Whatsapp Share Whatsapp Share
×
登入 註冊

聯絡我們 關於我們
×
登入 註冊

聯絡我們 關於我們
×
 Hong Kong hk 香港 玩樂雜誌 【求婚場地】娶得美人歸 | 浪漫求婚地點你要知
ReUbird 活動雜誌   #結婚 #場地
【求婚場地】娶得美人歸 | 浪漫求婚地點你要知

點先娶得美人歸?係邊求婚比較大機會成功?幫你諗埋求婚場地啦!


by Juliette

📷Travel |🐾Photography


十個女仔有九個都鍾意浪漫與驚喜,而對於求婚呢個充滿儀式感嘅環節,更加係唔少女仔所著緊及期待嘅。揀啱求婚地點,唔止可以令整個求婚儀式浪漫難忘,女朋友亦更易Say YES 。今日小編整理咗幾個浪漫嘅求婚地點,無論宜家嘅你係咪無頭緒煩惱緊,定係已經有曬初步求婚計劃,都可以參考下以下內容!


1. 旅行求婚

旅行係唔少香港人都鍾意做嘅野,如果雙方都鍾意旅行,旅行求婚係一個唔錯嘅選擇。係威尼斯嘅河畔上,伴隨著船夫浪漫嘅情歌,係小船上向另一半求婚;又或係日落嘅巴黎鐵塔下,聽住另一半講出「我願意」呢三個令你幸福滿溢嘅字,都係一個好難忘嘅回憶。結婚多年後,兩個人仲可以去返當初求婚嘅地方舊地重遊,諗起都覺得sweet!


圖片來自互聯網


2. 燭光晚餐上求婚

燭光晚餐雖然係一種比較老嘅求婚方式,但都係最經典、最溫馨嘅。如果想係餐廳進行求婚儀式,就需提早book定餐廳,同工作人員商量好個流程。浪漫嘅燭光晚餐,配上無敵維港大海景,係呢個完美嘅環境下絕對可以為求婚儀式營造出浪漫嘅氣氛。而如果想親自下廚,係家中進行燭光晚餐,就需要提早係房間準備好佈置道具,例如花瓣、氣球、閃燈、玫瑰花、蠟燭等裝飾物品。當女友見到你咁有心思準備一切,一定十分驚喜感動,即刻say YES。

圖片來自互聯網


3. 海邊求婚

聽著海浪聲、赤腳漫步沙灘,男友突然單膝跪下...海邊求婚呢種偶像劇劇情相信都係唔少女仔所渴望得到嘅求婚儀式。如果想更加浪漫,都可以叫埋朋友幫手,提早於沙灘上將蠟燭擺成心形,夠曬浪漫!


圖片來自互聯網


4. 電車求婚

坐住叮叮漫遊港島,係唔少情侶拍拖時都會做嘅低消費活動。電車上舉辦生日party就聽得多,但又有冇諗過於電車上求婚呢?香港電車公司提供紅色古典電車、綠色古典電車、普通載客電車及「電車全景遊」電車的租借服務,兩個月前接受預約。一般情侶都會選有曬香港特色嘅紅色或綠色古典電車作求婚,同時於電車上舉行party,邀請親友見證。(詳情:按此


圖片來自互聯網


5. 酒店求婚

要係私癮保密又安全、浪漫寧靜又唯美嘅情況下得到女方Say Yes,酒店就係你嘅不二之選。而作為一間適合求婚嘅酒店,酒店房整體裝潢要夠高貴浪漫、房間面向海景,所以book房間果陣都要留意清楚各樣細節。如果男士們可以比多啲心機,提早買定氣球、花束以及印有Marry Me字樣嘅氣球用作求婚佈置,相信女朋友一定好surprise,迫不及待想嫁比你~


圖片來自互聯網


6. 主題樂園求婚

迪士尼動畫係唔少女仔嘅童年回憶,迪尼斯都係唔少女仔嚮往嘅地方。如果你嘅另一半係一位迪士尼粉絲,帶佢去迪士尼,比個童話式嘅求禮儀式佢都係唔錯嘅選擇。迪士尼樂園可代為安排情侶同與心愛嘅卡通人物或公主合照時,突然送上驚喜,所以記得提早同工作人員溝通好啦!


圖片來自互聯網


7.摩天輪求婚

摩天輪係幸福嘅象徵,相傳當摩天輪達到最高點時,如果與戀人親吻,兩個人就會永遠係埋一齊,長長久久。而如果於摩天輪上求婚,相信都十分浪漫。細細個嘅摩天輪包廂,被浪漫嘅維港夜景包圍住,幸福嘅情侶在包廂相擁,女方嘅手上突然多左枚戒指,咁你地嘅愛情亦係呢一刻得到昇華。


圖片來自互聯網


8. 家中求婚

如果已經有自己安樂窩,或者係同居緊嘅情侶,亦都可以選擇係家中求婚。不過係家中求婚就要揀好時機啦!唔少女仔都鍾意於求婚後影相留念,所以男士們就千其唔好趁女朋友又素顏又頹look嘅時候求婚呀,否則佢可能嬲你成世呀!


圖片來自互聯網


婚姻係愛情嘅昇華,而求婚都係結婚前必不可少嘅一環。相愛嘅人,總係想將最好嘅比另一半,希望以上嘅求婚地點可以比到大家小小幫助。最後,願有情人終成眷屬,希望大家都有一個難忘又浪漫嘅求婚儀式~


想睇更多婚禮相關嘅資訊,請click以下嘅內容:

【喜帖寫法】結婚喜帖格式內容 教你撰寫完美囍帖

【人情公價2020】結婚人情利是 酒店婚宴/ 酒樓婚宴人情價位人情參考



熱門文章




關鍵詞:
香港 【求婚場地】娶得美人歸 | 浪漫求婚地點你要知  香港   香港   香港