想搵美食？咁你今次搵啱地方啦！一啲都唔誇張，紅磡嘅美食多到數唔曬，小編於是決定為大家總結一篇紅磡美食，囊括小食、主食、甜品，一次過滿足你所有願望！
瀏覽所有最新至抵餐飲美食優惠：按此
1. 串噹噹：惹味川菜 重口味的天堂
呢間好受歡迎嘅燒烤店，越夜就越多人，身為紅磡街坊嘅你點可以未試過？呢度最出名嘅就係佢哋即叫即燒嘅招牌生燒雞全翼。雞皮燒到脆卜卜，入面嘅雞肉更加係嫩滑多汁。
另外避風塘茄子都係高質之選。
仲可以食燒聖子、油鹽水澳洲刀貝。
呢間小店仲有得食川菜，麻辣燙、水煮魚都好有水準，因為啲香料同辣椒都係由師傅專程親赴四川及雲南購買。無辣不歡嘅你，快啲搵埋friend去食啦！
串噹噹
地址：紅磡蕪湖街78號 A 地舖 （顯示地圖）
（港鐵何文田站 A1 出口, 步行約7分鐘）
電話：6095 1519
營業時間：星期一至日6pm-2am
Openrice連結：串噹噹
圖片來源：Openrice、natyuen19（IG）
2. 1仔冰室：冠軍奶茶+靚蛋叉燒飯
冰室係香港人永遠嘅情懷，嘆杯靚奶茶，食個叉燒飯，簡單得黎又浪漫，而紅磡就有個「1仔冰室」。呢度嘅廚師一啲都唔簡單，沖嘅奶茶順滑香濃、茶味芳郁，仲沖出2018年國際金茶王大賽十年杯國總冠軍。除左熱奶茶，都有推出「樽仔奶茶」比鍾意凍飲嘅朋友。
一碗簡單嘅黯然銷魂飯，或者蔥油鴨髀煎蛋飯，上面都有一粒煎得好靚嘅燶邊煎蛋，澆上的豉油，香口又送飯。
棉花糖朱古力多士脆脆地，朱古力同棉花糖都好吸睛，而且唔會死甜。
1仔冰室
地址：紅磡必嘉街92-112號紅磡灣中心地下9C號舖（顯示地圖）
（港鐵黃埔站 B 出口, 步行約5分鐘）
電話號碼：3118 8111
營業時間：星期一至日 07:00 - 23:00
圖片來源：Openrice
3. 麵．睦月MUTSUKI：瀑布闊面
呢間小店嘅老闆將瀑布闊麵和流水烏冬由日本帶黎香港，所以麵質一定係信心保證，滑身帶甜，又吸湯。夏日炎炎，就要黎試下【日式冷瀑布闊麵】啦！瀑布闊麵質感Q彈滑溜，醬汁更別出心裁，褂滿醬汁瀑布麵，非常開胃⋯係透心涼嘅清爽！
除左冷食，都可以揀一碗熱辣辣嘅【天婦羅瀑布闊麵】，除此以外，仲有流水烏冬供選擇，例如價錢由大概$85-100不等，未食過嘅人去到紅磡就一定要去試試啦。
除左麵食，其實仲有飯類定食，例如滑蛋豬扒飯、親子飯、姜汁豬肉飯、滑蛋鰻魚飯.....全部都係$58-80不等，係CP值高嘅好選擇！
麵．睦月MUTSUKI
地址：紅磡湖光街7號聯盛大廈地下10B1號舖（顯示地圖）
（港鐵黃埔站 B 出口, 步行約3分鐘）
電話號碼：2633 2161
營業時間：
- 星期一至日 12:00 - 16:00；18:00 - 22:30
Openrice連結：麵．睦月MUTSUKI
圖片來源：Openrice、FB 專頁
4. Sweet Craft：手作開發新式甜品
Sweet Craft又老闆Jones創辦，大部分產品都係靠自主研發同手作，非常有心思。小店最引人注目格就係粉雪冰，當中焦糖海鹽粉雪冰更係爆熱款。粉雪冰分成三層，焦糖海鹽味的面層有忌廉芝士、焦糖脆脆同焦糖爆谷，夾層就係牛奶粉雪冰配焦糖醬，最底層係焦糖布丁，層次豐富。
黑糖紫薯粉雪冰：
小店產品有五款：粉雪冰、軟雪糕、鮮奶茶、沙冰奶及氣冰茶。
Sweet Craft
地址：紅磡黃埔天地百寶坊(第3期)地下G33號舖（顯示地圖）
（港鐵黃埔站 B 出口, 步行約5分鐘）
電話號碼：3543 1101
營業時間：星期一至日 11:30 - 23:00
Openrice連結：Sweet Craft
圖片來源：FB 專頁、Openrice
5. 鮮蒲：香氣鮮味 錫紙包海鮮粉絲
鮮蒲主打四川菜，更推出招牌【錫紙包海鮮粉絲】，以錫紙包裹著新鮮海產和粉絲，令海鮮的鮮甜味可以鎖在湯汁和粉絲中，加入木耳、茶樹菇、生菜等配料，以蠔油、醋、蒜、糖、薑絲、生抽及自家製醬料調味，因此湯底香味出眾，食過嘅人都大贊好味！
吸收曬精華嘅湯底好正！
店內另一招牌是津市牛肉粉（$52），選用牛坑腩，經過灼熟、香料炒香、慢燉等重重工序。
涼拌小菜亦有7款可供選擇，有素有葷。
鮮蒲
地址：紅磡祟志街29號地下（顯示地圖）
（港鐵黃埔站 A 出口, 步行約10分鐘）
電話：5703 8798
營業時間：
- 星期一至五 11:00 - 21:00
- 星期六 全日休息
- 星期日 11:00 - 21:00
Openrice連結：鮮蒲
圖片來源：FB 專頁、Openrice
6. 時新漢堡飽：懷舊純牛肉漢堡包
呢間紅磡老店出品的港式漢堡包一直都係香港人念念不忘嘅味道，味道比起賣相更加好味！夾係漢堡包入面嘅牛肉彈牙又Juicy，加埋時新嘅醬料同芝士，真系一大享受！
雙層漢堡芝士蛋包用嘉頓出品，兩層牛肉漢堡扒煎得外層焦脆、多汁牛油香，加上有燶邊煎蛋，口味豐富。
時新漢堡飽
地址：紅磡黃埔天地家居庭(第12期)地下G22-G23號舖（顯示地圖）
（港鐵黃埔站 C2 出口, 步行約3分鐘）
營業時間：8:30am-8:30pm
電話：2387 2868
Openrice連結：時新漢堡飽
圖片來源：FB 專頁
7. 紅磡雞蛋仔：人情味濃濃 老字號Pancake
係紅磡無人不識嘅小店，四十多年黎嘅手藝，深受街坊認證。唔單只價廉，仲要物美！Pancake厚身鬆軟，香口又新鮮足料，黎到紅磡唔好唔記得幫襯佢哋呀！第一次食，可以試下佢自創嘅蛋白肉鬆班戟，有超多惹味肉鬆。
圖片來源：littlemsfoodie
新鮮即製嘅班戟，煎得啱啱好，煙煙韌韌，有淡淡嘅蛋香，加上大大粒芒果肉，好好味呀！
圖片來源：hkfoodiesblogger
紅磡雞蛋仔
地址：紅磡大沽街寶利閣 2 號舖（顯示地圖）
（港鐵黃埔站 B 出口, 步行約4分鐘）
營業時間：
- 星期一至日 12:00-20:00（星期四休息）
Openrice連結：紅磡雞蛋仔
圖片來源：Openrice
8. 煎餅廚房：北京煎餅
台灣嘅手抓餅就食得多啦，北京煎餅你有試過未？原來呢度嘅餅皮由綠豆粉調配而成，餡料方面有最多人揀嘅片皮鴨煎餅，仲有有孜然羊肉、麻辣雞肉、咖喱雞肉、蒜香台灣腸及傳統油炸鬼，每日啲餡料同配菜都係新鮮炒製、手切。
京式煎餅餅皮微微濕潤，質感煙韌，不會太油膩，加上份量十足，經過都可以去試下架～
煎餅廚房
地址：紅磡蕪湖街83號地舖7號店（顯示地圖）
（港鐵黃埔站 A 出口, 步行約5分鐘）
電話：9266 1558
營業時間：
- 星期一至二 12:00 - 21:00
- 星期三 全日休息
- 星期四 12:00 - 21:00
- 星期五至日 11:00 - 21:00
- 公眾假期 11:00 - 21:00
- 公眾假期前夕 12:00 - 21:00
Openrice連結：煎餅廚房
圖片來源：FB 專頁
紅磡美食滿唔滿足到你為食嘅胃呢？睇埋條片，快啲約朋友仔去闖蕩紅磡，食曬啲美食啦！
其他相關文章：
1. 【銅鑼灣美食】搵食攻略：最齊全的銅鑼灣餐廳推介2020
3.【觀塘美食】精選餐廳 / Cafe｜文青靚景Cafe、惹味美食、足料抵食餐廳