| 街頭小食-掃街首選 |
| 性價比高餐廳 |
| 文青 Cafe |
無論你係住喺深水埗，定係喺深水埗返工嘅朋友，應該都知道呢區有唔少好嘢食！無論係街頭小食、性價比高嘅餐廳定係文青Cafe，只要你講得出，深水埗都會有！今日小編都為大家搵咗9間深水埗高質餐廳，一齊睇睇有邊幾間啦！
街頭小食 - 掃街首選
價格親民又貼地嘅街頭小食都係香港嘅其中一樣特色。而嚟深水埗，就點都要掃下街喇！小編為大家精選咗幾間深水埗掃街舖頭，部份仲係獲得米芝蓮指南推介㗎！
1. 十八座狗仔粉
宜家已經買少見少嘅狗仔粉，相傳係戰前由順德媽姐帶到香港嘅街頭小食，因為造型似唐狗尾巴所以先叫做「狗仔粉」。講真，如果唔係因為呢間舖頭，小編到今日都可能唔知究竟狗仔粉係咩味啊！舖頭唔單獲得米芝蓮推薦，仲要係24小時營業，夜媽媽肚餓果陣，食碗狗仔粉醫肚就啱曬喇！而除咗招牌狗仔外，火鴨髀碗仔翅亦係小店嘅必食推薦。下次大家經過深水埗，不妨嗌一碗試下喇！
圖片來自OpenRice
人均消費：$50以下
地址：深水埗福榮街88號地舖 (Google Map)
OpenRice 連結：按此
2. 公和荳品廠
講起深水埗平靚正美食，公和荳品廠絕對係深水埗家喻戶曉嘅小店，高峰期一日可以賣到800 - 900碗的豆腐花！呢間深水埗老店經營超過60年，堅持以古法製作豆腐花，每日凌晨1時，師傅就會開始準備製作手磨豆腐花。店內選用加拿大黃豆，口感又香又滑。如果第一次幫襯嘅，可以試下佢哋嘅招牌熱豆腐花同煎釀豆！
圖片來自OpenRice
人均消費：$50以下
地址：深水埗北河街118號地下 (Google Map)
OpenRice 連結：按此
3. 合益泰小食
作為深水埗居民由細到大都會幫襯嘅舖頭，雖然細細間唔起眼，但因為太好味，加上曾獲米芝蓮街頭小食，所以經常會大排長龍。而呢到最出名嘅就係腸粉啦！腸粉軟滑帶有米香，加上混合豬油的花生醬，每日仲可以賣出超過5,000條！價錢仲要好親民，當早餐都得，下午茶又得！
圖片來自OpenRice
人均消費：$50以下
地點：深水埗桂林街121號地舖 (Google Map)
OpenRice 連結：按此
性價比高餐廳 - 糧尾慳錢推介
又到月尾，想食正嘢但又想守住個銀包點算好？即刻睇下小編為你推薦嘅幾間CP值爆棚嘅深水埗餐廳啦！
1. 文記車仔麵
嚟到深水埗覓食，當然唔少得文記車仔麵啦！連續3年獲得米芝蓮街頭小食嘅文記車仔麵，成日吸引唔少遊客慕名而來，品嚐佢哋嘅牛肚、牛腩或牛栢葉。大家下次經過深水埗，不妨都可以試下！
圖片來自OpenRice
人均消費：$50以下
地址：深水埗福榮街123號地下C舖 (Google Map)
OpenRice 連結：按此
2. 水門泰式海南雞飯專門店
位於深水埗西九龍中心嘅水門泰式海南雞飯專門店，價錢相宜又好味，據聞長期都要排長龍。不過如果想試美食嘅話，絕對值得排隊試下！
圖片來自OpenRice
人均消費：$50以下
地址：深水埗欽州街37號西九龍中心8樓美食廣場55號舖 (Google Map)
OpenRice 連結：按此
3. 牛極
想喺深水埗食到平靚正牛扒？去「牛極」就啱曬啦！入到去，買飛落單、攞飯、拎沙律同醬汁等，全部都係自助，鍾意食幾多就拎幾，夠晒方便，價錢仲要非常親民！而牛扒會由石板裝住，可以自己控制幾多成熟，唔洗驚太熟或者太生。如果塊石板唔夠熱，隨時可搵店員幫忙更換！
圖片來自OpenRice
人均消費： $51-100
地點：深水埗菴由青山道195A號雅怡居地舖 (Google Map)
OpenRice 連結：按此
文青Cafe - 享受慢活時光
喺深水埗掃完街、又品嚐完地道嘅平價餐廳，想搵個地方坐下可以去邊好呢？原來深水埗都有唔少文青 cafe 㗎！一齊去睇下喇！
1. 十常八九
呢間新開無幾耐嘅深水埗咖啡店，行精緻日系風格，店內設有榻榻米座位，光線柔和、氣氛溫馨，打卡一流！店內主打一系列自家製日式甜品，例如招牌法式吐司、焦糖布丁、草莓忌廉奶油蛋糕等。同時有各式特調飲料如黃豆黑糖豆乳、焙茶鮮奶、柚子烏龍茶等，每款食品賣相精緻，打卡一流！
圖片來自OpenRice
人均消費：$51-100
地點：深水埗黃竹街2號地舖 (Google Map)
OpenRice 連結：按此
2. Coffee Matters
充滿懷舊特色嘅深水埗Cafe，店舖有唔少自家烘焙的咖啡同埋簡單嘅輕食供應。一場去到，大家可以試下佢哋嘅招牌黑咖啡。Fruity嘅咖啡，就算對黑咖啡抗拒嘅人都會較易接受。
圖片來自OpenRice
人均消費： $50以下
地點：深水埗基隆街170號地舖 (Google Map)
OpenRice 連結：按此
3. Colour Brown X PHVLO HATCH
呢間以懷舊風為主題嘅深水埗咖啡店，當中最吸睛嘅係店內嘅旋轉梯，影相一流。Cafe中提供幾款特色手沖咖啡、輕食及蛋糕。餐廳亦更設有戶外座位，帶埋寵物去一齊歎咖啡休息都得！
圖片來自OpenRice
人均消費： $51-100
地點：深水埗黃竹街13號地下 (Google Map)
OpenRice 連結：按此
唔知大家睇完呢篇深水埗美食攻略，又揀好咗自己心水嘅深水埗餐廳未呢？
你可能會感興趣嘅更多十八區美食攻略：
【觀塘美食】精選餐廳 / Cafe｜文青靚景Cafe、惹味美食、足料抵食餐廳