士多啤梨可以話係港人至愛，平時喺屋企就食得多，唔知你又有無諗過親自摘佢返嚟食呢？
香港有唔少本地士多啤梨園，每逢12月到4月係士多啤梨當造嘅日子，想摘佢返屋企嘅，就睇睇 ReUbird 小編以下落嚟嘅推介啦！
文章一共有以下部份：
1. 朗屏士多啤梨葡萄園
（圖片來源：Facebook@朗屏士多啤梨葡萄園）
呢間係屬於比較大型嘅士多啤梨園，面積逾5萬呎，仲係免費入場！裡面有多款日本名種士多啤梨、唔同品種嘅提子，全部都係摘幾多計幾多，無最低消費。有機蔬菜都可以喺度摘到！園內仲有幾隻羊仔，大家可以買園內提供嘅飼料餵食羊仔，同佢地近距離接觸~
（圖片來源：Facebook@朗屏士多啤梨葡萄園）
| 晚夏提子 （約5月開始摘） 紫黑色：爽脆無核 |
巨峰提子 （約7月開始摘） 深黑色：濃甜無核 |
香印提子 （7月至12月摘） |
由於12月左右先係士多啤梨豐收時期，建議大家到時先去。
基本資料：
地址：元朗大棠路大棠村（牌坊後面-球場側）（Google map）
營業時間：08:00 -18:00
收費：$90 - $150 / 磅（不同蔬果價格不同）
電話：9251 8926
網站：http://www.yl.hk/lpsb/i_map.html
Facebook：朗屏士多啤梨葡萄園
前往方法：朗屏西鐵站，轉乘K66巴士於「大棠站」落車／紅小巴-往大棠，於大棠村落車。
2. 開心花園農莊
（圖片來源：Facebook@Happy Garden Farm 開心花園農莊）
農莊四周好似一片花海，滿佈五顏六色嘅花同蔬果。喺呢度除咗可以購買自己摘咗嘅水果之外，仲可以買唔同嘅瓜菜、本地鮮花盆栽、種子、有機泥同有機肥料，大家可以買返屋企體驗種植嘅過程。
（圖片來源：Facebook@Happy Garden Farm 開心花園農莊）
園內設有兒童休憩區、休閒草地俾小朋友放鬆一下，充氣城堡係小朋友大熱之選！除此之外，園內更設有燒烤場，摘完水果後可以同朋友一齊享受燒烤之樂，度過美好假期。
基本資料：
地址：元朗大棠山道24號（Google map）
營業時間：
- 星期一至四 12:00 - 18:00
- 星期五 12:00 - 20:00
- 星期六、日 10:00 - 23:00
入場費：
- $ 40 / 位（大小同價，不含燒烤）
- 付費BBQ者：可豁免
- 不足1歲：可豁免
蔬果、充氣城堡、燒烤收費詳情：按此
電話：6018 8755 （黃小姐）、9868 5420 （蘇小姐）
Facebook：Happy Garden Farm 開心花園農莊
前往方法：
- 西鐵朗屏站（B2出口），轉乘K66接駁巴士（往大棠）→「大棠山路」巴士站落車，大棠山道站落車後，沿偉記食堂步行10分鐘就到。
- 元朗大棠搭紅van（元朗千色廣場停車場入口對面）→ 大棠山道路口落車→ 經偉記食堂步行約8分鐘就到。
備註：建議出發前致電查詢園內營業時間，隨時有可能會出現變動。
3. 上水天光甫士多啤梨園
（圖片來源：Facebook＠上水天光甫有機士多啤梨園）
呢個士多啤梨園係位於上水嘅有機認證農場，面積約3萬平方呎，爲免費入場。五年前開始轉有機耕種。場內仲除咗士多啤梨之外，仲有其他新鮮有機蔬菜可以摘，包括韮菜、荷塘芥蘭、 紅菜頭、油麥菜等。
（圖片來源：Facebook＠上水天光甫有機士多啤梨園）
園內更有格仔田可租出，設有擋雨棚，確保果實茁壯成長，格仔田查詢熱線：9768 3760。
基本資料：
地址：上水青山公路古洞段高爾夫景園1座（Google map）
營業時間：08:30 - 18:00
Facebook：上水天光甫士多啤梨園
前往方法： 上水火車站轉乘（約10分鐘車程）
- 17號紅van（元朗 <> 上水）- 天光甫落車
- 50K 51K 50A - 專線小巴天光甫落車
- 76K 九巴（上水 → 元朗） - 金錢村巴士落車
- 的士 - 天光甫巴士站落車
4.信林農場沉香園
（圖片來源：攝 / Nathaniel）
農園免費入場，主打本地有機蔬果，係本地最多士多啤梨品種嘅農場。場內有3種士多啤梨供採摘（日本、韓國、法國），按磅收費。
（圖片來源：攝 / Nathaniel）
園內另一賣點係士多啤梨果醬班，參加者可自製一罐士多啤梨醬，夠20人以上即開班。冬季會有時令有機蔬菜，例如芥蘭頭、扁椰菜及生菜等供自摘購買。一年四季都有蕃薯，想摘蕃薯嘅你隨時都可以起行，園內不設最低消費！
基本資料：
地址：粉嶺坪輋路雲泉仙館後門停車場側（Google map）
營業時間：09:00 - 18:00
網站：http://www.fedvmcs.org/farm_detail.php?fid=294
前往方法： 於粉嶺站C出口乘坐 52K專線小巴（前往坪輋），於昇平村落車步行至農場／於上水站A4出口乘坐76K巴士（前往打鼓嶺），於雲泉仙館落車步行至農場。
5. 大棠有機生態園
（圖片來源：ulifestyle）
大棠有機生態園佔地面積約80畝，有別於其他農場，除咗士多啤梨外，仲有荔枝、龍眼、楊桃、木瓜、大樹菠蘿等水果提供。
（圖片來源：ulifestyle）
付費後可以喺場內任摘任食，無時間限制，不過只限入園一次。園內設多元化活動，如有生態導賞團，俾大家更加認識到自然環境生態，導賞團包採摘時令蔬果，有興趣可以可致電園內查詢。採摘蔬果之後仲可以喺場內餵小動物（馬、小羊、駝鳥、孔雀、黑天鵝、錦鯉），但要注意唔可以觸摸或者抱起佢哋啊~
基本資料：
地址：元朗大棠山道11號（Google map）
營業時間：09:00 - 18:00／活動項目時間：10:00 - 17:30
收費：場內任摘任食 $130 / 位（包入場費）
網站：http://ttlv.hk/projects/ttov/
Facebook：大棠有機生態園
前往方法：於西鐵朗屏站轉乘K66接駁巴士到大棠山道路口下車，再沿小路步行約15分鐘，直達售票處。
備註：建議出發前致電查詢園內營業時間，隨時有可能會出現變動。
睇完小編嘅介紹，係咪心郁郁想快啲出發呢？其實除咗摘士多啤梨之外，ReUbird 仲有好多介紹新奇又好玩活動嘅文章，有興趣嘅可以click以下嘅link：
- 【今日好去處】嚴選香港熱門玩樂景點、活動及盛事推介（不斷更新）
- 【室內好去處推介】嚴選多個新穎室內玩樂活動，落雨天都啱玩！
- 【情侶拍拖活動】下白泥睇香港日落郊遊，玩埋透明波子營，抬頭望星星！
- 【流水響 | 打卡紅葉落羽松 天空之鏡超吸睛】
蛋糕分類：觀塘蛋糕｜尖沙咀蛋糕｜荃灣蛋糕｜銅鑼灣蛋糕｜旺角蛋糕｜元朗蛋糕｜沙田蛋糕｜屯門蛋糕｜荔枝角蛋糕｜中環蛋糕｜灣仔蛋糕｜葵芳蛋糕｜九龍灣蛋糕｜北角蛋糕｜將軍澳蛋糕｜佐敦蛋糕｜上環蛋糕｜長沙灣蛋糕｜太古蛋糕｜