Whatsapp Share Whatsapp Share
×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【籌備婚禮懶人包】婚禮籌備超實用規劃 | 新婚流程全面上手
ReUbird 活動雜誌   #結婚
【籌備婚禮懶人包】婚禮籌備超實用規劃 | 新婚流程全面上手

最完整的結婚籌備步驟checklist~


by Juliette

📷Travel |🐾Photography


結婚,係唔少人人生中其中一個重要嘅里程碑;而籌備婚禮,都係令唔少新人頭痛嘅一個結婚環節。若想舉行一場完美婚禮,由選擇結婚日子、場地安排以及舉行婚禮,當中每一個環節都唔可以有錯漏。咁究竟要由邊度開始準備?幾耐之前要開始籌備婚禮?如果唔想喺籌備時緊張到手忙腳亂,就一定要睇以下嘅籌備婚禮懶人包啦!照住做,包你可以成功舉辦屬於自己獨一無而嘅婚禮!

 

婚禮前 10~12個月

1. 提親  

雙方家長見面。男方由媒人或長輩陪同下,去女方家中提親並決定婚期、聘金事宜。

 

2. 健康檢查
新人婚前雙方可以到醫院做健康檢查。

 

3. 預算婚禮開支  

制訂婚禮開支預算,諗下自己想舉辦咩類型嘅婚禮(e.g 隆重定簡約、於教堂舉行定還是酒店),並決定相關開支由邊個負責。

 

4. 選定婚禮日子  

揀個雙方吉利嘅吉日結婚,同埋都要睇下啲日子方唔方便新人雙方請假。

 

5. 暫定賓客數量 

與雙方家長一起商量來賓名單,估計可能出席嘅賓客人數,當中可能包括男女雙方嘅親友、長輩、同事、朋友、同學、客戶等等。

 

6. 預訂婚禮場地、 了解各大婚紗照及攝影公司資料   

可以上網睇定唔同婚宴場地嘅資料、價位等等,同埋睇多幾間婚紗攝影公司資料,確保揀到適合自己嘅公司。同時,香港每年都有唔同嘅婚紗展舉辦,新人們都可以去物色下合心水嘅公司。

 

7. 打聽合適婚禮統籌公司及大妗姐 (若有需要)

統籌婚禮包括諸多繁複嘅細節和程序,如果新人唔想煩咁多,budget又充足,其實都可以安排婚禮統籌公司幫手籌備。至於大妗姐 ,如果新人想跟足傳統舉辦一場中式婚禮嘅話便可以請埋,否則其實並非必要。

圖片來自互聯網

 

婚禮前7~9個月  

1. 籌備婚宴回禮小禮物
我地有「禮尚往來」嘅傳統,結婚當日收咗賓客人情,自然都要送返人地一件「回禮禮物」以表謝意。小禮物方面,新人們可以考慮送食品類嘅糖果、實用類嘅筷子書籤、精品類的水晶球或者潮物類嘅環保袋啦!


2. 與婚照及婚攝公司預定拍攝日
提早與婚紗攝影公司約定好日期影婚紗相。如果條件允許嘅話,小編都建議大家揀一啲涼爽溫暖嘅天氣進行拍攝。


3. 挑選婚戒及金飾 
結婚戒指、求婚戒指以及金飾都係港式婚禮中必不可缺嘅物品,記得提早物色好適合自己嘅飾物啦!而黃金嘅價錢每日都會變,提早準備嘅話仲可以等到價錢較低時買入,節省budget~

圖片來自互聯網

最正確的選擇,就是選擇那個最切合你需要的。

ReUbird場地平台搜羅逾400個場地供大家租用,只要選擇你需要的場地種類和活動用途,你就能找到適合的場地,再在當中作篩選即可。簡單操作、方便使用、快速搜尋、一站式服務,ReUbird幫你簡化繁複的比較步驟!

 

👉酒吧、工作室、演講廳、會議室、貴賓房、宴會廳、表演場地、展銷場地、時租場地、大型活動場地👈

👉派對、會議、講座、婚禮、展覽、謝師宴、工作坊、週年晚會、表演拍攝、產品發布會👈

1. 試穿婚紗及試妝

有啲婚紗以及妝容睇落去就靚,但其實可能未必適合自己。因此新人們要提早上網做定功課,睇下以往嘅新人對該公司嘅評價等等,再去試穿婚紗及試妝,確保揀到適合自己嘅服務!


2. 預定各種婚禮服務

好多時候一啲出名嘅司儀、攝影服務、化妝師以及司機等服務都十分忙碌,因此如果想確保佢地都可以在自己Big day出現,就要提早預訂啦!


3. 挑選喜帖樣式

無論係傳統中式喜帖,定係現代化小小嘅西式喜帖,印刷之前都要揀定適合嘅印刷公司。而宜家部分酒樓都會提供埋喜帖印刷服務,因此新人們可以自行決定交比邊個去印。

 

4. 草擬蜜月計劃

新婚之後,度蜜月就一定唔少得啦!提早制定蜜月計劃、去邊度以及去幾多日,並提早請假。

 

5. 擬定結婚當日工作人員
結婚當日其實都有好多細節要處理,因此安排返足夠嘅工作人員可謂十分重要。大致人手包括司儀、介紹人、證婚人、伴郎、伴娘、男花童、女花童、招待人員(男/女) 、收禮(男方)收禮(女方) 、攝影師、化妝師、兄弟姐妹同司機。新人可根據婚禮情況自行安排人手數目。

 

6. 美容保養及瘦身
相信新人們都想以最完美嘅狀態於婚禮當日出現,而想得到完美嘅狀態當然就要提早準備啦!新娘可以提早開始做定瘦身計劃,以確保當天可以著到靚靚婚紗。亦都可以做定脫毛、美容療程,為結婚當日做準備~

圖片來自互聯網

 

婚禮前1~3個月

1. 安排結婚註冊手續

如果新人親身到政府婚姻登記處辦理註冊手續,需於3個月前排期(詳細可按此);如果係準備到教堂或其他地方行禮,要預約合適嘅證婚人,並且通知婚姻登記處相關詳情。

 

2. 預定花球

花球都係婚禮必不可缺嘅物品,而坊間嘅花店多數較為零散。如果想一次過睇曬唔同款式嘅花球,便可以上ReUbird度預訂啦!

 

3. 購置習俗用品

中式婚禮儀式較多,所購買嘅習俗用品都唔少,常見嘅包括男方過大禮時需要嘅椰子兩對(代表有爺有子)、酒以及生果籃等等;而女家回禮時都要具備蓮藕一對(佳偶天成)、石榴一對(榴花結子)等等。如果唔想儀式進行時有錯漏,就記住要準備一份清單,提早將習俗用品買返屋企啦!

 

4.過大禮及送嫁妝

購置完習俗用品,就可以過大禮及送嫁妝啦!如果雙方屋企都係比較傳統嘅話,就記得要揀埋個吉日吉時先好送啦!

 

5. 購買中、西式餅卡

餅卡係女家在發請帖嘅時候,連同邀請卡一同附上、讓收到邀請卡嘅親友可以憑餅卡兌換嫁喜禮餅享用。因此務必要在派喜帖之前購買餅卡。

 

6. 確認喜帖成品並寄出

無論係郵寄又好、當面將喜帖送到賓客手上又好,相信新人嘅誠意對受邀嘅賓客來講都好重要。

 

7. 安排婚宴佈置裝飾

決定婚禮佈置嘅主題、區域規劃以及音樂安排。

 

8. 確認各種妝容及服飾

新人們呢個時候應該要已經確認咗用邊幾套禮服以及邊一個化妝師,並且繳付埋訂金。

 

9. 試菜

一生人難得搞一場婚禮,都唔想令到在座嘅賓客失望。所以,提早試菜,揀定好味嘅菜式絕對可以為婚禮錦上添花。

圖片來自互聯網

 

婚禮前1日

1. 最後的點算及核對

去到新婚前一日,做好最後點算好重要。無論係分發婚禮程序、預備敬茶嘅茶具、全盒和婚宴用嘅糖果定係其他細節,都要做足,確保婚禮當日一切都可以順利進行。

 

2. 與工作人員確認到達時間

記得將制定好嘅流程表發放比各位工作人員,並係前一日同佢地再次確認返個時間。

 

3. 指甲造型及全身美容

為了令到Big day當日嘅妝容更加貼服、皮膚睇落去更加有氣色,新娘們都可以去美容院、或者自行在家修眉做下facial~ 以最好嘅狀態迎接一生人一次嘅Big Day~

 

4. 早點休息

通常一場婚禮都要花上新人們19個鐘頭去進行各種儀式,需耗好多精力,所以記得前一晚早小小休息養足精神,而迎接新婚之日啦!

圖片來自互聯網

籌備婚禮,從來都唔係一個簡單嘅任務,只有男女雙方共同合作準備,先可以順利進行。希望各位新人睇完以上嘅籌備婚禮資訊,都可以成功舉辦屬於自己嘅完美婚禮啦!

 

更多婚禮相關資訊,可以參考下以下文章:

【婚紗禮服租借】精選15間婚紗店|為你找到浪漫迷人的專屬款式

【結婚回禮】多款睇得又實用回禮小禮物推介 讓賓客留下深刻印象

【婚宴場地推介】香港十大特色婚禮場地:為幸福人生舉杯

 


熱門文章




關鍵詞:
香港 【籌備婚禮懶人包】婚禮籌備超實用規劃 | 新婚流程全面上手  香港   香港   香港