×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【半月灣】海灣美如其名,水質清澈如鏡,仿如進入異國渡假沙灘
ReUbird 活動雜誌   #懶人包 #打卡好去處 #親子活動 #拍拖好去處
【半月灣】海灣美如其名,水質清澈如鏡,仿如進入異國渡假沙灘

想到水質極靚既海灘嬉水暢泳,甚至下海浮潛捉魚?位於西貢既半月灣就最適合,有埋燒烤設施,仲可以睇埋日落吖!


by Wing Yi

抱著浪走天涯的夢,感受世界的美好點滴🌈


出街玩想要新靈感?
全港18區好玩好食好去處推介,盡在ReUbird!


半月灣水幼沙清,媲美異國度假小島;環境自然優美,適合珊瑚礁石生長,亦有成群小魚穿梭海中,絕對係親親大自然既好去處!


交通:前往半月灣,需於西貢公眾碼頭乘搭街渡。

運行時間:朝早8點到夜晚6點,但班次並不固定

船程:約15分鐘,先經橋咀頭碼頭,再到廈門灣碼頭

來回票價:約為四十蚊


半月灣其實係別名,而廈門灣先係官方名稱;對於呢個別名既由來,坊間有種有趣既說法:當年外國人到訪半月灣,問當地居民呢個地方既名字,誤將Hap Mun Wan,聽做Half Moon Wan,後來翻譯成中文就變左「半月灣」。


相片來源:GetReady

據聞仲有另一種說法:半月灣綿長而微彎既海岸線,好似斜掛空中既半月,因此命名為半月灣。兩種說法各有道理,當中亦隱約有種巧合,估唔到半月灣既名字唔單止美麗,仲有咁奇妙既由來!


相片來源:hkppltravel

半月灣除左海岸線美如其名,亦以水清沙幼而聞名,更冠有香港一級水質海灘之銜,絕對不比異國渡假島嶼遜色。


海水喺陽光照射下,晶瑩透亮,猶如綠寶石閃爍耀眼。於綿綿既沙床上,迎著海風靜觀半月灣之美,心中既雜亂煩憂頓時沉於海裏。


相片來源:Seewide

走近岸邊嬉水,享受海水於腳背上淌流之感,水底珊瑚礁石清晰可見;假如覺得唔夠候,更可以跳進水裏,與成群海魚作伴,同於半月灣澄澈海水中來回穿梭。


半月灣優美純淨既自然環境,亦十分適合進行浮潛,與海洋生物有更親密接觸;而且,泳灘設有防鯊網同救生員,咁就唔怕唔安全啦!

相片來源:ULifeStyle

半月灣作為人氣高質海灘之一,吸引唔少泳客。每逄假日,泳灘就會人頭湧湧;假如想靜靜地下海泅水,或者可以選擇平日朝早到此,遊客會較稀少。


半月灣環境優美之餘,設備亦十分完善!游完水可以到附近更衣室沖洗更衣,肚餓亦可以到士多補給,又或到燒烤場BBQ。半月灣曾經仲係一個熱門露營地,但後來因因無淡水供應而被政府取消,實在令露營客深感可惜。

喺半月灣玩完之後,若果精力充沛,仲可以行上黑山頂,飽覽西貢群島既海景,詳情可以睇埋呢篇介紹橋咀島既文章:

【西貢橋咀島】靜觀獨特地質、細聽潮汐呼吸|橋咀洲生態之旅


有興趣可睇埋以下航拍:



閱讀其他文章:


熱門文章




關鍵詞:
香港 【半月灣】海灣美如其名,水質清澈如鏡,仿如進入異國渡假沙灘  香港   香港   香港