Whatsapp Share
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 M+神話與怪獸展|探索亞洲奇幻美學:由浮世繪到攻殼機動隊、百變小櫻

M+神話與怪獸展|探索亞洲奇幻美學:由浮世繪到攻殼機動隊、百變小櫻

走進神話同怪獸國度,從民間傳說到當代創作,M + 揭開亞洲神怪美學!

#室內好去處 #18區好去處 #影相好去處 #週末好去處
by Maru

Foooood & Travellllll 🌍


M+展覽門票熱賣中
文青千祈唔可以錯過

以為怪獸只係童年動畫回憶?M + 全新特展《神話與怪獸:亞洲的奇幻異境》由 2026 年 10 月 17 日起至 2027 年 4 月 4 日 隆重呈獻,一次集合超過 400 件跨媒介作品,橫跨足足 200 年亞洲奇幻美學史。

由古老浮世繪、皮影、唐卡神怪畫作,走到超現實作品、漫畫動畫原稿、電影海報、電玩美術、時裝同當代藝術。

唔單止怪獸迷、動漫友會瘋狂打卡,鍾意藝術、設計、民俗故事嘅朋友一樣有驚喜。同一個展廳入面,古代神靈同現代巨獸相遇,穿越時空,拆解亞洲人對異想世界嘅浪漫想像。

 

M+神話與怪獸展神話與怪獸展 目錄:

 

M+神話與怪獸展| 1. 展覽詳情:

  • 展覽日期:2026 年 10 月 17 日起至 2027 年 4 月 4 日
  • 展覽時間:星期一休館,星期二至星期四、星期六及星期日: 10:00 – 18:00 ,星期五: 10:00 – 22:00
  • 展覽地點:M+ 博物館二樓西展廳(香港九龍西九文化區博物館道 38 號)

 

M+神話與怪獸展|2. 購票詳情:

全館通行門票 + 哥斯拉鑰匙扣

HK$258起 連同 哥斯拉鑰匙扣 一個 按此購票
全館通行門票 HK$ 190  HK$ 186 按此購票

【二人同行】全館通行門票

(1 成人 & 1 小童)

HK$ 250  HK$ 245 按此購票

 

M+神話與怪獸展|3. 必睇四大章節

M+神話與怪獸展|第一章:人神鬼妖:十九世紀的奇幻異境 

呢一章係成個展嘅源頭,講亞洲自古流傳嘅神靈、妖怪同靈異想像。會見到日本浮世繪妖怪版畫、中國皮影戲偶、藏傳佛教唐卡等等傳統器物,古人透過呢啲神怪故事,寄託祈求平安、趨吉避凶嘅心願。


(圖片來源:M+)

呢度重點就有香港藝術家陳翊朗全新委約壁畫《恐懼捕手》,以鍾馗為主題,唔係淨係捉鬼,而係引導我哋面對自己內心嘅恐懼。


(圖片來源:Yahoo)

 

M+神話與怪獸展|第二章:亦幻亦真:超現實主義與亞洲

去到 20 世紀初,歐洲超現實主義傳入,一班旅居巴黎嘅亞洲藝術家將呢種風格同本土文化融合。

唔係照搬達利呢類西方超現實,反而用荒誕、夢境一樣嘅畫面,回應戰亂、不安嘅時代。


(圖片來源:M+)

展品會將歐洲大師同龐薰琹、岡本太郎等亞洲藝術家作品並置,睇幻想藝術點樣跨地域對話,開啟另一種怪誕美學。

 

M+神話與怪獸展|第三章:由哥斯拉到《攻殼機動隊》:幻想遇上流行文化

好多人最期待嘅一章!二戰之後日本漫畫、動畫、電影爆發,奇幻走入大眾流行文化。手塚治虫《小飛俠阿童木》、哥斯拉、《攻殼機動隊》原稿都喺呢度。


(圖片來源:M+)

呢啲怪獸同科幻角色唔只係娛樂,背後承載住戰後人類對災難、科技、未來嘅恐懼同想像,亦都奠定而家全球熟悉嘅日系動漫美學基礎。

 

M+神話與怪獸展|第四章:新世代神話:走向全球的亞洲奇幻

最後一章帶我哋去到當代。村上隆、曹斐、陸揚、江康泉等藝術家,繼續拆解、重寫古老神話。

結合數碼藝術、電玩、時裝、影像,用虛擬化身、網絡意象去探討身分、科技焦慮、全球化議題。


(圖片來源:M+)

舊嘅神怪故事,換上數碼外衣,變成屬於我哋呢個時代嘅全新神話,奇幻從此無分邊界。


(圖片來源:M+)

 

M+神話與怪獸展|4. 展覽出版物及限定商品

為配合展覽,M+推出左一系列嘅產品~ 首先有M+同出版商Thames & Hudson聯合出版嘅展覽專著《神話、怪獸與漫畫:亞洲的奇幻異境》,以詳盡嘅研究審視亞洲藝術中嘅奇幻意象,及其對全球視覺文化嘅影響。

全書共收錄超過二百張圖片,設有繁體中文版同英文版,而加已經喺西展廳嘅展覽商店、M+本店同網上商店公開發售。

另外M+仲推出左一系列以「神話與怪獸:亞洲的奇幻異境」中的奇幻角色與經典圖像為靈感的限定商品。

包括融合咗《哥斯拉》同香港特色的復古設計系列,哥斯拉迷唔可以錯過!

M+亦推出以江康泉(江記)獨特美學以及何子彥作品《百鬼夜行》為靈感設計嘅獨家商品,當中有涵蓋T恤、單肩袋、匹克球拍、棒球帽等等唔同范疇嘅商品。

 

 

神話從來唔只係古老故事,怪獸亦唔單止得恐怖。呢一場橫跨時空嘅相遇,等古老想像跳出書本同壁畫,喺 M + 同你面對面。趁展期,親身走入呢個奇幻國度,同呢啲傳奇生物碰個面!

 

更多香港好去處推介:

  1. 【室內好去處推介】嚴選全港40+個新穎室內玩樂活動,落雨天都啱玩!
  2. 【假日好去處】20+個週末度假必去好去處,展開假日之旅!
  3. 【持續更新】屬於香港人的生日優惠好去處推介 
  4. 【今日好去處】嚴選香港熱門玩樂景點、活動及盛事推介(不斷更新)
  5. 【持續更新】旺角好去處推介 認識旺角攻略
  6. 【持續更新】荃灣好去處推介 潮流吃喝玩樂攻略
  7. 【屯門好去處】精選 7大玩樂活動 | 朋友、情侶、親子必去熱點
  8. 【尖沙咀好去處】尖沙咀必去文青小店、工作坊、娛樂、打卡聖地
拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!
熱門文章


關鍵詞:
香港 M+神話與怪獸展|探索亞洲奇幻美學:由浮世繪到攻殼機動隊、百變小櫻  香港   香港   香港