嘅膽量、意志力、肢體協調同體力,但著地一刻嘅刺激同滿足一定會讓你難以忘懷!

注意事項:

  • 參加者須年滿8歲及身高125公分或以上。
  • 活動須穿着包踭密頭之運動鞋。
  • 本園將提供保護裝備及安全頭盔。
  • 限挑戰一次,並於60分鐘內完成。
  • 最多可由兩人陪同前往活動地點,惟其中一名陪同人士須年滿18歲。
  • 活動詳情及費用:按此查看

 

 - 勇者城堡 -

呢個項目最適合小朋友玩,而且係免費架!

勇者城堡係一個以全原木製作嘅繩網遊樂設施,小朋友可以自由地在爬高爬低深入探索,仲可以挑戰埋兒童飛索,感受飛翔嘅感覺~

注意事項:

  • 本設施適合體重40公斤以內及高於一米人士使用
  • 12歲以下兒童必須由18歲以上成人陪同
  • 每次只允許一位客人使用飛索
  • 使用設施時,必須穿著運動鞋子
  • 使用飛索時請全程緊握手柄及坐在座位上
  • 身體不適,身上有傷口或服藥後請勿使用
  • 請勿在設施上奔跑及嬉戲打鬧
  • 如發生意外或損傷,請立即到前台報告
  • 使用兒童繩網飛索需自行承擔風險,西園不承擔任何責任

 

 - 草地障礙弓防箭 -

弓防箭係一項新興嘅「建立團隊」式戶外活動,最適合一大班人一齊玩!

參加者需要喺廣闊嘅草坪上以障礙物為屏障防守,弓箭進攻,同隊友互相掩護、溝通,共同作戰。

弓箭採用海綿箭頭減免傷害,場地亦會提供保護裝備及安全頭盔,可以唔使太擔心會痛或者危險嘅問題~

注意事項:

  • 每節時長為45分鐘
  • 參加者須為 5 歲以上小童。
  • 活動時須穿着包踭密頭之運動鞋。
  • 本園將提供保護裝備及安全頭盔。
  • 活動詳情及費用:按此查看

 

有齊咁多項活動玩,絕對可以過一個豐富充實嘅長洲staycation!快啲約埋大班朋友仔去玩下啦~

 

【西園農莊基本資訊】

營地詳情及預訂連結:按此連結預訂有優惠

地址:DD CC Lot 12 西灣, 長洲(Google Map) 

入住時間 15:00 ~ 18:00

退房時間 11:30

-

【西園農莊評分環節】

綜合各個旅遊平台的住客意見:

客房價錢:🌕 🌕 🌕 🌕 🌗【4.5/5】

舒適潔淨程度:🌕 🌕 🌕 🌕🌑【4/5】

設備:🌕 🌕 🌕 🌕 🌑【3.9/5】

環境:🌕 🌕 🌕 🌕 🌕【4/5】(有大片草地同浪漫星空!)

可達度:🌕 🌕 🌕 🌕 🌑【4/5】

綜合評分:🌕 🌕 🌕 🌕 🌗【4.5/5】 

 

【小總結】

→ 主要為多人房間,歷奇體驗多以團體活動或兒童向為主

適合多人入住或體驗家庭樂,一大班人玩會熱鬧啲

→ 價錢上比一般營地高,但營舍設備齊全,仲可以觀星同燒烤,露營新手都可以放心住!

→ 場地設施非常多樣化,玩足一日都唔會悶

→ 四周都係草地同羊隻,可以充份體驗俾大自然包圍嘅感覺,推薦俾鍾意戶外活動、想逃離市區嘅你!


相信大家睇完以上住宿之後都對長洲住宿有個大概認知

唔知邊間住宿係大家嘅心水呢?

💡 如果你係想了解更齊全嘅長洲吃喝玩樂資訊,可以去以下文章連結睇睇:

 

快啲約埋你嘅旅伴一齊向長洲出發啦!

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!

關鍵詞:
香港 【長洲Staycation】切勿錯過!2024精選長洲各類型酒店住宿渡假超詳盡推介|人氣美景打卡位|寵物友善酒店|訂房小貼士  香港   香港   香港