秋風起～ 天氣漸涼，又嚟到最適合燒烤嘅季節！秋天想同朋友週末聚會暢聊，或者帶小朋友體驗親子樂，去燒烤場BBQ都係唔錯嘅選擇。
今次 ReUbird 小編從全港各區揀出 19 間高質燒烤場推介，包括免費燒烤場、特色燒烤場、任食燒烤場等，分別坐落喺大美督、大欖、龍鼓灘、元朗等地，住邊區都方便到達～
不論你想節省預算，定係想懶懶閒，搵設備齊全又唔使霸爐嘅燒烤場，相信呢度都有適合你嘅推介！
燒烤場推介2025：
| 燒烤場推介2025｜1. 政府免費燒烤場 |
| 燒烤場推介2025｜2. 私人燒烤場 |
燒烤場推介2025｜1. 政府免費燒烤場
燒烤場推介2025｜1.1. 獅子山公園燒烤場
（圖片來源：康文署）
（圖片來源：康文署）
- 地址：九龍黃大仙竹園道（地圖）
- 如何前往：
- 由九龍塘出發：專線小巴 72或73線
- 由樂富出發：專線小巴53M線
- 查詢電話：2337 4648
燒烤場推介2025｜1.2. 石澳大浪灣燒烤場
初秋週末，想去遠離鬧市嘅燒烤地，讓自己放鬆一下？
石澳大浪灣有個遠離喧囂嘅免費燒烤場，有約 20 個燒烤爐位。燒烤場就坐落於石澳泳灘旁，雖然燒烤場以基礎設施為主，冇太多嘅娛樂設施，但呢度環境清幽宜人，，你可以喺秋日自然風光環繞下，享受燒烤嘅樂趣。
（圖片來源：Time out Hong Kong）
燒烤場交通亦算便利，無論自駕或搭乘公共交通都能抵達，尤其適合帶小朋友來親子同樂。不過燒烤場嘅爐位唔算多，週末多人嘅時候，有機會遇到冇爐位嘅情況，建議大家提早到場霸爐～
（圖片來源：Get ready）
燒烤場推介2025｜石澳燒烤場詳情：
- 地址：香港島南區石澳大浪灣道（地圖）
- 查詢電話：2809 4558
- 前往方法：由筲箕灣A3出口步行到筲箕灣巴士總站乘坐九號線，大約20分鐘到達
你可能會感興趣：【石澳好去處】最齊全的石澳攻略 · 打卡行山燒烤BBQ盡在石澳
燒烤場推介2025｜1.3. 蝴蝶灣公園燒烤場
如果你想搵一個爐位較多、有海景又親子友好嘅燒烤場，位於屯門嘅蝴蝶灣公園係唔錯嘅選擇！
蝴蝶灣公園燒烤場有多達80個燒烤爐，爐位非常充足，基礎設施完善，配備整潔洗手間同垃圾回收點，相當方便。
（圖片來源：Free Guider）
蝴蝶灣公園以南緊鄰蝴蝶灣泳灘，食完燒烤可以落海灘玩～ 公園仲有大型兒童遊樂場，包含滑梯、秋千等設施，配套完善。燒烤前後可以帶住小朋友放放電，家長亦能在喺旁邊休息。
（圖片來源：Free Guider）
公園鄰近海濱長廊能望見海景，適合飯後散步談心，輕鬆實現集 「燒烤 + 遊玩 + 散步」 一身嘅一日遊。
燒烤場推介2025｜蝴蝶灣公園燒烤場詳情：
- 地址：屯門龍門路第45B區（地圖）
- 查詢電話：2404 5979
- 前往方法：可乘坐59A、59M、 259B、259D、962、962X 巴士到蝴蝶邨或美樂花園下車
延伸閱讀：
燒烤場推介2025｜2. 私人燒烤場
燒烤場推介2025｜2.1. 大欖燒烤 TLCBBQ
大欖繁星燒烤TLCBBQ於屯門及大埔均設有分店，場地環境寬敞，每張野餐桌枱同燒烤爐都配咗遮陽傘同風扇。
燒烤場主打港式燒烤任食放題，有日間、夜間同全日時段可以揀，一個價錢最少都可以食足3個半鐘，全日可以食足9個鐘！
（圖片來源：Openrice）
燒烤場任食食物種類亦非常多，有港式經典必食嘅燒雞翼，多款肉類如牛仔骨、西冷牛扒、招牌叉燒粒，海鮮必食咖喱魷魚，仲有多款腸仔、丸類、蔬菜、麵類，包保大人細路仔都啱食！
最特別嘅係燒烤場有唔同湯底供應，俾你BBQ同時打邊爐，一次兩種享受！
（圖片來源：Openrice）
燒烤場有齊各種調味料同自助飲品吧，食完燒烤仲可以去自助刨冰區DIY刨冰，大人小朋友都食得開心～
燒烤場推介2025｜大欖燒烤 TLCBBQ詳情：
延伸閱讀：【大埔好去處】嚴選各個大埔綠色郊遊景點、懷舊美食及打卡聖地
燒烤場推介2025｜2.2. 馬鞍山白石燒烤場
位於馬鞍山烏溪沙嘅白石燒烤場毗鄰海星灣，擁有令人心曠神怡嘅開揚海景。你可以同家人好友一邊燒烤，一邊飽覽吐露港、八仙嶺及船灣淡水湖大壩一帶嘅景色。
燒烤場地設有佔地過萬呎嘅大型露天場地，可容納過千人，配備有蓋BBQ燒烤場，一年四季都適合BBQ～
（圖片來源：Klook）
燒烤場非常寬敞，即使假日較多人亦唔會過度擠擁。燒烤場面向大片海景，你可以喺自然景色相伴下，同親朋友好友享用美食、談笑暢聚。黃昏時分，更有機會欣賞到落日美景。
燒烤場地提供唔同BBQ餐單，可以散點，或選擇5人、10人套餐。購買5人及10人套餐可免租爐費，逢星期一至五更可享租爐費全免。
套餐美食除左蜜汁叉燒、雞扒、豬扒、雞中翼等基本食物之外，，仲可以揀海鮮套餐！10人海鮮套餐有彈牙嘅海中蝦、蒜茸帶子等海鮮，套餐食物全部都喺獨立包裝，方便衛生新鮮，燒烤工具亦都非常齊全。
（圖片來源：Klook）
如果唔想受人打擾，想歎住冷氣chill住燒烤，燒烤場仲特設海邊燒烤獨立BBQ屋，房間內設有麻雀耍樂、影音系統，可以唱卡拉OK或睇電影，亦有各類益智遊戲可供免費借用，玩全日都唔悶！
（圖片來源：Klook）
此外，白石燒烤場更提供各類戶外娛樂活動，如超巨型戶外兒童彈床、風箏區等，大人小朋友都玩得開心！
燒烤場推介2025｜馬鞍山白石燒烤場詳情：
- 地址：新界馬鞍山白石第1950號（地圖）
- 查詢電話：2744 8188
- 建議交通：從烏溪沙港鐵站乘坐出租車約需8分鐘
燒烤場推介2025｜2.3. 小白兔農莊
坐落於元朗八鄉嘅小白兔農莊，佔地超 10 萬呎。場地就如其名，除咗燒烤場外，仲可以親親小白兔同其他小動物，娛樂設施亦非常豐富，適合親子或鍾意小動物嘅朋友仔～
（圖片來源：Klook）
場內不僅配備基礎燒烤設備，更有5 千呎超大草地！娛樂設施亦好多樣化，親親動物區可以餵食小白兔、山羊、豬仔等小動物。
（圖片來源：Klook）
戶外有繩網陣、木製秋千、滑草板、迷你海盜船等遊樂項目，室內仲設有玩具閣、大畫板、圖書閣，啱晒帶小朋友嚟玩足一日！
（圖片來源：Klook）
燒烤場推出4人同行BBQ燒烤套票優惠，包括4包有齊牛扒、豬扒、雞翼、金沙骨等BBQ食材嘅燒烤包，無需自備燒烤設備，場地工作人員會幫手開爐。
（圖片來源：Klook）
除咗燒烤設備，套票更包埋寵物飼料、免費玩多個遊樂設施同手工DIY、遊戲代幣20個，仲會送指定雪糕球及指定飲品，一個價錢即解決「霸爐、自備食材」嘅麻煩，仲可以玩齊咁多樣嘢，CP值相當唔錯！
（圖片來源：Klook）
除咗玩樂設施，農莊亦有唔少靚靚打卡位，例如童話風彩色小屋及風車、浪漫花花隧道等～
（圖片來源：Klook）
燒烤場推介2025｜小白兔農莊詳情：
- 地址：八鄉橫台山芝麻嶺 - 小白兔農莊（地圖）
- 門票詳情：按此前往預訂
- 建議交通:
- 搭乘西鐵到錦上路站（C出口），然後轉乘的士直達
- 搭乘608小巴或54/251B巴士，在橫台山村公所或芝麻嶺站下車後再步行前往
延伸閱讀： 元朗燒烤場｜人均低至$222！無限暢食BBQ/任玩遊樂設施/尊享奢華露營
燒烤場推介2025｜2.4. 汀角灣燒烤農莊
位於大埔汀角路嘅汀角灣燒烤農莊，推出全港首創 360 度自動旋轉燒烤爐，無需手持烤叉即可均勻受熱，搭配港式、韓式等多類型烤爐可選，徹底解放雙手，Chill住歎BBQ。
（圖片來源：Klook）
燒烤場鄰近吐露港，可以喺灣畔海風相伴下BBQ，夜晚燈光亮起之後氛圍更 chill！從燒烤場步行幾分鐘，更可以到龍尾灘欣賞日落～
（圖片來源：汀角灣燒烤農莊 ）
燒烤場推出「串燒/港式燒烤」、「旋轉燒烤」2款燒烤套餐，一個價錢任飲任食3小時，食完後可逗留5小時，傾下偈或者玩燒烤場嘅遊樂設施。
燒烤食物款式有齊肉類、海鮮同各式丸類，如鴨胸、牛脷、墨魚頭、牛仔骨、雞翼、多春魚、羊架、豬扒、牛扒等等。隨套餐更送每人煲仔蜆一煲、藍尾蝦一隻、蒜蓉金菇一份及菠蘿一塊！
（圖片來源：Klook）
（圖片來源：Klook）
燒烤場推介2025｜汀角灣燒烤農莊詳情：
延伸閱讀：【大埔好去處】嚴選各個大埔綠色郊遊景點、懷舊美食及打卡聖地
燒烤場推介2025｜2.5. 龍鼓灘海邊BBQ
有別於其他市區燒烤場，龍鼓灘海邊BBQ 直面遼闊海景，日間吹住海風BBQ，傍晚夕陽餘暉灑落，海面金光閃閃。晚上伴著海浪聲暢聊，很是寫意，尤其適合喜歡海邊氛圍嘅朋友～
（圖片來源：Openrice）
燒烤場食物種類繁多，有牛扒、丸子、雞翼、麵包、番薯粟米等食材，無論大人細路都啱食，加錢仲可以有啲靚牛肉～
（圖片來源：Openrice）
燒烤場一旁就係龍鼓灘沙灘，BBQ後可以去沙灘散步消食，踩沙踏浪。鄰近嘅嘅龍鼓灘郊野公園有短程行山徑，難度低、風景佳，行山新手都可以考慮前往～
- 地址：屯門龍鼓灘村 136地段（地圖）
- 查詢電話：2613 8129 / 5601 1002
- 開放時間：星期三、四、日 13:00 - 23:00 / 星期五至六 13:00 - 00:00
- 建議交通: 搭 K52於龍鼓灘巴士總站落車
燒烤場推介2025｜3. 露營燒烤場
燒烤場推介2025｜3.1. 長洲西園
長洲西園豪華露營主打懶人露營體驗，場地內配套完善而且充滿質感，設有多個營帳款食，園內有專業設備可以燒烤，天氣好嘅話仲可以觀星添！
（圖片來源：Klook）
營帳以豪華觀星帳篷為主，最受歡迎嘅係「圓拱屋」同「星海之森」。營內有雙人床、冷氣、獨立衛浴同基本傢俱，無需自備露營裝備，非常方便。
（圖片來源：Klook）
燒烤場方面，營帳外有專屬草地平台，設專業炭爐、篝火、吊床、陽台野餐桌、戶外洗盥盆，配備全套烤具如炭、夾子、炭精、點火器、大碟等，大家可以自備食材。喺星空下生火野炊，享用燒烤晚餐。
（圖片來源：Klook）
燒烤場推介2025｜長洲西園詳情：
燒烤場推介2025｜3.2 山林里農莊
山林里農莊位於元朗朗廈新潭路嘅山林中，全場面積超過10萬尺，有大片綠油油草原俾大家紮營同燒烤。場地環境清幽，四周樹木林立。呢度寧靜悠閒，遠離市中心，不妨放下手機、放低平日嘅煩惱，享受被大自然包圍嘅療癒感。
（圖片來源：Klook）
營友除咗可以自攜帳篷露營之外，亦可以現場租賃露營裝備，輕鬆方便，此外，可以選擇自駕汽車，直接泊喺草地上露營，體驗國外時興嘅車中泊。
場地獨立劃分咗唔同營區，即使人多都唔會過於擁擠。呢度設備齊全，營位附近有男女獨立分開嘅洗手間、24小時熱水供應嘅浴室等等。
燒烤方面，場地提供燒烤爐租賃，營主會貼心地協助起爐，大家可以自備食材BBQ，附近亦有士多可以選購小食或必需品。此外，燒烤場亦設有雪櫃，供大家暫放食材，亦有共享廚房同洗滌區域，相當方便！
（圖片來源：Klook）
燒烤場推介2025｜3.3 世外桃源渡假村
按此預訂即享優惠
世外桃源渡假村鄰近香園圍及蓮塘口岸，佔地面積約9300㎡，有多種交通工具可到達，交通算方便。
渡假村主要提供太空艦房型租借，亦有寵物友善嘅房型提供～
房內配備非常齊全且豪華，除咗基本嘅大床、洗手間通淋浴室，仲有投影屏幕、大電視、麻雀枱等，讓你體驗酒店級嘅露營享受！
（圖片來源：Klook）
場地歡迎營友租用燒烤爐，預訂部份套餐可以包埋燒烤爐，有齊炭、燒烤網、燒烤夾，仲有專人開爐服務，大家可以自備食材前往燒烤～
另外，營地亦有一間士多，有齊杯麵、薯片零食、雪糕雪條、日常用品及各款飲品出售，非常方便！
（圖片來源：Holimood）
營地二樓設有健身房同露天觀景酒吧，推薦大家夜晚去酒店同三五知己把酒談心，欣賞美景。盡情放鬆～
（圖片來源：Klook）
燒烤場推介2025｜世外桃源渡假村詳情：
- 預訂網站：按此前往預訂
- 地址：新界北區打鼓嶺香園圍口岸蓮麻坑路173（地圖）
- 如何前往：
- 的士：新界粉嶺，打鼓嶺， 香園圍口岸，蓮麻坑路，過了79K巴士總站後約1分鐘到
- 綠色小巴： 59K (上水廣場小巴總站 - 蓮麻坑路): 過了79K巴士總站後約1分鐘到 - 世外桃源 (約 30分鐘 車程)
燒烤場推介2025｜3.4 Ogawa Type 52R 人氣小山屋
Ogawa Type 52R 小山屋強調將時尚、生活美學融入露營之中，打造富有格調嘅露營美學，令人唔使離開香港就能夠體驗到日系 Glamping 嘅樂趣。
（圖片來源：Klook）
營地設有免費泊車，有充足嘅清潔浴室設施，提供熱水同凍水供應，並有工作人員定期清潔。
入住小山屋包含帳篷、天幕、露營燈、露營床、被鋪、露營枱凳、煮食爐具或 BBQ 爐，大家可以自備食材去燒嘢食或者煮飯仔。
（圖片來源：Klook）
此外，煮食爐會贈送Gas 一支，BBQ燒烤爐雖然唔包炭同叉，但大家亦可以現場購買，毋需自攜。
（圖片來源：Klook）
燒烤場推介2025｜Ogawa Type 52R 人氣小山屋詳情：
燒烤場推介2025｜3.5 Autocamper 大江埔羅漢園
Autocamper 大江埔羅漢園營地位於香港元朗大江埔，主打澳洲荒原式汽車露營體驗，能夠盡收整個雞公嶺山脈全景，亦可遠眺大帽山山頂。
（圖片來源：Klook）
營地內種植咗大量羅漢松，環境優美。草地營位之間有清晰分隔，車輛可以泊入自己嘅草地營位內，旁邊亦有足夠空間搭營及天幕。
場地設備完善，除咗有熱水衛浴設施、洗碗區等，更有各式營具、營具套裝及燒烤爐可供租借。大家可以一邊燒烤，一邊欣賞夕陽下嘅雞公嶺景色。
（圖片來源：Klook）
燒烤場推介2025｜3.6 Geodome4 x 私人花園派對
Autocamper 推出「Geodome4 x 私人花園派對」豪華露營體驗，特設獨立私人花園，600 呎嘅軟綿綿草地上已設置好全套設計師品牌露營裝備，山系風格以融合自然、舒適同美學為目的，型格十足！配搭天幕、營燈、氣氛燈、床褥及被鋪、家用電源等，設備齊全。
（圖片來源：Klook）
另外，與草地相連嘅有約200呎硬地空間，放有露營桌及露營椅，亦有炊具或燒烤爐供應，客人可以自帶肉類、海鮮與時蔬前往燒烤。場地備有冰桶、餐具同調味料，方便大家圍爐燒烤。
（圖片來源：Klook）
燒烤場營地綠意環繞，可遠眺雞公嶺山脈，日頭可聽鳥鳴、呼吸新鮮空氣，夜晚更有機會觀星。，全程都無需搭建帳篷、攜帶重物，入營即可享受燒烤glamping～
燒烤場推介2025｜4. 室內燒烤場
燒烤場推介2025｜4.1. PoolsideParty.VIP
即刻睇下場地介紹！
場地最吸引人嘅係有齊泳池同 BBQ 燒烤爐！場地配備專業燒烤爐，新鮮食材可按需要預訂，從經典烤肉到時令海鮮、蔬菜串燒應有盡有，仲有專人燒烤服務，唔使擔心操作麻煩，只需專心享受～
除咗 BBQ 體驗，場地嘅配套設施亦同樣出色。整體佔地面積寬敞，唔單止有開放式泳池活動區，仲配備咗多元化嘅娛樂設施，例如有Poker枱、麻雀枱，整個場地有如豪華別墅，啱晒一大班朋友開燒烤派對。
燒烤場推介2025｜ PoolsideParty.VIP詳情：
- 地址：西貢市大涌口村
- 預約場地：按此前往預訂網站
延伸閱讀：【西貢燒烤場】海景燒烤場+露營觀星｜到會美食免費送貨！
燒烤場推介2025｜4.2. Green Garden
即刻睇下場地介紹！
Green Garden位於觀塘牛頭角，佔地有3600呎，其燒烤設施同環境都好有特色。不僅坐擁無敵海景，仲有足足6個燒烤爐，係市區大型嘅活動燒烤場地！
燒烤場地為開陽大露台，超大空間可容納上百人！燒烤設備一應俱全，有餐桌 BBQ、韓式烤爐、木炭烤爐、美式烤爐、無煙電爐等多種選擇，無論你鐘意邊種燒烤方式，呢度都滿足到你！
小編建議大家預訂BBQ 套餐，包括燒烤食物、燒烤炭、炭精、紙包飲品及汽水、燒烤叉、餐具、蜜糖、錫紙、調味料等，所需設備一應俱全，兩手空空就可以直接上去燒烤，好方便！
場地嘅室內空間亦有豐富娛樂設施，包括桌球枱、Board games、 PS4 、VR等多種遊樂設備，一班人實玩得盡興～
燒烤場推介2025｜ Green Garden 詳情：
- 地址：觀塘偉業街97號榮韶工業大廈
- 預約場地：按此前往預訂網站
燒烤場推介2025｜4.3. Blackroom Room B Partyroom
即睇預訂詳情
Blackroom Room B Partyroom 場內佔地面積1000尺，相連超闊落露台，可望向駱克道大街小巷，啱晒同朋友一邊打桌球、唱K打機，一邊飲酒談心hea下～
場地有一個佔地2000尺嘅天台作為燒烤場，設有傳統炭燒BBQ爐2個，大家可以自備食材BBQ，場地都有提供BBQ食物代訂服務～咁就唔使煩食咩好啦！
唱K室內嘅玩樂設施亦好多樣化，除咗SWITCH 、PS4、唱K、boardgames等，仲有好多特色遊戲如波兒捐山窿、旋轉層層疊、Hanging Pong等，唔怕悶親～
燒烤場推介2025｜ Blackroom Room B Partyroom 詳情：
- 地址：銅鑼灣駱克道508號
- 預約場地：按此前往預訂網站
燒烤場推介2025｜4.4. Fancy Free BBQ Party
即刻睇下場地介紹！
Fancy Free BBQ Party位於尖沙咀，地鐵站一出行1分鐘即到達，非常方便！場地裝潢簡約舒適，集多款玩樂於一身，希望喺鬧市亦能有一個地方俾大家chill住過、chill住玩～
Party room有一個獨立chill爆嘅露台，作為燒烤場俾大家BBQ。露台有3個傳統炭燒BBQ爐，提供燒烤炭及燒烤叉，亦有燒烤食物代訂服務。場地嘅廚房用具都可以免費使用，亦備有大型雪櫃任用、多款調味料等，唔使帶任何嘢就可以燒烤！
除咗露台燒烤場外，室內嘅玩樂設施亦好豐富，提供串流點唱及音響設備，亦有switch、大量board game、電動麻雀、酒Game，等你一大班人慢慢玩。
除咗有個獨立chill爆嘅露台之外，場地都有提供串流點唱及音響設備、switch、大量board game、酒Game，等你一大班人慢慢玩。
燒烤場推介2025｜ Fancy Free BBQ Party 詳情：
- 地址：尖沙咀加拿分道6號集友大廈A座10樓天台
- 預約場地：按此前往預訂網站
燒烤場推介2025｜4.5. Vista 27 Party
Vista 27 Party partyroom位於石門市中心，離地鐵站只需5分鐘路程。
場地結合都市高空美學與私密奢華派對空間，全場約4000尺，有相連平台、復式日落天台，仲有專業級戶外烤爐設備、專屬高層空中充氣泳池，！
天台設有專業級戶外烤爐設備，場地歡迎客人自備海鮮及酒精飲品，亦有提供代訂BBQ食物服務，從肉類、海鮮，到各種時令蔬菜，種類豐富新鮮，例如南乳蒜香金沙骨，蒜蓉豬扒，黑椒豬扒等食材，如果想食海鮮都可以早2日通知場地，等場地幫你安排！
從天台燒烤場可以俯瞰日落與城市鳥瞰景，適合邊烤邊打卡，體驗出城市天台燒烤派對嘅魅力。
場地內仲配備左多樣化嘅休閒娛樂設施，例如全新自動娛樂麻雀機、大量Board Games、8尺標準美式桌球、巨型150 “ 4K大電視，設施完善。
燒烤場推介2025｜ Vista 27 Party 詳情：
- 地址 : 沙田石門安耀街
- 預約場地：按此前往預訂網站