放假想享受釣魚之樂，但唔知去邊間漁場好？今次 ReUbird 小編會爲大家推介香港7大漁場、釣魚地點，等新手都可以輕鬆享受釣魚嘅樂趣，總有一間適合你！
放假去邊玩？精選人氣香港好去處
香港漁場2026｜目錄：
- 香港漁場2026｜1. 大埔馬屎洲海岸地質公園
- 香港漁場2026｜2. 深涌大埔漁村生態游
- 香港漁場2026｜3. 積仔記港水包船釣魚團
- 香港漁場2026｜4. 維港夜釣墨魚體驗
- 香港漁場2026｜5. 波叔鴨仔坑釣魚場
- 香港漁場2026｜6. 滘西灣休閒垂釣樂園
- 香港漁場2026｜7. 大生漁業水產
香港漁場2026｜1. 大埔馬屎洲海岸地質公園
馬屎洲屬香港地質公園，呢度有成幾億年嘅沉積岩、獨特連島沙洲，平時好多人行自然教育徑打卡。而魚排就坐落馬屎洲附近船灣海海域，由三門仔聯益碼頭坐快艇幾分鐘就到，灣內風浪細，對新手、同埋帶埋朋友一齊 chill 嘅人超友好。
呢度本來就係養魚魚排，海水環境穩定，魚種都幾豐富，常見有泥猛、石斑、黑鯛、連烏頭都有機會上釣，落餌之後就坐低慢慢等，唔使周圍搬位，好適合慢活釣魚，想放空嘅朋友。
魚排體驗多數可以一併借齊竿、鈎同餌，唔使自己預備一大堆裝備。有師傅會簡單教點樣落線、點樣睇魚訊，一邊學一邊釣，中魚果下個拉力，真係好有滿足感！
香港漁場2026｜ 大埔馬屎洲海岸地質公園 詳情：
- 地點：大埔三門仔聯益碼頭
- 優惠及預訂：按此預訂即享優惠
香港好去處推介｜全港35+個熱門展覽/大型活動/室內好去處一次睇！😍
香港漁場2026｜2. 深涌大埔漁村生態游
深涌呢個隱世客家漁村真係好特別，同一般石灘、碼頭釣完全唔同風味。三面環山，有大草原、紅樹林同天然河道，空氣清新，遠離市區嘅車聲，係好多人專程嚟放空嘅地方。
由深涌碼頭搭小艇出去，幾分鐘就到浮喺海上面嘅養殖魚排。呢一帶灣內水流比較穩定，唔似外海咁大浪，對第一次試釣魚、同埋帶朋友、細路一齊玩嘅人好友善，唔會驚到暈船。
魚排本身係養魚用，海水環境穩定，魚種都豐富，最常見有泥猛，運氣好仲有黑鯛、烏頭，有時都會有細石斑上釣。
就算從未拎過魚竿都唔使緊張，呢度嘅手釣體驗多數有師傅帶住，有埋魚竿、鈎同餌可以借，仲會教你點落線、點樣睇竿尖嘅魚訊、中魚之後點收線。第一次感受到魚扯住個鈎果下拉力，真係好有成功感！
- 地點：西沙 GO PARK – GO PARK Aqua 碼頭
- 活動時長：約 4 小時 15 分鐘至 6 小時（上午 10:00 出發）
- 優惠及預訂：按此預訂即享優惠
香港漁場2026｜3. 積仔記港水包船釣魚團
想釣大魚，除咗去漁場，仲可以包船出海。「積仔記港水包船釣魚團」會按照天氣情況帶大家出海釣魚，艇上有廁所、天遮，配備GPS海圖魚探機及生艙等專業設備，可以坐到8位釣友。
漁船會視乎天氣去東水釣魚興趣點（螺洲，蒲台島，宋崗，東龍島等）、西水釣魚興趣點（青洲航道, 交倚洲, 青馬大橋, 昂船洲等，提供三個地點上落船，啱晒想體驗有專業設備出海釣魚嘅你～
香港漁場2026｜ 積仔記釣魚樂 港水包船釣魚團 詳情：
- 詳情及優惠預訂：按此預訂即享優惠
香港漁場2026｜4. 維港夜釣墨魚體驗
講香港釣魚，唔一定要走去大埔、西貢咁遠！維港呢個市區海中心，就有魚排可以玩夜釣墨魚，係好多香港人夏天必玩嘅節目，同日間釣魚感覺完全兩回事。
黃昏之後，由市區碼頭搭小艇出到維港，四周就係兩岸燈火，中環大廈、會展、尖沙咀燈光一一鋪開，吹住晚上海風，涼浸浸唔使曬太陽，呢個畫面真係好難替代。
師傅會教你將鈎落海，輕輕抽下條線，模擬小魚游動，引墨魚過來咬。當你個竿尖突然一震、有拉扯感，就代表墨魚上釣啦！第一次中魚果下好興奮，不過要小心，墨魚受驚隨時噴墨，分鐘染污件衫！
最正就係漁獲可以即場處理！好多船家都可以幫你白灼新鮮墨魚，啱啱先從海入面釣上來，灼完即刻食，肉質彈牙鮮甜，配芥末豉油，個鮮味真係超市買唔到。食住自己親手釣嘅墨魚，背後就係成個維港夜景，呢種體驗真係好難得，約朋友、拍拖、小團隊玩都超適合。
香港漁場2026｜ 維港夜釣墨魚體驗 詳情：
- 地點：觀塘公衆碼頭 (鄰近海濱道位置)
- 開放時間：19:20 - 22:30
- 優惠及預訂：按此預訂即享優惠
香港漁場2026｜5. 波叔鴨仔坑釣魚場
漁場同樣位於下白泥附近，屬於鹹水魚場。除咗提供日釣同夜釣之外，仲設有燒烤場，俾你同時享受釣魚同燒烤之樂，現場會有專人教你釣魚方法，大大提升釣大魚嘅機會！
（圖片來源：鴨仔坑（波叔）釣魚場Facebook）
漁場主要提供鹹水釣魚，常見魚獲包括黃腳鱲、黑鱲、金鼔、黃立倉、烏頭、大盲曹及大鱲魚等。
（圖片來源：鴨仔坑（波叔）釣魚場Facebook）
現場亦有提供魚竿租借與魚餌銷售，並有專人親自教授釣魚技巧，即使係完全無經驗嘅小朋友或新手都可以享受釣魚嘅成就感。
（圖片來源：鴨仔坑（波叔）釣魚場Facebook）
香港漁場2026｜ 波叔鴨仔坑釣魚場 詳情：
廷伸閱讀：【影相好去處 | 日落篇 • 下】新界離島9個影日落地點推介
香港漁場2026｜6. 滘西灣休閒垂釣樂園
滘西灣休閒垂釣樂園位於西貢，由西貢公眾碼頭搭船，15分鐘就可到達。魚排劃分為數個區域，包括垂釣區、兒童網魚樂園等等，如果想一家大細嚟釣魚，呢度一定滿足到你。
（圖片來源：滘西灣垂釣漁場 Facebook）
入場費用已經包含咗來回嘅接駁船票、基本釣具租借及魚餌（視乎具體套票而定），空手前來都可以享受釣魚樂趣。
（圖片來源：滘西灣垂釣漁場 Facebook）
場內亦提供咗海鮮餐同港式熟食餐飲服務，唔少食客稱讚食物質素相當不錯，非常適合玩攰咗直接在漁排上享用。
（圖片來源：滘西灣垂釣漁場 Facebook）
香港漁場2026｜ 滘西灣休閒垂釣樂園 詳情：
香港漁場2026｜7. 大生漁業水產
大生漁業水產位於元朗上白泥，鄰近后海灣。喺香港流浮山著名嘅本地傳統水產品牌，同時都係全港首個榮獲漁護署優質養魚場計劃「漁＋樂」資質認證嘅內陸休閒漁場。
（圖片來源：enjoyleisure.afcd.gov.hk）
遊客可以喺場內進行休閒垂釣同埋購買自家養殖漁產品，亦可品嚐以自家養殖漁產品為主嘅輕食。
（圖片來源：enjoyleisure.afcd.gov.hk）
另外仲有專業嘅魚塘生態導賞團，由專業人員帶領，深入了解香港內陸魚塘嘅日常操作同生態價值。
（圖片來源：enjoyleisure.afcd.gov.hk）
香港漁場2026｜ 大生漁業水產 詳情：
- 地點：新界元朗丈量約份第135約地段第101號段上白泥8A
- 開放時間：逢周六、周日及公眾假期；時間：11:00 至 19:00
- 【假日好去處】10個週末渡假必去方案，展開假日之旅！
- 【鶴咀】天涯海角最齊全指南｜交通、景觀打卡、路線推介
- 【半月灣】海灣美如其名，水質清澈如鏡，仿如進入異國渡假沙灘
- 【香港野餐】最齊20個靚景草地 逐一點評｜鬧市中心、隱世秘境、無敵海景