十個女仔有九個都鍾意浪漫與驚喜，而對於求婚呢個充滿儀式感嘅環節，更加係唔少女仔所著緊及期待嘅。
揀啱求婚地點，唔止可以令整個求婚儀式浪漫難忘，女朋友亦更易Say YES 。
今日 ReUbird 小編整理咗幾個浪漫嘅求婚地點，無論宜家嘅你係咪無頭緒煩惱緊，定係已經有曬初步求婚計劃，都可以參考下以下內容！
浪漫求婚場地推介：
求婚場地推介
求婚場地推介｜1. 旅行求婚
旅行係唔少香港人都鍾意做嘅野，如果雙方都鍾意旅行，旅行求婚係一個唔錯嘅選擇。係威尼斯嘅河畔上，伴隨著船夫浪漫嘅情歌，係小船上向另一半求婚。
又或係日落嘅巴黎鐵塔下，聽住另一半講出「我願意」呢三個令你幸福滿溢嘅字，都係一個好難忘嘅回憶。結婚多年後，兩個人仲可以去返當初求婚嘅地方舊地重遊，諗起都覺得sweet！
求婚場地推介｜2. 燭光晚餐上求婚
燭光晚餐雖然係一種比較老嘅求婚方式，但都係最經典、最溫馨嘅。
如果想係餐廳進行求婚儀式，就需提早book定餐廳，同工作人員商量好個流程。
浪漫嘅燭光晚餐，配上無敵維港大海景，係呢個完美嘅環境下絕對可以為求婚儀式營造出浪漫嘅氣氛。
而如果想親自下廚，係家中進行燭光晚餐，就需要提早係房間準備好佈置道具，例如花瓣、氣球、閃燈、玫瑰花、蠟燭等裝飾物品。
當女友見到你咁有心思準備一切，一定十分驚喜感動，即刻say YES。
求婚場地推介｜3. 海邊求婚
聽著海浪聲、赤腳漫步沙灘，男友突然單膝跪下...海邊求婚呢種偶像劇劇情相信都係唔少女仔所渴望得到嘅求婚儀式。
如果想更加浪漫，都可以叫埋朋友幫手，提早於沙灘上將蠟燭擺成心形，夠曬浪漫！
求婚場地推介｜4. 電車求婚
坐住叮叮漫遊港島，係唔少情侶拍拖時都會做嘅低消費活動。電車上舉辦生日party就聽得多，但又有冇諗過於電車上求婚呢？
香港電車公司提供紅色古典電車、綠色古典電車、普通載客電車及「電車全景遊」電車的租借服務，兩個月前接受預約。
一般情侶都會選有曬香港特色嘅紅色或綠色古典電車作求婚，同時於電車上舉行party，邀請親友見證。（詳情：按此）
求婚場地推介｜5. 酒店求婚
要係私癮保密又安全、浪漫寧靜又唯美嘅情況下得到女方Say Yes，酒店就係你嘅不二之選。
而作為一間適合求婚嘅酒店，酒店房整體裝潢要夠高貴浪漫、房間面向海景，所以book房間果陣都要留意清楚各樣細節。
如果男士們可以比多啲心機，提早買定氣球、花束以及印有Marry Me字樣嘅氣球用作求婚佈置，相信女朋友一定好surprise，迫不及待想嫁比你~
（圖片來自互聯網）
5.1. 香港半島酒店
香港半島酒店自開業90年以來，一直係慶祝同求婚嘅首選之地，並榮獲《福布斯旅遊指南》五星評級。
客房設計簡約而優雅，融合經典同現代風格，有大面窗，喺日落時，策劃一場難忘嘅求婚驚喜，留低美好回憶。
你可以喺享用完精緻嘅下午茶後，入住特級豪華海景套房，盡享壯觀嘅維港景色，讓另一半感受到如公主般嘅尊崇待遇。
酒店大堂更有現場音樂演奏，營造出浪漫嘅氛圍，為求婚增添成功嘅機會！
求婚場地推介 - 香港半島酒店｜詳情
5.2. 香港迪士尼樂園酒店
無論你嘅另一半係咪迪士尼迷，香港迪士尼樂園酒店都係一個超浪漫嘅求婚場地。
酒店就好似童話入面嘅宮殿，從華麗嘅維多利亞式建築到每一磚每一瓦，都令你沉醉喺迪士尼嘅夢幻世界入面。
你可以根據摯愛嘅喜好或者慶祝場合，額外加購啲迪士尼主題商品同活動，為對方帶嚟驚喜。
酒店嘅專業團隊會事先了解你嘅需要，仲會安排場地佈置等求婚服務，務求幫你創造一個浪漫又難忘嘅求婚時刻。
求婚場地推介 - 香港迪士尼樂園酒店｜詳情
- 優惠及預訂：按此預訂即享優惠
- 地點：香港迪士尼樂園度假區
5.3. 香港瑰麗酒店
想籌辦一場難忘嘅求婚儀式？香港瑰麗酒店有迷人嘅維多利亞港海景，加上高雅嘅裝潢，絕對係女生心目中夢寐以求嘅打卡熱點。
喺海景下策劃嘅驚喜求婚，你可以喺雲石浴室鋪滿花瓣、擺放氣球，製造浪漫氣氛。
或者可以選擇喺 Club Lounge，無遮掩地享受維港美景，喺黃昏時分飲杯香檳，送上婚戒，絕對令人無法抗拒！
求婚場地推介 - 香港瑰麗酒店｜詳情
- 優惠及預訂：按此預訂即享優惠
- 地點：香港九龍尖沙咀梳士巴利道 18 號
5.4. The Pier Hotel
The Pier Hotel 嘅大露台真係無敵，望出去嘅美景彷彿置身於地中海，求婚絕對冇錯！
酒店嘅海景房讓你可以輕鬆欣賞到遊艇碼頭同壯觀山景。
酒店靠近三星灣，你哋可以喺沙灘上漫步求婚，或者一齊喺海上玩立式滑浪、划艇，喺海中央表白，肯定會令對方超級感動。
求婚場地推介 - The Pier Hotel｜詳情
- 優惠及預訂：按此預訂即享優惠
- 地點：香港西貢白沙灣街9號
求婚場地推介｜6. 迪士尼樂園求婚
迪士尼動畫係唔少女仔嘅童年回憶，迪士尼樂園都係唔少女仔嚮往嘅地方。
如果你嘅另一半係一位迪士尼粉絲，帶佢去迪士尼樂園，比個童話式嘅求禮儀式佢都係唔錯嘅選擇。
迪士尼樂園可代為安排情侶同與心愛嘅卡通人物或公主合照時，突然送上驚喜，所以記得提早同工作人員溝通好啦！
（圖片來自互聯網）
求婚場地推介 - 迪士尼樂園｜詳情
求婚場地推介｜7. 中環摩天輪求婚
摩天輪係幸福嘅象徵，相傳當摩天輪達到最高點時，如果與戀人親吻，兩個人就會永遠係埋一齊，長長久久。
而如果於摩天輪上求婚，相信都十分浪漫。細細個嘅摩天輪包廂，被浪漫嘅維港夜景包圍住，幸福嘅情侶在包廂相擁，女方嘅手上突然多左枚戒指，咁你地嘅愛情亦係呢一刻得到昇華。
（圖片來自互聯網）
求婚場地推介 - 中環摩天輪｜詳情
求婚場地推介｜8. 家中求婚
如果已經有自己安樂窩，或者係同居緊嘅情侶，亦都可以選擇係家中求婚。
不過係家中求婚就要揀好時機啦！唔少女仔都鍾意於求婚後影相留念，所以男士們就千其唔好趁女朋友又素顏又頹look嘅時候求婚呀，否則佢可能嬲你成世呀！
求婚場地推介｜9. Party room 求婚
9.1. White House
想要舉辦一場夢幻求婚？白色主題嘅北歐式婚禮花架，搭配迷人嘅北歐風壁爐，絕對係你理想中嘅完美場地。
巨型婚禮派對室有1500尺超寬敞空間，最多可以容納80位親友，，讓你嘅摯愛可以喺最愛嘅人面前，感受到滿滿嘅祝福。
新裝修嘅場地設有獨立洗手間，方便又舒適，仲有24小時自助式studio等你隨時使用。
只需步行3分鐘就到荔枝角地鐵站，交通便利，輕鬆抵達。
場內設施一應俱全，免費WIFI、仲有超多打卡位等你影相。
捕捉你哋嘅幸福瞬間，讓每個回憶都變得特別。
3米波波池、100吋大螢幕、50吋電視，甚至仲有Switch同埋電動麻雀等遊戲。
仲準備咗超長1.8米雲石長枱，坐位超過三十個，仲有各種桌遊、撲克籌碼、狼人殺套裝等，保證令你嘅婚禮充滿歡笑同回憶！
求婚場地推介 - White House｜詳情
- 優惠及預訂：按此查詢預訂即享優惠
- 地址： 九龍長沙灣長沙灣道（地圖）
9.2. The Wood Terrace
如果你搵緊一個理想嘅場地求婚，The Wood Terrace 將會係你嘅完美選擇！
呢個環境優雅獨特嘅場地可容納40至60位賓客，有室內同戶外空間。
場地距離荃新天地非常近，交通便利，有電梯大堂同停車場，方便所有賓客到達。
場地面積達1000平方尺，包含400平方尺嘅室內空間同700平方尺嘅戶外區域，讓你可以喺自然環境中舉行婚禮，享受真樹嘅美景。
場內設有換衫房同冷氣敬茶區，有拱門及地花佈置、畫架同迎賓位置佈置，讓你嘅求婚更具儀式感。
此外，仲提供仿蛋糕供影相，助你捕捉每個珍貴瞬間。
預訂 The Wood Terrace，幫助你實現夢想中嘅求婚！
求婚場地推介 - The Wood Terrace｜詳情
- 優惠及預訂：按此查詢預訂即享優惠
- 地址：荃灣沙咀道368號形方（地圖）
婚姻係愛情嘅昇華，而求婚都係結婚前必不可少嘅一環。
相愛嘅人，總係想將最好嘅比另一半，希望以上嘅求婚地點可以比到大家小小幫助。
最後，願有情人終成眷屬，希望大家都有一個難忘又浪漫嘅求婚儀式～
想睇更多婚禮相關嘅資訊，可以睇睇以下嘅內容：