海洋公園哈囉喂2025｜最齊全攻略！必玩6大鬼屋/韓國猛男show｜附門票優惠+時間表！

海洋公園哈囉喂2025已正式開鑼！今年海洋公園將以「頑魂」為主題，由即日起至2025年11月2日推出海洋公園「哈囉喂全園祭 2025」！

想知今年海洋公園哈囉喂有咩玩？ReUbird 小編率先為大家準備咗海洋公園哈囉喂2025全攻略，集合必玩亮點，包括全新6大驚嚇鬼屋、10大嘩鬼匯演、必睇韓國猛男show等！亦有哈囉喂主題美食、親子活動、多個打卡位等。

海洋公園哈囉喂門票 現時推出限時優惠低至9折，$222起即可以玩盡3間鬼屋！即睇介紹喇！

最新海洋公園哈囉喂套票優惠 👉🏻

海洋公園哈囉喂2025 全攻略：

1. 海洋公園哈囉喂2025｜開放日期及時間
2. 海洋公園哈囉喂2025｜門票優惠及價格 
3. 海洋公園哈囉喂2025｜全新6大驚嚇鬼屋
4. 海洋公園哈囉喂2025｜必睇10大嘩鬼表演
5. 海洋公園哈囉喂2025｜親子活動
6. 海洋公園哈囉喂2025｜必影打卡位
7. 海洋公園哈囉喂2025｜期間限定活動
8. 海洋公園哈囉喂2025｜哈囉喂美食及精品
9. 海洋公園哈囉喂2025｜遊玩購票小貼士

1. 海洋公園哈囉喂2025｜日期及開放時間

今年海洋公園「哈囉喂全園祭 2025」將於即日起至 11 月 2 日期間舉行。

而全新6大鬼屋驚嚇體驗則由10月10日起開始，並於以下指定日期及時間開放：

海洋公園哈囉喂2025｜鬼屋開放日期及時間：

• 開放日期：2025年10月10至12日、17至19日、24至26日、29日、31日及11月1-2日
• 開放時間：下午5:00至下午11:00

2. 海洋公園哈囉喂2025｜哈囉喂景點門票

按此查看最新門票優惠！🎫

今年海洋公園推出左三款哈囉喂景點門票組合，現時經Klook更可以優惠價預訂，低至9折！

2.1 哈囉喂景點門票｜全日門票 + 鬼屋套票：

2.2 哈囉喂景點門票｜全日門票 + 六大鬼屋門票 + 海洋快證（進階版）：

2.3 哈囉喂景點門票｜6大鬼屋套票：

3. 海洋公園哈囉喂2025｜必玩6大鬼屋

優惠購買 6大鬼屋套票 👉🏻

3.1 海洋公園哈囉喂2025｜怨靈盲盒

海洋公園哈囉喂驚嚇指數最高之一嘅鬼屋！曾經風靡一時嘅盲盒玩具因不明原因而被突然停產，竟恐怖殺人事件有關？呢個被詛咒嘅玩具今季已重新上市，歡迎各位狂粉前來朝聖！

(圖片來源：海洋公園）

玩家進入玩具店前抽一份盲盒，隨即啟程進入離奇詭異嘅玩具世界！越走越陰森…… 染血眼球、牙齒和人體殘肢遍佈盲盒嘅製作工房，記得睇實你啲手手腳腳，否則隨時被怨靈附身嘅公仔捉走！

(圖片來源：海洋公園）

玩完鬼屋意猶未盡？今年海洋公園哈囉喂特設抽怨靈盲盒專區，不妨試試手氣，睇下會唔會一抽入魂開中激罕隱藏版，定係錯手解鎖暗黑怨靈，從此永無寧日？

海洋公園哈囉喂2025｜怨靈盲盒詳情：

• 地點：海濱樂園 | 怡慶坊
• 日期：2025年10月10至12日、17至19日、24至26日、29日、31日及11月1-2日
• 時間：下午5:00-下午11:00
• 門票價錢：
  1. $130 一次（每日下午4:30起於景點門外即場售賣，數量有限，售完即止。）
  2. 網上購買優惠套票，$225起玩盡3間鬼屋！

• 驚嚇程度：★★★★★ ＋

3.2 海洋公園哈囉喂2025｜港詭奇案

多宗香港奇案表面看似塵埃落定，實則一切另有內情？

自命破案高手嘅癲狂神探帶你踏進城中一角嘅神秘結界，重返香港駭人奇案案件現場，穿梭雨天連環殺手、屋邨情殺等命案，抽絲剝繭揭開血腥真相！

(圖片來源：海洋公園）

海洋公園哈囉喂2025｜港詭奇案詳情：

(圖片來源：海洋公園）

3.6 海洋公園哈囉喂2025｜噬魂墓地

亡靈節本應為迎接逝者靈魂歸家嘅節日，一唔小心竟然被扯入恐怖嘅怨靈空間！

地下墓穴骷髏頭骨堆積如山，無親無故嘅孤魂野鬼破墓而出，誓要將活人拉進地獄⋯⋯沿途更有可能遇見傳說中會為人帶嚟不幸嘅哭泣女鬼，是福是禍？由你揭曉！

(圖片來源：海洋公園）

海洋公園哈囉喂2025｜噬魂墓地詳情：

• 地點：高峰樂園 | 沖天搖擺船旁
• 日期：2025年10月10至12日、17至19日、24至26日、29日、31日及11月1-2日
• 時間：下午5:00 - 下午11:00
• 門票價錢：
  1. $130 一次（每日下午4:30起於景點門外即場售賣，數量有限，售完即止。）
  2. 網上購買優惠套票，$225起玩盡3間鬼屋！

• 驚嚇程度：★★★★

想玩齊咁多間鬼屋？必搶鬼屋組合門票！🎫

4. 海洋公園哈囉喂2025｜必睇10大嘩鬼匯演

4.1 海洋公園哈囉喂2025｜華麗地獄OPPA Show

上年吸血鬼Oppa焫㷫全場，今個海洋公園哈囉喂延續狂野韓風，陰間爆紅「華麗地獄OPPA Show」將於海洋公園魅惑上演！

(圖片來源：海洋公園）

全員C位惡魔天團 – NAMJA6남자集結一眾魔鬼男神，以邪魅恐怖造型強勢登場！想近距離欣賞各位型男Oppa嘅演出，記得早啲搶先排頭位！

(圖片來源：海洋公園）

海洋公園哈囉喂2025｜華麗地獄OPPA Show詳情：

• 地點：高峰樂園｜高峰樂園廣場
• 日期：10月10-12日、17-19日、24-26日、29日、31日及11月1-2日
• 時間：下午6:45、下午7:45、下午8:45、下午9:45

4.2 海洋公園哈囉喂2025｜ 惡靈獵殺隊

月黑風高，神秘嘅惡靈獵殺隊受召出動，以超合拍步法幫你辟邪除魔，誓要將所有遊魂惡鬼一網打盡！

(圖片來源：海洋公園）

海洋公園哈囉喂2025｜惡靈獵殺隊詳情：

• 地點：海濱樂園｜海濱樂園廣場 或 高峰樂園｜近翻天覆地
• 日期：10月10-12日、17-19日、24-26日、29日、31日及11月1-2日
• 時間：海濱樂園｜海濱樂園廣場 - 下午6:45
  高峰樂園｜近翻天覆地 - 下午8:00、下午9:00、下午10:15

4.3 海洋公園哈囉喂2025｜紙紥巨星回魂夜

今個海洋公園哈囉喂，紙由紮公仔組成嘅「早登極樂團」又再回魂，加埋風靡鬼界嘅「國際天后」，世紀同台以詭異舞步大展非人魅力！

(圖片來源：海洋公園）

海洋公園哈囉喂2025｜紙紥巨星回魂夜詳情：

• 地點：海濱樂園｜竹林天地
• 日期：10月10-12日、17-19日、24-26日、29日、31日及11月1-2日
• 時間：下午5:30、下午6:30、下午7:45、下午8:45

4.4 海洋公園哈囉喂2025｜亡靈樂隊

今年海洋公園哈囉喂，無樂不歡嘅「亡靈樂隊」將會走上街頭，彈奏出迷「魂」樂曲，帶動全場熾熱氣氛，一於人鬼同樂！

(圖片來源：海洋公園）

海洋公園哈囉喂2025｜亡靈樂隊詳情：

4.5 海洋公園哈囉喂2025｜異界折骨公仔舞

今年海洋公園哈囉喂大玩盲盒主題，除咗有盲盒鬼屋，更會有盲盒主題表演！

異界折骨奇人跳出盲盒結界，化身玩具公仔，強勁音樂節拍下，以超越人類極限嘅扭曲四肢，展現技驚四座嘅高難度詭異動作！

(圖片來源：海洋公園）

海洋公園哈囉喂2025｜異界折骨公仔舞詳情：

• 地點：海濱樂園｜海濱樂園廣場
• 日期：10月10-12日、17-19日、24-26日、29日、31日及11月1-2日
• 時間：下午6:15、下午7:30、下午8:45、下午9:30

4.6 海洋公園哈囉喂2025｜亡靈火花怪客

亡靈使者將於哈囉喂晚間登場，個個身懷火花絕技，以超乎想像嘅高難度動作，帶嚟驚險刺激嘅表演，全程令你膽戰心驚，尖叫連連！

(圖片來源：海洋公園）

海洋公園哈囉喂2025｜亡靈火花怪客詳情：

• 地點：高峰樂園｜海洋摩天塔旁
• 日期：10月10-12日、17-19日、24-26日、29日、31日及11月1-2日
• 時間：下午7:15、下午8:15、下午9:15、下午10:15

4.7 海洋公園哈囉喂2025｜亡靈狂歡慶典

浩浩蕩蕩嘅亡靈節慶典將會於哈囉喂盛大上演！「亡靈異域」掛滿七彩掛旗，喺慶典日間版期間，精靈嘩鬼趁機傾巢而出！喺輕快的音樂下，歡迎各路亡靈歸來。

一眾嘩鬼喺夜間將全部化身成為亡靈骷髏，走入人群驚嚇現身，一步一驚心，隨時就喺你左近！哈囉喂夜間更會有古怪嘅亡靈節人偶大陣仗出巡，屬人屬鬼齊齊「亡」情狂歡！

(圖片來源：海洋公園）

(圖片來源：海洋公園）

海洋公園哈囉喂2025｜亡靈狂歡慶典詳情：

• 地點：高峰樂園｜近海洋金銀島
• 亡靈狂歡慶典（日間版）
  • 日期：9月16-21日、23日、25日、30日、10月2-3日、5日、7-9日、14-16日、21-23日、28日及30日
  • 時間：下午12:00、下午2:00、下午3:30、下午5:00
• 亡靈狂歡慶典（夜間版）
  • 日期：10月10-12日、17-19日、24-26日、29日、31日及11月1-2日
  • 時間：下午6:30、下午7:30、下午8:30、下午9:30

4.8 海洋公園哈囉喂2025｜骷髏極樂天團

冥界最強樂隊組合「骷髏極樂天團」隆重登場哈囉喂！各成員以不死嘅搖滾精神，帶嚟狂野激情嘅重金屬音樂！

(圖片來源：海洋公園）

海洋公園哈囉喂2025｜骷髏極樂天團詳情：

• 地點：高峰樂園｜沖天搖擺船旁
• 日期：2025年10月10-12日、17-19日、24-26日、29日、31日及11月1-2日
• 時間：下午7:00、下午8:00、下午9:00、下午10:00

4.9 海洋公園哈囉喂2025｜ 怨靈盲盒開箱直播

今年盲盒熱潮席捲海洋公園哈囉喂！嘩鬼主播將會於哈囉喂現場直播盲盒開箱，引爆超人氣話題，究竟會否一抽入魂開中激罕隱藏版，定會錯手解鎖暗黑怨靈，從此永無寧日？

(圖片來源：海洋公園）

海洋公園哈囉喂2025｜怨靈盲盒開箱直播詳情：

• 地點：海濱樂園｜海濱樂園廣場
• 日期：10月10-12日、17-19日、24-26日、29日、31日及11月1-2日
• 時間：下午6:45、下午8:15、下午9:15、下午10:00

4.10 海洋公園哈囉喂2025｜天師殭屍跳跳跳

月光光照地堂，殭屍跳入人間同你眼望望，除咗西方鬼怪，中式嘩鬼們亦來臨海洋公園哈囉喂！

不過唔駛驚，有捉鬼天師坐陣同殭屍大鬥法，邊跳邊使出必殺技，降魔伏妖話咁易！

(圖片來源：海洋公園）

海洋公園哈囉喂2025｜天師殭屍跳跳跳詳情：

• 地點：海濱樂園｜竹林天地
• 日期：10月10-12日、17-19日、24-26日、29日、31日及11月1-2日
• 時間：下午6:00、下午7:15、下午8:15、下午9:15

5. 海洋公園哈囉喂2025｜親子合家歡活動

5.1 海洋公園哈囉喂2025｜全民Trick-or-Treat

萬聖節點少得Trick or Treat？今年海洋公園哈囉喂，超人氣Panda Friends將聯乘趣怪嘅Monster角色，齊齊扮鬼扮馬萌爆出動，想要糖果又想搗蛋嘅小朋友，快啲嚟同佢地玩轉哈囉喂！

親切嘅南瓜哥哥姐姐會同你大玩遊戲，贏走繽紛糖果。小朋友記得挑戰「盞鬼扑扑糖」，揮棒打敗邪惡力量，收集裡面嘅糖果！
(圖片來源：海洋公園）

海洋公園哈囉喂2025｜全民Trick-or-Treat詳情：

• 地點：海濱樂園 | 自然生態徑附近
• 日期：9月6日 - 11月2日
• 時間：上午11:00 - 下午5:00

6. 海洋公園哈囉喂2025｜必影打卡位

6.1 海洋公園哈囉喂2025｜嘩鬼突襲

每年海洋公園哈囉喂一大特色之一！哈囉喂嘩鬼神出鬼沒，你嘅尖叫就係佢哋嘅目的！留意身邊嘅奇怪鬼影，隨時出現喺你背後嚇你一驚！

(圖片來源：海洋公園）

6.2 海洋公園哈囉喂2025｜亡靈異域

哈囉喂「亡靈異域」大門已開，恭候大家全員歸位！

走在海洋公園高峰樂園大街，抬頭可見七彩繽紛嘅掛旗，指引各位遊魂來到節日祭壇。街上仲會有穿著奇裝異服嘅使者，大膽鬼不妨走近齊齊合照！

海洋公園哈囉喂2025｜5.3 光影盛夜：哈囉喂魅光派對

有陣神秘力量侵佔夢幻水都人工湖？海洋公園哈囉喂將會上萬聖節限定「哈囉喂魅光派對」，表情多多嘅南瓜怪以大型光雕投影邪惡登場，配合震撼嘅水幕特效同舞動噴泉，讓你同親朋好友沉浸喺奇幻嘅光影世界！

(圖片來源：海洋公園）

海洋公園哈囉喂2025｜光影盛夜：哈囉喂魅光派對詳情：

• 地點：海濱樂園 | 夢幻水都
• 日期：2025年9月6日 - 11月2日
• 時間：下午7:00

6.3 海洋公園哈囉喂2025｜潮玩盲盒站

海洋公園哈囉喂今年主推盲盒主題！「潮玩盲盒站」矚目登場，帶嚟多個主題打卡場景，快啲同好友走進精心設計嘅盲盒裝置，齊齊擺好甫士，化身成最吸Like嘅玩具公仔盡情打卡，投入全城盲盒熱潮！

(圖片來源：海洋公園）

海洋公園哈囉喂2025｜潮玩盲盒站詳情：

• 地點：海濱樂園

更多香港萬聖節好去處 🎃

7. 海洋公園哈囉喂2025｜ 期間限定活動

7.1 海洋公園哈囉喂2025｜劇本殺手機遊戲《魍》

今年海洋公園哈囉喂同TeamUnlock+ 合作，推出首個哈囉喂主題LARP實境手機遊戲，讓你親歷刻骨銘心嘅都市傳說，拆解從未證實嘅神秘現象！

只要喺哈囉喂鬼屋排隊區附近尋找QR code，同朋友齊齊用手機一掃開啟免費遊戲，你所熟悉嘅海洋公園一秒即變鬼魅空間！於園內探秘解開謎團，拼湊恐怖傳說嘅來龍去脈。過程中既要掩護同伴，又要小心成為下一隻替死鬼，刺激滿點！

海洋公園哈囉喂2025｜劇本殺手機遊戲《魍》詳情：

• 玩家人數：1-4 人
• 開始地點：海洋公園的鬼屋排隊區範圍
• 遊戲長度：彈性遊戲時間
• 期間限定：2025年10月1日至11月2日，公園開放期間

7.2 海洋公園哈囉喂2025｜ 必玩哈囉喂遊戲攤位

一場嚟到海洋公園，當然要挑戰遊戲攤位！哈囉喂限定系列獎品已陸續登場，熊貓迷必搶Panda Friends系列家姐「加加」南瓜造型同細佬「得得」糖果造型公仔，仲有可愛版跳躍殭屍、刀仔怪獸同吸血鬼橘貓，等你全部贏返屋企！

(圖片來源：海洋公園）

(圖片來源：海洋公園）

*凡購買港幣$500遊戲攤位現金券，即可獲贈家姐「加加」抱南瓜索繩袋 或 細佬「得得」抱糖果索繩袋乙件，數量有限，送完即止。

(圖片來源：海洋公園）

海洋公園哈囉喂2025｜必玩Panda Friends遊戲攤位詳情：

• 地點：海濱樂園及高峰樂園攤位遊戲
• 日期：由9月中旬起至換完即止
• *各區獎品款式不盡相同。

7.3 海洋公園哈囉喂2025｜哈囉喂彩繪攤位

由駐場專業化妝師出手，幫你畫上精緻嘅臉部或手臂彩繪，有亡靈節骷髏妝、血痕傷疤、火紅厲鬼同南瓜怪傑等任你選擇，打造至搶鏡嘩鬼造型，盡情享受海洋公園哈囉喂！

(圖片來源：海洋公園）

海洋公園哈囉喂2025｜哈囉喂彩繪攤位詳情：

• 地點：北極購物村 及 食尚水都
• 日期：2025年10月10至12日、17至19日、24至26日、29日、31日及11月1至2日（共13日）
• 時間：上午11:00 至下午5:00（北極購物村）、下午2:00 至晚上8:00（食尚水都）
• *開放時間只供參考
• *此為收費項目。海洋公園全年會籍優惠及其他優惠於「哈囉喂全園祭 2025」活動期間不適用。

海洋公園哈囉喂2025｜8. 萬聖節限定精品及美食

8.1 海洋公園哈囉喂2025｜必買Panda Friends記念品

今年Panda Friends可愛加盟海洋公園哈囉喂，特別推出一系列全新主題精品！必買推介家姐「加加」和細佬「得得」嘅萬聖節糖果袋、萬聖節大熊貓鏈胸針，仲有眼仔碌碌嘅南瓜公仔。

(圖片來源：海洋公園）

(圖片來源：海洋公園）

想嚇餐飽嘅你，記得入手「嚇我唔到—細佬『得得』徽章」，海洋公園哈囉喂期間有機會增加撞鬼機會，全晚撞到應一應！

(圖片來源：海洋公園）

細膽鬼必備「我驚驚—家姐『加加』徽章」，則有機會幫你避開海洋公園園內猛鬼，快來搶購傍身，全園通行！

(圖片來源：海洋公園）

海洋公園哈囉喂2025｜必買Panda Friends記念品 詳情：

• 地點：海濱樂園及高峰樂園指定紀念品店
• 日期：由9月中旬起陸續推出

8.2 海洋公園哈囉喂2025｜必食哈囉喂主題美食

今年海洋公園哈囉喂推出多款精彩限定美食，超人氣推介哈囉喂套餐「瘋魅盛宴」！

先以「絞盡腦汁」作前奏，幼滑帶子慕絲配蕃茄凍湯，酸酸甜甜格外提神。

(圖片來源：海洋公園）

主菜必食「狂野南神」，南瓜伴隨燴牛尾、豬仔骨與蝦餅，再用香濃的香茅南瓜汁震撼你的「魅」蕾！

(圖片來源：海洋公園）

鐘意食海鮮嘅朋友，必去冰極餐廳、海洋冰室同熊貓薈品嚐「加加得得哈囉喂南瓜焗海鮮意粉」，原隻靚南瓜盛載海鮮意粉，焗出滿滿滋味。

(圖片來源：海洋公園）

另外仲有冰極餐廳、水都餅店同熊貓薈都可以食到嘅「大熊貓寶寶南瓜西米布甸」，軟糯嘅西米布甸放喺原隻迷你南瓜盅內，等你打開好味秘密～

(圖片來源：海洋公園）

除左必試美食之外，仲可以試下末日特飲清涼解渴！

「明目獄骨茶」雞尾酒，感受杜松子酒同九龍醺店檸檬茶酒的嘅魅力！

骷髏頭粉絲必飲無酒精嘅「屍骨魅寒」，雪碧加上利賓納及金箔糖霜，清涼又夢幻。

(圖片來源：海洋公園）

海洋公園哈囉喂2025｜必食哈囉喂主題美食詳情：

• 地點：海洋公園內餐廳
• 日期：由10月10日下午五時起供應

9. 海洋公園哈囉喂2025｜遊玩及購票小貼士

ReUbird 小編幫大家整理咗幾個玩海洋公園哈囉喂嘅小貼士，咁就可以玩得開心又盡興啦！

1. 建議提早3-5日喺海洋公園官網或授權平台（例如 Klook）買定哈囉喂門票，不僅可以避免現場排隊，網上買飛仲可以抵啲！若計劃體驗多個鬼屋，優先選「鬼屋套票 + 入場劵」組合，比單獨購買慳得更多！
2. 記得留意哈囉喂鬼屋嘅開放日子，有啲日子鬼屋係唔開架～ （查看開放日子）
   
3. 入園穿搭以「便利」為主：避免著長裙、闊腿褲或者高踭鞋，鬼屋入面多狹窄通道，會容易絆倒或被裝置鉤住；另外可自備輕便外套，夜場園區風大，而且部分室內鬼屋冷氣較強。
   
4. 哈囉喂鬼屋入面光線昏暗，部分場景有模擬「高低差」「障礙物」，走動時記得放慢腳步，留意地面標識；如有暈眩、恐高或心臟不適等情況，及時按下場內「緊急呼叫鈕」，工作人員會迅速過嚟協助。
   
5. 帶住小朋友嘅家長，記得需要全程拖實小朋友，避免走失，而且小編唔建議帶小朋友體驗恐怖類鬼屋喔～
   
6. 海洋公園哈囉喂夜場結束時間多為 22:30-23:00，地鐵、巴士人流量大，建議提前 15-20 分鐘離園，前往交通樞紐；若自駕，記得影低停車位編號，避免返程時搵唔到車。

以上為大家整理咗最新海洋公園哈囉喂2025必玩攻略！

今年海洋公園哈囉喂活動相當豐富，即使唔敢挑戰鬼屋，亦有唔少值得入場體驗嘅哈囉喂活動，例如韓國地獄OPPA show、亡靈狂歡慶典等等，不論係相約好友，或係一家大細親子遊，都可以入場感受一下萬聖節氣氛！

除咗海洋公園哈囉喂，今年香港各區亦有舉行多個萬聖節活動！想知更多，可以睇睇以下文章介紹：

【萬聖節好去處】全港20+必玩萬聖節活動、好去處推介！