唔少人對天水圍嘅印象都只有濕地公園，天水圍真係又遠又冇嘢玩？今次就等 ReUbird 小編帶大家一同發掘天水圍嘅美食玩樂好去處啦！
文章一共有以下部份：
1）美食巡禮
2）玩樂好去處
3）古蹟觀賞
4）打卡熱點
美食巡禮
好多人以為天水圍只係得連鎖店，其實天水圍有好多隱世小食店㗎！接下來，小編就爲大家介紹兩間小店，等大家去到享享口福！
1. 真意小食
（圖片來源：861城市快搜）
講到街頭小食，大家都會諗起魚蛋、燒賣、雞蛋仔等等。呢間小食店則與別不同，主打「Q餅」，唔只好味，老闆仲會喺上面畫公仔，可愛又有人情味〜
（圖片來源：港生活）
基本資訊
地址：天水圍天湖路1號嘉湖新北江商場1樓原宿地帶D1號舖（Google map）
營業時間：星期一至三、星期五至日 10:00 - 20:00 （星期四全日休息）
網站：真意小食
詳情：OpenRice
2. 大甲芋圓 Da jia Taro Ball
（圖片來源：V.Cristo）
唔少人暑假都會去台灣旅行，疫情下係咪好掛住台灣美食呢？呢間位於天水圍嘅台式甜品鋪「大甲芋圓」就滿足到大家啦！
除咗有唔同款式嘅芋圓外，仲有其他甜品提供，價錢亦好相宜，值得一試。
（圖片來源：Link REIT）
（圖片來源：Openrice）
基本資訊
地址：天水圍天瑞路9號天瑞商場地下G2E號舖（ Google Map ）
營業時間：星期一四、日 14:00 - 23:30 / 星期五至六 14:00 - 00:30
網站：大甲芋圓
詳情：Openrice
|
喜歡呢篇文章嗎？
歡迎你 Follow 我哋 Instagram 或者 Like 我哋 Facebook Page，收到我哋最新發放嘅資訊！
無論係朋友家庭聚會、拍拖、Party、公司活動、慶祝節日或婚禮， ReUbird 都幫你輕鬆計劃每個活動。
|
玩樂好去處
食完就帶大家去玩下啦！天水圍有唔少玩樂好去處，唔單只適合俾小朋友放電，好多「大朋友」都專登揸車入嚟玩。
1. 小物館
（圖片來源：LINK HK）
「小物館」故名思義就係可自己 DIY「小物」。店内有多款手作小物可揀，如字母燈、保鮮花等．制作時間唔超過90分鐘。
價錢視乎大小同難度，如果唔想自己整，亦可直接購買完成品~
大家如有興趣．記得要喺3日前預約啊！
基本資訊
地址： 天水圍天耀商場LG22（天耀輕鐵站旁： Google map）
營業時間：星期一至五 11:30 - 20:00 / 星期六至日 12:00 - 19:00
查詢及預約網站：小物館
電話：6329 7374
2. 綠田園
（圖片來源：getreadyhk）
綠田園由1998年營業至今，佔地約20萬平方呎。園内設有動物農莊、自耕農莊、荷花池、風箏場等，大家可以現場購買魚糧餵錦鯉，或者到農莊餵羊仔同牛牛，親親大自然~
園内仲有多項遊樂設施，如大人小朋友都啱玩嘅滑草場、水上單車，俾小朋友放電嘅水上大滾筒同手動艇，仲有大型有蓋露天燒烤場添！
（圖片來源：getreadyhk）
無論係親子活動、情侶拍拖，或者係相約朋友玩樂，呢度都好適合~
留意樂園平日只會開放部份遊樂設施，如想玩齊所有設施，就要喺星期六日或公眾假期去啦！
基本資訊
地址：天水圍綠田園沙江圍側（由天華路入：Google map）
營業時間：
- 遊樂設施
平日：10:00 - 18:00 （只開放部份）
星期六日及公眾假期：10:00 - 18:00（各項遊戲設施）
- 燒烤
星期一至日：10:00 - 22:00（任何時段開爐；起爐後不設時限）
詳情：綠田園
預約電話：2472 6848 / 2472 6797
古蹟觀賞
1. 聚星樓
（圖片來源：ulifestyle）
聚星樓為香港法定古蹟，有六百多年歷史，係香港唯一現存嘅古塔。可惜現在唔對外開放，只能遠觀。
呈六角形嘅古塔以青磚砌成，原本有七層，惜被兩次台風吹塌上部四層，只餘下現存嘅三層建築。
基本資訊
地址： 天水圍屏山文物徑屏山屏廈路（Google map）
|
喜歡呢篇文章嗎？ 歡迎你 Follow 我哋 Instagram 或者 Like 我哋 Facebook Page，收到我哋最新發放嘅玩樂情報！ 一到週末或者放假，就想喺香港周圍玩周圍食？無論係同屋企人定朋友出街玩，定係同另一半拍拖，ReUbird 都幫你輕鬆計劃好每個活動 👫 繼續探索香港： |
打卡熱點
1. 下白泥
（圖片來源：dcfever）
講到天水圍打卡好去處，當然不得不提最熱門嘅睇日落地點：下白泥！
小編就爲大家整理咗下白泥嘅景點同交通資訊，有興趣可以click 呢度 睇睇~
除咗大熱嘅下白泥之外，天水圍仲有幾個鮮少人知嘅打卡位，等住俾你發掘影靚相㗎！
以下就爲大家兩個隱世打卡好去處~
2. 龍園
（圖片來源：mapio.net）
龍園係位於天水圍嘅一個公園，設計佈局以江南園林為藍本。園内古色古香，環境清幽，彷彿身處古代戲劇中，打卡一流。
（圖片來源：mapio.net）
基本資料
地址：新界元朗天水圍天龍路（Google map）
營業時間：24 小時營業
交通：天水圍西鐵站轉乘705天水圍循環線，於輕鐵銀座站下車
3. 屏山天水圍公共圖書館
位於天水圍鐵站旁嘅「屏山天水圍文化康樂大樓」與其他康樂大樓有別，大樓外牆以木色屏風同玻璃幕牆設計，牆身加入常藤植物作綠化，好有設計感！
當中嘅「屏山天水圍圖書館」被喻為全港最美圖書館，設首個戶外讀書空間，讀者可以帶書到露天平台上，邊欣賞城市景色邊閱讀，好不寫意。
館內採用天然光，陽光穿過木屏風同玻璃幕牆，光影交錯。
整體環境充滿自然溫暖嘅氛圍，唔單止可以喺舒適嘅環境下閱讀，仲適合文青們到場打卡~
基本資料
地址：天水圍聚星路一號屏山天水圍文化康樂大樓高座（Google map）
營業時間：星期一至三、五至六 09:00 – 20:00 / 星期四 12:00 – 20:00 / 星期日 09:00 – 17:00
睇完呢篇介紹，相信大家對天水圍嘅認識有一定嘅增加，唔使再擔心冇地方好去啦！
想知道香港仲有咩好去處？可以click ReUbird 睇睇哦~
延伸閱讀：
- 【今日好去處】嚴選香港熱門玩樂景點、活動及盛事推介（不斷更新）
- 【影相好去處 | 日落篇 • 上】九龍港島11個影日落地點推介
- 【梅窩一日遊】瀑布美如仙境、昔日戰爭痕跡！梅窩必去古蹟景點、地道美食推介
- 【西貢好去處】最齊全西貢美食、打卡、郊遊攻略! 拍拖親子玩樂一應俱全
- 【大坑好去處】精選大坑地道美食、簡約特色Cafe、文青打卡點推薦
- 【深水埗好去處】古蹟景點美食盡在深水埗：特色文創小店、文青Cafe、美食推介
- 【灣仔好去處】灣仔必去地方、懷舊古蹟及悠閒Cafe推介
蛋糕分類：觀塘蛋糕｜尖沙咀蛋糕｜荃灣蛋糕｜銅鑼灣蛋糕｜旺角蛋糕｜元朗蛋糕｜沙田蛋糕｜屯門蛋糕｜荔枝角蛋糕｜中環蛋糕｜灣仔蛋糕｜葵芳蛋糕｜九龍灣蛋糕｜北角蛋糕｜將軍澳蛋糕｜佐敦蛋糕｜上環蛋糕｜長沙灣蛋糕｜太古蛋糕｜