×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【西貢橋咀島】靜觀獨特地質、細聽潮汐呼吸|橋咀洲生態之旅
ReUbird 活動雜誌   #打卡好去處 #親子活動 #懶人包
【西貢橋咀島】靜觀獨特地質、細聽潮汐呼吸|橋咀洲生態之旅

橋咀島作為世界地質公園,泳灘以水清沙幼而聞名,吸引唔少遊人慕名前來;喺橋咀島,可以登山俯瞰海景,漫步觀賞夕陽,更可靜觀潮汐漲退,目睹億萬年前形成之異岩奇石,絕對係香港生態寶地!


by Wing Yi

抱著浪走天涯的夢,感受世界的美好點滴🌈


出街玩想要新靈感?
全港18區好玩好食好去處推介,盡在ReUbird!

橋咀洲,又稱橋咀島,係西貢外海既一座小島嶼,位於滘西洲之西;要前往橋咀島,必先到西貢公眾碼頭乘船。


相片來源:DCFever.com

西貢橋咀島|交通

喺西貢碼頭,會有幾間船務經營西貢來回橋咀島及廈門灣(即半月灣)既航線,來回船票大約四十蚊;渡船時間同班次都唔固定,因此有時可能要喺碼頭等待一陣



想知多小小前往橋咀島既街渡資訊,可以瀏覽香港渡輪大典


建議路線:廈門灣海灘 > 黑山頂 > 連島沙洲 >  橋頭 > 橋咀泳灘 > 橋咀碼頭


地圖來源:香港旅發局



相片來源:綠州Oasis

上船後,大約十五分鐘就會到達廈門灣碼頭,旁邊就係一片碧水微瀾既廈門灣海灘。廈門灣又稱半月灣,因其呈半月形既海岸線而命名;半月灣海灘水質長期被評為一級,海水碧綠清澈,在陽光照射下泛起粼粼波光;唔少泳客在此暢泳、浮潛,仲有機會見到小丑魚添!海灘附近有士多、更衣室等設備,遊人可以在此進行補給。



海灘辦事處旁有條樓梯,就係通往橋咀泳灘既山徑;沿山徑拾級而上,不消15分鐘,就可到達最高處 - 黑山頂。黑山頂雖然只得海拔95米,但視野遼闊;張望四周,可以遠觀通往穚頭既連島沙洲,亦可眺望滘西洲及西貢群島既景緻。



飽覽壯闊景色後,沿山徑繼續上路;呢段路比較開揚,無大樹既遮蔭,要受小小日曬之苦,因此記得做好防曬措拖;經過一小段林蔭小徑,後來會望見一座植被繁茂既小島,就係香港世界地質公園 - 橋頭島。



到達連島沙洲,若恰為潮退之時,一條通往秘境之路浮現眼前;金黃色石頭遍地皆是,波浪湧動而來,礫石時隱時現,就似在體會大自然的呼吸。


由於潮汐漲浪時間每個月都唔同,大家可以到天文台網站,瀏覽「橫瀾島」潮汐預報圖,預啱時間就唔怕過唔到「紅海」啦!


相片來源:homitayan

橫過連島沙洲,就可踏上呢個蘊含豐富地質既橋頭島。島上爍岩散落一地,擺出千姿百態,綻出各種裂紋,引人入勝,當中最享負盛名既就係呢款巨型菠蘿包 - 石英二長岩!



相片來源:郊野樂行

另一種奇岩為火山角礫岩,乍看之下平平無奇,但其實大有來頭!地質學家指出,火山角礫岩係一憶四千萬年前火山爆發後,經猛烈撞擊而掉落既碎石凝固而成。於地質公園繞一週,實在大開眼界,獲益匪淺。




離開橋頭,好快就會黎到最後一站 - 橋咀泳灘。橋咀泳灘同樣水質優良,海水清澈見底,風景怡人;附近仲有燒烤場,若時間充裕可以自攜食品到此燒烤。



相片來源:doyouhike.net

黃昏時份,夕陽徐徐墜下,天空產生微妙變化,海水起伏着陽光金色的碎片,宛如一幅美麗畫卷,教人心醉。

尾班船約於6點開出,即使心懷不捨,都要離開橋咀島,返回西貢,結束呢趟奇妙地質之旅。


想知多啲,不妨睇埋以下橋咀島既Vlog:


閱讀其他文章:


熱門文章




關鍵詞:
香港 【西貢橋咀島】靜觀獨特地質、細聽潮汐呼吸|橋咀洲生態之旅  香港   香港   香港