唔少人對天水圍嘅印象都只有濕地公園，天水圍真係又遠又冇嘢玩？當然唔係！
今次就等 ReUbird 小編帶大家一同發掘天水圍嘅美食玩樂好去處啦！
其實就算係天水圍區就近想同朋友搵好野食，好野玩，都一樣輕鬆無問題，感受閒適自在嘅生活步調都別有風味～
天水圍好去處：
天水圍好去處｜1. 主要交通
輕鐵天水圍站設有三個月台，用作705及706兩條路綫總站之餘，亦作為751綫中途站。
（圖片來源：港鐵）
天水圍好去處｜2. 美食推介
好多人以為天水圍只係得連鎖店，其實天水圍有好多隱世小食店㗎！接下來，小編就爲大家介紹兩間小店，等大家去到享享口福！
天水圍好去處｜2.1. 真意小食
講到街頭小食，大家都會諗起魚蛋、燒賣、雞蛋仔等等。
呢間小食店則與別不同，主打「Q餅」，唔只好味，老闆仲會喺上面畫公仔，可愛又有人情味〜
（圖片來源：861城市快搜）
係附近街坊最愛幫襯嘅人情小舖～
（圖片來源：港生活）
天水圍好去處 - 真意小食｜詳情
- 地址：天水圍天湖路1號嘉湖新北江商場1樓原宿地帶D1號舖（Google map）
- 營業時間：星期一至三、星期五至日 10:00 - 20:00 （星期四全日休息）
- 網站：真意小食
- 詳情：OpenRice
天水圍好去處｜2.2. 大甲芋圓 Da jia Taro Ball
（圖片來源：V.Cristo）
唔少人暑假都會去台灣旅行，疫情下係咪好掛住台灣美食呢？呢間位於天水圍嘅台式甜品鋪「大甲芋圓」就滿足到大家啦！
除咗有唔同款式嘅芋圓外，仲有其他甜品提供，價錢亦好相宜，值得一試。
（圖片來源：Openrice）
天水圍好去處 - 大甲芋圓｜詳情
- 地址：天水圍天瑞路9號天瑞商場地下G2E號舖（ Google Map ）
- 營業時間：星期一四、日 14:00 - 23:30，星期五至六 14:00 - 00:30
- 網站：大甲芋圓
- 詳情：Openrice
天水圍好去處｜2.3. 新北江商場
如果你係鍾意去發掘隱世小店，尋找地道美味，或者假期鍾意同三五知己一齊掃街嘅，唔洗去到葵廣，唔洗去到旺中，
天水圍嘅新北江商場都一樣滿足到你～
江湖味軟殼蟹漢堡， $5一球童年雪糕，必食街坊麗江米線，樂湖人手製作刀削麵應有盡有，唔知你有無心水～
天水圍好去處 - 新北江商場｜詳情
- 地址： 天水圍天湖路1號（ Google Map ）
- 前往方法：天水圍站轉乘輕鐵路線706在樂湖站落車
天水圍好去處｜2.4. 流浮山海鮮市場
講到喺香港食海鮮，流浮山都係香港人嘅經典記憶。海鮮加工一流，等你親身揀好又靚又新鮮嘅海鮮食材，店家就會幫你加工，製成香噴噴熱辣辣嘅美味啦！
新鮮魚蝦蟹、茶粿、乾海產品一應俱全，海鮮盛宴話咁易～
海鮮檔口聚集，選擇眾多之餘，仲可以睇到好多古早香港味嘅小食攤檔喺度，等你重溫童年記憶～
天水圍好去處 - 流浮山海鮮市場｜詳情
- 地址：流浮山流浮山正大街（ Google Map ）
- 前往方法：天水圍站轉乘輕鐵K65A
天水圍好去處｜2.5. Flat mountain Cafe
喺Flat Mountain Cafe，你可以輕鬆享受一個休閒文青嘅打卡時光，特別適合寵物家庭。
呢度環境舒適又有設計感，令人覺得好放鬆，真係好適合同朋友或者家人聚埋一齊。
打卡出片嘅好地方，湖水藍白色嘅設計，加上巨型仙人掌，無論係拍照定享受美食，都可以捕捉到靚靚嘅瞬間。
而且，呢度仲係寵物友善嘅餐廳，你可以放心帶埋狗狗一齊嚟，等佢哋都可以享受悠閒時光！
Flat Mountain Cafe 嘅餐食味道真係一流！例如，煙三文魚牛油果燴椰菜花飯，煙三文魚嘅鹹香同牛油果嘅滑順完美結合，食落去好有層次感。椰菜花飯清淡又帶點香味，正好襯托出煙三文魚嘅味道，每一口都令人驚喜！而且份量又足，真係好滿足！
天水圍好去處 - Flat mountain Cafe｜詳情
- 地址：天水圍屏山上璋圍249號地下2號舖（ Google Map ）
- 營業時間：星期一至日 10:00 - 18:00
- 詳情：Openrice
天水圍好去處｜3. 玩樂好去處
食完就帶大家去玩下啦！天水圍有唔少玩樂好去處，唔單只適合俾小朋友放電，好多「大朋友」都專登揸車入嚟玩。
天水圍好去處｜3.1. 大澳傳統蝦膏及鹹蛋黃工作坊
參加大澳85年蝦膏廠的蝦膏製作活動，絕對係一個適合大人同小朋友嘅假期好去處！
活動不單止可以學習到蝦膏的歷史和由來，仲可以深入了解香港碩果僅存的傳統漁村文化，對香港嘅飲食文化有更深嘅認識。
大家可以親手嘗試體驗製作蝦膏嘅過程，由於曬製蝦膏需要時間，每位學員會獲送一份已曬製完成的大澳蝦膏紀念品，作為參加活動嘅美好回憶。
天水圍好去處 - 大澳傳統蝦膏及鹹蛋黃工作坊｜詳情
- 優惠及預訂：按此預訂即享優惠
- 地址：天水圍沙江圍側(由天華路進入)（Google map）
- 乘車方法: 到達天水圍後再轉的士約$20 - $40 ( 乘的士最近在 - 天華邨 / 天頌苑 / 天瑞邨 / 天恩邨 )
天水圍好去處｜3.2. 小物館 - 香港押花字母燈箱手作體驗
「小物館」故名思義就係可自己 DIY「小物」。店内有多款手作小物可揀，如字母燈、保鮮花等．制作時間唔超過90分鐘。
![]()
（圖片來源：LINK HK）
參加者可以自由選擇自己鍾意嘅花形同顏色，製作出獨一無二嘅押花字母燈箱。
你可以根據個人喜好，搭配唔同花朵，創造出屬於自己或摯愛嘅獨特設計，無論係浪漫嘅玫瑰定係清新嘅野花，都能展現個人風格。
價錢視乎大小同難度，如果唔想自己整，亦可直接購買完成品~大家如有興趣．記得要喺3日前預約喔！
天水圍好去處 - 「小物館」香港押花字母燈箱手作體驗｜詳情
- 優惠及預訂：按此預訂即享優惠
- 地址： 天水圍天耀商場LG22（天耀輕鐵站旁）(Google map)
- 營業時間：星期一至五 11:30 - 20:00，星期六至日 12:00 - 19:00
天水圍好去處｜3.3. 綠田園
綠田園由1998年營業至今，佔地約20萬平方呎。園内設有動物農莊、自耕農莊、荷花池、風箏場等，大家可以現場購買魚糧餵錦鯉，或者到農莊餵羊仔同牛牛，親親大自然~
（圖片來源：getreadyhk）
園内仲有多項遊樂設施，如大人小朋友都啱玩嘅滑草場、水上單車，俾小朋友放電嘅水上大滾筒同手動艇，仲有大型有蓋露天燒烤場添！
（圖片來源：getreadyhk）
無論係親子活動、情侶拍拖，或者係相約朋友玩樂，呢度都好適合~
留意樂園平日只會開放部份遊樂設施，如想玩齊所有設施，就要喺星期六日或公眾假期去啦！
天水圍好去處 - 綠田園｜詳情
- 地址：天水圍綠田園沙江圍側（由天華路入：Google map）
- 營業時間：
- 平日：10:00 - 18:00 （只開放部份遊樂設施）
- 星期六日及公眾假期：10:00 - 18:00（各項遊戲設施）
- 星期一至日：10:00 - 22:00（燒烤：任何時段開爐；起爐後不設時限）
- 詳情：綠田園
- 預約電話：2472 6848 / 2472 6797
天水圍好去處｜3.4. 濕地公園
想逃離城市喧囂，親近大自然，享受清新嘅空氣？濕地公園都係一個好去處！
公園設有多條步道，讓你可以輕鬆散步，享受周圍嘅美景，特別係天氣好嘅日子，親近自然，心情會特別好～
教育中心提供關於濕地生態的展覽同活動，適合一家大細學習同了解環保知識。對小朋友嘅環保意識培養超適合！
濕地公園有專門嘅觀鳥平台，能夠近距離觀賞到各種候鳥，特別係冬季時，吸引咗好多鳥類來到。鳥類愛好者天堂～
天水圍好去處 - 濕地公園｜詳情
- 地址：天水圍濕地公園（Google map）
- 營業時間：10:00 – 17:00（逢星期二休息）
- 門票：按此了解
天水圍好去處｜4. 古蹟觀賞
天水圍好去處｜4.1. 聚星樓
聚星樓為香港法定古蹟，有六百多年歷史，係香港唯一現存嘅古塔。可惜現在唔對外開放，只能遠觀。
呈六角形嘅古塔以青磚砌成，原本有七層，惜被兩次台風吹塌上部四層，只餘下現存嘅三層建築。
（圖片來源：ulifestyle）
天水圍好去處 - 聚星樓｜詳情
- 地址： 天水圍屏山文物徑屏山屏廈路（Google map）
天水圍好去處｜5. 打卡熱點
天水圍好去處｜5.1. 下白泥
講到天水圍打卡好去處，當然不得不提最熱門嘅睇日落地點：下白泥！
小編就爲大家整理咗下白泥嘅景點同交通資訊，有興趣可以click 呢度 睇睇~
（圖片來源：dcfever）
除咗大熱嘅下白泥之外，天水圍仲有幾個鮮少人知嘅打卡位，等住俾你發掘影靚相㗎！
天水圍好去處｜5.2. 龍園
龍園係位於天水圍嘅一個公園，設計佈局以江南園林為藍本。
（圖片來源：mapio.net）
園内古色古香，環境清幽，彷彿身處古代戲劇中，打卡一流。
（圖片來源：mapio.net）
天水圍好去處 - 龍園｜詳情
- 地址：新界元朗天水圍天龍路（Google map）
- 營業時間：24 小時營業
- 交通：天水圍西鐵站轉乘705天水圍循環線，於輕鐵銀座站下車
天水圍好去處｜5.3. 屏山天水圍公共圖書館
位於天水圍鐵站旁嘅「屏山天水圍文化康樂大樓」與其他康樂大樓有別，大樓外牆以木色屏風同玻璃幕牆設計，牆身加入常藤植物作綠化，好有設計感！
當中嘅「屏山天水圍圖書館」被喻為全港最美圖書館，設首個戶外讀書空間，讀者可以帶書到露天平台上，邊欣賞城市景色邊閱讀，好不寫意。
館內採用天然光，陽光穿過木屏風同玻璃幕牆，光影交錯。
整體環境充滿自然溫暖嘅氛圍，唔單止可以喺舒適嘅環境下閱讀，仲適合文青們到場打卡~
天水圍好去處 - 屏山天水圍公共圖書館｜詳情
- 地址：天水圍聚星路一號屏山天水圍文化康樂大樓高座（Google map）
- 營業時間：
- 星期一至三、五至六 09:00 – 20:00
- 星期四 12:00 – 20:00
- 星期日 09:00 – 17:00
天水圍好去處｜5.4. 天水圍公園
亞熱帶特色為設計主題嘅天水圍公園都不失為一個呼吸新鮮空氣，放慢生活步調嘅好地方～
公園設施完善，兒童遊樂場為小朋友提供安全嘅遊樂設施，讓佢哋可以盡情玩耍。
網球場就最適合網球愛好者，無論係練習定係比賽都好方便；仲有五人足球場提供足球愛好者一個練習同比賽嘅好地方。
公園嘅棕櫚園種植咗多棵棕櫚樹，增添熱帶風情，別具特色。雕塑廊就展示各種藝術品，增添文化氣息～
如果城市建築睇到悶，咁天水圍公園一定令你放慢生活節奏找回自己～
天水圍好去處 - 天水圍公園｜詳情
- 地址：新界天水圍淋坑山（Google map）
- 交通：乘搭輕鐵至「天水圍銀座」站下車，步行幾分鐘
天水圍好去處｜5.5. 天水圍淋坑山
行山愛好者集合！飽覽後海灣風景，欣賞絕美日落，眺望深圳灣大橋和深圳市的繁華景色。
新手行山就最適合，唔單止路程較短，視野開闊，體力消耗不大，兩小時內行完之餘，風景亦係一絕。
但淋坑山一帶路況較崎嶇，記得帶齊裝備，著好行山鞋啦！
天水圍好去處 - 天水圍淋坑山｜詳情
- 地址：新界天水圍淋坑山（Google map）
- 交通：搭屯馬線到天水圍站，轉乘輕鐵706線至天富下車
睇完呢篇介紹，相信大家對天水圍嘅認識有一定嘅增加，唔使再擔心冇地方好去啦！
想知道香港仲有咩好去處？可以click ReUbird 睇睇哦~
延伸閱讀：