秋天來啦，又到咗食大閘蟹嘅季節！每年呢個時候，大閘蟹就成為餐檯上嘅明星，無論係清蒸、炒，或者各式各樣嘅蟹粉美食，都令人食指大動。
ReUbird 小編為大家介紹6間銅鑼灣大閘蟹餐廳，有人氣小炒、大閘蟹自助餐、大閘蟹點心，各種食法任你揀！
想食清蒸大閘蟹，蟹粉燴魚肚、蟹粉海皇稻庭烏冬、黃金蟹粉沾麵嘅你就記得睇落去啦，讓你一次過滿足所有對蟹嘅渴望！
銅鑼灣大閘蟹推介：
銅鑼灣大閘蟹推介｜1. 橋底辣蟹 - 港式海鮮中菜館
銅鑼灣大閘蟹推介｜2. 香港柏寧酒店 PLAYT - 「秋意·蟹樂」大閘蟹自助餐
銅鑼灣大閘蟹推介｜3. 喜記避風塘炒辣蟹 - 大閘蟹宴、招牌避風塘辣蟹套餐
銅鑼灣大閘蟹推介｜4. 八月花 - 陽澄湖大閘蟹盛宴
銅鑼灣大閘蟹推介｜5. 陶源酒家 - 2小時大閘蟹、片皮鴨放題
銅鑼灣大閘蟹推介｜6. 八味客棧 - 必食招牌黃金蟹粉點心
銅鑼灣大閘蟹推介｜7. 十里洋場 - 大閘蟹珍饈饗宴
銅鑼灣大閘蟹推介｜1. 香港柏寧酒店 PLAYT - 「秋意·蟹樂」大閘蟹自助餐
金秋十月，正係品嚐肥美蟹肉嘅最佳時節！今次柏寧酒店特別精選當季最肥美嘅江蘇大閘蟹，推出秋季限定大閘蟹自助餐。
每位客人可享用兩隻約重 4 両嘅清蒸大閘蟹，蟹黃濃郁、蟹肉鮮美。
（圖片來源：klook）
自助餐亦包括多款唔同煮法嘅大閘蟹蟹粉佳餚，例如蟹粉燕窩扒絹豆腐、蟹黃花彫溏心雞蛋、蟹粉忌廉汁意大利粉 及 蟹黃法式酥盒等。
同時有各式特色蟹肉菜式，如蟹肉栗米忌廉周打湯、香脆麵包糠焗蟹蓋及咸蛋黃軟殼蟹，讓蟹迷大滿足！
（圖片來源：klook）
除咗大閘蟹之外，自助餐亦提供即開生蠔、龍蝦、泰式生蝦、花菇鴨掌扣原隻鮑魚等多國菜式，美食種類多樣化。
現時自助餐仲做緊低至買二送一優惠！快啲約埋朋友一齊嚟柏寧酒店餐廳，享受呢個金秋與大閘蟹嘅美好邂逅。
（圖片來源：klook）
銅鑼灣大閘蟹 - 香港柏寧酒店 PLAYT 詳情
延伸閱讀：【大閘蟹自助餐】嚴選全港9間大閘蟹自助餐｜買1送1起歎爆膏大閘蟹+限定蟹饌
銅鑼灣大閘蟹推介｜2. 喜記避風塘炒辣蟹 - 大閘蟹宴、招牌避風塘辣蟹套餐
主打避風塘美食嘅「喜記」於灣仔及銅鑼灣均有設店，餐廳於今個秋季推出全新「二至四人大閘蟹宴」，設6-9道菜式，有清蒸大閘蟹公及乸，以及各款店內拿手菜，如紅燒竹笙翅煲、椒鹽九肚魚拼魷魚、蟹粉扒西蘭花等。
（圖片來源：klook）
套餐仲有包括蕃薯薑水，幫助大家驅寒。
此外，凡惠顧大閘蟹套餐，都可以半價優惠追加店內必試嘅招牌「避風塘炒辣蟹」一隻（原價 $780），相當抵食！
（圖片來源：klook）
銅鑼灣大閘蟹推介｜喜記避風塘炒辣蟹詳情：
延伸閱讀：【大閘蟹套餐推介】低至55折嘆清蒸大閘蟹、多款海鮮、蟹粉小籠包！
銅鑼灣大閘蟹推介｜3. 八月花 - 陽澄湖大閘蟹盛宴
按此預訂可享優惠
位於銅鑼灣皇室堡嘅八月花，環境雅緻舒適，主打粵式巧手中菜。餐廳於今秋推出陽澄湖大閘蟹盛宴，嚴選當季新鮮正宗陽澄湖大閘蟹，巧製8款精緻菜式。
大閘蟹套餐首先包括花雕醉頂鴿、椒鹽鮮鮑魚2款開胃前菜。主菜為2隻清蒸陽澄湖大閘蟹，分別係約5両公蟹或約4両母蟹，蟹黃飽滿如金，鮮甜肉嫩，品嚐最原始嘅大閘蟹鮮味。
隨後，食客可品嚐一系列巧手粵菜，有蟹粉海皇燴仿翅、鮮淮山炒帶子珊瑚蚌、蟹粉扒豆苗、瑤柱蛋白炒飯。隨餐奉送薑茶甜湯丸，幫大家驅驅寒。
銅鑼灣大閘蟹推介｜八月花 - 陽澄湖大閘蟹盛宴詳情：
銅鑼灣大閘蟹推介｜4. 陶源酒家 - 2小時大閘蟹、片皮鴨放題
今年陶源酒家再度推出人氣「2小時任食大閘蟹、片皮鴨放題」，經指定網站預訂即可享限量優惠，以及加送你蟹粉獅子頭一客、特盛三式每位一份！
（圖片來源：klook）
優惠折後人均$370起，就可以無限任食4種唔同煮法嘅大閘蟹，包括清蒸大閘蟹、鹽焗大閘蟹、太雕蒸大閘蟹，以及花雕熟醉蟹，一次盡享多種風味！大閘蟹色澤均勻，入口鮮嫩細膩。
（圖片來源：klook）
除咗可以任食大閘蟹，放題仲包括無限量任食嘅片皮鴨，超過20款滋味小菜同甜品，整體CP值唔錯！
（圖片來源：klook）
銅鑼灣大閘蟹推介｜陶源酒家詳情
延伸閱讀：17間超值大閘蟹放題+套餐+自助餐推介｜$249起歎爆膏大閘蟹！
銅鑼灣大閘蟹推介｜5. 橋底辣蟹 - 港式海鮮中菜館
行過銅鑼灣駱克道，你一定會被一陣陣撲鼻而來嘅辣蟹香味吸引，真係令人忍唔住想入去試一試！就係呢間海鮮中菜館——橋底辣蟹，專門為你帶來最正宗、最香辣嘅大閘蟹體驗。
（圖片來源：klook）
要炒出令人讚不絕口嘅辣蟹風味，當然係有秘製配方，但新鮮嘅貨源都係關鍵！
橋底辣蟹嘅師傅每日朝早6、7點就會親自到魚市場挑選最新鮮嘅海鮮，無論係海蝦、瀨尿蝦定係聖子，都係一流貨色，保證食得安心。
（圖片來源：klook）
講到招牌菜橋底辣蟹，食材更係精挑細選。
使用來自澳洲嘅泥蟹、越南蟹以及英國愛爾蘭蟹，搭配爆香蒜頭、蔥段同辣椒，再加上獨家秘製嘅調味料，炒出來嘅香味遠遠就可以吸引到你。
（圖片來源：klook）
令人食指大動，忍唔住想即刻品嚐。快啲約埋朋友一齊來享受呢份辣味盛宴！
（圖片來源：klook）
銅鑼灣大閘蟹推介｜橋底辣蟹詳情：
更多大閘蟹餐廳優惠
銅鑼灣大閘蟹推介｜6. 八味客棧 - 必食招牌黃金蟹粉點心
銅鑼灣最近多咗間新嘅點心館，叫做八味客棧。
呢間店嘅裝修真係好有feel，融合咗中西合璧嘅復古設計，橙黃色嘅絨面梳化配上古典木質餐具，入去就好似去咗古代客棧咁，仲有好多藝術擺設，環境又靚又舒服，真係好適合聚餐！
（圖片來源：八味客棧）
主打手工點心，菜單上有好多選擇，尤其係爆汁小籠包、麻辣燒賣、蘿蔔絲酥，同埋每年必食嘅蟹粉系列！
講到蟹粉系列，正值大閘蟹當造季節，必試嘅黃金蟹粉沾麵真係唔可以錯過！
（圖片來源：八味客棧）
呢道菜用咗固城湖直送嘅大閘蟹，每份有四隻蟹，仲加埋蝦頭油提味，香味十足。每條上海麵都沾滿咗濃濃嘅蟹粉，賣相超吸引，食落去一口就令人滿足！
（圖片來源：八味客棧）
如果唔想食得咁膩，記得試下蟹粉烤餅。呢個餅用咗炒熟嘅蟹粉混合豬肉做餡，外脆內嫩，餡料多到令人驚喜，真係好香口！
（圖片來源：八味客棧）
最大特色係你可以一邊食蟹粉，一邊飲住由哥倫比亞同日本咖啡豆以黃金比例調配而成嘅優質咖啡，味道簡直無敵！
（圖片來源：八味客棧）
銅鑼灣大閘蟹推介｜八味客棧詳情：
- 地址：銅鑼灣霎東街33號智選假日酒店1樓RHS號舖（地圖）
- 營業時間：星期一至日 11:30-22:00
銅鑼灣大閘蟹推介｜7. 十里洋場 - 大閘蟹珍饈饗宴
十里洋場以東方典雅氣韻為主裝潢，充滿氣派又有格調，餐廳由兩位行政總廚主理，主打正宗嘅淮揚名菜，餐廳仲會根據季節推出特色套餐，今期就推出咗金秋大閘蟹饗宴。
廚師團隊精心呈獻多款蟹饌，每道菜式各具特色：清蒸大閘蟹等食客可以品嘗到原味鮮甜，蟹膏飽滿；蟹粉龍躉球則鮮美彈牙，層次豐富；蟹黃生煎包香濃入味，滿溢蟹香。
銅鑼灣大閘蟹推介｜十里洋場詳情：
- 地址：銅鑼灣新寧道1號利園三期B1樓B01-B10號舖（地圖）
- 營業時間：星期一至日 11:30 - 15:00 / 18:00 - 23:00
以上介紹嘅7間銅鑼灣大閘蟹各有特色，無論你想慢嚐精緻蟹餐，亦或想無限食大閘蟹，相信總有一間適合你。
出發前預先網上預訂仲可享優惠，以更抵價錢品嚐大閘蟹～ 快啲約埋朋友或者家人，享受今個蟹季嘅美味盛宴。
如果想搵多啲大閘蟹餐廳，就記得睇埋以下大閘蟹推介啦！
更多大閘蟹推介文章：