【深圳歡樂谷】低至$142! 玩盡9大主題區域及100+遊樂設施!

深圳歡樂谷係深圳親子遊最受歡迎嘅景點之一。

歡樂谷集機動遊戲、水上樂園同娛樂設施於一體，啱曬全家大細、情侶、朋友出行！

園區有各種刺激嘅機動遊，如過山車、旋轉木馬等。

仲有合家歡嘅水上樂園設施，提供多元化嘅娛樂選擇，玩足成日都唔會悶！

今次就為大家整理深圳歡樂谷全面攻略，詳細介紹園區基本資訊、交通方式同必玩嘅各類設施。

規劃緊深圳遊行程嘅你一定要睇啦～立即到歡樂谷盡情狂歡，度過一個難忘嘅週末時光！ 

9大主題冒險區，100+遊樂設施，等你挑戰🔥 

按此尊享Klook折扣優惠碼👍

深圳歡樂谷詳細介紹+攻略：

1. 深圳歡樂谷簡介
2. 深圳歡樂谷九大主題區域介紹
3. 深圳歡樂谷交通
4. 深圳歡樂谷遊園貼士

 

1. 深圳歡樂谷簡介

深圳歡樂谷於1998年開業，係國內投資規模最大、設施最先進嘅現代主題樂園。

開業20年來曾連續8年穩坐國內第一，並連續4年榮膺亞太10大主題公園。

（圖片來源：klook）

歡樂谷包含9大主題區域：西班牙廣場、歡樂時光、魔幻城堡、迷你世界 · 冒險山、西部礦鎮、香格里拉、颱風灣、陽光海岸同深圳瑪雅海灘水公園等精彩園區。

園內匯聚100多項遊樂設施，為遊客帶來刺激、趣味並兼顧親子嘅全方位遊樂體驗。

（圖片來源：klook）

如果鍾意刺激嘅一定唔好錯過歡樂時空園區，有多個高空、高強度嘅機動遊戲，讓你感受腎上腺素飆升嘅快感。

最適合一家大細嘅就係魔幻城堡園區，有多達20項親子遊樂設施，適合親子共遊。

（圖片來源：klook）

由金礦鎮到香格里拉，一張門票就可以探索樂園內嘅9大主題探險區，體驗各種刺激刺激好玩嘅機動遊戲。

即刻為你詳細介紹9大主題區域，讓你輕鬆遊玩，玩盡園區特色設施！

（圖片來源：klook）

深圳歡樂谷｜詳情：

• 地址：深圳市南山區華僑城歡樂谷
• 營業時間：10:00 - 至閉園前1小時截止檢票，詳見景區官網檢票時間
• 優惠及預訂：按此預訂即享優惠

提前預訂門票，掃二維碼輕鬆入園！

 

2. 深圳歡樂谷九大主題區域

 

歡樂谷主題區域一：西班牙廣場

西班牙廣場位於深圳歡樂谷嘅入口處，成個廣場嘅建築極具異國風情。

呢度係一個綜合服務區，可以搵到各種便利設施：售票處、遊客服務中心、歡樂谷年卡會員俱樂部、團體售票處。

廣場內仲設有餐飲同購物區，可以係呢度食飽先盡情遊玩園內嘅各種精彩設施。

（圖片來源：klook）

 

歡樂谷主題區域二：歡樂時光 

呢度可以體驗到令人心跳加速嘅發現者高空大擺錘，感受失重嘅刺激快感。

挑戰亞洲首個懸掛式遊樂設施龍捲風或係試玩會令人尖叫嘅尖峰時刻跳樓機等等。

（圖片來源：klook）

園區內嘅UFO、歡樂風火輪同樣都係遊客體驗嘅熱門項目。

呢個園區排隊嘅隊伍通常會好長，建議入園之後可以首先前往歡樂時光園區，趁人流相對較少搶先體驗呢啲機動遊戲，就唔洗排長龍啦！

必玩項目：高空大擺錘

呢個高空大擺錘喺高空起伏，可以俯瞰都市嘅繁華，更可以享受超高強度嘅離心力！鍾意挑戰離心力嘅大家一定要去玩！

（圖片來源：klook）

 

歡樂谷主題區域三：魔幻城堡

如果係親子家庭，咁魔幻城堡絕對是最佳選擇。

呢個主題園區係深圳歡樂谷嘅首個魔幻主題空間，為遊客們呈現一個充滿奇幻同魔法元素嘅童話世界。

進入魔幻城堡，好似穿越進入夢幻個童話故事情境。

（圖片來源：klook）

富有特色嘅城堡建築設計，營造出一種夢幻而又神奇嘅氛圍。

園區內設有20多項親子互動遊樂設施，例如經典嘅雙層旋轉木馬、精彩嘅劇場演出同各種有趣嘅遊戲娛樂。

仲可以欣賞園區內人工打造嘅湖光山色，遠離塵囂，盡情享受美好的親子時光。

（圖片來源：klook）

 

歡樂谷主題區域四：迷你世界·冒險山

迷你世界·冒險山係深圳歡樂谷嘅全新亮點。作為全球首個迷你世界IP潮玩主題區，以IP、場景、科技同體驗為核心，打造一個全新嘅沉浸式主題園區。

園區內設有四大主題分區，包括迷萌小鎮、探險部落、尖叫密林同幽幽花境。

（圖片來源：歡樂谷）

每個區域都有獨特嘅魅力，遊客可以登上觀景星空塔，俯瞰整個園區嘅壯麗景象。

喺「卡洛兒八音盒」上乘坐幼童旋轉木馬，感受童趣洋溢。

（圖片來源：歡樂谷）

或者挑戰刺激嘅密林歷險遊樂設施，體驗刺激感官嘅冒險之旅。

迷你世界 · 冒險山仲有近千款以迷你世界為主題嘅潮流文創商品同美食。

（圖片來源：歡樂谷）

必玩項目：密林歷險

過山車好似一條巨龍喺密林中穿梭，先係俯衝而下，接著急轉急彎，俾人一種飛龍般嘅快感，感受眩暈刺激嘅刺激體驗。

1.2米高嘅小朋友就可以乘坐密林歷險啦，非常適合親子游玩。

（圖片來源：歡樂谷）

  

歡樂谷主題區域五：西部礦鎮

西部礦鎮係深圳歡樂谷另一個非常出色嘅主題園區。成個園區都以西部世界為主題，讓你好似穿越到唔同嘅異域文化中。

園區內有多個極具特色嘅遊樂設施。國內首座W型水花過山車「金濤駭浪」，模擬狂野嘅西部瀑布場景。

（圖片來源：歡樂谷）

再有國內首座360度循環過山車環翼飛車，仲有沉浸式多媒體跳樓機恐怖塔，模擬左西部懸崖絕壁嘅恐怖氛圍。

都可以觀賞園區內嘅大型沉浸式實景表演賞金獵人。 

（圖片來源：歡樂谷）

必玩項目：循環過山車「環翼飛車」

首座 360 度嘅循環過山車，喺 22 米嘅高空中體驗神奇翻轉，感受翻天覆地帶來嘅驚險刺激。

將西部礦鎮盡收眼底，非常推薦大家體驗一下！

（圖片來源：歡樂谷）

 

歡樂谷主題區域六：香格里拉

香格里拉園區以藏族文化為主調，完美再現香格里拉地區獨特嘅自然景觀。

園區內涵蓋冰川、峽谷、森林、湖泊、草甸等多種迷人嘅自然景色，營造出一種遠離塵囂。置身於世外桃源嘅感受。

（圖片來源：歡樂谷）

香格里拉園區內設有兩座主題鬼屋，包括「異度空間迷藏」同「骷髏島」。

呢啲鬼屋採用沉浸的設計，帶來前所未有嘅恐怖體驗。勇敢嘅你可以前往挑戰，喺驚悚刺激中體驗另一種樂趣。

（圖片來源：歡樂谷）

必玩項目：異度空間迷藏

呢個鬼屋以藏傳佛教神秘歷史為主題，集合科技含量高、互動效果強嘅元素，給遊客帶來驚心動魄嘅探險體驗。

藏傳佛教嘅千年秘史、神廟寶藏嘅重現同妖靈謎藏嘅開啟，營造一個濃厚嘅神秘氛圍。

（圖片來源：歡樂谷）

再加上先進嘅技術手段，互動效果極強嘅藏文化主題鬼屋，絕對能讓你嚇破膽，尖叫不斷！

（圖片來源：歡樂谷）

 

歡樂谷主題區域七：颶風灣

颶風灣主題園區以一個被颱風同地震侵襲嘅加勒比海島小鎮為主題，營造出廢墟風格嘅氛圍。

園區內嘅遊樂設施都同颱風等自然災害相關，好有創意！

（圖片來源：歡樂谷）

推介XD暴風追擊沉浸式影院，為你帶來身臨其境嘅颶風體驗。

通過先進嘅聲光效果，觀影時會有親身經歷颶風侵嘅感覺。

（圖片來源：歡樂谷）

 

歡樂谷主題區域八：陽光海岸

陽光海岸非常適合親子同鍾意刺激嘅你！

餅乾警長訓練營係一個非常有趣嘅親子設施。

（圖片來源：歡樂谷）

通過模擬警察工作嘅遊戲同體驗，讓小朋友得開心，仲可以增強團隊合作同解決問題嘅能力。

另一個亮點就係深圳首座高空蹦極設施，高空蹦極會讓人感受到全身嘅肾上腺素激增，真正體驗到極限運動嘅刺激快感。

喺享受完一日嘅遊樂後，可以到陽光海岸呢個以海濱風情為主題嘅區域放鬆休息。

（圖片來源：歡樂谷）

 

歡樂谷主題區域九：深圳瑪雅海灘公園