端午節就嚟到啦，講到過節點少得糭呢？
而鹹肉糭更加係經典中嘅經典，層層糯米包住鹹香嘅肥瘦腩肉、鹹蛋黃、瑤柱、栗子，有啲仲有瑤柱或花生添，一咬落去真係滿嘴幸福。
今年2025年，各大商戶都出晒招，推出咗唔同口味、包裝靚又夠晒份量嘅鹹肉糭，有啲主打傳統風味、有啲就走創新fusion路線，
無論你鍾意經典鹹香定係想試吓啲新意思，總有一款啱你心水。
今次 ReUbird 小編就幫大家精選了14間必食高質鹹肉糭商戶，睇吓邊款最抵食、最啱買嚟自己歎定送禮都夠晒有面，記住睇到尾呀！
現時預訂即享早鳥優惠低至 56 折！文章更會附上鹹肉糭必搶優惠碼，讓你以最優惠價錢選購鹹肉糭！
2025 鹹肉糭推介｜目錄：
- 鹹肉糭推介：翠亨邨
- 鹹肉糭推介：翠園
- 鹹肉糭推介：東海堂
- 鹹肉糭推介：美心
- 鹹肉糭推介：新同樂
- 鹹肉糭推介：香港W酒店
- 鹹肉糭推介：明閣
- 鹹肉糭推介：帝苑酒店
- 鹹肉糭推介：半島酒店嘉麟樓
- 鹹肉糭推介：一粥麵
- 鹹肉糭推介：香港麗思卡爾頓酒店
- 鹹肉糭推介：九龍香格里拉
- 鹹肉糭推介：鴻福堂
- 鹹肉糭推介：唯港薈
- 鹹肉糭推介：香港逸東酒店
- 鹹肉糭推介：奇華餅家
- 鹹肉糭推介：太興
鹹肉糭推介｜1. 翠亨邨：特級元貝八寶裹蒸糭、金腿花生鹹肉糭
講到有口碑又夠傳統風味嘅鹹肉糭，就一定唔少得有超過45年歷史、米芝蓮都有推介嘅老字號餐廳——翠亨邨！
今年佢哋推出咗4款自家製端午糭，當中3款鹹肉糭分別係「特級元貝八寶裹蒸糭」、「金腿花生鹹肉糭」，同埋「養生珍菌竹笙淮山糭」，
款款足料又有特色，無論你鍾意重口味定清香健康風都搵到心水。
今年仲有唔同鹹肉糭套裝俾你揀，人氣之選就係「四囍臨門」端陽糭套裝，一盒齊齊試晒4款鹹糭，啱晒送禮自食兩相宜。
即日起上指定網站預訂就有早鳥優惠，低至七折，夠晒抵！
「特級元貝八寶裹蒸糭」用咗大粒瑤柱同足料八寶，夠晒滋味；
「金腿花生鹹肉糭」就用上等金華火腿，香濃唔死鹹；
至於「養生珍菌竹笙淮山糭」就有羊肚菌、黃耳等珍貴材料，打開已經聞到陣陣菇菌香，鍾意清淡啲嘅朋友一定啱食！
鹹肉糭推介 - 翠亨邨
價錢及預訂詳情：翠亨邨（按此預訂即享優惠）
自取日期：2026年6月3日至6月17日
自取地址：
- 尖沙咀店：
- 地址：九龍尖沙咀彌敦道132號美麗華廣場一期5樓
- 營業時間：星期一至日 12:00 - 21:00
- 中環店：
- 地址：香港中環皇后大道中16-18號新世界大廈2樓
- 營業時間：星期一至日 12:00 - 21:00
鹹肉糭推介｜2. 翠園：燒鴨鹹肉糉、帶子蝦乾糉、蛋椰咖吔鹼水糉
想試吓傳統之餘又有啲新意思嘅鹹肉糭？
翠園今年就帶嚟咗6款唔同款式嘅鹹肉糭，當中唔少仲係創新又特別嘅新口味，
例如燒鴨鹹肉糭同黑松露鹹肉糭，夠哂搶眼又有驚喜，啱晒食慣傳統糭、想轉轉口味嘅你。
今次最大熱之一嘅燒鴨鹹肉糭，係用上翠園自家招牌燒鴨，鴨皮香脆、鴨肉甘香，
配埋鹹肉一齊蒸，啖啖油香鴨味，鹹鮮香氣撲鼻，食落非常有層次，真係一試難忘。
而另一款人氣之選就係帶子蝦乾糭，用咗原粒帶子加蝦乾落糭，啲糯米吸晒海鮮精華，入口鮮味突出，
仲帶少少煙韌口感，成隻糭都係鮮香四溢。
即日起經網站預訂，全線鹹肉糭都有低至7折優惠，最平$39一隻，抵食到不得了！
無論你想試新口味定揀啲穩陣之選送禮都好，翠園今年款多又抵，絕對係2025年唔可以錯過嘅鹹肉糭推介之一。
鹹肉糭推介 - 翠園
價錢及預訂詳情：翠園（按此預訂即享優惠）
自取地址：各大香港美心中菜分店
鹹肉糭推介｜3. 東海堂：北海道元貝黑豚肉粽、櫻花蝦蛋黃豚肉粽
主打日式風味嘅東海堂今年端午節都加入鹹肉糭戰線，嚴選上乘日本食材，
推出咗兩款充滿和風特色嘅鹹肉糭，分別係「櫻花蝦蛋黃豚肉粽」同「北海道元貝黑豚肉粽」，
對於鍾意食日料又想過端午嘅你嚟講，真係幾有驚喜！
櫻花蝦蛋黃豚肉粽就走一個香濃鹹香路線，鹹蛋黃同豚肉已經夠惹味，再加上櫻花蝦嘅香脆口感同鮮味，
食落層次豐富，鹹香中帶微微海味，成隻糭都好有日式風情。
其中「北海道元貝黑豚肉粽」就用咗鹿兒島黑豚肉，肉質軟嫩、油香濃郁，仲加埋北海道原粒元貝，
鮮味提升幾個層次，每一啖都係香濃又滿足，口感非常豐富。
即日起上指定網站預訂，仲可以享有低至75折優惠，最啱想過個有少少新意思、唔同一般傳統風味嘅端午節嘅你！
想試吓日式鹹肉糭嘅獨特味道，東海堂今年呢兩款真係唔可以錯過。
鹹肉糭推介 - 東海堂
價錢及預訂詳情：東海堂（按此預訂即享優惠）
自取日期：2026年6月1日至6月16日
鹹肉糭推介｜4. 美心：原粒瑤柱裹蒸粽、一品家鄉粽、嘉興粽、精緻裹蒸粽
美心今年主打嘅4款鹹肉糭款式夠晒多元，無論你鍾意大大隻足料糭，定偏好小巧啱啱好嘅份量都搵到心水之選！
大熱推介一定係原粒瑤柱裹蒸粽（600克），夠份量之餘用料都超實淨——
日本原粒瑤柱、燒鴨、入口即溶腩肉、鹹蛋黃、厚花菇、蓮子同甘栗樣樣齊，糯米煙韌、綠豆松化，真係啖啖都豐富滿足。
想試濃味啲、偏上海風味嘅，就要試嘉興粽（約270克），用醬油先醃腩肉，
再用肉汁浸糯米，配埋金華火腿、冬菇、鹹蛋黃同瑤柱上湯，味道濃郁、油香四溢，食一啖已經充滿老上海感覺。
鍾意懷舊風嘅朋友就唔可以錯過一品家鄉粽（約430克），走一個純樸家常路線，
用滷汁腩肉、燒鴨、新會陳皮、原隻鹹蛋黃、蓮子同綠豆砌出濃濃家鄉味，紮實又有層次。
而精緻裹蒸粽（約400克）就比較細隻啲，啱晒小家庭或者一人獨享，
材料同樣足料，有瑤柱、燒鴨、腩肉、花菇、綠豆、甘栗等，每啖都食得出心機。
依家上指定網站預訂，有低至75折優惠，鹹糭迷真係唔可以錯過！
鹹肉糭推介 - 美心
價錢及預訂詳情：美心（按此預訂即享優惠）
自取地址：按此查看自取詳情
自取日期：2026年6月1日至6月16日
鹹肉糭推介｜5. 新同樂：鮑魚狀元裹蒸粽、西班牙黑毛豬瑤柱金腿醬油蛋黃粽
尖沙咀米芝蓮二星級粵菜名店新同樂，一向深得老饕歡心，今年端午節都推出咗3款高級糭禮盒，款款用料講究、矜貴精緻。
當中包括「鮑魚狀元裹蒸粽」、「西班牙黑毛豬瑤柱金腿醬油蛋黃粽」同「五豆紫米粽」，
無論係鐘意傳統豪華口味，定係想食得健康啲都有得揀。
用料方面絕不馬虎，黑毛豬、金華火腿、日本瑤柱、原粒鮑魚等名貴材料樣樣齊，
兩款禮盒仲會送埋迷你XO醬，香辣惹味，點糭一流，送禮夠晒體面有誠意。
即日上指定網站預訂仲有優惠，想搵高級又有氣派嘅鹹肉糭，新同樂一定係2026年端午節嘅頂級推介之一！
鹹肉糭推介 - 新同樂
價錢及預訂詳情：新同樂（按此預訂即享優惠）
自取地址：尖沙咀彌敦道132號美麗華廣場一期4樓401號舖
自取日期： 2026年5月25至6月18日
鹹肉糭推介｜6. 香港W酒店 - 星宴中餐廳：蛋黃豚肉糉
今年香港W酒店都冇輸蝕，端午節推出嘅瑤柱豚肉糉主打矜貴食材、足料又高質，
糉身用上粒粒軟糯嘅糯米，包住鹹香入味嘅豚肉同原粒瑤柱，香氣四溢，食落鹹香平衡，啖啖肉香鮮甜，夠晒滿足感！
另外，佢哋仲推出咗設計感滿分嘅「至尊糭子禮盒」，入面有兩款鹹甜粽（包括瑤柱豚肉糉）再加埋自家製W酒店XO醬一樽，
配上時尚高級禮盒包裝，送禮又得體又大方。
依家經指定網站預訂鹹肉糭或者「至尊糭子禮盒」，仲有快閃優惠低至買二送二，
想高級地過端午、或者搵啱得體禮盒送人，W酒店呢款鹹肉糭都絕對值得入手！
鹹肉糭推介 - 香港W酒店
價錢及預訂詳情：香港W酒店（按此預訂即享優惠）
自取地址：尖沙咀柯士甸道西1號港鐵九龍站香港W酒店1樓
自取時間：星期一至星期日 11:00-19:30
自取日期：2026年6月12日至6月19日
鹹肉糭推介｜7. 明閣：鮑珍瑤參裹蒸糭
明閣（香港康得思酒店）今年端午節為食客帶來咗一款鮑珍瑤參裹蒸糭。
選用原隻6頭南非鮑魚、滋補海參、日本瑤柱、金華火腿、五香腩肉、天白花菇、鹹蛋黃及蓮子等上乘食材，將經典鹹肉糭再度昇華，令味道層次更加豐富。
每啖都充滿脂香，鮮美的餡料與軟糯清香的糯米完美結合，食落口感層次分明，
特別適合端午佳節與摯愛親朋一同分享，無論送禮定係自用，都係一個極品選擇。
鹹肉糭推介 - 明閣 (香港康得思酒店)
價錢及預訂詳情：明閣 (香港康得思酒店)（按此預訂即享限時優惠）
自取地址：
- 香港九龍旺角上海街 555 號 香港康得思酒店L層
自取日期：2026年6月1日至6月19日
鹹肉糭推介｜8. 帝苑酒店：原隻鮑魚瑤柱裹蒸粽、黑豚肉蛋黃櫻花蝦糉粽
尖沙咀嘅帝苑酒店今年端午推出咗4款星級鹹肉糭，全部都用料上乘又有新意，
包括「原隻鮑魚瑤柱裹蒸粽」、「黑豚肉蛋黃櫻花蝦粽」、「金腿蛋黃鹹肉糉」，
款款都鹹香十足、糯米香軟唔冧，餡料豐富，絕對夠晒誠意！
無論係想歎返個豪華鹹糭，定係搵套得體糉禮盒送俾親朋，帝苑呢幾款都啱晒心水。
原隻鮑魚瑤柱裹蒸粽
呢款糭選用矜貴嘅原隻鮑魚同瑤柱，餡料豐富，糯米軟糯綿密，配上鮮香嘅瑤柱同瑤柱湯底，令到每啖都充滿海鮮嘅鮮味。
加上鮑魚嘅珍貴滋味，食落唔單止鹹香十足，仲有清新不膩嘅口感，非常適合喜歡高級食材嘅朋友。
黑豚肉蛋黃櫻花蝦粽
呢款糭用黑豚肉，肉質嫩滑，味道濃郁，搭配蛋黃同櫻花蝦，每一口都充滿肉香和鮮香，味道層次豐富。
櫻花蝦嘅香氣添增咗海味，與黑豚肉嘅嫩滑搭配，形成一個獨特又惹味嘅美味。
金腿蛋黃鹹肉糉
選用優質金腿，肉質甘香，配上鹹蛋黃，味道更顯層次。
咸香嘅金腿肉與軟糯嘅糯米互相襯托，帶有獨特嘅煙燻香氣，口感層次豐富，係食鹹肉糭迷必試嘅經典。
鹹肉糭推介 - 帝苑酒店
價錢及預訂詳情：帝苑酒店（按此預訂即享優惠）
自取地點：
1）帝苑酒店大堂節日專櫃
- 地址：香港九龍尖沙咀東部麽地道69號
- 開放時間：星期一至日及公眾假期 11:00 - 20:00
2）期間限定店取貨 - 國際金融中心
- 地址：中環IFC 國際金融中心壹期 壹樓LA7鋪
- 開放時間：星期一至五 12:00 - 20:00 / 星期六、日及公眾假期 12:00 - 19:30
自取日期：2026年6月4日至6月16日
鹹肉糭推介｜9. 嘉麟樓：金腿乾鮑、瑤柱裹蒸糭
香港半島酒店米芝蓮星級食府「嘉麟樓」今年端午節隆重推出兩款精品鹹肉糭及手工醬料系列，以迎接端陽佳節，
無論係送禮定自用，全部都係高端選擇，保證令你大快朵頤！
所有糭同醬料由嘉麟樓行政主廚林鈺明同星級廚藝團隊主理，用料上乘，口味獨特，。
其中，金腿乾鮑裹蒸糭採用鮑魚汁調味糯米，再加上上乘餡料，包括30頭中東乾鮑、金華火腿同瑤柱等，
鹹香濃郁，滋味十足，無論自己食定係送禮都係一流之選。
而瑤柱裹蒸糭則以香糯軟綿嘅糯米包住用玫瑰露醃製嘅匈牙利豬肉，甘香味美，係端午節經典嘅鹹肉糭。
另外，嘉麟樓亦推出了自家炮製嘅手工醬料系列，包括XO辣椒醬、四川風味辣椒醬同潮式辣椒醬，
用來搭配糭一齊食，更添豐富滋味，提升整體口感。
端陽禮盒包含咗金腿乾鮑裹蒸糭，再配上嘉麟樓秘製XO辣椒醬，係與摯愛歡聚端陽嘅理想選擇。
鹹肉糭推介 - 香港半島酒店嘉麟樓
價錢及預訂詳情：香港半島酒店嘉麟樓（按此預訂即享限時優惠）
自取地址：尖沙咀中間道18號半島酒店辦公大樓6樓漢口廳 1
自取日期：2026年6月6日至6月19日
鹹肉糭推介｜10. 一粥麵：端陽獻禮端午粽套裝+送$40電子優惠券
人氣中式餐飲專門店「一粥麵」今年端午節推出咗「端陽獻禮端午粽套裝」，讓你一次過試齊4款端午節靚粽，
無論係鹹粽定甜粽都一應俱全，包括金華火腿粽、五香鹹肉粽、黑糯米豆沙粽同蓮蓉鹼水粽，
保證令你同家人一齊大快朵頤，盡享佳節美味！
即日起，經網站預訂端午粽套裝，更送總值逾$40電子優惠券，
包括一粥麵皇牌椰汁喳咋、紅豆冰、HK$5優惠券同滋補養生湯包HK$5優惠券，優惠多多，實在唔可以錯過！
金華火腿粽選用頂級金華火腿同鹹蛋黃，配搭豬腩肉、花生、黑豆等豐富材料，鹹香濃郁，餡料十足；
而五香鹹肉粽則用上原隻鹹蛋黃同豬肉，再加入五香調味，味道層次分明，香氣四溢，係經典鹹肉粽嘅代表之選。
一粥麵嘅端午粽套裝係今年端午最正最抵嘅選擇！
鹹肉糭推介 - 一粥麵
價錢及預訂詳情：一粥麵（按此預訂即享優惠）
自取地址：
- 2026年6月1日至6月15日期間，可憑QR Code到一粥麵全線分店 (機場、香港站、青衣長發、屯門醫院分店除外) 換領
- 2026年6月16日至6月21日期間，只可到以下指定分店領取：
- 柴灣新翠花園分店、樂富廣場分店、美孚曼坊分店、將軍澳都會駅分店、屯門錦薈坊分店、馬鞍山新港城分店及上水彩園廣場分店。
- *由於此期間貨量有限，請於到店換領前與分店查詢（分店電話）
鹹肉糭推介｜11. 香港麗思卡爾頓酒店：鮑魚瑤柱裹蒸糭
講起鹹肉糭，點可以唔提香港麗思卡爾頓酒店嘅招牌之作——鮑魚瑤柱豚肉裹蒸糭！
呢隻糭真係高級到冇朋友，用咗頂級食材，包括矜貴鮑魚、乾瑤柱，再加上精選五花腩豬肉，
全部足料足秤，咬落去層次豐富，啖啖都係精華，軟糯香濃又唔會滯，完全展現五星級酒店嘅功架。
鍾意食鹹肉糭嘅朋友，呢隻糭真係必試，唔止係味道正，連外觀都一樣高貴有氣派。
今年酒店仲特別推出咗全新設計嘅典雅禮盒包裝，送禮自用都夠晒體面，拎出街有面又得體，送比長輩、上司、客戶都非常啱。
依家經網站即日起至5月19日預訂，仲可以攞到早鳥優惠，買三送二，即係叫多幾盒分分鐘都唔肉赤！
總之，呢款鮑魚瑤柱鹹肉糭真係集齊晒「高貴」、「足料」、「滋味」、「送禮首選」幾大元素，
無論你係糭迷，定係搵緊啱送禮嘅選擇，都唔可以錯過！
今年端午，豪啲啦，畀自己試下五星級鹹肉糭嘅滋味！
鹹肉糭推介 - 香港麗思卡爾頓酒店
價錢及預訂詳情：香港麗思卡爾頓酒店（按此預訂即享限時優惠）
自取地址：香港麗思卡爾頓酒店9樓大堂
鹹肉糭推介｜12. 九龍香格里拉：香宮鮑魚裹蒸粽
講起精緻鹹肉糭，九龍香格里拉酒店旗下嘅香宮都一定上榜。
每年端午節都吸引唔少糭迷朝聖，原因好簡單：真材實料、靚料炮製，加埋中菜名店級嘅手工，絕對係鹹肉糭界嘅天花板。
今年香宮就推出咗兩款匠心精製嘅鹹肉糭，全部都係用心之作，仲配埋設計優雅嘅禮盒，無論送禮定自用都夠晒有格調。
第一款係大熱之選——香宮鮑魚裹蒸粽，嚴選優質鮑魚、瑤柱同厚切五花腩豬肉，
餡料豐富得嚟層次分明，入口鮮香鹹香交融，糯米軟糯而唔黏牙，啖啖都係心機。
食落去完全感受到咩叫頂級傳統鹹肉糭，難怪年年都係人氣王。
第二款就係香宮瑤柱裹蒸粽，走精緻路線，以上乘乾瑤柱為主角，配搭香濃豬肉同特色調味，味道冇咁濃郁霸氣，
但勝在口感細膩、鹹香中見清香，適合鍾意淡啲口味、注重層次感嘅你。
兩款都係高質之選，睇你鐘意濃味定淡口味啦～
而家即日起至5月25日，喺指定網站預訂仲可以享有限時85折優惠，想試高質鹹肉糭或者準備送禮嘅朋友真係要快手啲。
禮盒包裝又大方得體，送畀老細、屋企人、親友都夠晒體面，係尊貴送禮不二之選！
鹹肉糭推介 - 九龍香格里拉
價錢及預訂詳情：九龍香格里拉香宮（按此預訂即享優惠）
自取日期及時間：2026年6月4日至6月16日
鹹肉糭推介｜13. 鴻福堂：原隻鮑魚瑤柱豚肉裹蒸糭
鴻福堂今年端午節糭款選擇都幾多，走得係比較貼地同實食路線，而且早鳥優惠低至75折，價錢都算吸引。
原隻鮑魚瑤柱豚肉裹蒸糭係比較矜貴嘅一款，加入原隻鮑魚、瑤柱同豚肉，餡料豐富，食落夠晒滿足。
想試少少新意，可以揀黑松露金腿瑤柱冬菇豚肉糭，黑松露香氣加上金腿同瑤柱，味道會再濃郁啲，適合鍾意香口糭嘅朋友。
另外仲有梅菜五花肉紹興糭，梅菜香氣配上五花肉同紹興酒風味，屬於較惹味嘅口味之一，適合鍾意重口味糭子嘅人。
鹹肉糭推介 - 鴻福堂
價錢及預訂詳情：鴻福堂（按此預訂即享優惠）
自取地址：換領詳情
自取日期：2026年6月8日至6月14日
鹹肉糭推介｜14. 唯港薈：黑松露鮑魚裹蒸糭
唯港薈今年端午節由米芝蓮推介中菜廳「天外天」推出兩款糭子，鹹甜俱備，鹹糭主打款用料相當矜貴。
黑松露金腿瑤柱鮑魚裹蒸糭係絕對嘅鹹糭焦點，內藏原隻七頭南非鮑魚、日本北海道瑤柱、金華火腿、黑松露、花菇、燒腩肉同鹹蛋黃，餡料豐足，鹹鮮味濃，入口盡是珍貴食材嘅鮮味層次，竹葉清香夠晒講究。
另外，天外天仲有自家製 XO 醬，用上多款上乘材料及香料炮製而成，鮮辣香濃，配埋佢哋嘅鮑魚裹蒸糭食更加惹味，為糭子增添更多風味層次。
鹹肉糭推介 - 唯港薈
價錢及預訂詳情：唯港薈（按此預訂即享優惠）
自取地址：尖沙咀科學館道17號唯港薈酒店28樓天外天中餐廳
自取日期：2026年6月12日至6月18日
鹹肉糭推介｜15. 香港逸東酒店：至尊鮑魚瑤柱裹蒸糉
香港逸東酒店今年由逸東軒主理推出兩款裹蒸糉，其中鹹糭主打款用料相當講究。
「至尊鮑魚瑤柱裹蒸糉」係經典鹹糭，由逸東軒行政總廚譚棟師傅嚴選珍貴食材，包括原隻鮑魚、晶瑩剔透鹹蛋黃、頂級瑤柱、燒鵝及上等爽滑花菇等，傳統材料豐足，用料相當矜貴。
綠豆同糯米比例均勻，口感豐富紮實，每一口都齒頰留香，鹹鮮味足，屬於鹹糭嘅穩陣之選，向來備受客人愛戴。
鹹肉糭推介 - 香港逸東酒店
價錢及預訂詳情：香港逸東酒店（按此預訂即享優惠）
自取地址：九龍彌敦道380號香港逸東酒店G樓層
自取日期：2026年6月12日至6月18日
鹹肉糭推介｜16. 奇華餅家：雙黃金華火腿瑤柱裹蒸粽
奇華餅家今年端午節推出經典金腿鹹肉粽系列，主打傳統鹹糭，用料講究，屬鹹味派之選。
雙黃金華火腿瑤柱裹蒸粽係主力鹹糭，用上雙黃金華火腿同瑤柱，鹹香濃郁，餡料豐足，屬於傳統裹蒸粽嘅經典演繹，味道穩陣冇得輸。
另外仲有金腿鹹肉粽，同樣以金華火腿同鹹肉入饌，鹹鮮味足，是不少家庭每年必食嘅鹹糭之選。
鹹肉糭推介 - 奇華餅家
價錢及預訂詳情：奇華餅家（按此預訂即享優惠）
自取地址：適用於奇華餅家香港各分店(崇光百貨分店及香港國際機場分店除外)
自取日期：2026年5月18日至6月16日
鹹肉糭推介｜17. 太興：原隻鮑魚元貝裹蒸粽、原粒元貝鹹肉粽
奇華餅家今年端午節推出經典金腿鹹肉粽系列，主打傳統鹹糭，用料講究，屬鹹味派之選。
雙黃金華火腿瑤柱裹蒸粽係主力鹹糭，用上雙黃金華火腿同瑤柱，鹹香濃郁，餡料豐足，屬於傳統裹蒸粽嘅經典演繹，味道穩陣冇得
講到端午節，梗係唔少得食糭啦，特別係鹹肉糭，真係越嚼越有味，食完一隻想再食多隻！
今次我哋精選咗14間人氣鹹肉糭商戶，每間都有自己獨特風味，有啲走傳統路線，糯米煙韌、鹹蛋黃夠香；
有啲就創新啲，入面加埋瑤柱、黑毛豬、香菇、燒鴨乜都有，滿足唔同人口味。
無論你係送禮定自己食，都總有一款啱你心水。
而家唔好等到最後一刻先嚟搶，人氣款真係好快賣晒，有啲仲要預訂添！
快啲bookmark低呢篇文，揀返幾間你最鍾意嘅，提早落單，開開心心迎接端午節～糭，就係要食得開心、食得滋味！
此外，ReUbird 網上平台亦爲大家搜羅了全港18區的玩樂飲食情報，如有興趣不妨去看看~