Whatsapp Share Whatsapp Share
×
搵活動 夾時間神器 關於我們 到會美食 玩樂雜誌 登入 註冊
×
搵活動 夾時間神器 關於我們 到會美食 玩樂雜誌 登入 註冊
×
 Hong Kong hk 香港 玩樂雜誌 【下白泥睇日落】令人嘆為觀止的日落 香港郊遊好去處2020
ReUbird 活動雜誌   #拍拖好去處 #親子活動
【下白泥睇日落】令人嘆為觀止的日落 香港郊遊好去處2020

帶埋屋企人、另一半去下白泥觀賞日落啦!


by Kayan

📷Travel |🐾Photography


講到日落,相信唔少人都會諗起下白泥,呢個適合情侶、朋友以及親子去的香港好去處!對於未去過下白泥的你,又知唔知下白泥係邊,佢又有咩地方吸引到咁多人去呢?等小編帶你遊下白泥啦!


下白泥位置及交通

下白泥位於香港新界西北的元朗流浮山,可係香港睇日落的最佳位置!可以見到位置比較偏僻,但為了睇到美景,幾遠都值得去啦!


交通方面,大家可以有以下幾項選擇:

去程
1. 公共小巴:元朗西鐵站B出口離開後走至泰豐街轉乘33號專線小巴,至鴨仔坑下車。(越接近日落時份候車人龍越長,可能要等兩、三架小巴。記得預留充足交通時間,以免錯過日落)
2. 的士:由天水圍西鐵站搭的士前往。
3. 私家車:自駕去下白泥最方便,但要注意村路狹窄,駕車時必須小心。


回程

1. 公共小巴:33號小巴 (當大家都看完日落,基本上車站是人頭湧湧,如果唔想等太耐,建議選擇其他方式離開)

2. 的士:下白泥信號比較差,建議預先call好的士


下白泥景點資訊

下白泥面臨后海灣,對面則係深圳蛇口。除了日落之外,下白泥亦有泥灘、紅樹林等景色供遊人漫步細看,係一個適合親子、情侶去的寧靜郊區地方。


落車後,一路向泥灘方向步行出去,沿途會見到唔少植物,溪流附近更會發現可愛的彈塗魚或招潮蟹~



而下白泥的日落時間因季節而異,甚至可以每日都唔同,所以建議大家黎下白泥之前,記得上天文台check清楚當日的日落時間,以免錯過~而下白泥附近並冇咩商店,所以最好預先準備好食物、水、乾糧等所需物品。另外,睇日落的地方有泥灘同唔少雜草,怕污糟的你千奇千奇要記得預先準備好防蚊用品、拖鞋呀!


下白泥附近士多

雖然就話下白泥附近冇咩商店,但如果要搵,都可以搵到一間的!下白泥其中一個賞日落的位置附近,有一間叫做鴨仔坑士多的舖頭,裝飾頗有特色,大家可以去下白泥睇日落前去呢度食個下午茶。鴨仔坑士多全部都係木枱的佈置,係露天環境下,充滿東南亞風情~




有時提早到達下白泥,又唔想係泥沙度等,就可以黎呢度飲杯咖啡,時間差唔多的時候再出發去下白泥睇日落。

地址:元朗稔灣路283A地舖 (Google map

電話:9804 3042


下白泥注意事項

1. 出發前記著去天文台網站確實日落時間,規劃行程。
2. 記得搽防曬,或穿着防曬裝備。
3. 進入泥灘前有一家士多,可進去光顧和乘涼。
4. 可以帶拖鞋去換,記住唔好赤腳行去蠔排,可能會受傷。
5. 記得帶蚊怕水。尤其是回程時候車時間,候車處頗多蚊滋。


睇完呢篇下白泥攻略,相信大家都知道點樣去下白泥睇日落啦!無論你係同friends去、另一半去,定係同屋企人去,都記得一定要做好準備同規劃先好去呀!



熱門文章




關鍵詞:
香港 【下白泥睇日落】令人嘆為觀止的日落 香港郊遊好去處2020  香港   香港   香港