去深圳玩一定不容錯過深圳山姆超市Sam's Club！
假期想要盡情享受購物樂趣？想要擁有實惠嘅購物體驗？深圳山姆超市Sam's Club 絕對係您嘅不二選擇！
深圳山姆超市作為現時大熱嘅吃喝玩樂行程之一，為港人提供左絕無僅有嘅新鮮體驗。
無論係豐富嘅貨品選擇，相宜嘅價格，方便快捷嘅交通，讓港人可以擁有優質嘅購物體驗，盡情掃貨！事不宜遲，即刻睇睇 ReUbird 小編為您提供嘅超全面資訊！
ReUbird 小編將會為您介紹：
1. 山姆會員商店介紹
山姆超市Sam's Club 嘅全名為山姆會員商店，係世界五百強企業沃爾瑪旗下嘅高端會員制商店。
自1983年4月首家商店喺美國開業起，山姆超市已有超過三十年嘅歷史。
深圳山姆超市無論係食品、生活用品、美妝產品、寵物用品等，甚至家電等唔同電子產品，山姆超市都應有盡有，其最有特色之處莫過於大包裝、大份量嘅家庭式購物選擇，包你斬獲啱你心水嘅「戰利品」！
無論對於深圳市民定係港人，都係購物嘅熱門選擇。
如果你擔心貨品份量太大，買返去又唔啱心水？唔使擔心！
山姆從零食區到甜品區再到熟食區，有好多試食，仲要份量唔細，可以揀啱心水再落手喔！
而且目前深圳擁有四間分店分佈不同城區，更聽聞第五間分店2025年將會喺寶安區全新大型商場「深圳萬豐海岸城」開幕，俾顧客有更多選擇。
要留意嘅山姆超市係會員制商店，意味住要先繳付年費，申請山姆嘅專屬會員，才可以入內同盡情購物啦！
如果路痴屬性嘅你唔想搵路，又或者唔想揸車，咁包車行程就啱曬你！按下面按鈕即刻睇睇包車有咩優惠啦～
2. 山姆超市附近高質住宿
適逢假期想要先喺深圳玩樂嘆番一晚，最後回程前再去山姆大肆採購新鮮商品？咁鄰近山姆超市嘅高質住宿千萬不可錯過啦。
2.1. 深圳南山逸衡酒店【近前海山姆旗艦店】
呢間酒店位於深圳市南山區，離最近嘅地鐵站約十分鐘路程，無論係去「星宇時代前海購物中心」商場購物，定係準備旅程出發要經「深圳西站」都十分方便！Klook評分更高達
（圖片來源：trip.com）
安寧舒適嘅客房
客房採用精心設計嘅隔音系統，鄰近大馬路都無噪音，你可以喺寧靜祥同嘅環境中放鬆身心，獲得良好嘅睡眠，感受到宛如家一般嘅溫暖與舒適。
浪漫迷人嘅空中花園
深圳南山逸衡酒店頂樓設有一處宜人嘅空中花園餐吧，令你置身其中彷彿置身於一處世外桃源。
鬱鬱青青嘅植被、昏黃柔和嘅燈光同舒適嘅座椅，營造出一處夢幻般嘅約會場所。
快啲黎呢度品嘗精心準備嘅佳餚美酒，同摯愛共度浪漫時光。
完善嘅健身設施
寬敞明亮嘅健身房配備左各種頂級健身器材，包括跑步機、力量訓練器械同瑜伽區。無論係健身新手定係操開嘅熟手，都可以喺度搵到適合自己嘅健身方式，玩樂都要保持最佳狀態。
健康嘅餐食
無論係清新爽口嘅輕食，定係幸福感爆棚嘅提拉米蘇或者乳酪蛋糕，酒店都有得揀。
最重要山姆超市Sam's Club 前海山姆會員店 就喺附近，購物舒適感max！酒店仲有吸引嘅早餐/下午茶/迷你吧等，快啲了解下！
山姆超市附近住宿 - 深圳南山逸衡酒店：
- 地址：南山區前海路2017號
- 入住時間：14:00後
- 退房時間：12:00前
- 優惠及預訂：按此預訂即享優惠
2.2. 博園秋果酒店【近印力中心店】
比起山姆超市Sam's Club 前海山姆會員店嘅寬敞舒適，福田區嘅山姆超市Sam's Club 印力中心店就更加就腳～
咁住喺福田區嘅博園秋果酒店，方便喺福田區探索美食之餘，又唔耽擱去山姆超市印力中心店掃貨啦。
絕佳景觀
喺度向北觀深圳國際園林花卉博覽園（園博園）濃濃綠意嘅園景；向南一覽海天一色嘅深圳灣海景，遠眺香港浮華，令你一飽眼福。
禪意環境
酒店自身融入左竹、藤、水磨石等特色元素，處處洋溢住東方韻味，溫潤嘅木質裝飾、精雕細琢嘅藤編擺設，無不展現出禪意之美。
便利交通
博園秋果酒店位於福田中心區，喺地鐵一號線竹子林站B2出口附近，交通十分便利。
酒店毗鄰華僑城風景旅遊區同紅樹林生態保護區，可以輕鬆前往周邊景點遊覽。
揸車嘅你亦唔洗擔心，酒店嘅多款超值住宿套餐包埋免費停車添！
酒店有埋古法泰式全身按摩添！你可以享受完美早餐後，再享受一次放鬆身心嘅泰式養生之旅，最後揸車去山姆超市行返轉，體驗一流嘅度假行程。
山姆超市附近住宿 - 博園秋果酒店：
- 地址：福田區竹子林紫竹七道1號
- 入住時間：14:00後
- 退房時間：12:00前
- 優惠及預訂：按此預訂即享優惠
2.3. 深圳龍華希爾頓逸林酒店【近壹方天地店】
想要一家大細徹底放鬆下住兩晚，唔知行程點plan好？呢間酒店一定係極致享受！位於龍華區核心地段，與龍華星河iCO購物中心連通，吃喝玩樂應有盡有～
行程選擇豐富
舉步之遙就係龍華書城、龍華文體中心、龍華文化廣場同深圳美術館，陶冶性情嘅行程計劃通～
兩公里範圍內有壹方城購物中心，最緊要近山姆超市壹方天地店，又近鄰深圳北站，盡情掃完貨搭高鐵約二十分鐘就翻到香港西九龍！
親子友好
龍華希爾頓逸林酒店特別針對親子旅客，設有室外恆溫泳池、森林樂園，娃娃機同旋轉木馬等，俾小朋友玩到嗨，充分「放電」～
仲體貼地準備左小朋友專用嘅拖鞋同牙刷，照顧周到。仲允許攜帶寵物，整整齊齊一家人～（記得要預先同酒店申請啊～）
多元餐飲選擇
酒店設有三家不同風格嘅餐廳：OPEN「開」餐廳 提供玲琅滿目嘅全日自助，連佛跳牆、鮑魚、龍蝦、大閘蟹都有！
青雅中餐廳就主打精緻典雅嘅粵菜，尤其係廣式早茶格外引人注目；
逸林吧提供輕食小吃同酒水飲品，讓賓客可以放鬆享受，一定滿足各種口味需求。
仲猶疑啲咩？快啲睇下啦！
山姆超市附近住宿 - 深圳龍華希爾頓逸林酒店：
- 地址：深圳龍華區東環二路8號
- 入住時間：15:00後
- 退房時間：12:00前
- 優惠及預訂：按此預訂即享優惠
【12大深圳按摩推介】5星酒店水療低至58折! 40+分店/環境乾淨/免費接送
3. 必買好物
山姆超市咁hit，究竟大家都係山姆搶購啲咩必買好物呢？小編蒐集左眾多推薦，等大家參考～
3.1. 零食篇
- FINUTE 蒜味蝦片（韓國進口）300g - ¥29.8
- Member's Mark 芥末味夏威夷果仁 500g - ¥99
- Member's Mark 香辣鴨舌 230g - ¥69.9
- Member’s Mark 海鹽梳打餅乾 1.5kg - ¥35.9
- Member’s Mark 芝士夾心餅乾 1kg - ¥59.8
- Tafe 黑松露火腿梳打餅乾（藜麥奇亞籽風味）1.16kg - ¥39.9
- Member’s Mark 蛋黃酥（烘烤糕點）660g - ¥42.8
- Member’s Mark 三重芝士半蒸蛋糕 1kg - ¥49.8
- Member’s Mark 椰香脆卷 400g - ¥39.8
- 棒棒娃 麻辣牛肉（麻辣味）500g - ¥79.8
- Member’s Mark 黃油雞蛋捲 608g - ¥69.8
- 哈利波特朱古力糖果大禮盒 - ¥109
3.2. 烘焙篇：
- Member’s Mark 原味麻糬麵包 24個 - ¥29.8
- Member’s Mark 原味伯爵瑞士卷 16片 - ¥59.8
- Member’s Mark 黃油大洋各麵包 9個 - ¥33.8
- Member’s Mark 蘇丹王榴槤千層蛋糕 1kg - ¥109
- Member’s Mark 巧克力香草泡芙 16個 - ¥79.9
- Member’s Mark 蔓越莓貝果 7個 - ¥22.6
- Member’s Mark 巧克力麥芬蛋糕 6個 - ¥32
- Member’s Mark 巴斯克芝士蛋糕 6個 - ¥79.9
3.3. 熟食篇（部分價錢以重量計算，實際價錢或有差異）：
- 美式烤雞全腿 1份 - ¥69.8/份
- 美式烤雞 1隻 - ¥39.8/隻
- 德國豬手（約1kg）- ¥71.89
- 美式烤豬背排（約1kg）- ¥111.99
- 美食烤雞中翼（約0.5kg）- ¥62.62
- 至尊薄餅 - ¥66/整份
以上就係小編極力推薦嘅山姆超市必買好物啦～係咪你都好心動呢！立即去試下！
【深圳酒店套票】Staycation優惠低至35折!! 即嘆180度海景/户外恆温池/電影放映/戶外燒烤!
4. 交通方法
前文已經講過深圳宜家有四間山姆超市Sam's Club嘅分店營業中，小編將為大家列出詳細地址同推薦交通方法～
4.1. 山姆會員商店（前海店）旗艦店
山姆超市前海店係深圳嘅第一間旗艦店，比其他另外分店要更大更多野行！要預留充足時間啦～要留意嘅係山姆超市前海店比較遠離地鐵，選擇其他交通方式會俾地鐵方便喲～
- 地址：深圳南山區桂灣三路1號
- 交通：地鐵 1 號線鯉魚門站 A 出口，步行約十三分鐘
- 開放時間：09:00 - 22:00
4.2. 山姆會員商店（印力中心店）
山姆超市印力中心店喺福田區，人流更多營業時間更長喔～
- 地址：福田區香蜜湖街道竹園社區農林路69號印力中心1-2樓
- 交通：地鐵 2 號線僑香站 A 出口，步行約十分鐘
- 開放時間：07:30 - 22:00
4.3. 山姆會員商店（COCO Park店）
- 地址：龍崗區愛南路666號星河時代CoCoPark1樓S-037鋪
- 交通：地鐵3號線大運站12出口，步行約十二分鐘
- 開放時間：09:00 - 22:00
4.4. 山姆會員商店（龍華店）
- 地址：龍華區龍華街道景龍社區梅隴路1111號壹成中心17地塊E區L1-020號鋪
- 交通：地鐵6號線上芬站D出口，轉乘B886巴士至壹成中心一區公交首末站，步行約四分鐘
- 開放時間：09:00 - 22:00
4.5. 山姆會員商店（寶安萬豐海岸城 新分店）
- 地址：寶安區新橋街道萬豐海岸城
- 開業日期：預計2025年
其他交通建議：
想喺山姆超市Sam's Club 瘋狂購物無後顧之憂，又唔識揸車，更唔想大包細包逼公共交通工具？或者未唸好 要唔要申請山姆超市Sam's Club嘅會員？
Klook嘅 深圳前海山姆/Costco/盒馬購物包車一日遊 幫到你！！
專車接送，自由選擇
無論你想從屋企出發直達山姆超市Sam's Club，定係口岸同司機集合，抑或者想體驗Costco超市/盒馬超市，都由你話事～
隨時出發，無會籍都唔怕
包車一日遊每日不限次數，你可以盡情挑選出遊日期～沒有會籍也唔洗擔心，選擇返包含會籍嘅套餐！心血來潮，說走就走～
優惠及預訂：按此預訂即享優惠
【20+深圳景點推介】門票低至$70! 一次過玩曬深圳遊樂場/動植物園/隱世桃園
5. 會員登記方法/所需文件
大陸居民可以直接喺山姆超市App同微信公眾號完成實名開通會員，而香港居民就要親自前往山姆超市服務中心辦理。
小編提提你要準備好以下資料
- 入會年費（¥260/¥680）
- 有效回鄉證
- 可以收到短信驗證碼嘅大陸手機號碼
- 提前下載好山姆超市App
會員辦理成功就會有一張主卡同一張副卡，都需要以上材料實名架～副卡可以遲啲再實名都無問題喔～
申請流程
到達山姆超市服務中心：
- 出示回鄉證同大陸手機號碼俾工作人員
- 提供收到嘅短信驗證碼
- 現場由工作人員為你拍攝個人照片
- 使用手機號碼登錄山姆超市App，期間需要再次輸入短信驗證碼
- 進入「我的賬戶」頁面，輸入會員卡號同手機號碼進行綁定，同時需要短信驗證碼
睇完深圳山姆超市咁多豐富資訊攻略，係咪心動想即刻去一去呢～
想要了解更多深圳山姆超市嘅類似購物攻略及更多深圳好去處介紹，可以睇睇以下介紹文章：
- 【10+福田好去處】$69起玩卡丁車, 超抵按摩/美食優惠
- 【9大福田按摩推介】優惠低至43折! 仲可以睇戲/唱K/任食任飲～
- 【持續更新 2024】深圳精選10+個親子好去處｜附交通詳情
- 【深圳好去處推介】吃喝玩樂全攻略! 必去野生動物園/機動樂園/高CP值自助餐！
- 【深圳酒店推介】低至買一送一! 精選17間深圳超靚酒店!
- 【十大人氣深圳親子酒店推介】優惠低至54折! 鄰近歡樂谷與世界之窗/超大親子樂園
- 【深圳美食推介】低至$106/2位！香煎法式鵝肝/鮮嫩西冷/正宗韓式燒肉
- 【10+深圳親子好去處】優惠低至半價! | 認識20+超萌動物/參與手工活動等
- 【深圳兒童好去處】優惠低至$41, 溜冰/滑雪/睇動物/玩水任你揀！
- 【深圳室內遊樂場】門票低至$52! | 擁有100+娛樂設施, 還原俄羅斯冰雪街景！
- 【Meland 深圳】低至$181玩足五層超級迷宮, 夢幻親子天地!