Whatsapp Share Whatsapp Share
×
搵活動 夾時間神器 關於我們 到會美食 玩樂雜誌 登入 註冊
×
搵活動 夾時間神器 關於我們 到會美食 玩樂雜誌 登入 註冊
×
 Hong Kong hk 香港 玩樂雜誌 【赤柱一日遊】香港最美海岸小鎮:赤柱古蹟景點、打卡影相位推介
ReUbird 活動雜誌   #懶人包 #拍拖好去處 #美食 #打卡好去處
【赤柱一日遊】香港最美海岸小鎮:赤柱古蹟景點、打卡影相位推介

想到赤柱一日遊?小編話你知赤柱有咩玩!


by Wing Yi

📷Photography | 🌈Travel | 🎤K-Culture | 🥞Foodie


赤柱,英文名係Stanley,係港島南邊既一個海濱小鎮,大街具異國風情,小巷則有本土特色,更有具歷史意義既活化古蹟。糅合中西今昔文化既赤柱,向來都係香港人浪漫拍拖地、親子悠閒好去處。

以下會帶大家睇睇赤柱既特色景點,打卡影相位推介,以及交通資訊。


ig: just.do.eat.yumyum

大家會唔會同小編一樣,好好奇點解赤柱既英文名「Stanley」,同中文名「赤柱」完全無關係?據聞「赤柱」呢個名,係源於當地長遍赤紅色既木棉樹,遠望就好似一條條紅既既巨柱,實在好有詩情畫意!至於英文名「Stanley」,則係取自殖民時期佔領赤柱既英國將領既名字。


ig: zoa.k

雖然赤柱既木棉樹已經失去踪影,但依然保留住殖民時期既細小痕跡!


赤柱古蹟影相好去處


美利樓


來源:Flickr

第一個帶有維多利亞色彩既赤柱景點,就係大家都耳熟能詳既「美利樓」。美利樓有超過160年歷史,係殖民時期既特色產物;中式瓦頂配上西式圓柱,中西建築風格既交替融合,一啲都唔會格格不入。


ig: chaskma

美利樓原本座落於中環,後來1998年先搬遷至赤柱實行重建。建築原有既花崗岩,一磚一瓦搬至赤柱,完整無缺咁重新堆砌,成為現今典雅而不失莊重既美利樓!


來源:pchome

美利樓建築內亦有唔少唯美打卡位,啱晒影相愛好者!


赤柱卜公碼頭

來源:SeanSearch

美利樓旁邊既赤柱卜公碼頭,帶有充滿特色既鋼鐵上蓋,亦係唔少人影相既位置!


來源:pchome

喺赤柱卜公碼頭,可以搭船去蒲台島!想知埋蒲台島既玩樂攻略,可以睇埋呢篇【蒲台島一日遊】欣賞香港南極之美:蒲台島攝影打卡、行山攻略及詳細交通資訊


赤柱軍人墳場


來源:flickr

另外,對歷史感濃厚興趣既你,一定會對「赤柱軍人墳場」所見有感!赤柱軍人墳場座落喺聖士提反書院旁邊,係殖民初期建設,安葬同紀念二戰時為保衛香港而獻身既軍人。


來源:huluhk

由於係「英聯邦戰爭墳場委員會」轄下既大型墳場,跟從英國墳場既標準,帶有十字架碑同紀念石碑。潔白既十字架碑帶來莫名平和安詳之感;


來源:dcfever

紀念石碑則有嚴肅敬重之意,當中刻印住硝煙瀰漫既戰爭,帶來深刻體會同雜複情感。

地址:赤柱黃麻角道(從總站沿黃麻角路向聖士提反海灘方向走15分鐘)

開放時間:8:00am - 5:00pm


赤柱八屋


ig: timmywu28

赤柱八間屋,係香港三級歷史建築。呢八間相連既客家特色小屋,紅磚同綠門,與門前老樹相映成趣,係不折不扣既歷史陳跡。


呢八間屋,原來係當年戰亂之時,殖民政府興建,用作安置被軍營佂地而需搬遷既居民。直到宜家,屋裏都依然有居民居住,所以到赤柱八間屋既時候,喺遠處影張相打卡就好,千祈唔好打擾到居民啊!

地址:赤柱大街二號


赤柱行街玩樂好去處


赤柱大街


來源:Bugi

下一個充滿歐陸風情既赤柱好去處,就係赤柱大街。呢條海濱大街囊括各式既異國餐廳,意式菜餚、法式酒吧、泰國美食等等,應有盡有,任君選擇!


食店內既裝潢格調,亦完整地將異國風格表露無遺,吸引左好多外國遊客。喺赤柱大街,揀一間豐富異國色彩既餐廳,坐喺迎海既露天座位,邊吹海風邊嘆特色美食,絕對係悠遊愜意之選!


赤柱黃屋 - the boathouse


ig: johnnyshigepp

赤柱大街上呢間黃屋,從前係「藍屋」,後來因風水問題成棟改漆成「黃屋」,喺一片灰濛濛既建築之中,突圍而出,十分吸引目光;同時係赤柱必打卡既地標!


赤柱廣場


來源:領展

赤柱廣場係赤柱購物、飲食、娛樂既匯集地,各式大小店舖林立,闊寬既空間令人行街都行得心情暢快;而廣場既狗隻友善措拖亦,吸引左唔少愛狗之人帶住寶貝狗黎行街!


ig: yuk6lg

廣場四樓有一個觀景台,可以遠眺赤柱海岸美景,傳統建築同時髦廣場相依共存,砌成一幅妙趣既圖畫,你絕對唔可以錯過呢個影相好位置!

地址:赤柱佳美道23號

官網:請按此

商場開放時間:8:00am - 11:00pm(各店舖營業時間有異)


赤柱市集


來源:bobowin

赤柱市集內各式小店林立,古董玩物、工藝畫作、衣物布料,全部都可以喺市集裏揾到,享受尋寶之趣!


來源:Luxury Haven

去完赤柱大街感受異國風,不妨到赤柱市集既片淨土,體會一下本土產物既無限魅力!

整體市集營業時間:10:00am - 7:00pm(各店舖營業時間有異)


交通:


來源:香港巴士大典

於港鐵香港站D出口步行至中環交易廣場巴士總站,搭乘6、6A、 6X、66或260號巴士,於赤柱廣場或赤柱村站落車。

於港鐵銅鑼灣站F1出口步往渣甸街,搭乘40號綠色小巴,於赤柱市集落車。

於尖沙咀廣東道的新港中心外,搭乘973號巴士,於赤柱廣場落車。

交通資料來自:香港旅遊發展局


想知更多詳細赤柱好去處?即刻去片!



其他相關文章:

1. 【行山好去處】賞芒新手路線、千島湖等世外桃源推介,讓你戀上山愛上水

2. 【西貢好去處】最齊全西貢美食、打卡、郊遊、出海攻略! 拍拖親子玩樂一應俱全

3. 【梅窩一日遊】瀑布美如仙境、昔日戰爭痕跡!梅窩必去古蹟景點、地道美食推介



熱門文章




關鍵詞:
香港 【赤柱一日遊】香港最美海岸小鎮:赤柱古蹟景點、打卡影相位推介  香港   香港   香港